Kronikë e zezë

Vdekja e 6 vjeçarit pasi i ranë dyert e metalit, Gjykata merr vendim për përgjegjësin e kompanisë

Published

4 years ago

on

I akuzuari N.L, është dënuar me 1 vit burgim efektiv, pasi u shpall fajtor se nga pakujdesia, duke mos i siguruar pajisjet mbrojtëse, dyert me lëvizje rotative në binarë metalik janë rrëzuar dhe kanë lënë të vdekur 6-vjecarin F.M.

Aktgjykimi ndaj tij u shpall të hënën nga gjykatësi i Gjykatës Themelore në Gjilan, Sabedin Mushica. Ndryshe, N.L, e ka pranuar fajësinë në shqyrtimin fillestar të mbajtur më 3 shtator.

Vepra penale për të cilën u shpall fajtor “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës” nga neni 358, paragrafi 6 lidhur me paragrafin 2 të Kodit Penal të Kosovës, është e dënueshme deri ne 12 vite burg.

Sipas prokurorisë, në gusht të këtij viti, në fshatin Kmetovcë në Gjilan, i pandehuri N.L, si pronar dhe person përgjegjës i ndërmarrjes “Adea Metal” nuk ka siguruar pajisjet mbrojtëse, nuk i ka mirëmbajtur ato në gjendje të rregullt dhe nuk ka siguruar përdorimin e tyre sipas rregullave, ku gjatë përdorimit të tyre në oborrin e shtëpisë, në pjesën ku është dashur të montohen dyert e oborrit, dyert me lëvizje rotative në binarë metalik janë rrëzuar dhe kanë zënë tani të ndjerin F.M i moshës 6-vjeçar.

Shënim: Personat e përmendur në këtë̈ artikull konsiderohen të pafajshëm, përveç̧ nëse nga gjykata vërtetohet se janë̈ fajtorë me vendim të formës së prerë./BetimipërDrejësi/

Related Topics:
Continue Reading

Lajmet

Vdes 26 vjeçari që u aksidentua në Leposaviq

Published

2 days ago

on

December 10, 2025

By

Personi që ishte në gjendje të rëndë pas aksidentit mes dy veturave në Leposaviq ka vdekur njoftoi Policia e Kosovës.

Lajmin e ka konfirmuar zëdhënësi i policisë për rajonin e Mitrovicës së Veriut, Erduan Baliqi.

Ai bëri të ditur se viktima është nga Leposaviqi me inicialet M.Dh, i lindur në vitin 1999.

“Personi që ka qenë në gjendje kritike ka vdekur. Viktima është nga Leposaviqi me inicialet M.Dh, i lindur në vitin 1999.”, tha Baliqi.

Continue Reading

Lajmet

Policia shqipton mbi 1 mijë e 800 gjoba trafiku brenda 24 orëve të fundit

Published

4 days ago

on

December 8, 2025

By

Policia e Kosovës ka njoftuar se ka shqiptuar 1855 gjoba për kundërvajtësit e trafikut vetëm brenda 24 orëve të fundit.

Brenda kësaj periudhe gjithashtu janë raportuar 22 aksidente trafiku me dëme materiale, kurse 9 aksidente trafiku kanë përfunduar me të lënduar.

Policia e Kosovës po ashtu arrestuar 5 persona nga të cilët 3 janë dërguar në mbajtje./S.K/PK/

Continue Reading

Lajmet

Gjendet e vdekur gruaja që u raportua e zhdukur në Klinë

Published

4 days ago

on

December 8, 2025

By

Policia e Kosovës ka njoftuar se një grua e cila ishte raportuar e zhdukur në Klinë është gjetur e vdekur skaj lumit Bistricë.

Policia në raporton 24 orësh ka njoftuar se me urdhër të prokurorit të rastit, trupi është dërguar në Institutin e Mjekësisë Ligjore për obduksion, ndërkohë që vdekja e saj po hetohet.

Njoftimi i plotë zyrtar:

“Është raportuar se me 07.12.2025 rreth orës 13:15 nga njësitë policore skaj lumit Bistrica, gjatë kërkimit është gjetur  viktima e rastit e cila është raportuar e zhdukur. Vdekjen e viktimës e ka konstatuar mjeku, ndërsa trupi i pajetë i viktimës me urdhër të prokurorit është dërguar në IML për obduksion”, thuhet në raportin e Policisë së Kosovës./S.K/PK/

Continue Reading

Lajmet

Arratisen tre persona nga Qendra Edukuese Korrektuese në Lipjan, kapen nga policia

Published

4 days ago

on

December 8, 2025

By

Policia e Kosovës ka njoftuar se tre persona janë arratisur nga Qendra Edukuese Korrektuese në Lipjan mbrëmjen e së dielës, por që janë kapur nga policia dhe janë kthyer sërish në qendër.

Njoftimi i plotë zyrtar:

“Qendra Edukuese Korrektuese, Lipjan / 07.12.2025 – 20:25. Është raportuar se tre persona meshkuj kosovarë janë arratisur. Lidhur me rastin njësitë policore kanë arritur që ti kapin të arratisurit, të cilët janë kthyer përsëri në këtë qendër”, thuhet në raportin 24 orësh të Policisë së Kosovës./S.K/PK/

Continue Reading

Të kërkuara