Aktualitet

Ukraina në dialog për sisteme më moderne kundërajrore mes kërcënimit dronët iranian

Ne do të ruajmë energjinë pavarësisht ëndrrës së armikut për të na shkatërruar”, tha Yermak.

Published

3 years ago

November 2, 2022

UBT news

Ukraina po zhvillon në mënyrë aktive një dialog për të marrë më shumë sisteme raketore kundërajrore nga Perëndimi, ndërsa Rusia planifikon të importojë më shumë raketa balistike nga Irani, tha të mërkurën një zyrtar i lartë ukrainas.

“Ne duhet të jemi një hap përpara në shahun ushtarak. Dëshira e armikut për të marrë raketa iraniane vetëm konfirmon efektivitetin e sanksioneve”, tha kreu i zyrës së presidentit Andrii Yermak në një deklaratë në kanalin e tij Telegram.

“Ndërsa ne po bëjmë gjithçka të mundshme dhe të pamundurën për të përshpejtuar sjellur armët moderne tek ne, Presidenti propozon të krijojmë një ‘Ramstein të energjisë’. Ne do të ruajmë energjinë pavarësisht ëndrrës së armikut për të na shkatërruar”, shtoi Yermak, duke u zotuar se Ukraina do të mund Rusinë.

Tregtia e armëve midis Rusisë dhe Iranit është në rritje. Teherani po përgatitet të dërgojë në Moskë rreth 1000 armë shtesë, përfshirë raketa balistike me rreze të shkurtër dhe më shumë dronë sulmues, thanë për CNN të martën zyrtarë nga një vend perëndimor që monitoron nga afër programin e armëve të Iranit.

Forca Ajrore e Ukrainës tha të martën se aktualisht nuk ka mbrojtje efektive kundër llojeve të raketave balistike që Irani po përgatitet të dërgojë në Rusi për t’i përdorur në luftën e tij kundër Ukrainës./UBTNews/

Aktualitet

Emisari i BE-së për dialog takon sot presidenten Osmani

Published

3 minutes ago

August 6, 2025

UBT News

Emisari i posaçëm i BE-së për dialogun Kosovë-Serbi, Peter Sorensen, do të vizitojë sot Kosovën.

Sipas një njoftimi të Presidencës, ai do të takohet fillimisht me presidenten Vjosa Osmani.

“Në orën 10:00, presidentja e Republikës së Kosovës, Vjosa Osmani pret në takim përfaqësuesin e BE-së për Dialog, Peter Sorensen”, thuhet në njoftim.

Aktualitet

Organizatat e dala nga lufta shpalosin detajet e protestës së nesërme

Published

5 minutes ago

August 6, 2025

UBT News

Organizatat e dala nga lufta e Ushtrisë Çlirimtare të Kosovës, do të mbajë sot konferencë për media për të prezantuar detajet dhe informacionet për protestën e nesërme. Konferenca nis në ora 11:00, në zyret e OVL-UÇK.

OVL-UÇK-ja nesër me fillim nga ora 17:00, do të protestojnë në sheshin “Skënderbeu” në Prishtinë, për të kundërshtuar vijueshmërinë e procesit gjyqësor në Hagë, ndaj ish-krerëve të UÇK-së.

Gjatë protestës do të kërkohet reagim institucional lidhur me këtë proces. Në një prej njoftimeve të organizatës thuhet se duke pasur parasysh mosreflektimin e partive politike për konstituimin e institucioneve, dhe mosrespektimin e vendimit të Gjykatës Kushtetuese, në takim u vendos që të mbahet protestë gjithëpopullore, me kërkesat e mëposhtme

Kundërshtimi i padrejtësive ndaj ish-bashkëluftëtarëve në Gjykatën Speciale

Formimi urgjent i institucioneve legjitime dhe respektimi i rendit kushtetues

Ndërprerja e përbuzjes ndaj kategorive të luftës, përfshirë mosmbështetjen financiare, përjashtimin e veteranëve nga paga minimale dhe mungesën e ligjit për vlerat e UÇK-së” thuhet në një prej njoftimeve të organizatës.

Aktualitet

Fushë Kosovë, burri sulmon fizikisht gruan

Published

8 minutes ago

August 6, 2025

UBT News

Një rast i dhunës në familje është raportuar në Fushë Kosovë, kur një burrë shtetas i Kosovës, ka sulmuar fizikisht bashkëshorten e tij shtetase e Shqipërisë.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

Raporti i Policisë së Kosovës:

“Fushë Kosovë 05.08.2025 – 15:08. Është arrestuar i dyshuari mashkull kosovar, pasi që kishte sulmuar fizikisht dhe më pas kishte kanosur bashkëshorten e tij viktimën femër shqiptare shtetase e Shqipërisë. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës”.