Shëndet

Vaj ulliri për flokë të shëndetshëm

Published

5 years ago

April 16, 2021

Betim Gashi

Si ta përdorni?

Stresi, solucionet e ndryshme të larjes, mungesa e vitaminave e shumë faktorë të tjerë, lënë pasoja tek shëndeti i flokëve. Nevoja për rimëkëmbjen e tij detyron konsumatorin të kërkojë zgjidhje nëpër trajtime të shtrenjta estetike duke anashkaluar një zgjidhje shumë të mirë që gjendet në kuzhinën e gjithësecilit prej nesh. Bëhet fjalë për vajin e ullirit, acidet yndyrore të të cilit ushqejnë jo vetëm flokun por edhe skalpin.

Vaji i ullirit ka aftësi mbrojtëse për flokun, sidomos për atë që është subjekt i vazhdueshëm i tharjeve dhe stilimeve me temperaturë të lartë. Ai është shumë i pasur me antioksidantë, vitamina dhe minerale që e ushqejnë flokun. Në këtë artikull do të mësoni se si të shfrytëzoni të mirat e vajit e ullirit për shëndetin e flokëve.

Vaj Ulliri Për Flokë Të Dëmtuar
Dielli i fortë në verë dhe mungesa e lagështisë në dimër e thajnë jashtëzakonisht shumë flokun duke shteruar gjithë gjallërinë e tij. Për të zgjidhur këtë problem mund të përdorni vaj ulliri. Vendosni një peshqir mbi shpatulla. Kriheni flokun me delikatesë. Hidhni një lugë çaji me vaj ulliri në pëllëmbën e dorës dhe më pas me të masazhoni flokun 2 centimetra poshtë skalpit deri në të gjithë gjatësinë e tij.

Për të siguruar një përthithje më të mirë përdorni një tharëse me temperaturë mesatare për disa minuta. Nëse floku është pjesërisht i tharë, vajin mund ta mbani për 45 minuta. Nëse keni kryer trajtime për ngjyrosjen e flokut, atëherë vajin mbajeni për 2 orë ose gjatë gjithë natës. Më pas mund ta lani flokun me shampo dhe ta shpërlani me ujë të bollshëm.

Vaj Ulliri Për Skalpin E Thatë
Përzieni dy lugë gjelle me lëng të freskët limoni me dy lugë gjelle me vaj ulliri dhe po aq ujë. Masën vendoseni në lëkurën e kokës dhe mbajeni deri në 30 minuta. Më pas lajeni si zakonisht. Ky trajtim duhet bërë një herë në javë.

Vaj Ulliri Për Rritjen E Flokut
Kjo maskë forcon strukturën e flokut, e mban atë të butë dhe nxjerr në pah ngjyrën e shuar të tij. Përzieni dy të verdha veze me dy lugë gjelle me vaj ulliri. Treteni atë në gjysëm gote me ujë (125 ml) të ftohtë. Mos përdorni ujë të nxehtë sepse veza do të pritet. Pasi t’i keni përzier mirë të gjithë përbërësit, masazhoni skalpin e kokës me delikatesë dhe lëreni maskën për 20 minuta.

Maskë Ushqyese Me Avokado, Vezë Dhe Vaj Ulliri
Nëse floku juaj duket pa jetë, atëherë duhet të shfrytëzoni fuqinë e vezës dhe vajit të ullirit me kremozitetin e avokados. Merrni tulin e një gjysme avokado dhe hidheni në mikser. Përziejeni mirë deri sa masa të jetë krejtësisht e butë dhe kremoze. Shtoni një vezë dhe një lugë çaji me vaj ulliri. Përziejeni sërish dhe më pas maskën hidheni në një enë tjetër. Lajeni flokun me shampoo pa sulfat e cila do të pastrojë në thellësi skalpin nga papastërtitë, vajrat, zbokthi dhe qelizat e vdekura. Vendoseni maskën në lëkurën e kokës dhe zbrisni poshtë në të gjithë gjatësinë e tij. Pasi të keni lyer të gjithë flokun mblidheni atë dhe mbajeni maskën për 5 minuta. Shpëlajeni mirë me ujë të bollshëm dhe thajeni flokun me peshqir por jo me tharëse./AgroWeb

Shëndet

Kafeina kundër migrenës, sa funksionon dhe çfarë duhet të dini?

