Lajmet

Vajza e Donald Trump refuzon t’i bashkohet fushatës presidenciale të babait

“Nuk kam në plan të merrem me politikë”, tha ajo në deklaratën e saj.

Published

on

Edhe pse vajza e ish-presidentit Donald Trump, Ivanka Trump, luajti një rol vendimtar si një nga këshilltaret e larta të Shtëpisë së Bardhë gjatë katër viteve të para të presidencës së tij në vitin 2016, ajo e ka bërë të qartë se nuk planifikon t’i bashkohet fushatës së babait të saj në 2024, për t’u kthyer në Shtëpinë e Bardhë.

Arsyeja e përmendur prej saj ishte dëshira për të kaluar më shumë kohë me tre fëmijët që ndan me bashkëshortin e saj, Jared Kushner.

“Unë e dua shumë babanë tim. Këtë herë po zgjedh t’i jap prioritet fëmijëve të mi të vegjël dhe jetës private që po krijojmë si familje. Nuk kam në plan të merrem me politikë”, tha ajo në deklaratën e saj.

“Ndërsa gjithmonë do ta dua dhe do ta mbështes babanë tim, në vazhdim do ta bëj këtë jashtë arenës politike”, tha ajo në deklaratën e saj. “Jam mirënjohëse që kam pasur nderin t’i shërbej popullit amerikan dhe do të jem gjithmonë krenare për shumë nga arritjet e administratës sonë”.

Si ajo dhe bashkëshorti i saj punuan si ndihmës të afërt të babait të saj kur ai ishte në Zyrën Ovale pasi kishte asistuar në fushatat e tij në 2016 dhe 2020. Ivanka ishte gjithashtu ajo që prezantoi babanë e saj në 2015 kur ai filloi fushatën e tij të parë presidenciale republikane .

Pas një mandati kaotik si president, duke përfshirë keqpërdorimin e pandemisë Covid dhe refuzimin e tij për të pranuar zgjedhjet e 2020, Ivanka dhe Jared kanë mbajtur profile relativisht të ulëta, duke u zhvendosur në zonën e Miamit në Florida pasi u zhvendosën jashtë Uashingtonit.

Ndërsa Jared mori pjesë në njoftimin e fushatës së Trump për vitin 2024, Ivanka vendosi ta anashkalojë atë.

Gjithashtu nuk ishte i pranishëm Donald Trump Jr., i cili ishte një mbështetës i zëshëm gjatë fushatave të babait të tij në 2016 dhe 2020.

Eric Trump, i treti nga fëmijët e rritur të Trump, ishte i pranishëm në fjalim./UBTNews/

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

on

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

on

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

on

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

on

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara