Kulturë
“Vdekja na e rrëmbeu para kohe Buqen, por kujtimet dhe veprat e saj janë të pashlyeshme”
Varrimi Burbuqe Berishës do të bëhet sot në orën 15:00.
Published
4 years agoon
By
Betim GashiTeatrit Kombëtar në Prishtinë hapi dyert e tij edhe sot për regjisoren Burbuqe Berisha, por kësaj radhe jo për ndonjë vepër teatrale të saj, por për t’i dhënë asaj lamtumirën e fundit dhe për të nderuar jetën dhe veprën e regjisores. Homazhe tek arkivoli i saj sot bënë krerë të lartë institucional e figura të shumta nga kultura dhe arti.
Kryeministri i Kosovës, Albin Kurti i shoqëruar nga ministri i Kulturës, Rinisë dhe Sportit (MKRS), Hajrulla Çeku dhe kandidati i Lëvizjes Vetëvendosje (LVV), Arben Vitia bënë homazhe për regjisoren, Burbuqe Berisha.
Kurti pasi bëri homazhe tek arkivoli i regjisores të ndjerë tha se krijimtaria artistike e Burbuqe Berishës është kujtimi i pashlyeshëm që do të ngelet trashëgimi për brezat e ardhshëm.
“Angazhimi i saj e puna e saj për teatrin dhe filmin tek ne lë gjurmë të shkëlqyera në kulturën tonë, veprimtaria dhe krijimtaria artistike e Burbuqe Berishën pa dyshim që e bënë edhe kujtimin tonë për të, të pashlyeshëm por njëkohësisht ajo ngelet edhe si trashëgimit për brezat e ardhshëm e artdashësve që do vijnë pas saj. Unë kam pasur fatin që shpesh ta takoj e pa numër herë edhe të rrimë bashkë dhe të diskutojmë bashkë për artin dhe kulturën për filmat tek ne dhe në botë dhe ajo nuk ka qenë vetëm një artiste e talentuar por gjithashtu edhe një artiste e angazhuar që ka ndihmuar të tjerët dhe me debatet që ka marr pjesë e siguri që ka kontribuar edhe tek artistët tjerë të gjeneratës së saj por edhe ata që ishin pararendës dhe që vijnë pas saj. E kujtojmë me nderime dhe mall Burbuqe Berishën që vdekja na e rrëmbeu para kohe mirëpo asnjëherë nuk do mund të na i marr mbresat e fuqishme që ka tek ne me jetën dhe veprën e saj”, tha Kurti.
Ministri i Kulturës, Rinisë dhe Sportit, Hajrulla Çeku tha se komuniteti artistik ka humbur një punëtore të madhe, ndërsa shoqëria ka humbur një qytetare aktive dhe të zellshme.
Çeku u shpreh se Burbuqe Berisha frymën e saj të fundit e dha duke punuar për kulturën.
“Komuniteti artistik i Kosovës ka humbur një punëtore të madhe dhe të palodhshme ndërsa shoqëria kosovare ka humbur një qytetare aktive dhe të zellshme që asnjëherë nuk është ndal së punuari dhe së prodhuari në art dhe kulturë, dhe në momentin kur po jepte frymën e fundit Burbuqe Berisha ishte duke punuar, ishte duke na ndihmuar me regjinë e koncertit të parë të Operës së Kosovës, ishte pra në ambientet e ministrisë së Kulturës. Ishte moment i trishtë ne do e kujtojmë jetën dhe veprën e saj si ministri e Kulturës do bëjmë çmos që jetën dhe veprën e saj të përcillet brezave të ardhshëm dhe do të bëjmë krejt çka është në dispozicion që artistët e mëdhenj siç ishte Burbuqja ta kenë vendin e merituar në historinë artistike. Burbuqe Berisha ka lënë prapa një krijimtari shumë të pasur edhe filmike edhe teatrore ka qenë një urë lidhëse në mes artistëve të filmit dhe teatrit”, tha Çeku.
Homazhe tek arkivoli i regjisore, Burbuqe Berisha bëri edhe ish-ministrja e Kulturës, Vlora Dumoshi e cila tha se vdekja e Buqes është humbje e madhe për komunitetin kulturor dhe gjithë Kosovën.
