Sport

Vdekja e futbollistit Erjon Morina, FShF dërgon telegram ngushëllimi

Published

2 months ago

December 13, 2024

Albina Zeneli

Presidenti i Federatës Shqiptare të Futbollit, Armand Duka ka dërguar telegram ngushëllimi për FFK-në, me rastin e vdekjes së futbollistit 22-vjeçar të FC Vushtrria, Erjon Morina.

“Me dhimbje të thellë mora lajmin e kobshëm për ndarjen nga jeta të futbollistit të ri dhe të talentuar, Erjon Morina, i cili, pas një beteje të gjatë për jetën, nuk ia doli të mundë sulmin në zemër që e preku gjatë stërvitjes me ekipin e tij, FC Vushtrrinë”.

“Në këtë momente të vështira për të gjithë komunitetin e futbollit në Kosovë, më lejoni që në emrin tim, por edhe në emër të Komitetit Ekzekutiv të Federatës Shqiptare të Futbollit, klubeve tona dhe familjes së madhe të futbollit shqiptar, t’ju shpreh ngushëllimet më të sinqerta për këtë humbje të madhe e të parakohshme”.

“Zemrat tona janë me familjen Morina, Klubin Vushtrria, miqtë dhe bashkëlojtarët, të cilët po përjetojnë këtë humbje të madhe dhe të papritur. Erjoni, edhe pse i ri, la një ndikim të madh në botën e futbollit dhe do të kujtohet gjithmonë për pasionin, energjinë dhe dashurinë që kishte për sportin”. “Federata Shqiptare e Futbollit shpreh ngushëllimin më të thella për këtë humbje të rëndë”.

“Ne do ta kujtojmë gjithmonë me respekt dhe nderim, si një futbollist që e dha gjithçka për të realizuar ëndrrat e tij. U prehtë në paqe shpirti i tij!”, thuhet në telegramin e FShF-së.

Up Next

Shqipëria njeh sot kundërshtarët e kualifikueseve të Kupës së Botës 2026

Don't Miss

Ademi: Kosova dëshiron të përfaqësohet në Botërorin e SHBA-së

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.