Botë

Ukraina e mohon se forcat ruse janë futur në rajonin Sumi

Published

1 year ago

on

Ukraina i ka hedhur poshtë lajmet se forcat ruse janë futur në rajonin e saj verilindor, Sumi, duke i cilësuar ato si pjesë të fushatës dezinformuese të Moskës gjatë kohës kur Rusia i godet zonat civile në verilindje dhe jug të Ukrainës.

Në mediat sociale u raportua të martën se trupat ruse ishin futur në Miropillia të Sumit nga rajoni rus i Kurskut, përmes fshatit kufitar Oleksandria.

“Në këtë kohë nuk ka të dhëna nga ushtria për ndonjë ndryshim të gjendjes në kufi, gjendja është nën kontroll”, tha guvernatori rajonal Volodymyr Artyukh, në Telegram.

Ndërkohë, zëdhënësi i shërbimit kufitar të Ukrainës, Andriy Demchenko, tha për televizionin KYIV24 se të lajmet për gjoja thyerjen e kufirit në rajonin e Sumit nga forcat ruse janë të rrejshme.

“Njësitet kufitare të Ukrainës nuk kanë parë asnjë përpjekje për t’u futur, apo përpjekje për luftime”, tha Demchenko, duke shtuar se do të ishte shumë e vështirë për forcat ruse të kalojnë përmes fushës moçalore të rajonit kufitar.

Ndërkohë, në rajonin e Hersonit një grua 74-vjeçare humbi jetën dhe disa njerëz u plagosën nga një sulm rus me dronë në fshatin Odradokamianka. Trupat ruse kryen dy sulme të tjera me raketa në qytetin Zlatopil të rajonit të Harkivit, duke plagosur 10 njerëz, përfshirë tetë gra, sipas guvernatorit rajonal Oleh Synyehubov.

Në anën tjetër, Ministria e Mbrojtjes e Rusisë pretendoi më 10 dhjetor se e ka pushtuar fshatin Zhovte afër Pokrovskit, i cili është qendër e rëndësishme për furnizim për Ukrainën në rajonin lindor të Donjeckut. Ukraina ende nuk ka komentuar mbi këtë pretendim, i cili nuk mund të konfirmohej në mënyrë të pavarur.

Si Ukraina ashtu edhe Rusia po përpiqen t’i forcojnë pozitat e tyre për negociata para fillimit të mandatit të dytë të presidentit të zgjedhur të Shteteve të Bashkuara, Donald Trump, në janar.

Deklarata e Trumpit se do t’i japë fund luftës gati trevjeçare “brenda 24 orëve” pasi të marrë detyrën, ka shkaktuar shqetësime në Kiev, duke ngjallur frikë se Ukraina mund të detyrohet të dorëzojë territore të mëdha për të arritur paqen.

Nga ana tjetër, Shërbimi Federal i Sigurisë i Rusisë (FSB) njoftoi më 10 dhjetor se e ka arrestuar një shtetas me nënshtetësi të dyfishtë, ruse dhe gjermane, nën dyshimin për planifikimin e një akti sabotimi në një hekurudhë në Nizhni Novgorod. Zyrtarët ukrainas nuk kanë komentuar mbi këtë pretendim.

Zyrtarët perëndimorë e kanë akuzuar Rusinë për arrestimin e shtetasve të huaj dhe personave me shtetësi të dyfishtë për arsye politike, duke thënë se individë të tillë po ndalohen për t’u përdorur si karta pazari në shkëmbimet e ardhshme të të burgosurve.

Organizatat për të drejtat e njeriut raportojnë gjithashtu se gati 900 rusë janë dënuar për tradhti, spiunazh ose bashkëpunim me qeveri të huaja që nga fillimi i pushtimit të plotë të Ukrainës nga Rusia.

Related Topics:
Continue Reading

Botë

Shtetet me më së shumti viktima në Luftën e Dytë Botërore

Published

2 days ago

on

January 16, 2026

By

Luftërat marrin gjithmonë shumë jetë njerëzish. Edhe sot. Por, disa luftëra viktimat i kanë me miliona. E tillë ishte Lufta e Dytë Botërore. Mizoritë e saj, lutemi të mos përsëriten e as të mos kalohen kurrë.

