Lajmet

Vaksinohen rreth 8 mijë persona të moshës mbi 65-vjeç

Published

on

Që nga 5 maji e deri më tani në sallën “1 Tetori”, rreth 8 mijë persona mbi moshën 65-vjeç kanë marrë vaksinën antiCOVID-19.

Në konferencën për media, koordinatori i qendrës së vaksinimit në sallën “1 Tetori”, Niman Bardhi tha se vetëm sot në këtë qendër janë vaksinuar 140 persona të grup moshave 65-vjeç.

Ndërkaq ka theksuar edhe se po vaksinohen vetëm personat e regjistruar në e-Kosova e që janë kontaktuar nga Ministria e Shëndetësisë.

“Edhe sot po vazhdon procesi i vaksinimit të grup moshave mbi 65-vjeç. Aktualisht deri në këto çaste që ne po flasim sot kemi të vaksinuar rreth 140 persona përderisa nëse i referohemi totalit deri më tani në sallën ‘1 Tetori’ kemi rreth 8 mijë të vaksinuar nga data 5 deri më sot, ndërsa nëse flasim në nivel vendi nga fillimi i vaksinimit e tutje tashme vetëm kemi kaluar 42 mijë të vaksinuar në nivel vendi”, tha ai.

Aplikimi online po paraqet vështirësi për të moshuarit, me ç’rast ata po kërkojnë që të bëhet lehtësimi për mënyrën e aplikimit për t’u vaksinuar me vaksinën antiCOVID-19.

Hilmi Hashani nga Prishtina u shpreh për KosovaPress se meqë aplikimi ishte më komplikuar për këtë i’u desh ndihma e një më të riu në moshë.

“Është veprim i qëlluar, por pak i vështirë për shkak që shumica janë të moshuar edhe nuk kanë njohuri për kompjuterin kështu që është pak e komplikuar, po duhet me na ndihmu fëmijët ose nipat e mbesat”, tha ai.

Edhe Ejup Aliu thotë se aplikimi është i ndërlikuar, dhe se kërkon të thjeshtësohet pasi që mosha e tij nuk dinë të aplikojnë në këtë mënyrë.

“Unë mendoj që është një vendim i mirë, proces i mirë mirëpo aplikimi pak i ndërlikuar, çka jem na më në moshë nuk dijmë me apliku në atë mënyrë, për shembull për ne ka apliku djali se përndryshe na nuk dimë, mirë kishte qenë nëse e kishin thjeshtësu pak, me bo me një telefonatë[…]se na nuk dimë”, tha ai.

Ndërsa Bajram Halit tha se ky lloj procesi është i qëlluar pasiqë tani nuk po ka tollovi.

“Procesi i aplikimit shumë në rregull se atë ditë kanë qenë, të shtunën s’di sa mijë vetë tollovi e tash është mirë. Djali na ka regjistru të shtunën në mbrëmje sot na kanë thirr, s’ka tollovi mirë është duke shkuar”, tha ai.

Për këto shqetësime koordinatori i qendrës së vaksinimit, në sallën “1 Tetori”, tha se e ka ngritur këtë çështje tek komiteti për imunizim, Bardhi tha se nga nesër e tutje pritet që ky proces i aplikimit të bëhet më i lehtë.

“Shqetësimin mbi bazën e të aplikuarit në platformën online e-Kosova e kemi marrë që nga dita e djeshme dhe këtë çështje e kemi ngrit në stadin më të lartë tek komiteti për imunizim të popullatës dhe me informatën që ne kemi marrë po shpresojmë që nga dita nesër e tutje[…]ky proces do të jetë me i lehtë për të aplikuar dhe mundësia e qasjes pavarësisht kategorive që e njohin mire edhe pjesën e IT edhe ata që nuk e njohin do të thotë e kanë shumë të lehtë për të aplikuar dhe të mos paraqet probleme në të ardhmen”, tha ai.

Kryeministri i Kosovës, Albin Kurti njoftoi sot se deri në fund të muajit pritet të arrijnë mbi 140 mijë doza të vaksinës antiCOVID.

lajme

Operacioni “Heshtja”: Goditet grupi kriminal i kokainës në Prishtinë, arrestohen 6 persona dhe sekuestrohen mbi 300 mijë euro drogë e asete

Published

on

By

Policia e Kosovës, përkatësisht Drejtoria për Hetimin e Trafikimit me Narkotikë (DHTN) – Sektori Qendror, në bashkëpunim të ngushtë me Agjencinë e Kosovës për Inteligjencë (AKI), ka goditur një grup të organizuar kriminal që dyshohet për trafikim dhe shpërndarje të kokainës. Operacioni i gjerë policor, i koduar “Heshtja”, është realizuar më 14 nëntor në rajonin e Prishtinës, pas një hetimi të gjatë të zhvilluar përmes masave të veçanta hetimore.

Sipas Policisë, hetimet kanë zbardhur funksionimin e këtij grupi me strukturë të organizuar dhe nivele të qarta hierarkike, duke nisur nga personat e dyshuar në nivel drejtues e deri te shpërndarësit e narkotikëve në rrugë. Gjatë aksionit antidrogë – të asistuar nga Njësia e Reagimit të Shpejtë, patrullat policore të kryeqytetit, Njësia e Forenzikës dhe Njësia K9 – janë bastisur disa lokacione, me ç’rast janë arrestuar gjashtë persona të dyshuar, ndërsa një tjetër është liruar në procedurë të rregullt.

