Lajmet

Vdekja misterioze e Yevgeny Zinichevit – gjeneralit të besuar të Vladimir Putinit

Published

4 years ago

on

Një aksident ishte shkaku i vdekjes së ministrit rus të Emergjencave, Yevgeny Zinichev. Për shumë vite, ai ishte një njeri i besuar i presidentit Vladimir Putin.

Ai kishte qenë oficer i mbrojtjes së afërt të Putinit, guvernator i Kaliningradit, zëvendësdrejtor i Shërbimit Federal të Sigurisë dhe shef i një prej ministrive të rëndësishme të pushtetit shtetëror.

Sipas deklaratave zyrtare, gjenerali Zinichev, 55-vjeç, vdiq në mëngjesin e 8 shtatorit 2021, gjatë një vizite në pjesën arktike të Rusisë, deri sa po shpëtonte një anëtar të një ekipi filmi që kishte rënë nga buza e një shkëmbi në ujë.

Një ditë pas vdekjes, Putin i dha Zinichevit titullin “Hero i Rusisë“. Mirëpo, rrethanat aktuale të aksidentit mund të kenë qenë të ndryshme, thonë raportet jozyrtare. Sipas tyre, ishte ministri ai që ra në ujë dhe kameramani u përpoq ta shpëtonte. Me shumë gjasa, ne kurrë nuk do ta dimë se çfarë ka ndodhur në të vërtetë. Sidoqoftë, vdekja e papritur e tij është një ngjarje e madhe politike në Rusi.

Në fund të fundit, ky veteran i KGB-së, Shërbimit Federal të Mbrojtjes (FSO), Shërbimit Federal të Sigurisë (FSB) dhe së fundi Ministrisë së Emergjencave, është konsideruar si një person me poste të larta shtetërore. Në të vërtetë, Zinichev ishte një nga disa oficerët më të besuar të Putinit.

Ai shërbeu në FSO midis viteve 2006-2015. Gjithashtu ishte një nga ndihmësit e presidentit. Për më tepër, ai kishte shoqëruar Putin gjatë vizitave të tij në të gjithë vendin. Në vitin 2013, ai kreu trajnime në Akademinë Ushtarake të Shtabit të Përgjithshëm të Forcave të Armatosura. Dy vite më vonë, ai u bë shefi i FSB-së në rajonin e Kaliningradit.

Në verën e vitit 2016, ai u emërua guvernator i Kaliningradit. Pas kthimit në Moskë, ai u bë zëvendësdrejtor i FSB -së. Në maj të 2018-së, Zinichev u emërua ministër i Emergjencave. Emërimi i tij mund të ketë kërcënuar ndikimin e ish-ministrit të këtij institucioni, Sergey Shoygu i cili më parë ishte emëruar ministër i Mbrojtjes.

Por “lufta” midis siloviki [politikanët e ardhur nga qarqet e sigurisë] nuk ndodhi. Në vend të kësaj, Zinichev u mendua si një pasardhës i mundshëm i shefit aktual të FSB-së, Aleksandar Bortnikov. Sidomos pasi atij iu dha grada Koloneli i Përgjithshëm nga vet Putini.

Vdekja e Zinichev ndikon në ekuilibrin e aparatit të fuqisë në Rusinë e Putinit. Kjo ngjarje siguron një “lehtësim” jo vetëm për Bortnikovin, por edhe shefin aktual të FSO-së, Dmitry Kochnev. Kohëve të fundit është spekuluar se Zinichev mund ta zëvendësonte atë.

Duhet gjithashtu të theksohet se vdekja e tij ngushton grupin e kandidatëve pretendentë për të pasuar Putinin. Për më tepër, ajo forcon pozitën e Shoygut, i cili tani mund t’i merr nën kontroll pasuritë e Ministrisë së Emergjencave dhe t’i bashkoj ato në Ministrinë e Mbrojtjes.

Related Topics:
Continue Reading

Lajmet

Ekstradohen nga Gjermania dhe Franca dy persona të kërkuar nga Kosova

Published

58 minutes ago

on

December 24, 2025

By

Dy persona të kërkuar me urdhërarrest ndërkombëtar janë ekstraduar për në Kosovë, në kuadër të bashkëpunimit ndërkombëtar policor.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, më 23 dhjetor 2025 ka realizuar ekstradimin e dy shtetasve kosovarë, L.V. (1990) dhe A.M. (1991). Njëri prej tyre është ekstraduar nga Gjermania, ndërsa tjetri nga Franca.

Sipas njoftimit zyrtar, ekstradimi është bërë falë bashkëpunimit të ngushtë me autoritetet e këtyre dy shteteve. Të dyshuarit ishin arrestuar nga autoritetet gjermane dhe franceze, pasi kërkoheshin me urdhërarrest ndërkombëtar të lëshuar nga institucionet e drejtësisë së Republikës së Kosovës.
Të njëjtit dyshohen se kanë qenë të përfshirë në vepra penale të ndara dhe se i janë shmangur drejtësisë.

Pas ekstradimit, ata u janë dorëzuar njësive përkatëse të Policisë së Kosovës në rajonin e Prishtinës, përkatësisht atë të Gjilanit, për vazhdimin e procedurave të mëtejme ligjore.

Continue Reading

Lajmet

Punëtorët e KEK-ut në protestë, kërkojnë rritje pagash

Published

1 hour ago

on

December 24, 2025

By

Sindikatа e Re e Korporatës Energjetike të Kosovës (SRKEK) sot po organizon një protestë paqësore me punëtorët e KEK-ut, para zyrave qendrore të ndërmarrjes në sheshin “Nëna Terezë” në Prishtinë.

Kjo protestë po mbahet si reagim ndaj kërkesës për rritje pagash, ku punëtorët kërkojnë trajtim më të drejtë dhe përmirësim të kushteve ekonomike në përputhje me përgjegjësitë dhe rrezikun e punës së tyre. Protesta po vazhdon, e cila ka nis nga ora 11:00.

Continue Reading

Lajmet

Energjia gjatë sezonit të dimrit, KOSTT mban konferencë për media

Published

2 hours ago

on

December 24, 2025

By

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Continue Reading

Lajmet

Arb Manaj lojtari më i vlefshëm në Superligë, i afrohet vlerës së milionëshit

Published

2 hours ago

on

December 24, 2025

By

Sulmuesi i Dritës, Arb Manaj të dielën e kaluar e fitoi “Topin e Artë” në futbollin e Kosovës, si futbollisti më i mirë i Superligës, i cili iu dha nga Federata e Futbollit e Kosovës.

Manaj tashmë është edhe futbollisti më i vlefshëm i Superligës së Kosovës, së bashku me futbollistin e Ballkanit, Giovannin.

Sipas “Transfermarkt”, dy lojtarët vlerësohen me 800 mijë euro, me Manajn që me përditësimin e fundit ka arritur këtë shifër dhe është vendosur si i pari në listë.

Manaj këtë sezon ka shënuar tre gola në Superligën e Kosovës, teksa dy të tillë i ka shënuar në Ligën e Konferencës, në fazën e ligës.

Top 5-shen e futbollistëve më të vlefshëm e mbyllin Muhamet Hyseni (650 mijë euro), Senad Jarovic (600 mijë euro) dhe Raddy Ovouka (600 mijë euro)./S.K/EO/

Continue Reading

Të kërkuara