Sekretarja e përgjithshme e Federatës së Basketbollit të Kosovës, Elvira Dushku, ka vlerësuar lart vizitën e zyrtarëve më të lartë të basketbollit evropian në Kosovë, duke e cilësuar atë si një dëshmi të besimit që FIBA Evropa ka ndaj punës dhe përkushtimit të FBK-së në zhvillimin e sportit të koshit në vend.

Krerët e FIBA Evropës qëndruan në Kosovë për eventin e FIBA U14 Get Together dhe FIBA Europe Youth Cimmision Meeting, me atë se vlerësuan lartë punën e FBK-s që po bën në zhvillimin e basketbollit, sidomos me gjeneratat e reja.

“Për Federatën e Basketbollit të Kosovës këto dy evente ndahen ne dy pjesë: e para është diplomacia sportive, ardhja e presidentit të FIBA Evropës Jorge Garbajosa brenda dy apo tre muajve për herën e dytë do të thotë shumë edhe së bashku me sekretarin e përgjithshëm apo drejtorin ekzekutiv të FIBA Evropës Kamil Novak tregon që ata me të vërtetë e vlerësojnë punën që e bënë Federata e Basketbollit të Kosovës edhe dëshmia më e mirë e krejt kësaj është fakti që kur kemi aplikuar pr herë të parë për këto dy organizime, pra për FIBA U14 Get Together dhe FIBA Europe Youth Cimmision Meeting, të dy këto shkojnë bashkë, atëherë ata pa hezitim bordi i FIBA Evropës e ka miratuar kërkesën tonë pa hezitim”, theksoi Dushku.

Dushku foli edhe për drejtimin që federata do të ndjekë në vitet e ardhshme, duke theksuar se përparësi do të ketë puna me grupmoshat e reja dhe zhvillimi i talenteve.

“Për ne është shumë e qartë, në strategjinë e re 2026/30 të cilën jemi duke e finalizuar me FIBA Botën është shumë e qartë që fokusi do të jetë në zhvillimin e gjeneratave të reja, identifikimin e talentëve dhe këtë normalisht që do ta bëjmë së bashku me ekspertët e FIBA-s, këta që janë këtu në këtë event por edhe të tjerët që do të na bashkohen gjatë rrugëtimit. Unë si sekretare e përgjithshme këto ditë jam shumë e emocionuar sepse t’i sjellim këto dy evente në Kosovë është një arritje shumë e madhe”, tha më tutje Dushku.

Sekretarja e përgjithshme e FBK-së e ka cilësuar Ministrinë e Kulturës, Rinisë dhe Sportit si partner strategjik në rrugëtimin zhvillimor të basketbollit kosovar, duke theksuar se mbështetja institucionale është thelbësore për realizimin e planit strategjik të ardhshëm.

Në fund, Dushku theksoi se përmes organizimit të eventeve për grupmoshat e reja, federata po përgatitet për qëllimin madhor- sjelljen e një turneu të madh ndërkombëtar në Kosovë në të ardhmen e afërt.

“Është e rëndësishme që të gjitha këto organizime që jemi duke i bërë të gjeneratave të reja është ideja për të fituar eksperiencë dhe për ta arritur qëllimin kryesor që është organizimi i një grupi, çoftë te meshkuj, çoftë te femrat. Kështu që besoj fuqishëm që pasi të fillojmë puna për ndërtimin e infrastrukturës ose modernizimin e infrastrukturës për Lojërat Mesdhetare, është shumë e qartë se deri në vitin 2030 do ta kemi një palestër të madhe edhe disa palestra të rregulluara kështu që Qipro çfarë ka treguar këtë verë duke organizuar një grup shumë të madh me shtete shumë të mëdha, ata kanë treguar se me një organizim të tillë edhe me një mobilizim të shtetit, federatës dhe qeverisë lokale atëherë gjithçka është e mundur”, tha në fund Dushku./S.K/KP/

Një trup i pajetë është tërhequr afër Liqenit të Jshnizcës-Shtërpcë, ka njoftuar Forca e Sigurisë së Kosovës.

FSK ka njoftuar se trupi i është dërguar autoriteteve për procedura të mëtejme.

