Lajmet

UBT rankohet në mesin e top 100 universiteteve më të mira në botë për Impakt Real – WURI 2021

UBT po e mban lartë flamurin e Kosovës në arenën ndërkombëtare.

Publikuar

UBT ka arritur një sukses tjetër të jashtëzakonshëm ndërkombëtar duke u renditur në mesin e 100 universiteteve më të mira në botë për inovacion.

Në listën e “World’s Universities with Real Impact (WURI)”, të cilës i prijnë universitetet prestigjioze si Stanford e Harvard, për herë të parë për arritje të pakrahasueshme, rankohet edhe një bartës i arsimit të lartë nga Kosova.

UBT po e mban lartë flamurin e Kosovës në arenën ndërkombëtare ku viteve të fundit ka korrur suksese të mëdha në gara të forta përballë universiteteve me histori qindra vjeçare.   

Institucioni lider i edukimit në vend – UBT, është vlerësuar nga WURI për rolin e jashtëzakonshëm inovativ, duke u rankuar në mes të 51-100 universiteteve më të mira për Impakt Real në Menaxhim të Krizave, Impakt Real në Shpirt Sipërmarrës, Impakt Real në Vlera Etike dhe Impakt Real në Aplikime Industriale. Ndërsa është rankuar në mesin e 52-100 universiteteve më të mira për Impakt Real në Mobilitet dhe Mundësi për Student dhe në mesin e 101-200 universiteteve më të mira për Impakt Real.

Rankimi prestigjioz nga WURI nuk bazohet në traditën, reputacionin ose popullaritetin e një universiteti, por përkundrazi fokusohet në koncepte të reja të tilla si inovacioni, sipërmarrja, përgjegjësia dhe menaxhimi i krizave. Këto janë fushat ku janë shënuar arritje të mëdha nga UBT e të cilat janë vlerësuar ndërkombëtarisht nga organizata prestigjioze WURI.

“Kemi kënaqësinë t’ju informojmë se UBT është zgjedhur si një nga universitetet më novatore midis Universiteteve Botërore me Ndikim Real (WURI) për Renditjet e vitit 2021”, thuhet në letrën që Hwy-Chang MOON, Drejtor themelues i  “The WURI Ranking” i ka dërguar Presidentit dhe themeluesit të UBT-së, Prof.Dr. Edmond Hajrizi.

“Edhe pse WURI 2021 renditi MIT, Stanford dhe Harvard në krye të listës, ai gjithashtu përfshiu shumë institucione të arsimit të lartë më pak të njohura por jashtëzakonisht novatore të cilat nuk ishin shfaqur më parë në renditjet e tjera tradicionale të universiteteve”, shtoi tutje Moon.

“Ne besojmë se përvojat tuaja me programe inovative janë të denja për t’u ndarë me institucionet e tjera të arsimit të lartë. Duke pasur parasysh sfidat e mëdha si rezultat i pandemisë COVID-19, përvoja të tilla tani janë më të vlefshme se kurrë”,  thuhet ndër të tjera në letrën që Drejtori themelues i  “The WURI Ranking” i ka dërguar Rektorit Hajrizi, përnes të cilës UBT është inkurajuar për të marrë pjesë edhe në Rankimin, WURI 2022, për të prezantuar arritjet e reja inovative gjatë vitit të ri.

Presidenti dhe themeluesi i UBT-së, Prof.Dr. Edmond Hajrizi, e ka vlerësuar lartë këtë rankim për UBT-në, duke e parë këtë si produkt të investimeve të mëdha disavjeçare në këtë institucion, përfshirë krijimin e një ekosistemi super modern dhe cilësinë e pakrahasusshme të mësimdhënies.

“UBT ka një komunitet të jashtëzakonshëm, një infrastrukturë moderne dhe një rini të mrekullueshme. Të tri këto komponente, të bashkuara në një Park Inovativ e Shkencor në UBT, po e lartësojnë çdo ditë imazhin e Kosovën përballë botës me arritje të mëdha në secilën fushë“, ka thënë rektori Hajrizi.

