Lajmet

Vaksina zbut simptomat e variantit Delta

Studimi ka gjetur se personat e vaksinuar, që kanë nivele më të larta të antitrupave, kanë më pak gjasa që të infektohen me koronavirus.

Published

5 years ago

on

Shumë shtete në mbarë botën, përfshirë edhe Kosovën, po raportojnë për raste të infektimeve me koronavirus te personat që janë vaksinuar kundër tij. Infektimet e të vaksinuarve, kryesisht po i atribuohen variantit Delta të koronavirusit, që po përhapet me shpejtësi.

Në Kosovë, deri më tani, autoritetet shëndetësore kanë konfirmuar se dhjetë persona të vaksinuar plotësisht janë infektuar me koronavirus, por kanë shtuar se gjendja shëndetësore e tyre është stabile.

The New England Journal of Medicine më 28 korrik ka publikuar një studim, ku janë analizuar të dhënat e pothuajse 11.500 punonjësve shëndetësorë, të vaksinuar plotësisht me vaksinën Pfizer, të cilët punojnë në Qendrën Mjekësore Sheba, në afërsi të Tel Avivit në Izrael, transmeton RFE.

Studimi ka gjetur se personat e vaksinuar, që kanë nivele më të larta të antitrupave, kanë më pak gjasa që të infektohen me koronavirus.

Pas testimeve të vazhdueshme prej fundit të janarit deri në fund të prillit, janë identifikuar 39 punonjës të infektuar, pavarësisht se ishin plotësisht të vaksinuar. Studimi gjeti se të gjithë kanë pasur simptoma të buta ose nuk kanë pasur fare simptoma, por 19 për qind e tyre kishin përjetuar simptoma edhe gjashtë javë pas diagonistikimit.

Nga 39 punëtorët e infektuar, në 22 prej tyre, autorët e studimit kanë gjetur se kanë pasur antitrupa në ditën e infektimit ose një javë më pas. Më pas studiuesit kanë analizuar nivelin e antitrupave të personave të infektuar, ku është parë se niveli i antitrupave ka qenë më i ulët.

Ndërkaq, sipas një studimi të kryer nga Qendrat e Kontrollit për Parandalimin e Sëmundjeve në SHBA (CDC) të publikuar në fund të korrikut, janë analizuar infektimet që kanë ndodhur në Barnstable. Rreth 74 për qind – apo 346 raste – e të infektuarve kanë qenë të vaksinuar plotësisht. Nga këto raste, 79 për qind kanë e pacientëve kanë pasur simptoma. Sipas analizave të kryera, varianti Delta ka qenë përgjegjësi kryesor i këtyre infektimeve.

Përhapja e variantit Delta, që është variant më ngjitës se varianti origjinal i koronavirusit, ka bërë që shumë shtete të përballen me rritjen e rasteve dhe disa prej tyre kanë rikthyer edhe mbajtjen e maskave, siç është edhe rasti i SHBA-së.

Sipas ekspertëve amerikanë, vaksinimi kundër COVID-19 ul gjasat që personat e vaksinuar të infektohen me koronavirus, por ata që infektohen me Delta pas vaksinimit, kanë tendencë ta shpërndajnë virusin sikurse personat e pavaksinuar.

“Niveli i lartë i ngarkesave virale sugjeron për rrezik të transmetimit dhe rrit shqetësimet se, për dallim nga variantet tjera, njerëzit e vaksinuar, që infektohen me variantin Delta, mund ta transmetojnë virusin”, tha më 30 korrik, drejtoresha e CDC-së, Rochelle Walensky, raportoi CNN.

Para shfaqjes së variantit Delta të koronavirusit, që fillimisht u identifikua në Indi në tetor të vitit të kaluar, vaksinimi u tha si parandalues i përhapjes së transmetimit të virusit. Jo vetëm që njerëzit e vaksinuar kishin më pak ngarkesa virale, por gjithashtu personat e vaksinuar, që infektoheshin me virus, kishin simptoma më të buta të sëmundjes dhe e kalonin më shpejt atë.

Por, hulumtimet tregojnë se Delta përhapet në mënyrë më agresive. Në korrik, shembull, shkencëtarët kinezë thanë se varianti Delta kishte pothuajse ngarkesë virale 1.000 herë më shumë se variantet e mëhershme.