Le të shohim cilat shtete humbën më shumë njerëz dhe cili ishte numri i përafërt i viktimave:

1. Rusia: 25.285.000 viktima

2. Gjermania: 8.800.000

3. Kina: 7.850.000

4. Polonia: 5.800.000

5. India lindore: 4.000

6. Japonia: 3.100.000

7. India (nën britanikët): 2.500.000

8. Vietnami: 1.500.000

9. Jugosllavia: 1.000.000

10. Filipinet: 1.000.000

11. Rumania: 833.000

12. Greqia: 800.000

13. Hungaria: 580.000

14. Franca: 567.600

15. Koreja: 473.000

16. Italia: 457.000

17. Anglia: 450.700

18. SHBA: 418.500

19. Austria: 384.700

20. Çekosllovakia: 345.000

21. Holanda: 301.000

22. Malajzia: 100.000

23. Etiopia: 100.000

24. Finlanda: 97.000

25. Belgjika: 86.100

Continue Reading

Botë

Rastet më të rënda të vrasjeve (2015-2025)

Published

2 days ago

on

January 16, 2026

By

Jo vetëm në luftë ndodhin vrasja e krime të tjera makabre. Ndodhin edhe në rrethana të tjera, sulme terroriste, vrasës të çmendur që shtinë në këdo munden.

E raste të tilla nuk janë të pakta. Le të shohim cilat janë rastet më të rënda të kësaj natyre në periudhën midis viteve 2015-2025:

1. Las Vegas – SHBA (2017): 60 viktima

2. Zelandë e Re (2019) – 51 viktima

3. Orlando – SHBA (2016) – 49 viktima

4. Tajlandë (2020) – 30 viktima

5. Kanadë (2022) – 22 viktima

6. Shkolla Uvalde – SHBA (2022) – 21 viktima

7. Universiteti i Pragës (2023) – 14 viktima

8. Australi (2025) – 16 viktima

9. Hanau – Gjermani (2020) – 11 viktima

10. Bafallo – SHBA (2022) – 10 viktima

Continue Reading

Botë

​Trump: Mund të përdorim trupat ushtarake për të ndaluar protestat në Mineapolis

Published

2 days ago

on

January 16, 2026

By

Presidenti amerikan, Donald Trump po kërcënon të përdorë ushtrinë kundër protestuesve në qytetin amerikan të Mineapolis pas përleshjeve atje, ndërsa raportohet për përleshje mes protestuesve dhe oficerëve të zbatimit të ligjit.

”Agjitatorë profesionistë dhe kryengritës ndodhen pas trazirave në qytet, në shtetin qendror të Minesotës. Unë do të miratoj aktin e kryengritjes, të cilin shumë presidentë e kanë bërë para meje, dhe do t’i jap shpejt fund absurditetit që po ndodh në atë shtet dikur të madh”, shkroi Trump në platformën “Truth Social”.

Trump doli sërish krah zyrtarëve të imigracionit, të cilët janë përballur me rezistencë në shumë qytete të kontrolluara nga demokratët për shkak të kontrolleve të tyre kundër migrantëve.

Ligji i kryengritjes autorizon presidentin të vendosë ushtrinë brenda vendit në rrethana të jashtëzakonshme për të shtypur trazirat dhe për të marrë pjesë në masat e zbatimit të ligjit, shkruajnë mediat amerikane, transmeton KosovaPress.

Tensionet janë ende të larta në Minesota.

Një javë pas të shtënave fatale ndaj një gruaje nga një oficer i zbatimit të ligjit për imigracionin dhe doganat (ICE), një tjetër oficer federal kohët e fundit qëlloi me armë dhe plagosi një burrë në qytet.

Departamenti i Sigurisë Kombëtare raportoi në X se incidenti ndodhi gjatë një “kontrolli të synuar të trafikut”, të mërkurën në mbrëmje.

Continue Reading

Botë

Fituesja e Çmimit Nobel për Paqen nga Venezuela ia dorëzon medaljen e saj Trumpit

Published

2 days ago

on

January 16, 2026

By

Udhëheqësja e opozitës venezueliane, Maria Corina Machado, thotë se ia ka dhënë medaljen e saj të Çmimit Nobel për Paqen presidentit Donald Trump gjatë një takimi në Shtëpinë e Bardhë, duke thënë se kjo ishte një njohje e angazhimit të tij për lirinë e vendit të saj.

“Mendoj se sot është një ditë historike për ne venezuelasit”, tha ajo pasi u takua personalisht me Trumpin për herë të parë, disa javë pasi forcat amerikane kapën presidentin venezuelian Nicolas Maduro në Karakas dhe e akuzuan atë për trafiku droge, shkruan BBC.

Trump shprehu mirënjohjen e tij në një postim në mediat sociale, duke thënë se ky veprim ishte “një gjest i mrekullueshëm respekti të ndërsjellë”.

Megjithatë, presidenti amerikan ka refuzuar të mbështesë Machadon si udhëheqësen e re të Venezuelës, pavarësisht se lëvizja e saj pretendoi fitoren në zgjedhjet e kontestuara gjerësisht të vitit 2024.

Continue Reading

Të kërkuara