Lajmet

Ukraina thotë se qyteti kryesor lindor “u pastrua” nga trupat ruse

Kjo shënon fitoren e parë ushtarake ukrainase në një territor që Kremlini e ka konsideruar si të tijin.

Published

on

Presidenti i Ukrainës, Volodymyr Zelensky tha të dielën se Lyman, një qytet kyç i vendosur në një nga katër rajonet ukrainase të aneksuara nga Rusia, është “pastruar” nga trupat e Moskës.

Zhvillimi më i fundit në kundërofensivë njëjavore të Ukrainës kundër pushtimit të Moskës vjen ndërsa Rusia po shkon përpara me finalizimin e aneksimit të territoreve të pushtuara ukrainase pavarësisht dënimit nga Kievi dhe Perëndimi.

Ripushtimi i Lyman-it, qytet të cilin forcat e Moskës e goditën për javë të tëra për ta kontrolluar në fillim të këtij viti, shënon fitoren e parë ushtarake ukrainase në një territor që Kremlini e ka konsideruar si të tijin dhe është zotuar ta mbrojë me të gjitha mjetet e mundshme.

Ushtria e Ukrainës tha se kishte hyrë në Lyman, një qendër strategjike hekurudhore në rajonin lindor të Donetskut, të shtunën, duke bërë që Moska të njoftojë “tërheqjen” e trupave të saj nga qyteti drejt “linjave më të favorshme”./UBTNews/

Aktualitet

Tiranë: Sekuestrohen mbi 26 milionë euro pasuri në pronësi të një të dënuari për vrasje

Published

on

Policia në Tiranë ka sekuestruar pasuri me vlerë prej 26 milionë e 500 mijë euro, nën pronësi të një 45-vjeçari të dënuar për vrasje dhe për pjesëmarrje në grup kriminal për trafikim të lëndëve narkotike, nga autoritetet italiane.

Sipas njoftimit të policisë, pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.

“Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi. Materialet procedurale iu referuan Prokurorisë së Tiranës, për veprime të mëtejshme”, thuhet tutje në njoftim.

Continue Reading

Aktualitet

Kosova e Shqipëria forcojnë partneritetin ushtarak, trajnime të përbashkëta për operacione ujore

Published

on

Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes.

Trajnimi i përbashkët u realizua në Qendrën e Zhytjes në Pashaliman, Vlorë, Republika e Shqipërisë.

Sipas FSK-së qëllimi i këtij trajnimi ishte ruajtja, zhvillimi dhe avancimi i njohurive dhe aftësive profesionale në fushën e zhytjes, në thellësi dhe kushte të ndryshme operative si dhe shkëmbimin e përvojës dhe praktikave më të mira ndërmjet pjesëtarëve të të dy forcave ushtarake.

FSK po ashtu thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare.

Continue Reading

Aktualitet

Behramaj: VV-ja po e shtyn qëllimisht Listën Serbe që t’i drejtohet Kushtetueses

Published

on

Deputeti i PDK-së, Artan Behrami, ka akuzuar Lëvizjen Vetëvendosje se me qëllim po e nxit Listën Serbe që t’i drejtohet Gjykatës Kushtetuese, me synimin për të krijuar precedent që forcon pozitën e këtij subjekti në formimin e institucioneve.

“Dërgimi në Gjykatën Kushtetuese mund të krijojë precedent të rrezikshëm, se pa pjesëmarrjen e subjektit serb, i cili përfaqëson shumicën në komunitetin serb, nuk mund të krijohen institucionet e vendit,” shkroi Behrami në një reagim publik.

Sipas tij, kjo lëvizje është pjesë e një strategjie të VV-së për të paraqitur pjesëmarrjen e Listës Serbe në Kuvend si detyrim kushtetues, në një kohë kur Kurti nuk i ka numrat për të formuar Qeverinë.

“Po përpiqet ta ‘paketojë’ si detyrim kushtetues dhe jo si marrëveshje politike,” shtoi ai.

Behrami paralajmëron se një vendim i tillë nga Kushtetuesja do të shtrëngonte edhe më tej hapësirën kushtetuese për përfaqësuesit serbë, duke lënë pasoja afatgjata për rendin institucional në vend.

Continue Reading

Bota

Kremlini: Të interesuar për negociata, por nuk do të ndalim sulmet ndaj Ukrainës

Published

on

Rusia po vazhdon me operacionin e saj ushtarak në Ukrainë, por mbetet e interesuar për të vazhduar procesin e negociatave.

Kjo vije si rezultat për të arritur objektivat  përmes mjeteve politike dhe diplomatike, ka deklaruar zëdhënësi i Kremlinit, Dmitry Peskov, shkruan ANSA.

“Operacioni special ushtarak vazhdon. Sulmet kundër infrastrukturës ruse, shpesh infrastrukturës civile ruse, nga regjimi i Kievit vazhdojnë. Forcat ushtarake ruse do të vazhdojnë të kryejnë misionin e tyre”, shtoi ai.

”Ato vazhdojnë të sulmojnë vende ushtarake dhe infrastrukturë të lidhur me ushtrinë. Sulmet janë të suksesshme dhe objektivat e tyre janë shkatërruar”, theksoi ai.

Continue Reading

Të kërkuara