Lajmet

Ushtrimet që do t’ju ndihmojnë të rimerrni veten pas Covid-19

Ushtrimi i parë: Tërheqje e shpatullave mbrapa.

Published

3 years ago

August 5, 2021

Betim Gashi

Infektimi me koronavirusin e ri, mund të ketë efekte negative edhe në anën tuaj fizike, shprehen mjekët. Të qëndruarit shtrirë, mund të çojë në humbje të muskujve, dëmtime neuromuskulare dhe ulje të kapacitetit aerobik. Gjithashtu një kërkim, tregoi se koronavirusi mund të shkaktojë humbje të muskujve dhe indeve në të gjithë trupin.

Kjo është arsyeja se pse studiuesit në Spitalin e Kirurgjisë Speciale në New York, këshillojnë që njerëzit e diagnostikuar me COVID-19, të fillojnë të kryejnë ushtrime fizike. Ushtrimet fizike mund të ndihmojë në forcimin e muskujve pas COVID-19, të përmirësojnë frymëmarrjen dhe lëvizshmërinë e trupit.

Ushtrimi i parë: Tërheqje e shpatullave mbrapa
Qëndroni në këmbë me kurrizin drejtë. Kujdes! Mos e harkoni pjesën e poshtme të shpinës. Tërhiqni shpatullat tuaja pas dhe ndjeni si muskujt në pjesën e sipërme të shpinës tkurren. Mbajeni pozën deri në 5 sekonda dhe pastaj me ngadalë relaksohuni. Vështirësoni ushtrimin: Vendosni krahët përpara jush në lartësinë e shpatullave. Mbani skajet e një llastiku rezistence në secilën dorë, duke kryer hapje anësore të krahëve.

Ushtrimi i dytë: Ulje dhe ngritje të krahëve
Qëndroni në këmbë me kurrizin drejtë, duke drejtuar gishtat e mëdhenj të dorës dhe forcuar krahët. Ngrini me ngadalë krahët lart dhe ulini përsëri poshtë. Bëni një pushim, dhe përsëriteni ushtrimin. Vështirësoni ushtrimin: Ju mund të mbani pesha të lehta në secilën dorë. Filloni me 1 ose 2kg, do të jetë më sfiduese nga sa mendoni!

Ushtrimi i tretë: Ulje dhe ngritje e këmbëve
Shtrihuni me kurriz në dysheme ose në një sipërfaqe tjetër të fortë. Përkulni njërën këmbë dhe shtrini këmbën tjetër drejtë. Kontraktoni muskujt e barkut dhe filloni të bëni ulje-ngritje të këmbës së shtrirë, duke i forcuar muskujt e saj. Ngrijeni këmbën ngadalë, aq sa të jetë e rehatshme ose derisa të vijë paralel me këmbën tjetër. Mbajeni deri në 5 sekonda, pastaj ulni këmbën përsëri në dysheme. Përsëriteni ushtrimin me këmbën tjetër. Vështirësoni ushtrimin: Përpiquni të ngrini njëkohësshisht të dy këmbët.

Ushtrimi i katërt: Qëndroni ulur duke u mbështetur në mur
Qëndroni me shpinë në drejtim të murit, me këmbët tuaja të hapura sa gjerësia e shpatullave. Zgjasni krahët drejt dhe forconi muskujt e barkut. Rrëshqisni trupin poshtë murit, duke u ulur derisa kofshët tuaja të jenë paralele me dyshemenë. Mbajeni pozicionin deri në 5 sekonda, pastaj ngrihuni. Vështirësoni ushtrimin: Vendosni një llasik rezistence mbi gjunjë. Ndërsa qëndroni të ulur duke u mbështetur në mur, mos e lini llastikun të tërheqë gjunjët drejt njëri-tjetrit./AgroWeb
Infektimi me koronavirusin e ri, mund të ketë efekte negative edhe në anën tuaj fizike, shprehen mjekët. Të qëndruarit shtrirë, mund të çojë në humbje të muskujve, dëmtime neuromuskulare dhe ulje të kapacitetit aerobik. Gjithashtu një kërkim, tregoi se koronavirusi mund të shkaktojë humbje të muskujve dhe indeve në të gjithë trupin.

