Kronikë e zezë

Vdekje e dyshimtë në Dragash, policia jep detaje

Dyshohet se ndaj një 67-vjeçareje u ushtrua dhunë në familje.

Published

3 years ago

on

Policia sot ka dhënë detaje lidhur me rastin e vdekjes së një gruaje në fshatin Kuk të Dragashit. Deri tani nuk ka të arrestuar apo dyshuar lidhur me rastin.

“Me 26.12.2022, ora 05:00 policia ka marr informatën se në fshatin Kuk,, KK Dragash ka ndërruar jetë një grua e moshës 67 vjeçare (S.D). Trupi pa jetë është gjet në shtëpinë e saj në fshatin Kuk. Pasi që e njëjta më herët e ka pas të raportuar një rast dhunë në familje dhe bazua dhe në ankesën e një qytetari, nga policët hetues nga Sektori i Hetimeve të Stacionit Policor Dragash, në konsultim me prokurorin dhe më pas me urdhër të prokurorit kujdestar është vendos që viktima të dërgohet në Institutin e Mjekësisë Ligjore për ekzaminim nga mjekët specialistë për të konstatuar shkakun e vdekjes. Ne ora 12:30, mjeku kujdestar i QMF Brodosan, pas kontrollit dhe ekzamenit fillestar në vendin e ngjarjes ka vërejtur se ne trupin e se ndjerës ka dyshime se ka shenja të dhunës. Me qëllim që të sqarimit të shkaktarit të vdekjes nga policia është hap rast “ Vdekje e dyshimtë””, ka bërë të ditur Policia.

Bazuar në të dhënat e Policisë, për këtë viktimë ka qenë i hapur vetëm një rast i dhunës në familje”, më 08.11.2022 dhe ky rast është proceduar në prokurori, derisa raste të tjera nuk ka pasur. Policia ka potencuar se për rastin në fjalë s’ka pasur urdhër mbrojtës.

“Ashtu siç pohohet në kallëzimin penal të këtij rasti, dhuna e shkaktuar ndaj viktimës në atë kohe ka qene në forme të dhunës psikike apo moskujdesit të duhur ndaj personit me nevoja te veçanta. Për këtë rast nuk ka pasur urdhër mbrojtës, sipas familjareve viktima ka pasur problem te shumta shëndetësore (nuk ka qene në gjendje të kujdeset për vete, nuk ka mundur të lëvizë as për nevoja bazike dhe fiziologjike). E ndjera nuk ka pasur familje te ngushte, nuk ka pasur fëmijë, ka qene e martuar për 15 vite por pas vdekjes se bashkëshortit është kthyer në familjen e vëllait për te jetuar. Pas vdekjes se vëllait për të janë kujdesuar kunata ( gruaja e vëllait) dhe nipi. Sektori Rajonal i Hetimeve nga Drejtoria Rajonale e Policisë në Prizren e ka marr rastin për hetim të mëtejmë, të cilat kanë ndërmarr dhe do të ndërmarrin të gjitha veprimet e nevojshme në bashkëveprim me prokurorin e rastit”, ka bërë të ditur tutje PK.

Related Topics:
Continue Reading

Kronikë e zezë

Në Mitrovicën e Jugut, sulmohen tre zyrtarë policorë

Published

18 hours ago

on

February 5, 2026

By

Një burrë është arrestuar në Mitrovicën e Jugut, pasi që gjatë një kontrolli Polica ka gjetur një thikë në veturën e tij.

Sipas Raportit ditor të Policisë, i dyshuari gjatë shoqërimit në stacion ka sulmuar tre zyrtarë policorë.

Zyrtarët policorë kanë pranuar tretman mjekësor, ndërsa i dyshuari me vendim të prokurorit është dërguar në mbajtje.

“Është arrestuar i dyshuari mashkull kosovar pasi që, në veturën e tij i është gjetur një thikë, ndërsa në stacionin policor ka sulmuar fizikisht tre zyrtarë policorë. Zyrtarët policorë kanë pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë.

Continue Reading

Kronikë e zezë

Policia Kufitare sekuestron marihuanë në Vërmicë

Published

18 hours ago

on

February 5, 2026

By

Një rast i posedimit të narkotikëve është regjistruar në Pikën e Kalimit Kufitar në Vërmicë.

Sipas informatave zyrtare, rreth orës 01:00, zyrtarët e Policisë Kufitare  kanë shoqëruar në stacion policor te dyshuarin, pasi që gjatë kontrollit të veturës së tij është gjetur dhe sekuestruar 3.32 gram substancë narkotike e dyshuar e llojit marihuanë.

Me vendim të prokurorit të shtetit, rasti vazhdon të trajtohet në gjendje të lirë.

