Lajmet

Vajza amerikane që u kthye në “lidere” xhihadiste rrezikon dekada burg

Familja e saj në SHBA ka refuzuar kontaktin me të.

Published

on

Një grua amerikane nga Kansas do të mbetet në paraburgim përpara se të përballet me akuzat për terrorizëm për gjoja drejtimin e një skuadrileje luftarake të të ashtuquajturit Shtetit Islamik.

Allison Fluke-Ekren, 42 vjeç, akuzohet se ka trajnuar fëmijët e moshës gjashtë vjeçare për të përdorur automatikët dhe ka planifikuar të kryejë “xhihad të dhunshëm”.

Asaj iu refuzua lirimi me kusht pasi u paraqit në gjykatë në Virxhinia të enjten. Ajo mund të përballet me dekada burg.

Se si ish-mësuesja e shndërruar në xhihadiste, u ngrit në radhët e grupit për të komanduar batalionin e saj me femra, mbetet aktualisht një mister.

Larry Miller, i cili ishte arsimtari i shkencës i znj. Ekren kur ajo ishte adoleshente në Topeka, Kansas, në vitet 1990, i tha BBC-së se ishte krejtësisht i habitur nga lajmet për lidhjet e saj me IS.

Ai e kujtonte me mall si një studente të zgjuar gjatë viteve që ajo ndoqi shkollën ku ai jepte mësim.

“Ajo ishte një studente shumë, shumë e mirë. Ajo ishte inteligjente dhe kishte një sens humori”, tha ai. “Prindërit e saj ishin shumë, shumë mbështetës”.

“Ajo kurrë nuk bëri asgjë që më tregonte se donte të dëmtonte një gjallesë tjetër”, tha ai, duke kujtuar një rast kur ajo kapi një hardhucë ​​në një ekskursion në klasë, duke e mbajtur me kujdes që studentët e tjerë ta studionin. “Unë nuk mund ta kuptoj se si dikush që ka një dashuri të tillë për natyrën dhe njerëzit do ta bënte këtë.”

Megjithatë, disa dekada më vonë, ajo dyshohet se u bë një ndjekëse e përkushtuar e ideologjisë ekstremiste të IS, me një dëshmitar që u tha prokurorëve federalë amerikanë se pikëpamjet e saj ishin “11 ose 12 në një shkallë nga 1 deri në 10, me 10 që ishin jashtëzakonisht të radikalizuara”.

Sipas autoriteteve amerikane dhe të dhënave publike të shqyrtuara nga BBC, znj. Ekren kaloi kohë duke jetuar në Lindjen e Mesme në fund të viteve 2000 me bashkëshortin dhe fëmijët e saj të atëhershëm, duke e ndarë kohën jashtë vendit me vizita në Kansas. Ajo regjistroi detaje të asaj që dukej të ishte një jetë normale në një blog nga 2008-10.

Rreth vitit 2012, ajo u kontrabandua në Siri, sipas autoriteteve amerikane dhe u angazhua në një jetë terrorizmi më pas, duke u martuar me disa operativë të IS pasi burri i saj i parë vdiq, dhe duke trajnuar gra dhe vajza për të përdorur armë AK-47, për të shpërthyer bomba dhe për të përdorur mjete për vetëvrasje.

Një dëshmitar pretendoi se ata kishin vëzhguar një nga fëmijët e zonjës Ekren, atëherë pesë ose gjashtë vjeç, duke mbajtur një automatik në rezidencën e saj ndërsa jetonte në Siri.

Të enjten, gjykatësi Ivan Davis tha se zonja Ekren do të qëndronte në paraburgim pa lirim me kusht, duke shpjeguar se gjykata peshon faktorë të ndryshëm, duke përfshirë sigurinë e komunitetit lokal dhe raportet e shërbimeve paragjyqësore, gjatë seancave dëgjimore.

Ajo nuk e kundërshtoi ndalimin, tha zoti Davis.

Në fillim të kësaj jave, asaj iu tha se familja e saj në SHBA – prindërit e saj dhe dy fëmijët e rritur – kishin kërkuar që asaj të iu ndalohej kontakti me ta./UBTNews/

Lajmet

​Përplasje PDK-LVV në KQZ për buxhetin shtesë të zgjedhjeve lokale

Published

on

By

Në mbledhjen e Komisionit Qendror të Zgjedhjeve pati përplasje mes anëtarëve të Partisë Demokratike të Kosovës dhe Lëvizjes Vetëvendosje lidhur me miratimin e buxhetit shtesë për zgjedhjet lokale.