“Garda Kombëtare e Forcës së Sigurisë së Kosovës, pas marrjes së informacioneve nga Qendra e Situatave të Qeverisë së Republikës së Kosovës, ka angazhuar togun e Kërkim Shpëtimit Malor në koordinim me Policinë e Kosovës dhe autoritetet lokale, ku me sukses ka përfunduar misionin sfidues tërheqjen e trupit të pajetë të një personi, afër Liqenit të Jezhnicës- Shterpcë, trupi i pajetë është dorëzuar autoriteteve për procedura të mëtejme”, thuhet në njoftimin e FSK-së./S.K/KP/

E përditësuar:

10:40

Me kërkesë të prokurorisë dëgjimi i dëshmitarit anonim A2 në rastin “Banjska” po vazhdon të dëgjohet pa praninë e mediave.

Prokurori i rasti, Naim Abazi ka kërkuar që seanca e sotme në rastin për sulmin terrorist në Banjskë të Zveçanit të vazhdoi e mbyllur për publikun. Sipas tij nëse kjo seancë mbahet e hapur rrezikohet edhe i akuzuari dhe procesi gjyësor.

Ai tha se dëshmitari i sotëm ka statusin anonim.

Kundër kësaj kërkese ishte avokati, Blagoje Spasojeviq, Lubomir Pantoviq.

Sipas tij Prokuroria nuk ka dhënë arsyet konkrete për të kërkuar mbyllje të seancës.

Më pas kryetari i trupit gjykues, Arben Hoti aprovoi kërkesen e prokurorisë.

“Aprovohet propozimi i pokurorisë që seanca të kaloj në seancë të mbyllur gjatë dëgjimit të dëhsmitarit A2 me qëllim të mbrojtjes së dëshmitarëve”, tha ai./S.K/KP/

10:30

Në Gjykatën Themelore në Prishtinë ka vazhduar shqyrtimi gjyqësor në rastin “Banjska” ndaj të akuzuarve Blagoje Spasojeviq, Vladimir Toliq dhe Dushan Maksimoviq.

Të pandehurit ngarkohen për veprat penale kryerja e veprës terroriste, veprat e rënda kundër rendit kushtetues dhe sigurisë së Republikës së Kosovës, lehtësimi dhe financimi në kryerjen e terrorizmit dhe shpëlarja e parave.

Prokuroria Speciale e Kosovës më 11 shtator 2024 ka ngritur aktakuzë kundër Milan Radoiçiq dhe 44 të tjerëve për sulmin terrorist të 24 shtatorit 2023 në Banjska të Zveçanit, ku mbeti i vrarë rreshteri policor Afrim Bunjaku.

42 të akuzuar, përfshirë edhe Milan Radoiçiq i cili e pranoi publikisht se udhëhoqi sulmin në Banjskë, janë aktualisht në arrati./S.K/KP/

Presidenti ukrainas, Volodymyr Zelensky ka thënë se është i gatshëm të shkojë në Budapest për të diskutuar për paqe, ndonëse ka shprehur dyshime rreth gatishmërisë së presidentit rus, Vladimir Putin për t’i dhënë fund luftës.

“Nuk jam i sigurt që Putini është gati t’i japë fund luftës. Mendoj se ai dëshiron ta vazhdojë agresionin.”, ka thënë Zelensky në një intervistë për NBC.

Presidenti ukrainas ka thënë se beson që Putini preferon shtyrjen e negociatave të vërteta për paqe dhe heziton ta takojë atë, sepse kjo do të nënkuptonte që palët do të duhej të pajtoheshin për pozicione specifike dhe koncesione potenciale për t’i dhënë fund luftës.

Zelensky ka bërë thirrje për rritje të presionit ndaj liderit rus, duke thënë se Putini frikësohet nga sanksionet dhe që sanksionet sekondare do ta gjunjëzonin ekonominë ruse.

Ai i ka bërë këto komente pasi presidenti amerikan, Donald Trump e ka mirëpritur Zelenskyn në Uashington më 17 tetor për të diskutuar për negociatat e së ardhmes për paqe.

Zelensky është nisur në Shtëpinë e Bardhë për herë të tretë këtë vit me idenë se do të diskutojë ndonjë marrëveshje për armët, që parasheh furnizimin e ushtrisë amerikane me dronë ukrainas, në këmbim të raketave me rreze të gjatë Tomahawk, mirëpo Trump ka qenë i ftohur ndaj një pakti të tillë.

Presidenti amerikan u ka bërë thirrje Rusisë dhe Ukrainës që menjëherë t’i ndalin luftimet, duke thënë se mjaftueshëm gjak është derdhur, dhe i ka bërë të ditura planet për të takuar presidentin rus, Vladimir Putin në Budapest, në javët në vijim.

Data e saktë e samitit nuk është bërë e ditur./S.K/EO/