Continue Reading

Kronikë e zezë

Vrasje në tentativë në Gjilan, dy të arrestuar pas shkëmbimit të zjarrit

Published

19 hours ago

on

February 5, 2026

By

Një person ka mbetur i plagosur si pasojë e një  shkëmbim zjarri në mes dy grupeve nga vetura, është raportuar në qytetin e Gjilanit.

Sipas informatave zyrtare, rasti ka ndodhur rreth orës 18:00. I plagosuri, ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Njësitet e hetuesisë kanë identifikuar tre persona të dyshuar. Dy prej tyre janë arrestuar.

Gjatë arrestimit, nga të dyshuarit janë konfiskuar 7 gëzhoja të kalibrit 9 mm, dy karikatorë me nga 18 fishekë të kalibrit 7.62 mm, telefona celularë si dhe dy vetura.

Me vendim të prokurorit të shtetit, dy të dyshuarit pas intervistimit janë dërguar në mbajtje, ndërsa hetimet lidhur me rastin po vazhdojnë.

Continue Reading

Kronikë e zezë

Pesë person të arrestuar në 24 orët e fundit për dhunë në familje

Published

19 hours ago

on

February 5, 2026

By

Në Policinë e Kosovës gjatë 24 orëve të fundit janë raportuar shtatë raste për dhunë në familje.

Dy raste të dhunës në familje janë raportuar në Fushë Kosovë.

Një burrë është arrestuar në Fushë Kosovë pasi dyshohet se ka sulmuar fizikisht viktimën grua.

Sipas Policisë, viktima ka pranuar tretman mjekësor, ndërsa i dyshuari  me vendim të prokurorit është dërguar në mbajtje.

“Është arrestuar i dyshuari mashkull kosovar pasi që, i njëjti dyshohet se ka sulmuar viktimën femër kosovare. Viktima ka pranuar tretman mjekësor. I dyshuari pas intervistimit me vendim të prokurorit dërgohet në mbajtje”, thuhet në Raportin e Policisë.

Rasti ka ndodhur me 04.02.2026 rreth orës 13:30.

Ndërkaq, raportohet së kanë nisur hetimet nga prokurori i rastit për një person I cili dyshohet se ka kryer veprën penale- dhunë në familje ndaj viktimës grua.

Rasti ka ndodhur më 04.02.2026 rreth orës 13:20.

“Është raportuar se i dyshuari mashkull kosovar kishte kryer veprën e lartcekur ndaj viktimës femër kosovare. Lidhur me rastin është njoftuar prokurori i cili ka urdhëruar fillimin e hetimeve”, sipas raportit 24- orësh.

Një person tjetër është arrestuar në Prishtinë, nën dyshimin se pas një mosmarrëveshje ka kanosur viktimën grua.

Pas intervistimit me vendim të prokurorit, rasti po trajtohet në gjendje të lirë.

“Është arrestuar i dyshuari mashkull kosovar pasi që i njëjti pas një mosmarrëveshje dyshohet se ka kanosur viktimën femër kosovare. Pas intervistimit , me vendim të prokurorit rasti vazhdon te trajtohet ne gjendje te lire”, thuhet në raport.

Ndërsa në Rahovec një grua është në kërkim nga Policia, pasi e njëjta dyshohet së ka kryer veprën penale dhunë në familje ndaj viktimës burrë.

Rasti ka ndodhur më 02.02.2026 rreth orës 15:00.

“Raportohet se e dyshuara femër kosovare ka kryer veprën e lartcekur ndaj viktimës mashkull kosovar. Rasti është duke u hetuar nga ekipet relevante policore, ndërsa e dyshuara ne kërkim policor”, sipas Policisë së Kosovës.

Edhe në Malishevë raportohet së një grua ka kryer veprën penal ndaj viktimës burrë.

Sipas Policisë me vendim të prokurorit pas intervistimit e dyshuara është dërguar në mbajtje.

“Viktima ka pranuar tretman mjekësor ndërsa me vendim të prokurorit e dyshuar pas intervistimit dërgohet në mbajtje” sipas raportit të fundit 24 orësh.

Në Mitrovicë një burrë është arrestuar për veprën penale-dhunë në familje.

Me vendim të prokurorit të rastit pas intervistimit, i dyshuari është dërguar në mbajtje.

Rasti ka ndodhur më 04.02.2026 rreth orës 10:00.

Ndërsa, rasti I fundit sipas raporti është regjistruar në Zveçan.

Një person dyshohet se ushtruar dhunë në familje deri sa ishte në gjendje të dehur.

Policia njofton se nuk ka persona të lënduar, ndërsa me vendim të prokurorit i dyshuari është dërguar në mbajtje.

Rasti ka ndodhur më 04.02.2026 rreth orës 04:00.

Continue Reading

Të kërkuara