Kryetari i Lidhjes Demokratike të Kosovës, njëherësh kandidati për kryeministër, Lumir Abdixhiku, u ka bërë thirrje qytetarëve të votojnë për ndryshim në zgjedhjet parlamentare të 9 shkurtit 2025, duke thënë se adresa e vetme për zhvillim ekonomik dhe konsolidim të shtetësisë së Kosovës është LDK-ja.

Lideri i LDK-së, në turneun të cilin e kanë quajtur të ndryshimit në Prishtinë para simpatizantëve të shumtë, tha se LDK-ja është ngritur në këmbë dhe nuk ka asgjë që mund ta ndalë.

“Kur gjërat shkojmë keq dhe mbrapsht dhe kur eksperimentet përfundojnë ata kanë një adresë dhe kanë një drejtim dhe një shtëpi të vetme – Lidhjen Demokratike të Kosovës… Lidhja Demokratike e Kosovës është ngritur në këmbë dhe kur LDK ngrihet më këmbë s’ka asgjë që e ndalë… Ky turne i ndryshimit, që nis sot në Prishtinë, vazhdon nesër në Viti dhe pasnesër në Pejë, rrugëton në qytetet e Kosovës dhe në mërgatë. Kjo është thirrje e afrimit dhe përbashkimit”, tha ai.

Sipas tij, zgjedhjet e ardhshme janë “udhëkryq” për shtetin e Kosovës dhe orientimin e saj, teksa serish premtoi rritjen e koeficientit të pagave në sektorin publik për 150 euro, duke thënë se projektet infrastrukturore do të përfundojnë brenda tri vjetësh në qeverinë e tij.

“Kosova qëndron në udhëkryqin më të madh politik dhe ekzistencial që nga themelimi i saj. Në këtë udhëkryq duhet të kuptohet edhe zgjedhjet e 9 shkurtit, pasi bëhen për të përcaktuar fatin e Kosovës… Bëjmë thirrje për ndryshim të madh politik në Kosovë, thirrje për ndryshim për rrugën e re të Lidhjes Demokratike të Kosovës”, tha ai.

Ai prezantoi edhe kandidatët për deputetë nga Prishtina: Hykmete Bajrami, Berat Rukiqi, Besian Mustafa, Doarsa Kica-Xhelili, Doruntinë Maloku, Elmire Nikçi, Fadil Aliu, Florian Dushi, Donjeta Dragusha, Ismet Beqiri, Izet Sadiku, Jehona Lushaku, Jeta Rafuna, Sokol Havolli, Fiknete Bejta, Krenar Xhaferi, Sibel Halimi, Vlora Dumoshi, Arben Gashi.

Ndërsa, nënkryetarja e LDK-së, Hykmete Bajrami, akuzoi Qeverinë e Albin Kurtit për izolim të Kosovës.

“Kemi humbur katër vjet, 12 miliardë buxhet dhe kemi humbur të gjithë aleatët tonë. Sot jemi vend nën sanksione të BE-së për shkak të politikave të kësaj qeverie. Zgjedhjet e 9 shkurtit janë zgjedhje mes demokracisë dhe autokracisë. Janë zgjedhje ndërmjet integrimit dhe izolimit, janë zgjedhje ndërmjet zhvillimit dhe regresit”, tha ajo.

Ky tubim, sipas të parit të kësaj partie, nis në kryeqytet, për të vazhduar nëpër Kosovë.

Komisioni Qendror i Zgjedhjeve në mbledhjen e paralajmëruar për sot do të trajtojë disa pika të rendit të ditës.

Sipas njoftimit të KQZ-së sot do të shqyrtohet rekomandimi për regjistrimin e partisë politike Bashkimi Demokratik.

Poashtu në këtë mbledhje do të raportohet për aktivitetet e Sekretariatit të KQZ-së dhe do të ketë raport të Këshillave të KQZ-së.

Rendi i ditës:

1. Hyrje: z. Kreshnik Radoniqi, Kryesues i mbledhjes së KQZ-së

2. Procesverbali i mbledhjes së KQZ Nr.58 dhe 59/2024

3 Aktivitetet e Sekretariatit të KQZ

4.Aktivitetet e Zyrës

4.1 Shqyrtimi dhe miratimi i rekomandimit për regjistrimin e partisë politik BASHKIMI DEMOKRATIK

5. Raport i Këshillave të KQZ

5.1. Këshilli për Operacione Zgjedhore

5.1.1. Shqyrtimi dhe miratimi i Listës së Qendrave të Votimit

5.1.2. Shqyrtimi dhe miratimi i Specifikave teknike për shtypjen e distinktivëve për procesin e Votimit për Zgjedhjet për Kuvendin e Kosovës 2025 dhe Zgjedhjet Lokale 2025

5.1.3. Shqyrtimi dhe miratimi i projektit- Fushatë ndërgjegjësuese për promovimin e barazisë gjinore në proceset zgjedhore

5.1.4. Shqyrtimi dhe miratimi i Planit të aktiviteteve për edukim dhe informim dhe materialeve të tjera

5.1.5. Formimin i Këshillit për Informim Publik

5.2. Këshilli për Personel

5.2.1. Njoftim lidhur me procesin realizimit te rekrutimit për pozitat e përhershme dhe te përkohshme

5.2.2. Shqyrtimi dhe aprovimi i listës se kandidateve potencial për pozitën: Udhëheqësi I Njësisë për Regjistrim dhe Certifikim të Subjekteve Politike në ZRCKFSP

5.2.3. Rekomandim për themelimin e grupit punues për sistemim dhe digjitalizim të arkivës së KQZ-së

5.2.4. Shfuqizimi i Udhëzimit Administrativ 02/2015 për Arkivin dhe Lëndët

Arkivore në Komisionin Qendror të Zgjedhjeve

5.3. Këshilli për Çështje Ligjore

5.3.1. Shqyrtimi dhe miratimi i kërkesës për zëvendësimin e anëtari të kuvendit komunal në Pejë

5.4. Këshilli për Marrëdhënie me Jashtë

5.4.1. Shqyrtimi dhe miratimi i pjesëmarrjes së KQZ-së në konferencën “Informimi dhe angazhimi i votuesve – një perspektivë rajonale mbi sfidat dhe mundësitë për të rritur pjesëmarrjen në votime”, në Varshavë, Poloni

5.4.2. Shqyrtimi dhe miratimi i pjesëmarrjes së KQZ-së në takimin e Rrjetit Zgjedhor të Rezistencës Kibernetike dhe Informacionit (CIREN), në Pragë, Çeki

5.6. Këshilli për Buxhet dhe Financa

5.6.1. Shqyrtimi dhe miratimi i raportit të shpenzimeve të derivateve për veturat e KQZ-së, për periudhën janar – shtator 2024

5.6.2. Shqyrtimi dhe miratimi i kërkesës për blerjen e inventarit për KQZ-në

Deputeti i Lidhjes Demokratike të Kosovës, Anton Quni ka deklaruar se FSK-ja deri në vitin 2028 do të arrijë kapacitetet e plota ushtarake për të menaxhuar situatat në rast të rrezikut potencial.

 “Çështja e sigurisë është çështje që çdo ditë evulon ndryshon për nga natyra faktorët që kanë ndikime të ndryshme, duke filluar ato globale deri tek regjionale. Natyrisht që institucionet tona të specializuara duhet të përcjellin dhe të sigurojnë informata në lidhje me sigurinë në veçanti me kapacitet e ngushta policore, njësive speciale, po ashtu edhe grupeve paramilitare terroriste të cilat mund të zhvillohen te shtetet fqinjëve. Tanimë është e ditur se Serbia ka një numër të konsiderueshme të personelit ushtarak, po aplikon teknologjinë e fundit ushtarake dhe ka një industri ushtarake të konsiderueshme. Është eksportues i disa produkteve nga industria ushtarake. Këto fakte mundin ta determinojnë se cilat masa do të duhej institucionet e Kosovës me ndërmarrë në raste të ndonjë rreziku potencial”, ka deklaruar Quni.

