Sport

UEFA shpjegon pse tifozët e Cityt duhet të arrijnë në stadium nëntë orë para finales

UEFA shpreson të shmangë përsëritjen e finales kaotike të sezonit të kaluar mes Liverpoolit dhe Real Madridit.

Published

3 years ago

June 8, 2023

UBT news

UEFA u ka thënë tifozëve të Manchester Cityt që të arrijnë te stadiumi “Ataturk Olympic” në Stamboll nëntë orë para finales së Ligës së Kampionëve të shtunën kundër Interit.

Duke inkurajuar tifozët që të shkojnë në stadium nga ora 12:00, UEFA shpreson të shmangë përsëritjen e finales kaotike të sezonit të kaluar mes Liverpoolit dhe Real Madridit, e cila u mori imazh të keq si pasojë e sulmit ndaj tifozëve nga disa banda franceze.

Për shkak të mos-komunikimit të policisë, mijëra tifozë nuk mund të hynin në stadium për finalen në Paris, dhe disa nga tifozët përfshirë edhe fëmijë ishin sulmuar nga disa njerëz lokal.

Meqenëse stadiumi “Ataturk Olympic” ndodhet më shumë se 30 minuta me makinë larg nga Aeroporti i Stambollit – dhe një distancë e ngjashme larg nga qendra e qytetit – UEFA u ka kërkuar tifozëve që udhëtojnë më herët që të mbërrijnë më përpara.

Mbështetësit e Cityt dhe Interit do të duhet të kalojnë nëpër tre pika kontrolli sigurie për të hyrë në stadium, fillimisht duke kaluar një sistem aktivizimi të biletave Bluetooth përpara se t’i nënshtrohen kontrolleve trupore të kryera nga policia.

Sport

Tunizia shkarkon trajnerin pas humbjes së rëndë ndaj Suedisë në Botëror

Published

6 hours ago

June 15, 2026

UBTNews

Vetëm pak orë pas humbjes së thellë 5:1 ndaj Suedisë në ndeshjen hapëse të Kupës së Botës 2026, Federata Tuniziane e Futbollit raportohet se ka shkarkuar trajnerin Sabri Lamouchi. Vendimi thuhet se është marrë pas një mbledhjeje urgjente të drejtuesve të federatës, të thirrur menjëherë pas ndeshjes.

Sipas raportimeve të mediave ndërkombëtare, humbja ndaj Suedisë ishte pika kulmore e një serie rezultatesh zhgënjyese, ku përfshihet edhe disfata 5:0 ndaj Belgjikës në një ndeshje miqësore para fillimit të turneut.

Edhe pse Federata Tuniziane ende nuk ka dalë me një njoftim zyrtar, mediat e huaja raportojnë se largimi i Lamouchit konsiderohet i kryer. Trajneri francezo-tunizian kishte marrë drejtimin e kombëtares vetëm në fillim të këtij viti dhe largohet pas vetëm pesë ndeshjeve në krye të ekipit.

Tunizia renditet e fundit në Grupin F pas humbjes ndaj Suedisë, ndërsa ndeshjen e radhës do ta zhvillojë kundër Japonisë më 20 qershor.

Sport

Portugalia mposht Kosovën në CEV European League 2026

Published

9 hours ago

June 15, 2026

UBTNews

Përfaqësuesja e Kosovës në volejboll për femra është mposhtur nga Portugalia me rezultat 3:0 në sete, në ndeshjen e zhvilluar në kuadër të CEV European League 2026 në Larisa të Greqisë.

Portugalia e dominoi setin e parë, duke e fituar me rezultat 25:13. Në setin e dytë, Kosova tregoi reagim më të mirë dhe qëndroi në lojë deri në momentet vendimtare, por përfaqësuesja portugeze arriti ta mbyllë edhe këtë pjesë me 25:20.

Në setin e tretë, Portugalia vazhdoi me ritëm të lartë dhe krijoi epërsi të hershme, duke e fituar 25:12 dhe duke e vulosur fitoren e përgjithshme 3:0.

Kjo ishte ndeshja e fundit e Kosovës në turneun e zhvilluar në Greqi, ku përfaqësuesja fitoi përvojë të vlefshme ndërkombëtare përballë kundërshtareve të forta në kuadër të European League 2026.

D.L

Sport

Diallo i jep fitoren Bregut të Fildishtë me gol në minutën e 90-të

Published

11 hours ago

June 15, 2026

UBTNews

Amad Diallo ishte heroi i ndeshjes, duke shënuar golin vendimtar në fitoren 1:0 të Bregut të Fildishtë ndaj Ekuadorit në Kupën e Botës 2026.

Takimi, i zhvilluar në Filadelfia dhe i vlefshëm për Grupin E, u vendos në minutën e 90-të, kur ylli i ri i Manchester Unitedit realizoi pas aktivizimit në pjesën e dytë, duke i siguruar ekipit tre pikë të arta.

Ndeshja ishte mjaft e tensionuar, me Bregun e Fildishtë që goditi tri herë shtyllën para golit vendimtar, ndërsa Ekuadori vinte në këtë përballje me një seri prej 19 ndeshjesh pa humbje.

Në këtë grup bëjnë pjesë edhe Gjermania dhe Kuraçao, ndërsa përballja e radhës mes Gjermanisë dhe Bregut të Fildishtë do të zhvillohet më 20 qershor në Toronto.

Përfaqësuesja afrikane, e cila në tri Botërorët e fundit nuk ka kaluar grupin, tashmë ka bërë një hap të rëndësishëm drejt kualifikimit në fazën nokaut.

D.L

Foto: Fifa World Cup

Sport

KF Dukagjini njofton ndarjen nga jeta të futbollistit Bajram Rragamaj

Published

11 hours ago

June 15, 2026

UBTNews

Klubi i Futbollit KF Dukagjini nga Gjakova ka bërë të ditur lajmin e rëndë për ndarjen nga jeta të futbollistit të tij të ri dhe premtues, Bajram Rragamaj.

Në një komunikatë zyrtare, klubi ka theksuar se Rragamaj do të kujtohet për kontributin, përkushtimin dhe dashurinë e madhe që kishte për futbollin dhe ekipin.

“Bajrami do të kujtohet gjithmonë për kontributin, përkushtimin dhe dashurinë që kishte,” thuhet në njoftim.

Po ashtu, klubi ka vlerësuar se humbja e tij është e madhe jo vetëm për familjen dhe të afërmit, por edhe për gjithë komunitetin sportiv që e njohu.

“Largimi i tij është një humbje e madhe për familjen, miqtë dhe gjithë komunitetin sportiv që pati fatin ta njohë,” theksohet më tej në komunikatë.

Stafi, futbollistët dhe e gjithë familja e KF Dukagjinit kanë shprehur ngushëllimet më të sinqerta për familjen Rragamaj, të afërmit dhe miqtë e të ndjerit.

D.L