Lajmet

S’ka kuorum, dështon Komisioni hetimor për tekstet shkollore

Published

18 mins ago

October 9, 2024

UBTnews

Në mungesë të kourumit, ka dështuar mbajtja e Komisionit Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024.

Në këtë komision ishte paraparë që të intervistoheshin, sekretarja e Përgjithshme në Ministrinë e Arsimit, Shkencës dhe Teknologjisë, Fadile Dyla, U.D i detyrës të drejtorit të Departamentit të Arsimit Parauniversitar, Avni Rexha dhe Genc Hamzaj nga Agjencia e Shoqërisë së Informacionit (AShI).

Në mungesë të deputetëve të pozitës dhe disa të opozitës, kryetari i këtij komisioni, Shemsedin Dreshaj e shpalli të mbyllur këtë mbledhje, për shkak se i pranishëm ishte vetëm edhe deputeti Agim Veliu.

“Realisht, përkundër faktit që kemi qenë të informuar që do të jemi në numër të mjaftueshëm që të vazhdojmë bisedimin dhe intervistimin e kandidatëve të paraparë për sot. Kjo mbledhje nuk mund të vazhdojë se i ka vetëm dy anëtarë nga subjektet opozitare. Në mungesë të forumit, këtë mbledhje e shpalli të mbyllur”, tha Dreshaj./UBTNews/

Bota

Macron do të takohet me trupat ukrainase që stërviten në kampin ushtarak francez

Published

29 mins ago

October 9, 2024

UBT NEWS

Presidenti francez, Emmanuel Macron, do të vizitojë një kamp ushtarak në Francën lindore të mërkurën për të takuar ushtarët ukrainas që po stërviten nga trupat franceze. Vendndodhja e saktë e kampit mbahet sekret për arsye sigurie.

Ky do të jetë takimi i parë i presidentit francez me ushtarët ukrainas në territorin francez. Macron do të jetë i shoqëruar nga ministri i mbrojtjes, Sébastien Lecornu, dhe homologu i tij ukrainas, Rustem Umerov. Lecornu njoftoi për stërvitjen e ushtarëve ukrainas në Francë që në tetor 2022.

Gjatë vizitës së fundit të presidentit ukrainas, Volodymyr Zelenskyy, Macron shpalli se Franca do të trajnonte dhe pajiste një brigadë të tërë ushtarake. Pjesë e këtij procesi do të jenë 2,300 ushtarë ukrainas, të cilët do të formojnë tri batalione këmbësorie, inxhinierë dhe ekipe artilerie gjatë dy muajve të ardhshëm.

Sipas Pallatit Elysée, grupi përbëhet nga rekrutë të rinj dhe ushtarë me përvojë, dhe do të trajnohen për të përballuar sfidat në fushën e betejës, duke përfshirë skenarë realë. Franca gjithashtu do të pajisë brigadën me 150 automjete të blinduara, përfshirë tanke të lehta AMX dhe armë të tjera.

Deri tani, Franca ka trajnuar më shumë se 15,000 ushtarë ukrainas që nga fillimi i pushtimit të Rusisë në shkurt 2022. Ndërkohë, Sekretari i Përgjithshëm i NATO-s, Mark Rutte, paralajmëroi se Ukraina mund të përballet me dimrin më të ashpër deri tani dhe kërkoi rritjen e mbështetjes nga aleatët./UBTNews/

Lajmet

SBASHK: Unioni i Sindikatave të Arsimit të Evropës me kërkesa të qarta për Qeverinë e Kosovës

Published

33 mins ago

October 9, 2024

UBTnews

SBASHK-u ka bërë të ditur se Unioni i Sindikatave të Arsimit të Evropës me seli në Bruksel, ka përgëzuar vazhdimisht këtë sindikatë për angazhimet e shumta e të vazhdueshme në shërbim të anëtarësisë.

Në një komunikatë për media thuhet se ky union, që përfaqëson 11 milionë mësimdhënës nga e tërë Evropa, ka shprehur me deklarime publike dhe me shkresa drejtuar Qeverisë së Kosovës, mbështetjen e fuqishme për sindikatën anëtare të tyre.