Anëtari i KQZ-së nga Partia Demokratike e Kosovës, Ilir Gashi, tha se mungesa e miratimit të buxhetit nga Qeveria mund të ndikojë negativisht në organizimin e zgjedhjeve.

“E kam një pyetje për ju kryetar, po shkon koha dhe buxheti akoma nuk është i miratuar sa i përket zgjedhjeve nga ana e qeverisë dhe mendoj që ju do të duhej që jeni në komunikim direkt sepse mosmiratimi i shpejtë i buxhetit rrezikon disa operacione zgjedhore, kryesisht operacione të cilat tashmë janë të reja të futura në rregulloret zgjedhore të cilat janë në shërbim të procesit, sidomos sa i përket votimit të diasporës. Mos ndarja e buxhetit me kohë mund të rrezikoj realizmin e këtyre operacioneve”, tha Gashi.

Ndërkaq, anëtari i KQZ-së nga Lëvizja Vetëvendosje, Alban Krasniqi iu kundërpërgjigj Gashit duke thënë se nuk është e vërtetë që qeveria nuk e ka ndarë buxhetin. Sipas tij, çështja qëndron te kërkesat shtesë buxhetore.

“Nuk është e vërtetë që qeveria nuk ka ndarë buxhet. Për të gjitha kërkesat që kemi pasur qeveria i ka ndarë. Buxheti për këto zgjedhjeve është tashmë i ndarë. Çështja është për kërkesat shtesë buxhetore që i kemi pasur. Për kërkesat shtesë buxhetore ne e dimë kur e kemi bërë një kërkesë të tillë, nuk e di nëse i ka një javë apo 10 ditë. Duhet mbajtur institucioni jonë në komunikim për kërkesat shtesë buxhetore, të cilat ne vetë si institucion nuk i kemi planifikuar”, tha Krasniqi.

Pas kësaj, Gashi iu drejtua Krasniqit duke i thënë se “nuk je zëdhënës i qeverisë”.

“Dorën në zemër unë Hekuran Muratit si bëra pyetje këtu. Po e trajtoj si shqetësim në kuadër të këtij institucioni sepse ky buxhet. Ta kryej unë pastaj mund ta marrësh fjalën. Vetëm ta përfundoj. Shqetësimi është real…Nuk je zëdhënës i qeverisë”, tha Gashi.

Në anën tjetër, Krasniqi iu referua Gashit duke i thënë se po e dezinformon publikun.

“Thatë që nuk ka ndarë qeveria buxhet, nuk është e vërtetë. Pranoje dezinformimin që e bëre. Duhet të pranosh se dezinformove publikun. Nuk është e vërtetë çfarë the. Qeveria ka ndarë që vitin e kaluar këtë buxhet. Ne kemi të drejtë ta shpenzojmë…Me mediat të caktuara që i keni dezinformuar opinionin”, tha tutje Krasniqi.

Përveç kësaj, në mbledhjen e KQZ-së u vendim për emërimin e 216 anëtarëve të Komisioneve Komunale të Zgjedhjeve në 38 komunat e Republikës së Kosovës, të cilët përfaqësojnë subjektet e ndryshme politike.

Anëtari i KQZ-së Arianit Elshani, bëri të ditur se për këtë proces të gjithë anëtaret kanë kaluar procedurat ligjore.

“Këshilli për operacione zgjedhore ka shqyrtuar kërkesën për emërimet e anëtarëve të komisioneve komunale të zgjedhjeve që nga nominimet që kanë ardhur nga subjektet politike. Nga 222 vende të përcaktuara sipas formulës të miratuar nga KQZ-ja, 216 vende janë plotësuar nga këto nominime të ardhura nga subjektet politike. Personat të cilët i kanë kaluar të gjithë filtrat ligjor të KQZ-së dhe mekanizmave të jashtëm me të cilët KQZ-ja i dërgon për verifikim”, tha Elshani.

Në mbledhje u potencua se për zgjedhjet lokale të 12 tetorit janë deklaruar dy koalicione, ndërsa pesë parti janë tërhequr nga gara.

“Koalicija Vakat”, i përbërë nga partitë politike Demokratska Stranka Bošnjaka (DSB) dhe Demokratska Stranka Vatan (DSV) dhe Koaliconi “SDU-NASA (NASA SDU)”, i përbërë nga partitë politike Socijaldemokratska Unija dhe Nasa Inicijativa, i formuar vetëm për komunën e Prizrenit.

Ndërsa, partitë politike të cilat nuk do të garojnë në zgjedhjet e 12 tetorit janë Organizata Balli Kombëtar Demokrat, Partia Demokratike e Diasporës, Partia e Drejtësisë, Kosovaki Nevi Romani Partia, Partia Balliste.