Sipas raportit të CDC-së, varianti Delta është më i transmetueshëm se variantet e tjera, të cilat thuhet se e kanë fuqinë e transmetimit po aq sa edhe gripi sezonal. Kjo nënkupton se në kushte të caktuara, një person i infektuar me variantin fillestar të COVID-19 mesatarisht mund të infektojë dy deri në tre persona të tjerë. Por, një person i infektur me variantin Delta mund të infektojë deri në nëntë persona të tjerë.

“Ky është një prej viruseve më të transmetueshme që ne njohim”, ka thënë për CNN Walensky.

Qendra Evropiane për Kontrollin dhe Parandalimin e Sëmundjeve (ECDC), ka thënë se personat e moshuar janë më të rrezikuarit që të infektohen me koronavirus edhe pas vaksinimit.

“Infektimet në mesin e personave të vaksinuar plotësisht priten, veçanërisht në mesin e të moshuarve ose personave që kanë sëmundje. Vaksinat parandalojnë në masë të madhe sëmundjen e rëndë, megjithatë ne ende shohim se raste që përfundojnë në spital apo edhe në vdekje në mesin e këtyre popullatave”, ka thënë ECDC-ja.

Related Topics:
Continue Reading

Lajmet

Kuriozitetet e ditës

Published

7 minutes ago

on

September 2, 2026

By

Lexoni pesë kuriozitete. Mund të mos i keni ditur:

 

  1. Mund t’i shihni yjet siç ishin 4,000 vjet më parë me sy të lirë. Pa teleskop, të gjitha yjet që mund të shohim ndodhen rreth 4,000 vite dritë larg nesh. Kjo do të thotë që në maksimum po i shihni yjet ashtu siç ishin 4,000 vjet më parë, rreth kohës kur po ndërtoheshin piramidat në Egjipt.

 

  1. Bimët erdhën para farave. Sipas të dhënave fosile, bimët e hershme i ngjanin myshkut dhe u riprodhuan me spore njëqelizore. Farat shumëqelizore nuk evoluan për 150 milion vjet të tjera.

 

  1. Qelizat tona të ngordhura hahen nga qelizat e tjera në trupin tonë. Mos u shqetësoni; kjo është e destinuar të ndodhë. Kur qelizat brenda trupit tuaj vdesin, ato pastrohen nga fagocitet – qelizat e bardha të gjakut, puna e të cilave është të tretin qelizat e tjera.

 

  1. Aromat mund të kalojnë përmes lëngut. Ju lutemi mos provoni të nuhasni nën ujë (hunda juaj nuk do ta vlerësojë), por aroma del përmes lëngut.

 

  1. Lakuriqët e natës nuk janë të verbër. Pavarësisht idiomave të famshme, lakuriqët e natës me të vërtetë mund të shohin, por ata ende përdorin ekolokacionin e tyre edhe më të famshëm për të gjetur pre.

Continue Reading

Vendi

Humb jetën një 29-vjeçar në Zubin-Potok pas lëndimeve në një kantier ndërtimi, ndalohet një i dyshuar

Published

37 minutes ago

on

September 2, 2026

By

Një 29-vjeçar ka ndërruar jetë të martën si pasojë e lëndimeve të rënda të marra gjatë punimeve në një kantier ndërtimi në Zubin-Potok. Ngjarja ka ndodhur rreth orës 10:00 në vendin ku po ndërtohet stacioni i ri i Policisë së Kosovës.

Zëdhënësi i Policisë për rajonin e veriut, Ermir Osmani, konfirmoi se viktima, punëtor i një kompanie private, fillimisht u dërgua në shtëpinë e shëndetit në Zubin-Potok dhe më pas u transportua me urgjencë në Spitalin Rajonal në Mitrovicën e Veriut. Për shkak të gjendjes së rëndë, mjeku kujdestar ka konstatuar vdekjen e tij rreth orës 11:00.

Me urdhër të prokurorit, trupi i viktimës është dërguar në Institutin e Mjekësisë Ligjore për obduksion. Për këtë rast, policia ka intervistuar dhe ndaluar për 48 orë një person me inicialet B.B. (viti i lindjes 1977) në cilësinë e të dyshuarit.

Continue Reading

Vendi

PDK dhe AAK edhe sot para Qeverisë me kërkesën për konstituimin e institucioneve

Published

43 minutes ago

on

September 2, 2026

By

Partia Demokratike e Kosovës (PDK) ka vijuar edhe sot aksionin e saj protestues para ndërtesës së Qeverisë së Kosovës, e mbështetur nga deputetë të Aleancës për Ardhmërinë e Kosovës (AAK).

Aksionit të sotëm iu bashkuan edhe asamblistë e aktivistë nga Komuna e Drenasit. Kjo protestë është vazhdimësi e aksioneve të zhvilluara gjatë javëve të kaluara nga PDK-ja dhe AAK-ja, përmes të cilave po kërkohet thirrja e menjëhershme e seancës parlamentare dhe konstituimi i institucioneve të reja të Kosovës. /E.A/

Continue Reading

Live

Teherani sulmon me raketa dhe dronë objektivat e SHBA-së në Jordani, Kuvajt, Irak dhe Bahrein

Published

51 minutes ago

on

September 2, 2026

By

Teherani ka ndërmarrë sulme me raketa dhe dronë kundër objektivave të SHBA-së në Jordani, Kuvajt, Irak dhe Bahrein, pasi forcat amerikane rifilluan goditjet ajrore kundër Iranit të martën.

Gjysmëhëna e Kuqe Iraniane njoftoi se pesë persona, përfshirë një fëmijë, mbetën të vdekur dhe më shumë se 50 të tjerë u plagosën kur fragmentet e një rakete amerikane goditën një shtëpi ku po mbahej një ceremoni dasme në Sirik, në jug të Iranit.

Ushtria e SHBA-së deklaroi se është në dijeni të këtyre raportimeve, por theksoi se kurrë nuk ka pasur në shënjestër civilët.

Komanda Qendrore e SHBA-së (Centcom) sqaroi se goditjet amerikane ndaj Iranit erdhën pas “përpjekjeve të fundit për sulme” nga Korpusi i Gardës së Revolucionit Islamik të Iranit (IRGC) kundër anijeve tregtare në Strakun e Hormuzit dhe forcave amerikane në rajon.

Garda Revolucionare e Iranit u shpreh se SHBA-ja “do t’i mesoj” këto goditje. Sipas agjencisë gjysmë-zyrtare iraniane të lajmeve Tasnim, deri në orët e para të së mërkurës, IRGC lëshoi një breshëri raketash balistike ndaj një baze të Marinsave amerikanë në Akaba të Jordanisë, si hakmarrje për sulmin në Sirik.

Forcat e Armatosura të Jordanisë njoftuan se kishin kapur 13 raketa balistike, 10 prej të cilave u shkatërruan në ajër, ndërsa tre ranë në zona të thella e të izoluara. Nga ky sulm nuk u raportua për të vdekur apo të plagosur.

Veçmas, ushtria e Kuvajtit deklaroi se mbrojtja e saj ajrore iu përgjigj sulmeve me raketa iraniane në orët e para të së mërkurës. Ndërkohë, sipas medias shtetërore iraniane, disa shpërthime u raportuan edhe në Bahrein.

Agjencia e lajmeve Irna raportoi gjithashtu se IRGC kishte goditur bazat amerikane në rajonin autonom të Kurdistanit në Irak, duke shkatërruar një qendër mirëmbajtjeje, depo dhe pajisje ushtarake.

Pas një pauze pothuajse njëmujore, SHBA-ja rifilloi sulmet ndaj Iranit në fillim të kësaj jave, kur njoftoi se kishte goditur dy lëshues raketash që përdoreshin për vendosjen e minave në Strakun e Hormuzit. Teherani u hakmor duke lëshuar raketa ndaj bazave ajrore në Jordani dhe një dron drejt Emirateve të Bashkuara Arabe.

Centcom njoftoi se sulmet e fundit kundër objektivave të IRGC-së kishin nisur në orën 12:00 ET (16:00 GMT) dhe kishin përfunduar deri në orët e para të së mërkurës.

Media shtetërore iraniane raportoi se projektilët kishin goditur zonat e Chabahar dhe Konarak si dhe një aeroport në Jiroft, ndërsa shpërthime u dëgjuan edhe në ishullin Qeshm dhe në Bandar Abbas.

Media shtetërore iraniane dhe Gjysmëhëna e Kuqe Iraniane raportuan se objektet civile në bregdetin jugor të Iranit u bombarduan, ku mes të vrarëve në ceremoninë e dasmës në rrethin e Sirikut, i cili shtrihet në Strakun e Hormuzit, ishte edhe një fëmijë.

Kapiteni i Flotës Detare të SHBA-së, Tim Hawkins, duke folur në emër të Centcom, tha për BBC-në se ushtria amerikane është në dijeni të raportimeve nga media shtetërore iraniane për sulmin në Sirik.

/BBC/

Continue Reading

Të kërkuara