“UBT si institucion ekselent i arsimit është shndërruar në institucion model në rajon e më gjerë. Do të synojmë ta bëjmë Kosovën vend atraktiv e konkurrues edhe për studentët e vendeve të tjera, duke dëshmuar para secilit se cilësia dhe arritjet shkencore e teknologjike i përkasin institucioneve inovative e nuk janë ekskluzivitet i traditës apo popullaritetit”. – shtoi tutje rektori Hajrizi.

Gjatë këtij viti, UBT është anëtarësuar në “European University Association” e po ashtu është renditur në mes të institucioneve më të mira në botë për impaktin në zhvillimin e qëndrueshëm sipas Times Higher Education si dhe ka arritur nivelin më të lartë në Positive Impact Rating Edition 2021.

Lajmet

BE: Ligji ynë i inteligjencës artificiale duhet të shërbejë si ‘model për botën’

Akti i propozuar i Intelegjencës Artificiale vendos udhëzimet për vitet e ardhshme.

Publikuar

nga

Bashkimi Evropian dëshiron që Akti i Inteligjencës Artificiale të jetë një shembull për pjesën tjetër të botës që duhet ndjekur kur rregullon teknologjinë në zhvillim, shkruan Euronews, transmeton UBT News.

Ministrat e Telekomunikacionit të BE-së mbajtën të enjten debatin e tyre të parë mbi Aktin e propozuar të AI në Bruksel për të vendosur udhëzimet për vitet e ardhshme, ku ministri slloven i Administratës Publike, Boštjan Koritnik, tha se akti i AI duhet të shërbejë si një model global.

“Ministrat shprehën mbështetjen e tyre të qartë për një ligj gjithëpërfshirës mbi inteligjencën artificiale, i cili do të shërbente si një model në të gjithë globin, në të njëjtën mënyrë si rregullorja e përgjithshme e mbrojtjes së të dhënave, GDPR, në fushën e mbrojtjes së të dhënave personale”, tha Koritnik.

“Ka ende punë të konsiderueshme përpara, pasi ne duam të sigurohemi që Akti i Inteligjencës Artificiale do të arrijë qëllimet e tij të dyfishta për të siguruar sigurinë dhe respektimin e të drejtave themelore dhe stimulimin e zhvillimit dhe marrjes së teknologjisë së bazuar në AI në të gjithë sektorët. Presidenca e Këshillit Evropian do të vazhdojë punën intensive mbi këtë propozim, të cilin e konsideron një përparësi kryesore në fushën dixhitale”.

AI dhe teknologjia e njohjes së fytyrës përdoret për të identifikuar sëmundjet, siç është demenca përmes sinjaleve të padukshme për syrin e njeriut, përcjell UBT News.

Ndërsa ka përfitime të qarta nga kërkimet në mjekësi, ka përdorime të tjera që mbartin rreziqe. Një shembull është zbatimi i ligjit pa asnjë mbikëqyrje.

Me ndihmën e inteligjencës artificiale, bëhen përpjekje për të identifikuar përgjegjësit për sulmet terroriste, aktet e dhunës ose aksidentet.

Kompanitë si Amped me seli në Trieste të Italisë, përdorin AI për video analiza. Ndërsa këto kompani i nënshtrohen kontrolleve të garancisë, në disa vende jashtë BE-së kjo nuk ndodhë.

Sipas Despina Travlou, Sekretare e Përgjithshme në AIIA-OJF, përdorimi i AI nuk është rregulluar ende mjaftueshëm dhe mund të çojë në shkelje të të drejtave civile./UBTNews/

Vazhdo të lexosh

Lajmet

Kina do të dërgojë astronauten e parë femër për të punuar në stacionin e saj të ri hapësinor

Përgatitjet për qëndrimin e tyre kanë kohë që janë duke u bërë.