“Buqen e kam pasur mike qysh në kohën e rinisë Buqja ka qenë një person i jashtëzakonshëm për neve edhe komunitetin kulturor dhe gjithë Kosovën është humbje shumë e madhe ka dhënë një kontribut të jashtëzakonshëm në fushën e kulturës në fushën e edukimit të gjeneratave të studentëve sepse ka ligjëruar, andaj kjo vdekje ka qenë e papritur sidomos për neve miket e saja. Uroj që puna e saj të kujtohet e gjithsesi do e kujtojmë edhe Buqen dhe do e kemi në shpirtin tonë. Unë i ngushëlloj familjarët për këtë humbje të madhe sepse ka qenë shtyllë e familjes përveç kontributit të saj në kulturë, në arsim Buqja ka pasur edhe një histori familjare e bija e një të burgosuri politik të cilët nuk e kanë pasur jetën e lehtë por Buqja ka qenë ajo që ka luftuar”, tha Dumoshi.
Regjisorja e njohur kosovare, Burbuqe Berisha ka ndërruar jetë dje, ndërsa varrimi saj do të bëhet sot në orën 15:00.
Lifestyle
Si të kujdeseni për flokët, sa shpesh duhet të priten?
Published
11 hours agoon
October 24, 2025By
UBT News
Prerja e flokëve është një pjesë thelbësore e kujdesit personal, dhe mënyra se si bëhet duhet të përshtatet me tipin e flokëve dhe stilin që dëshironi.
Edhe pse çdo person ka nevojat e tij, ekspertët rekomandojnë disa udhëzime për t’i mbajtur flokët të shëndetshëm dhe të bukur.
Flokët e shkurtër kërkojnë më shumë vëmendje dhe duhen prerë çdo 3-7 javë, në varësi të shpejtësisë së rritjes.
Nëse dëshironi të ruani një gjatësinë të caktuar, mund ta shtyni pak më shumë prerjen, deri në 4-5 javë.
Flokët e gjatë mund të presin më shumë, çdo 2-3 muaj, përveçse nëse janë shumë të dëmtuar.
Majat e flokëve të gjatë janë më të ndjeshme ndaj dëmtimit, ndaj prerjet e rregullta ndihmojnë në ruajtjen e shëndetit të tyre.
Flokët kaçurrela kërkojnë më pak prerje, çdo 10 javë, flokët me onde kanë nevojë për prerje më të shpeshtë për të hequr majat e dëmtuara.
Flokët e dëmtuar janë më të ndjeshëm dhe duhen prerë çdo 8 javë për të larguar majat e djegura e stimuluar rritjen e flokëve të rinj.
Për të pasur flokë të shëndetshëm dhe të bukur, është e rëndësishme të merrni parasysh jo vetëm stilin që dëshironi, por edhe gjendjen dhe ritmin e rritjes së flokëve tuaj. /A.Z/UBT News/
Kulturë
Del në ankand rezidenca verore e Benito Musolinit në Rimini
Published
12 hours agoon
October 24, 2025By
UBT News
Rezidenca verore e ish-diktatorit italian Benito Musolini, e njohur si “Villa Mussolini”, që ndodhet pranë qytetit Rimini në bregdetin e Adriatikut, do të dalë në ankand, raportojnë mediat italiane.
Pronari aktual ka vendosur ta nxjerrë vilën në shitje, ndërsa ofertat mund të paraqiten deri më 22 dhjetor.
Bashkia e Rixhonës ka shfaqur interes për të blerë pronën, që është përdorur falas për aktivitete kulturore dhe ekspozita, me leje nga pronarët e mëparshëm.
Bashkia synon ta blejë përfundimisht dhe të kryejë restaurime në ndërtesë.
Vila, e ndërtuar rreth vitit 1890, përfaqëson stilin tipik të shtëpive të pushimit në bregdetin e Adriatikut. Pronësia e saj ka ndryshuar disa herë, derisa në vitin 1934, Rakele Musolini, bashkëshortja e diktatorit, e bleu dhe e shndërroi në rezidencë verore të familjes.