Ai ka thënë se varësisht nga përmasat e rrezikut, natyra e agresionit, operacioneve, taktikave, FSK-ja ka kapacitet për të menaxhuar situatat.

“Kur flasim për FSK-në, për një organizatë e cila është në zhvillim e sipër, është e paraparë që në vitin 2028 FSK-ja do të duhej të arrijë kapacitet e plota ushtarake. Kjo nuk do të thotë që nuk mundet edhe tani me disa njësi dhe disa natyra që rrezikojnë Kosovën. Natyrisht që varet nga përmasat e rrezikut, natyra e agresionit, operacioneve, taktikave e përmasa, nëse flasim për një ndërhyrje të njësive më të vogla, në një hapësirë të kufizuara jam e bindur që tanimë FSK-ja i ka kapacitet me i menaxhuar situatat e tilla. Por, nëse flasim për një agresim klasik, të përgjithshëm në tërë Republikën e Kosovës, atëherë nuk flasim për një problem për të cilën do të duhej të brengosemi vetëm FSK-ja, por e të gjithë qytetarëve, dhe ashtu do të duhej të përgjigjemi”, ka thënë ai.

Megjithëkëtë, Quni ka potencuar se FSK-ja duhet të vazhdojë me ngritjen profesionale dhe përgatitjen kolektive në mënyrë që jetë në hap me zhvillimin në botë.

“Përveç faktorit njeri që kryesori që determinon suksesin duhet të vazhdohen në ngritjen profesionale të tyre si individë po ashtu edhe përgatitjen kolektive duke filluar nga njësitë më të vogla nga skuadrat deri tek niveli i brigadave, por edhe FSK-ja si në tërësi, por assesi nuk duhet të zhvendoset vëmendja nga inovacionet teknike. Kibernetika, Inteligjenca Artificiale, risitë që tani më së shumti vërehen në luftën në Ukrainë, do të duhej të studiohen dhe të analizohen nga autoritet e FSK-së dhe të shihet se a jemi në hapë me ato zhvillime dhe çka me ndërmarrë në avancimin në këto fusha”, tha Quni.

Në rast të një rreziku potencial, deputeti theksoi se është pjesa e rezervës të cilat thërriten në shërbim në rast nevoje.

“Kur ekspertët e bëjnë analizat përafrohen tek një numër i cili mund të arsyetohet me buxhet të mjaftueshëm për me i mirëmbajtur dhe me zhvilluar, ato sistemet e kaluara nga koha e luftës, do të ishte e pa arsyeshme për ta mbajtur një numër të madh të mobilizuar përderisa nuk është në përputhje me shkallën e rrezikut. Gjithnjë flasim për raportin e forcave që sulmojnë dhe mbrojnë, është e menduar që këto forca që tani janë në gatishmëri janë të mjaftueshme me iu përgjigjur një rreziku, gjithnjë duke marrë parasysh edhe numrin e forcave të armikut potencial. Për këtë arsye është edhe një pjesë e rezervës që po ashtu i kanë pajisjet dhe përgatitjet në rast nevoje që ata të thirren në shërbim”, theksoi ai.

Kurse, për rifutjen e shërbimit të detyrueshëm ushtarak, Quni e konsideron se kjo është një temë e braktisur, mirëpo ai propozoi që rinia të marrë njohuritë bazike të një ushtari, në mënyrë që të jetë i gatshëm të kontribuojë për vendin.

“Ka pasur shumë debate në lidhje më këtë çështje, në konsultime edhe me parterët tanë por duke pasur parasysh edhe që i kemi prezencës së KFOR-it, është një temë që është braktisur ka dekada që është braktisur ky koncept. Por kur shihen këto zhvillimet e reja atëherë do të duhet të merret në konsideratë se si rininë tonë të kemi të gatshëm në rast të ndonjë rreziku edhe ata të kryejnë një shërbim vendit. Ne si LDK kemi menduar një mënyrë tjetër jo me shërbim të detyrueshëm por njohuritë bazike që i ka çdo ushtarë që i përvetëson gjatë një trajnimi një mujor bazik. Shpërndahet në dy vitet e fundit të shkollës së mesëm si edukim dhe arsimim gjeneral”, përfundoi ai.

Sekretari amerikan i Mbrojtjes Lloyd Austin u tha trupave të ushtrisë në një mesazh që u bë publik të enjten se Pentagoni është i përkushtuar për një tranzicion të rregullt tek administrata e ardhshme e Presidentit të zgjedhur Donald Trump dhe se ushtria nuk do të përfshihej në politikë dhe ishte e gatshme të zbatonte “të gjitha urdhrat e ligjshme”.

Trump u zgjodh president të martën, duke realizuar një rikthim të jashtëzakonshëm katër vjet pasi humbi ndaj Presidentit Joe Biden dhe duke sjellë një udhëheqje të re amerikane që ka të ngjarë të vërë në provë qëndrueshmërinë e institucioneve demokratike brenda vendit dhe marrëdhëniet jashtë vendit.

Gjatë një interviste muajin e kaluar, Trump u pyet nëse priste “kaos” në ditën e zgjedhjeve dhe ai u duk sikur la të kuptohej se ushtria mund të përdorej kundër qytetarëve që e kundërshtojnë atë.

Në një mesazh për trupat amerikane që u dërgua të mërkurën mbrëma dhe u lëshua publikisht të enjten, Sekretari Austin tha se “ushtria amerikane gjithashtu do të vazhdojë të qëndrojë e shkëputur nga arena politike; të vazhdojë rolin e saj për të mbrojtur republikën tonë me parime dhe profesionalizëm; dhe të qëndrojë në krah të aleatëve dhe partnerëve të çmuar që përforcojnë sigurinë tonë”.

Duke folur me gazetarët më vonë të mërkurën në Miami, Austin tha se besonte se udhëheqësit e lartë të Pentagonit do të vazhdojnë të bëjnë gjënë e duhur.

“Këta udhëheqës të lartë do të qëndrojnë të fokusuar në detyrën tonë që është mbrojtja e këtij vendi, kujdesi për trupat tona, suksesi përmes bashkëpunimit”, tha ai.

Si miqtë, edhe kundërshtarët e Amerikës po presin të shohin nëse mandati i dytë i Trump do të jetë po aq i paparashikueshëm sa katër vitet e tij të para në detyrë.

Kritikët thonë se gjatë administratës së tij 2017-2021 Trump shpërfilli haptazi normat duke kërkuar hapur mbështetjen politike të trupave amerikane, të cilët duhet të jenë besnikë ndaj Kushtetutës së SHBA-së, jo ndaj ndonjë partie apo lëvizjeje politike apo udhëheqësi.

Gjatë fushatës presidenciale, Trump foli për një përballje me një “armik nga brenda”.

Austin shkroi në mesazhin e tij: “Siç ka bërë gjithmonë, ushtria amerikane do të jetë e gatshme të ndjekë politikat e Komandantit të saj të ardhshëm të Përgjithshëm dhe t’u bindet të gjitha urdhrave të ligjshme nga zinxhiri i civil i komandës.

“Ju jeni ushtria e Shteteve të Bashkuara – forca më e mirë luftarake në botë – dhe do të vazhdoni të mbroni vendin tonë, Kushtetutën tonë dhe të drejtat e të gjithë qytetarëve tanë”, shtoi ai.