Në cilësi të provave materiale, gjatë operacionit janë gjetur dhe sekuestruar: Rreth 1.6 kilogramë kokainë, sasi të tjera të dyshuara të marihuanës, një substancë e panjohur dhe tableta të dyshuara të ekstazisë; Rreth 16 mijë euro para të gatshme në valuta të ndryshme (euro, franga zvicerane, funta britanike, dollarë kanadezë dhe lekë shqiptarë); Gjashtë vetura të markave luksoze dhe të ndryshme, përfshirë Mercedes-Maybach, Mercedes GLE, Porsche, Audi dhe VW Tiguan; Ora luksoze të markave Rolex dhe Franck Muller, si dhe stoli të çmuara; Një armë zjarri, municion, thika, peshore digjitale dhe pajisje për paketimin e narkotikëve; Telefona mobilë, pajisje elektronike, të komunikimit dhe të vëzhgimit, si dhe dokumente e shënime të ndryshme.

Bazuar në çmimin e tregut të rrugës, vetëm sasia e kokainës së sekuestruar vlerësohet rreth 111 mijë euro, ndërsa vlera e përgjithshme e drogës dhe aseteve të sekuestruara arrin në rreth 301 mijë euro.

Të gjitha veprimet janë ndërmarrë në koordinim me Prokurorinë Themelore në Prishtinë – Departamenti për Krime të Rënda. Me vendim të Prokurorit të Shtetit, gjashtë të dyshuarit janë dërguar në ndalim policor për 48 orë, ndërsa hetimet po vazhdojnë. Policia e Kosovës ka rikonfirmuar përkushtimin e saj për luftimin e trafikimit të narkotikëve dhe goditjen e grupeve kriminale në të gjitha nivelet, me qëllim ruajtjen e rendit dhe sigurisë publike. /E.A/

 

Continue Reading

lajme

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

lajme

Marta Kos shpreh keqardhje për këngën nacionaliste serbe në Bruksel, fajëson muzikantët

Published

on

By

Komisionerja për Zgjerim, Marta Kos, ka shprehur keqardhjen për lëshimin e muzikës së këngës nacionaliste serbe gjatë koncertit të organizuar në prag të “Forumit të Zgjerimit” në Bruksel, duke ua lënë fajin muzikantëve për përzgjedhjen e melodisë.

Kos ka theksuar se kjo këngë nuk pasqyron në asnjë mënyrë qëndrimet e Komisionit Evropian dhe se institucionet evropiane janë të vetëdijshme për sakrificat e njerëzve në atë rajon në të kaluarën.

“Shpreh keqardhje për përzgjedhjen e këngës nga ana e muzikantëve. Kjo këngë në asnjë mënyrë nuk paraqet qëndrimet e Komisionit Evropian”, ka deklaruar Kos.

Duke folur më tej për nevojën e pajtimit rajonal pa e harruar të kaluarën, komisionerja shtoi se synohet ndërtimi i një Evrope ku dallimet nuk e pengojnë zhvillimin.

“Nuk po kërkojmë të harrohen dallimet, por po ndërtojmë një Evropë ku dallimet nuk do të jenë arsye për të penguar të ardhmen”, ka thënë ajo.

Ndërkohë, lidhur me vërejtjen e KOHËS se pse për të dytën herë me radhë askush nga Kosova nuk është ftuar në këtë ngjarje të rëndësishme, Kos e ka kundërshtuar këtë, duke thënë se “ky konstatim nuk është i vërtetë” dhe ka përmendur se si pjesëmarrëse është ftuar Donika Emini nga shoqëria civile. /KOHA/

Continue Reading

Lajmet

Qeveria e Kosovës ndalon tregtimin e energjisë elektrike me kompanitë serbe

Published

on

By

Qeveria e Kosovës ka vendosur të ndalojë tregtimin e energjisë elektrike me kompanitë serbe. Në mbledhjen e mbajtur të hënën, kryeministri Albin Kurti ka deklaruar se ky vendim vjen si kundërmasë ndaj Serbisë, e cila prej gjashtë vjetësh po bllokon linjat ndërkufitare për tregtim.

Ndalimi përfshin blerjen, shitjen, importin dhe eksportin e energjisë elektrike, qoftë drejtpërdrejt, qoftë përmes transitit ose rishitjes në një apo më shumë shtete të treta.

“Së pari do të ndalojmë tregtimin e energjisë elektrike me kompanitë serbe si masë e parë ndaj Serbisë për bllokimin e linjave ndërkufitare për tregtim, e cila mund të përshkallëzohet në të ardhmen nëse nuk ka reflektim”, ka theksuar Kurti.

Për t’u përballur me vështirësitë e krijuara si pasojë e veprimeve të Serbisë, ai ka bërë të ditur se do të obligohet Korporata Energjetike e Kosovës (KEK) që të sigurojë një sasi të kapaciteteve ndërkufitare për muajin dhjetor, ndërsa do të vendosen edhe masa emergjente në sektorin e energjisë, të cilat përfshijnë obligimin e ndërmarrjes “Ibër-Lepenci” për ta shitur energjinë e shërbimit publik.

Sipas kryeministrit, në muajin dhjetor bëhen gjashtë vjet prej kur Kosova ka fituar pavarësinë energjetike, dhe që nga ajo kohë Serbia po bllokon alokimin komercial dhe tregtimin në linjat ndërkufitare me Kosovën, duke shkaktuar dëme financiare dhe duke rrezikuar furnizimin me energji.

“Bllokimi i linjave nga ana e Serbisë nuk na pengon sepse duam të blejmë energji nga Serbia, por ajo pamundëson shfrytëzimin e kësaj infrastrukture kritike për të sjellë energjinë transit nga Serbia”, është shprehur Kurti. /E.A/

Continue Reading

Të kërkuara