Pas ekzekutimit të Musolinit nga partizanët italianë në 1945 dhe përfundimit të Luftës së Dytë Botërore, vila kaloi në pronësi të shtetit.
Edhe pse emri i pronës ka qenë shkak debatesh dhe polemikash, bashkia e Rixhonës ka vendosur të ruajë emrin historik “Villa Mussolini”. /A.Z/UBT News/
Kulturë
Hapet Java e Filmit të Frankofonisë në Prishtinë
Published
15 hours agoon
October 24, 2025By
UBT News
Në Prishtinë u hap Java e Filmit të Frankofonisë, një ngjarje e cila këtë vit zhvillohet nën temën “Moda dhe Kultura”.
Aktivitetet u çelën zyrtarisht me premierën e filmit “Couture” të Angelina Jolie, duke i dhënë tonin artistik dhe estetik këtij edicioni.
Publiku u magjeps nga një performancë artistike unike, që ndërthurte modën dhe teatrin, me synimin për të reflektuar ndikimin e kinematografisë franceze në botën e modës.
Në qendër të kësaj performance u shqua aktorja e Teatrit Kombëtar të Kosovës, Arta Selimi, e cila u paraqit me një veshje të veçantë dhe simbolike.
Veshja e saj ishte e frymëzuar nga filmi klasik francez “Peau d’âne” (Lëkura e gomarit), duke sjellë në skenë një atmosferë përrallore, elegante dhe magjike. Ajo përfaqësoi një bashkim harmonik midis modës bashkëkohore dhe estetikës filmike franceze.
Ky kombinim mes artit të filmit dhe dizajnit të modës shënoi një moment kulmor në hapjen e Javës së Filmit të Frankofonisë, duke dëshmuar fuqinë e bashkëpunimit kulturor dhe artistik ndërmjet vendeve frankofone dhe krijuesve kosovarë. /A.Z/UBT News/
Nëse nuk dimë si të përballemi në mënyrë të shëndetshme me stresin, plakemi më shpejt, dëmtojmë aftësitë tona kognitive, humbasim energjinë dhe bëhemi më pak aktivë e të paqartë në mendime.
Për ta shmangur këtë, më poshtë gjeni disa këshilla të dobishme për menaxhimin e stresit:
Ruani një qëndrim pozitiv.
Pranoni se ka situata që nuk mund t’i kontrolloni.
Shprehni ndjenjat dhe mendimet tuaja me qetësi në vend që të reagoni në mënyrë agresive ose pasive.
Mësoni dhe praktikoni teknika relaksimi, si frymëmarrja e thellë, meditimi apo joga.
Bëni aktivitet fizik rregullisht. Një trup në formë ndihmon edhe mendjen të përballojë më mirë stresin.
Ushqehuni shëndetshëm. Trupi ka nevojë për ushqim të mirë për t’u rikuperuar pas situatave stresuese.
Shmangni përdorimin e alkoolit si mënyrë për të lehtësuar stresin.
Kërkoni mbështetje nga miqtë dhe njerëzit e afërt.
Menaxhoni kohën në mënyrë efektive, në mënyrë që të shmangni ngarkesën dhe presionin e panevojshëm. /A.Z/UBT News/
UBT gati të mirëpresë nesër studiues nga e gjithë bota në Konferencën e 14-të Ndërkombëtare
UBT organizoi me sukses Konferencën e parë Ndërkombëtare të Mjekësisë Sportive
Apple shënon 20 vjet, iPhone me serinë e re në 2027
Kombinim i ri ilaçesh ngadalëson përparimin e kancerit të avancuar të prostatës
Johnny Depp rikthehet në Hollywood me film të ri
Kusari-Lila: Të dielën seanca e jashtëzakonshme për Qeverinë, ftesa është dërguar tashmë tek të gjithë deputetët
Në Kroaci po futet shërbimi i detyrueshëm ushtarak, parlamenti voton pro
Harroni emra, fikjen e shporetit apo takimet? Mjekët shpjegojnë shkaqet që e ngadalësojnë kujtesën
Liam Hemsworth dhe e fejuara e tij mahnitin në premierën e “The Witcher”
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoProfesori i UBT-së fiton grant prestigjioz kërkimor në Universitetin Çarls të Pragës
