Aktualitet

Uzbekistani burgos protestuesit që morën pjesë në trazirat antiqeveritare

Bëhet fjalë për protestat e korrikut të kaluar.

Published

2 years ago

January 31, 2023

UBT news

Një gjykatë në Uzbekistan ka dënuar 22 persona, përfshirë një gazetar, me burgime të ndryshme për trazirat vdekjeprurëse në republikën autonome Karakalpakstan korrikun e kaluar.

Njëzet e një persona u vranë në protestat, të cilat u shkaktuan nga planet për të kufizuar autonominë e krahinës. Këto plane përfundimisht u anuluan nga presidenti uzbek Shavkat Mirziyoyev në mes të demonstratave.

Pasojat e dhunës paraqitën një dilemë për Mirziyoyev nëse duhet të përforcojë autoritetin e qeverisë së tij apo të zbusë qëndrimin e saj në përputhje me imazhin më liberal që ai ka kërkuar prej kohësh t’i paraqesë Perëndimit.

Të pandehurit u shpallën fajtorë të martën për akuza që varionin nga huliganizmi deri te cenimi i rendit kushtetues në vendin me 36 milionë banorë.

I pandehuri kryesor, Dauletmurat Tajimuratov, avokat i akuzuar për udhëheqjen e trazirave, është dënuar me 16 vjet burg.

Një tjetër e pandehur që luajti rol kyç në protesta, gazetarja Lolagul Kallikhanova, 34 vjeç, u dënua me tre vjet me kusht./UBTNews/

Aktualitet

Tentimvrasja në Pejë, i dyshuari në arrati

Published

21 hours ago

April 23, 2025

Albina Zeneli

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Aktualitet

Seanca konstituive vazhdon të premten në ora 10:00

Published

21 hours ago

April 23, 2025

Albina Zeneli

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

Aktualitet

Burimet e Vatikanit zbulojnë detaje të momenteve të fundit të Papës

Published

22 hours ago

April 23, 2025

Albina Zeneli

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.