Published

3 hours ago

November 19, 2025

UBT News

Kafeina, e cila gjendet natyrshëm në kafe, çaj dhe disa medikamente, njihet gjerësisht për efektin e saj stimulues.

Megjithatë, pak njerëz e dinë se ajo mund të ndihmojë edhe në lehtësimin e dhimbjeve të kokës.

Studimet tregojnë se kafeina zvogëlon dhimbjen e kokës duke ngushtuar enët e gjakut në tru duke rritur efektin e analgjezikëve si paracetamoli dhe aspirina. Konsumimi i një sasie të moderuar, 100–150 mg, që i korrespondon një filxhani kafe mund të jetë i dobishëm veçanërisht në dhimbjet e tensionit ose në fazat e para të migrenës.

Kafeina duhet përdorur me kujdes. Marrja e tepërt shkakton dhimbje koke, sidomos si pasojë e varësisë ose e ndërprerjes së papritur.

Për këtë arsye, ekspertët këshillojnë personat që vuajnë nga migrena të vëzhgojnë reagimin e trupit të tyre ndaj kafeinës dhe ta përdorin atë në mënyrë të kontrolluar. Efekti i saj është më i fortë kur kombinohet me qetësues, por gjithmonë nën këshillimin e mjekut ose farmacistit.

Për të parandaluar dhimbjet e kokës, krahas konsumit të kujdesshëm të kafeinës, është e rëndësishme të ruani gjumin, hidratimin dhe një dietë të shëndetshme. Nëse dhimbjet janë të shpeshta, kërkoni patjetër ndihmë mjekësore për trajtim të duhur. /A.Z/UBT News/

Shëndet

Çfarë e bën lëngun e shegës kaq të shëndetshëm?

Published

5 hours ago

November 19, 2025

UBT News

Lëngu i freskët nuk ka pse të kufizohet vetëm te variantet jeshile apo të pasura me spinaq.

Shega është përdorur si ilaç natyral që nga lashtësia dhe edhe sot po studiohet për përfitimet e saj të shumta shëndetësore.

Ky frut mund të ndihmojë në parandalimin e kancerit dhe në forcimin e sistemit imunitar.

Më poshtë janë disa nga përfitimet kryesore të shegës:

Antioksidant i fuqishëm

Kokrrat e shegës marrin ngjyrën karakteristike të kuqe nga polifenolët, kimikale që veprojnë si antioksidantë shumë potentë. Lëngu i shegës përmban një sasi më të lartë antioksidantësh se shumica e lëngjeve të tjera të frutave, madje tre herë më shumë se vera e kuqe dhe çaji i gjelbër. Këta antioksidantë mbrojnë qelizat nga dëmtimet dhe reduktojnë inflamacionin.

I pasur me vitaminë C

Një gotë lëng shege siguron mbi 40% të sasisë ditore të rekomanduar të vitaminës C, duke e bërë atë një burim të shkëlqyer të kësaj vitamine të rëndësishme.

Mund të ndihmojë në parandalimin e kancerit

Lëngu mori vëmendje të madhe pasi një studim tregoi se ngadalëson rritjen e qelizave të kancerit të prostatës. Megjithatë, kërkimet shkencore për këtë përfitim vazhdojnë.

I dobishëm për shëndetin e zemrës

Shega konsiderohet si një nga lëngjet më të mira për zemrën, ndihmon në mbrojtjen e zemrës dhe arterieve, duke kontribuar në qarkullim më të shëndetshëm të gjakut.

Përfitime të tjera

Lëngu përmirëson memorien, i pasur me vitamina të ndryshme dhe ndihmon në uljen e shtypjes së lartë të gjakut. /A.Z/UBT News/

Shëndet

Arsyet për të ngrënë vezë çdo mëngjes

Published

1 day ago

November 18, 2025

UBT News

Shumë njerëz mendojnë se tërshëra dhe produkte të ngjashme janë zgjedhja më e mirë për mëngjes, por kjo nuk është gjithmonë e vërtetë.