Continue Reading

Lajmet

Sërish tërmet në Shqipëri

Published

on

By

Një tjetër tërmet sapo ka goditur Shqiërinë, pas lëkundjeve të mëngjesit.

Tërmeti ishte me magnitudë 3.3 ballë, me epiqendër 11 km në veri-perëndim të Tiranës, teksa thellësia fokale ishte 10 km.

Kujtojmë se mëngjesin e sotëm, Shqipëria u godit nga një tërmet me magnitudë 4.4 e shkallës Rihter, në orën 05:04 minuta. Tërmeti ka pasur epiqendrën e tij pranë Kamzës dhe Krujës me një thellësi prej 5 kilometrash.

Continue Reading

Lajmet

Gjykata vendos masën e sigurimit ndaj vendimit të ZRrE-së

Published

on

By

Për herë të parë në Kosovë, një biznes ka arritur të marrë masën e sigurimit ndaj njoftimit të Zyrës së Rregullatorit për Energji (ZRrE) lidhur me liberalizimin e tregut të energjisë elektrike.

Vendimi është marrë nga Gjykata Komerciale e Kosovës, Departamenti për Çështje Administrative më 19 qershor 2025.

Ankesa në Gjykatë ishte dorëzuar nga avokati Agron Selimaj nga Prishtina.

KosovaPress ka siguruar edhe aktvendimin e Gjykatës, në të cilën thuhet se sipas aktvendimit të datës 19 qershor 2025, Gjykata Komerciale, Departamenti për Çështje Administrative, ka miratuar kërkesën e paditësit, duke aprovuar masën e sigurisë për shtyrjen e ekzekutimit të njoftimit të ZRRE-së të datës 03.06.2025. Ky njoftim ndalonte paditësin të shfrytëzonte furnizimin nga shërbimi universal.

Gjykata, ka vendosur që ekzekutimi i këtij njoftimi të pezullohet deri në marrjen e vendimit përfundimtar gjyqësor.

Përveç këtij rasti, kundërshtime ndaj vendimit të ZRrE-së kanë bërë edhe Dhoma e Tregtisë dhe Industrisë e Kosovës (DhTIK), Oda Ekonomike e Kosovës, si dhe disa biznese të tjera.

Kujtojmë se Zyra e Rregullatorit për Energji kishte njoftuar përmes një komunikate se bordi ka caktuar subjektin juridik KEK – si Furnizues të Mundësisë së Fundit për periudhë gjashtë mujore, nga 31.08.2025 deri më 31.01.2026.

ZRrE ka shtyer afatin për lidhjen e kontratave pas protestave të bizneseve të Kosovës që kundërshtuan liberalizimin e tregut energjetik, transmeton KosovaPress.

Bizneset e Kosovës kishin organizuar protestë kundër vendimit të ZRrE, pasi sipas përfaqësuesve të bizneseve një veprim i tillë do të krijonte një ekonomi të rënduar në Kosovë.

Pjesë e shqyrtimit nga Bordi kanë qenë edhe ankesat e konsumatorëve dhe çështje të tjera që lidhen me funksionimin e Zyrës së Rregullatorit për Energji./kosovapress/

Continue Reading

Lajmet

Presidentja Osmani pret të dërguarin norvegjez për Ballkanin Perëndimor

Published

on

By

Presidentja e Republikës së Kosovës, Vjosa Osmani, zhvilloi sot një takim me të dërguarin e posaçëm të Mbretërisë së Norvegjisë për Ballkanin Perëndimor, z. Eirik Nestås Mathisen.

Në qendër të bisedës ishin zhvillimet e fundit në Kosovë dhe në rajon, marrëdhëniet bilaterale ndërmjet dy vendeve, si dhe roli i mbështetjes norvegjeze në rrugën e Kosovës drejt integrimeve euroatlantike.

Presidentja Osmani shprehu mirënjohje për ndihmën e vazhdueshme të Norvegjisë në procesin e shtetndërtimit të Kosovës, duke theksuar se kjo përkrahje ka qenë dhe mbetet thelbësore për avancimin e vendit drejt strukturave euroatlantike.

Ajo nënvizoi po ashtu rëndësinë që Kosova të anëtarësohet sa më shpejt në Këshillin e Evropës dhe të ecë me hapa të sigurt në rrugën e integrimit.

Gjatë takimit u trajtuan edhe çështje të tjera me interes të përbashkët, ndërsa të dy palët riafirmuan vullnetin për të forcuar më tej partneritetin mes Kosovës dhe Norvegjisë.

Continue Reading

Të kërkuara