Aktualitet

Ushtria britanike vrau mbi 50 të burgosur, burra të paarmatosur në Afganistan, zbulon hetimi

Hetimi nga BBC sugjeron se një njësi mund të ketë vrarë në mënyrë të paligjshme 54 njerëz në një turne gjashtë mujor.

Published

on

Më shumë se 50 të burgosur dhe burra të paarmatosur u vranë nga trupat britanike në Afganistan, sipas raporteve të reja ushtarake dhe një hetimi nga BBC.

Programi i BBC Panorama, i cili do të transmetohet mbrëmjen e së martës, shqyrtoi dokumentet e operacioneve të Shërbimit Ajror Special (SAS) – një njësi elitare britanike e përdorur në operacione speciale – dhe zbuloi se ato përfshijnë “raporte që mbulojnë më shumë se një duzinë “vrasje ose bastisjet e kapjes të kryera nga një skuadril SAS në Helmand në 2010/11”.

Individët që shërbyen me skuadriljen e SAS në atë dislokim folën me programin dhe thanë se ishin dëshmitarë të operativëve të SAS “të vrisnin njerëz të paarmatosur gjatë bastisjeve natën”, sipas një raporti të BBC News.

Sipas rrëfimit të ish-ushtarëve, vrasja e një individi u justifikua duke vendosur një pushkë sulmi AK-47 në skenë dhe disa individë brenda forcës po konkurronin me njëri-tjetrin për të marrë sa më shumë vrasje.

Raporti gjithashtu pretendon se email-et e brendshme tregojnë se oficerët në nivelet më të larta të Forcave Speciale ishin të vetëdijshëm se ekzistonte shqetësimi për vrasjet e mundshme të paligjshme, por nuk i raportuan dyshimet në policinë ushtarake pavarësisht nga detyrimi ligjor për ta bërë këtë.

Hetimi nga BBC sugjeron se një njësi mund të ketë vrarë në mënyrë të paligjshme 54 njerëz në një turne gjashtë mujor.

Gjenerali, Sir Mark Carleton-Smith, ish-kreu i Forcave Speciale të Mbretërisë së Bashkuar, u informua në lidhje me vrasjet e supozuara të paligjshme, por nuk ia kaloi provat Policisë Ushtarake Mbretërore, edhe pasi RMP filloi një hetim për vrasje në skuadrën e SAS.

Ministria e Mbrojtjes tha se programi Panorama kalon në përfundime të pajustifikuara nga akuzat që tashmë janë hetuar plotësisht, duke shtuar se hetimi për incidentet e pretenduara në program nuk gjeti prova të mjaftueshme për të ndjekur penalisht.

Ministria tha gjithashtu se qëndron e hapur për të marrë në konsideratë çdo provë të re, nuk do të kishte asnjë pengesë. /UBTNews/

Aktualitet

Parashikimi i motit për sot

Published

on

Sot parashihet të mbajë mot me diell dhe vranësira të pakta.

Sipas Institutit Hidrometeorologjik të Kosovës, vranësirat parashihen te dendësohen dhe të sjellin momente të freskëta.

Temperaturat minimale pritet të lëvizin nga 12 – 16°C, kurse ato maksimale: 22-29°C.

Continue Reading

Aktualitet

Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)

Published

on

Themeluesi dhe Presidenti i UBT-së, Rektori, Prof. Dr. Edmond Hajrizi, është pranuar si anëtar në Akademinë Evropiane të Shkencave (European Academy of Sciences – EurASc).

European Academy of Sciences (EurASc) është një nga akademitë më prestigjioze në Evropë, që bashkon shkencëtarë dhe studiues të shquar nga e gjithë bota, me qëllim promovimin e ekselencës shkencore dhe teknologjike për të adresuar sfidat më të mëdha globale. Anëtarët e saj janë emra të njohur që kanë dhënë kontribute të mëdha në fushat përkatëse, përfshirë shumë fitues të çmimeve ndërkombëtare dhe nobelistë.

Ky është një vlerësim i rëndësishëm ndërkombëtar që njeh kontributin e jashtëzakonshëm të Prof. Hajrizit në fushën e arsimit të lartë, kërkimit shkencor, inovacionit dhe politikëbërjes në nivel rajonal dhe evropian.

“Pjesëmarrja ime si anëtar në Akademinë Evropiane të Shkencave është një vlerësim personal, por mbi të gjitha është një njohje për punën dhe përkushtimin afatgjatë të UBT-së në ndërtimin e një ekosistemi akademik dhe shkencor në përputhje me standardet evropiane. Ky është një hap i rëndësishëm drejt fuqizimit të rolit të Kosovës në hartën ndërkombëtare të dijes dhe inovacionit”, tha Rektori Hajrizi.

