Aktualitet

Udhëheqësi i DEASH-it në Siri u vra në sulmin e ShBA-së, thonë zyrtarët amerikanë

Observatori Sirian për të Drejtat e Njeriut konfirmoi se Agal u vra gjatë një sulmi me dron.

Published

3 years ago

on

Udhëheqësi i DEASH-it në Siri është vrarë në një sulm ajror ushtarak të SHBA-së, thanë të martën dy zyrtarë amerikanë për Reuters.

Maher al-Agal, u vra ndërsa udhëtonte me një motoçikletë pranë Jidayris në Siri dhe një nga ndihmësit e tij kryesor u plagos rëndë, tha për AFP zëdhënësi i Komandës Qendrore të Pentagonit, nënkoloneli Dave Eastburn.

Zyrtarët, të cilët folën në kushte anonimiteti, refuzuan të japin detaje. Vrasja do të ishte një tjetër goditje ndaj përpjekjeve të grupit militant ekstremist për t’u riorganizuar si një forcë guerile pas humbjes së zonave të mëdha të territorit.

Observatori Sirian për të Drejtat e Njeriut konfirmoi se Agal u vra gjatë një sulmi me dron.

Forcat Siriane të Mbrojtjes Civile thanë se një person u vra dhe një tjetër u plagos në një sulm që synonte një motoçikletë jashtë Alepos, por nuk i identifikoi viktimat.

Kishte pak informacion në dispozicion për Agal, të cilin Observatori e quajti guvernator të DAESH-it për Levantin.

Sulmi erdhi pesë muaj pas një sulmi të natës të ShBA-së në qytetin Atme në Sirinë veriore që çoi në vdekjen e udhëheqësit të përgjithshëm të DEASH-it, Abu Ibrahim al-Qurashi.

Zyrtarët amerikanë thanë se Qurashi vdiq kur ai shpërtheu një bombë për të shmangur kapjen. /UBTNews/

Related Topics:
Continue Reading

Lajmet

Kosova ballafaqohet sot me Spanjën për Euro U21

Published

13 minutes ago

on

September 9, 2025

By

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Continue Reading

Bota

Bombardimet e sotme në Gaza, vriten 11 persona, 20 rezultojnë të zhdukur

Published

14 minutes ago

on

September 9, 2025

By

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Continue Reading

Lajmet

Kosova mposht Suedinë në stadiumin “Fadil Vokrri”

Published

17 minutes ago

on

September 9, 2025

By

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/

Continue Reading

Bota

Humbin jetën të paktën 8 persona pasi Treni përplaset me autobusin në Meksikë

Published

2 hours ago

on

September 9, 2025

By

Të paktën 8 persona kanë vdekur kur një tren u përplas me një autobus pasagjerësh me dy kate në Meksikë duke lënë të plagosur të paktën edhe 45 të tjerë, tha Mbrojtja Civile e Shtetit të Meksikës.

Aksidenti ndodhi në një autostradë në komunën Atlacomulco, sipas autoriteteve shtetërore, shkruan CNN.

Trafiku është i mbyllur në të dyja drejtimet për të lejuar shërbimet e emergjencës të reagojnë.

Shkaku i përplasjes nuk dihet ende./S.K/KP/CNN/

Continue Reading

Të kërkuara