Vezët janë një alternativë fantastike, jo vetëm të shijshme, por edhe shumë të dobishme për shëndetin. Ato përmbajnë proteina të larta që ndihmojnë në kontrollin e peshës dhe ju bëjnë të ndiheni të ngopur për më gjatë.

Përfitimet kryesore të vezëve:

1. Ju mbajnë të ngopur më gjatë

Proteina e yndyra që gjenden tek vezët ndihmojnë në ruajtjen e energjisë dhe frenimin e urisë, duke ju mbajtur të ngopur për më shumë orë.

2. Ndihmojnë në humbjen e peshës

Ata që konsumojnë vezë për mëngjes kanë më shumë gjasa të humbin peshë krahasuar me ata që hanë bukë ose ushqime të tjera.

3. Burim i shkëlqyer proteinash

Vezët përmbajnë të gjitha aminoacidet thelbësore, duke i bërë një nga burimet më të mira të proteinave në dietë. Rekomandohet të konsumoni të paktën një vezë në ditë për një regjimi ushqimor të ekuilibruar.

4. Çmimi i tyre i përballueshëm

Krahasuar me burime të tjera proteinash si mishi i kuq, vezët janë më të lira dhe lehtësisht të disponueshme.

5. Nuk dëmtojnë kolesterolin

Edhe pse përmbajnë kolesterol, studimet e fundit tregojnë se konsumi i vezëve nuk e rrit nivelin e kolesterolit në mënyrë të dëmshme.

6. Përmirësojnë funksionin e trurit dhe kujtesën

Vezët përmbajnë kolinë, lëndë ushqyese që mbështet zhvillimin dhe funksionin e trurit, duke përmirësuar kujtesën dhe vigjilencën.

7. Mbrojnë shikimin

Antioksidantët luteinë dhe zeaxanthin që gjenden tek vezët ndihmojnë në mbrojtjen e syve nga dëmtimet e shkaktuara nga rrezet UV dhe mund të ulin rrezikun e kataraktit në pleqëri. /A.Z/UBT News/

Shëndet

Nga tërshëra te avokado, super-ushqimet që pastrojnë arteriet

Published

2 days ago

November 17, 2025

UBT News

Tërshëra është e njohur për aftësinë e saj për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit.

Këto fibra reduktojnë përthithjen e kolesterolit nga trupi.

Ruajtja e niveleve të shëndetshme të kolesterolit është çelësi për një zemër të fortë. Nëse kolesteroli është më i lartë se normalja, mos u shqetësoni, është e rëndësishme të dini se mund të bëni ndryshime në dietë për ta kontrolluar atë.

Më poshtë kemi listuar 7 ushqimet që mund t’ju ndihmojnë të ulni kolesterolin dhe të përmirësoni shëndetin e zemrës.

Tërshërë

E njohur për aftësinë për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit. Këto fibra reduktojnë përthithjen e kolesterolit nga trupi.

Peshk i yndyror

Peshqit yndyrorë si salmoni, sardelet dhe skumbri janë të pasur me acide yndyrore omega-3, ato ulin trigliceridet dhe të ndihmojnë në rritjen e kolesterolit “të mirë” HDL.

Arra

Bajamet, arrat dhe kikirikët përmbajnë yndyrna të pangopura, që ndihmojnë në uljen e kolesterolit LDL, të pasura me fibra e antioksidantë.

Vaj ulliri

Veçanërisht vaji i ullirit ekstra i virgjër, është i njohur për aftësinë për të ulur kolesterolin LDL duke ruajtur ose rritur kolesterolin HDL. Gjithashtu përmban antioksidantë që mbrojnë zemrën.

Bishtajoret

Thjerrëzat, qiqrat dhe bishtajoret e tjera janë të pasura me fibra të tretshme që ulin kolesterolin LDL. Ato përmbajnë proteina dhe janë të ulëta në yndyrna të ngopura.

Ushqimet me soje

Të tilla si tou, qumështi i sojës, të pasura me proteina e të ulëta në yndyrna të ngopura. Proteina e sojës është treguar se ul kolesterolin LDL.

Avokado

Me yndyra të pangopura e fibra që ul kolesterolin LDL, përmban beta-sitosterol, që redukton përthithjen e kolesterolit. /A.Z/UBT News/