Akademia Evropiane e Shkencave (EurASc), në publikimin e saj në rrjetet sociale, ka vlerësuar lart kontributin e Prof. Dr. Edmond Hajrizi për përvojën e tij mbi dydekadëshe në ndërthurjen e akademisë me ekosistemet e inovacionit dhe zhvillimit ekonomik.

Nën udhëheqjen e tij strategjike dhe vizionare, UBT është konsoliduar si një nga institucionet më të avancuara të arsimit të lartë në Evropën Juglindore, duke u shndërruar në një qendër të rëndësishme për zhvillimin e inovacionit, teknologjisë dhe sipërmarrjes.

Si pjesë e angazhimeve të tij profesionale, Prof. Hajrizi ka udhëhequr me sukses dhjetëra projekte të financuara nga Bashkimi Evropian, si dhe ka kontribuar si këshilltar për institucione prestigjioze ndërkombëtare, duke promovuar transformimin digjital, prodhimin inteligjent dhe arsimin e orientuar drejt së ardhmes.

Ky pranim përfaqëson jo vetëm një sukses personal për Rektorin Hajrizi, por një arritje të rëndësishme për UBT-në dhe Kosovën në tërësi. Ai dëshmon se përkushtimi ndaj inovacionit, cilësisë akademike dhe vizionit global mund të sjellë njohje ndërkombëtare dhe ta vendosë Kosovën në hartën e qendrave të rëndësishme të dijes dhe teknologjisë.

Continue Reading

Bota

​Trump shtyn për tre muaj tarifat ndaj Meksikës

Published

on

Presidenti i SHBA-së Donald Trump tha se do të shtyjë vendosjen e tarifave ndaj Meksikës për tre muaj, për të arritur një marrëveshje tregtare, që do të thotë se tarifat më të larta të shpallura nuk do të hyjnë në fuqi për momentin.

Trump shkroi në Truth Social se diskutoi në telefon me presidenten meksikane Claudia Sheinbaum, duke e përshkruar bisedën si “shumë të suksesshme”.

Tarifat prej 25 për qind për shumicën e mallrave nga Meksika do të mbeten në fuqi ndërsa negociatat vazhdojnë. Trump kërcënoi të rriste tarifat në 30 për qind më parë këtë muaj.

Presidenti amerikan shkroi në Truth Social se tarifat për veturat do të mbeten 25 për qind dhe se tarifat prej 50 për qind për çelikun, aluminin dhe bakrin do të vazhdojnë të zbatohen.

Ndërsa Sheinbaum shkroi në X: “Ne shmangëm rritjen e tarifave të njoftuara për nesër dhe na u dhanë 90 ditë për të krijuar një marrëveshje afatgjatë përmes dialogut,”rtheksoi ajo.

Nesër, do të hyjnë në fuqi më shumë tarifa për shumë vende kur bëhet fjalë për importet në SHBA, ndërsa fillon faza tjetër e politikës tregtare të Trump.

Disa vende, përfshirë Britaninë e Madhe dhe Japoninë, kanë arritur tashmë marrëveshje me qeverinë amerikane për të ulur tarifat. Pas muajsh negociatash, Bashkimi Evropian ra dakord për një marrëveshje tregtare me SHBA-në katër ditë më parë, sipas së cilës norma bazë e tarifës për eksportet e Bashkimit Evropian në SHBA do të jetë 15 për qind.

Continue Reading

Bota

​Policia u del në ndihmë 5 shtetasve që rrezikonin të mbyteshin në Durrës

Published

on

Shërbimet e Njësisë Policore Detare u kanë dalë në ndihmë pesë shtetasve që kërkonin ndihmë, pasi gomonia e tyre rrezikonte të fundosej për shkak të erërave të forta në afërsi të Gjirit të Durrësit.

Menjëherë pas konstatimit, efektivët e Njësisë, me mjete lundruese, ndërhynë në kohë dhe bënë të mundur nxjerrjen në breg të qytetarëve, të cilët ndodheshin në gjendje të mirë shëndetësore.

Policia fton qytetarët apo turistët që ndodhet në vështirësi dhe kanë nevojë për ndihmë të kontaktojnë menjëherë Shërbimet e Njësisë Policore Detare.

Continue Reading

Të kërkuara