Tutje aty bëhet e ditur se kështu ndodhi edhe edhe me letrën e këtyre ditëve, nënshkruar nga kryetari i Unionit të Sindikatave të Arsimit të Evropës, Larry Flanagan, drejtuar kryeministrit Kurti, ministrit Murati dhe ministres Nagavci përmes të cilës ai shpreh mbështetjen e fuqishme për SBASHK-un në emër të 11 milionë anëtarëve të këtij Unioni e duke shprehur kërkesa të qarta sindikale për Qeverinë që të ketë qasje të duhur ndaj SBASHK-ut dhe sindikatave të tjera dhe që të funksionalizojnë Këshillin Ekonomik Social dhe të nisin me dialogun e sinqertë për të gjitha kërkesat duke nënshkruar Marrëveshjen Kolektive në nivel vendi dhe Kontratat Kolektive për Arsimin e Kosovës dhe me sektorët tjerë”.

“Kryetari Flanagan ua kujton Kurtit, Muratit e Nagavcit se Kosova është një vend kandidat potencial për t’u anëtarësuar në Bashkimin Evropian dhe se një element kyç në këtë rrugëtim është edhe dialogu social i Qeverisë, ministrive me SBASHK-un dhe sindikatat tjera”.

“Kjo letër solidariteti me SBASHK-un dhe me kërkesat e këshillat e qarta nga Unioni i Sindikatave të Arsimit të Evropës, është dërguar në adresën e Kryeministrit Kurti dhe në atë të ministrit Murati e ministres Nagavci dhe urojmë që ta lexojnë me kujdes dhe të ndryshojnë qasjen ndaj dialogut dhe ndaj sindikatave”, thuhet tutje në komunikatën për media të SBASHK-ut./UBTNews/

Bota

Samiti i Dytë i Paqes nuk do të zhvillohet në nëntor 2024

Published

33 mins ago

October 9, 2024

UBT NEWS

Samiti i Dytë i Paqes, i planifikuar të zhvillohej në nëntor 2024, nuk do të mbahet më në këtë datë. Ky informacion u konfirmua nga zyra e presidentit ukrainas, Volodymyr Zelensky, në një deklaratë të publikuar të martën në mbrëmje.

Sipas zyrës presidenciale, Ukraina nuk parashikon që samiti të zhvillohet para zgjedhjeve presidenciale në Shtetet e Bashkuara, të cilat do të mbahen më 5 nëntor 2024. Zhvillimi i këtyre zgjedhjeve, ku pritet një rivalitet i fortë mes kandidatëve, përfshirë mundësinë e rikthimit të Donald Trump në Shtëpinë e Bardhë, e bën organizimin e samitit të paqes më pak të realizueshëm në këtë periudhë.

Andriy Yermak, kryetari i zyrës së presidentit, është përgjegjës për përgatitjen e këtij samiti, i cili kishte për qëllim të bashkonte përfaqësues nga qeveritë dhe organizatat ndërkombëtare për të diskutuar planin e paqes të presidentit Zelensky, që synon të japë fund luftës me Rusinë, e cila zgjat prej më shumë se dy vjet e gjysmë.

Daria Zarivna, një këshilltare e Yermak, konfirmoi se përgatitjet për mbledhjen do të vazhdojnë, pavarësisht shtyrjes së datës. “Aktualisht po zhvillohen konferenca mbi aspekte të ndryshme të planit të paqes të Zelensky, përfshirë një takim për çështjet humanitare, siç është shkëmbimi i robërve të luftës, që do të mbahet më 30 dhe 31 tetor,” tha ajo në një postim në Telegram.

Zarivna theksoi se çështja e datës për samitin e dytë të paqes do të rishikohet pas përfundimit të këtyre konferencave tematike. Samiti i parë i paqes u zhvillua në qershor në Zvicër dhe pati pjesëmarrjen e rreth 100 vendeve dhe organizatave, megjithatë, Rusia nuk mori pjesë pasi e refuzoi ftesën./UBTNews/