Lajmet

Ushqimet që ndikojnë në rrahjet e zemrës

Ushqimet dhe pijet e pasura me kafeinë.

Published

4 years ago

on

Rrahjet e zemrës konsiderohen të shëndetshme kur janë mes 60 dhe 100 rrahje në minutë. Megjthatë ato ndikohen nga shumë faktorë ku përfshihet: gjendja emocionale, ushqyerja, shëndeti mendor, medikamentet dhe niveli i aktivitetit fizik.

Konsumi i disa ushqimeve apo pijeve mund të shtojë rrahjet e zemrës edhe në nivele jo të shëndetshme. Në këtë artikull do të mësoni për ushqimet dhe pijet që duhet të shmangni ose kufizoni për të mbajtur rrahjet e zemrës në nivele të shëndetshme.

Ushqimet Dhe Pijet E Pasura me Kafeinë
Ushqimet dhe pijet që përmbajnë kafeinë kanë tendencën të rrisin rrahjet e zemrës. Kafeina stimulon sistemin qendror nervor dhe ekzalton trurin duke shkaktuar një rritje të beftë të rrahjeve të zemrës. Njerëzit që vuajnë nga tensioni i lartë i gjakut apo rrahjet e çrregullta të zemrës duhet të shmangin kafeinën.

Çokollata
Çokollata është e pasur me një substancë stimuluese natyrale që quhet theobromine. Kjo substancë gjendet jo vetëm tek çokollata por edhe tek nënproduktet e saj siç janë akullorja me çokollatë, ëmbëlsirat, qumështi me çokollatë apo çokollata e ngrohtë. Ndikimi i kësaj substance tek rrahjet e zemrës është e gjitha në varësi të dozës. Kjo do të thotë se sa më shumë çokollatë të hani aq më të larta do të jenë rrahjet e zemrës.

Sheqeri
Ushqimet e tejmbushura me sheqer rrisin shpejt rrahjet e zemrës. Sheqernat në gjak pengojnë funksionin e enëve të gjakut dhe rrisin tensionin e gjakut e bashkë me të edhe rrahjet e zemrës. Ndër ushqimet që shkaktojnë një rritje të beftë të sheqernave në gjak janë: pijet e gazuara, ëmbëlsirat, buka, makaronat dhe orizi i bardhë.

Specat Djegës Për Normalizimin e Rrahjeve të Zemrës
Specat djegës kanë tendencën të parandalojnë çrregullimet në rrahjet e zemrës. Nëse aritmia është e vazhdueshme ajo mund të pakësojë qarkullimin e gjakut në tru dhe në organe të tjera. Kapsaicina tek specat djegës përmirëson qarkullimin e gjakut dhe ul rrahjet jo normale të larta të gjakut. Konsumoni ushqimet duke i kombinuar me pak speca djegës pa e tepruar me sasinë./AgroWeb

Related Topics:
Continue Reading

Lajmet

OKB: Ruajtja e armëpushimit në Gaza është jetike për të ofruar ndihma dhe për të shpëtuar jetë

Published

6 minutes ago

on

October 22, 2025

By

Mbajtja e armëpushimit në Gaza është thelbësore për ofrimin e ndihmës humanitare që shpëton jetë në territor kanë thënë Kombet e Bashkuara, duke përsëritur një thirrje për hapjen e të gjitha kalimeve kufitare.

“Ruajtja e armëpushimit është jetike; në të vërtetë është e vetmja mënyrë që mund të shpëtojmë jetë. E dimë që është një armëpushim i brishtë; gjëja më e rëndësishme është që të zgjasë”, tha Abeer Etefa, zëdhënëse e Programit Botëror të Ushqimit të OKB-së për Lindjen e Mesme.

Etefa tha se që nga hyrja në fuqi e armëpushimit, 530 kamionë të WFP-së kishin kaluar në Gaza, duke sjellë më shumë se 6,700 ton ushqim, të cilat ajo tha se ishin të mjaftueshme për gati gjysmë milioni njerëz për dy javë.

Ajo shtoi se WFP nuk kishte parë plaçkitje të konvojeve të saj që nga armëpushimi dhe se tani ka 26 pika shpërndarjeje ushqimesh të hapura në Gaza nga pesë të premten, por ende shumë më pak se 145 që shpreson të ketë në të gjithë territorin.

“Njerëzit po shfaqen në numër të madh” në pikat e shpërndarjes, tha Etefa.

Ajo tha se vetëm kalimet kufitare Kerem Shalom dhe Kissufim ishin të hapura, por bëri thirrje që të hapet çdo pikë hyrjeje në territorin palestinez, veçanërisht ato në veri, ku situata e ushqimit është jashtëzakonisht e rëndë.

“Nuk kemi një tregues se kur do të hapen ato pika kufitare”, tha ajo, duke shtuar: “Nuk kemi arritur në pikën ku Gaza është e përmbytur me ushqim”, përfundoi ajo./S.K/EO/

Continue Reading

Lajmet

Parashikimi i motit

Published

9 minutes ago

on

October 22, 2025

By

Sot në Kosovë do të mbaj mot kryesisht i vranët dhe me reshje lokale shiu.

Instituti Hidrometeorologjik i Kosovës bën të ditur se temperaturat minimale pritet të sillen nga 8 deri 10 gradë Celcius, kurse ato maksimale nga 13 deri 16 gradë Celcius.

Era do të fryjë kryesisht nga jugperëndimi me shpejtësi 1–7 m/s./S.K/UBTNews/

 

Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

15 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

15 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Të kërkuara