Publikuar

nga

Gruaja e parë e caktuar për të punuar në stacionin e ri hapësinor të Kinës do të jetë në bord kur anija kozmike Shenzhou-13 të niset të shtunën, transmeton UBT News.

Wang Yaping, 41 vjeçare, është pjesë e një ekipi tre anëtarësh që niset për në stacionin hapësinor Tiangong ose Pallati Qiellor, ku pritet të bëhet gruaja e parë kineze që kryen një shëtitje në hapësirë.

Muajin e kaluar, tre astronautë të tjerë kinezë përfunduan me sukses një qëndrim tre-mujor në bord, gjatë të cilit ata punuan në modulin kryesor të stacionit dhe kryen dy shëtitje në hapësirë ​​për të instaluar pajisje.

Këtë herë, ekipi i Wang do të qëndrojë për 183 ditë që është periudha më e gjatë në hapësirë ​​nga astronautët kinezë. Ajo do të shoqërohet nga komandanti i misionit Zhai Zhigang, 55 vjeç dhe Ye Guangfu, 41.

Muajin e kaluar, një anije mallrash dërgoi 6 tonë metrikë ushqim, ujë, shishe oksigjeni, kostume hapësinore dhe nevoja të tjera në stacion, përcjell UBT News.

Sipas Wang, një program hapësinor i drejtuar pa astronautë femra do të ishte i paplotë.
“Pra është si roli i gruas në familje. Gratë kanë përgjegjësi. Ne gjithashtu i bëjmë misionet serioze më të gjalla dhe të këndshme”, kishte thënë ajo për CNN.

Dhe anëtarët femra të ekuipazhit sjellin një përfitim praktik gjithashtu, shtoi Wang. “Ne gratë astronaute peshojmë më pak (sesa burrat, dhe) kjo është më ekonomike për misionin”.

Wang është gruaja e dytë e Kinës në hapësirë, pas Liu Yang.

Sipas mediave shtetërore kineze, ndër furnizimet e dërguara në stacionin hapësinor Tiangong ishin 60 shishe toner, 30 shishe serum dhe 30 shishe krem ​​për fytyrën, si dhe produkte higjienike femërore – të gjitha të përgatitura posaçërisht për Wang./UBTNews/

Vazhdo të lexosh

Lajmet

KQZ-ja shpërndan fletëvotimet nëpër komuna

Kjo ka ndodhur nën përcjelljen e Policisë së Kosovës.

Publikuar

nga

Komisioni Qendror Zgjedhor ka bërë shpërndarjen e materialit kryesor për zgjedhjet lokale që do të mbahen nesër.

Ky material zgjedhor do të dorëzohet në Komisionet Komunale të Zgjedhjeve, njofton Klankosova.tv.

Shpërndarja e materialit është bërë nën përcjelljen e Policisë së Kosovës.

Vazhdo të lexosh

Lajmet

Biden e telefonon Clintonin pas shtrimit në spital, flet për gjendjen e tij

Joe Biden ka biseduar në telefon me Bill Clinton, pas shtrimit të këtij të fundit në spital.

Publikuar

nga

Bill Clinton u pranua në njësinë e kujdesit intensiv të Universitetit të Kalifornisë Irvine të martën për një infeksion të traktit urinar që iu përhap në qarkullimin e gjakut, thanë mjekët për CNN.

“Epo, doja të shihja se si po kalonte. Ai po bën mirë, me të vërtetë është mirë”, u tha Biden gazetarëve në Connecticut dhe shtoi “Dhe ai do të dalë nga spitali. Ne biseduam paksa”.

Biden pranoi se nuk e kishte parë Clinton “për një kohë të gjatë”, por tha se mezi po e priste që “të vinte dhe të hante drekë. Ishte shumë inkurajues me politikat që unë ndjek”.

“Ai nuk është në ndonjë gjendje të rëndë. Ai do të largohet së shpejti, siç e kuptoj unë. Ndoshta pasnesër, nuk e di saktë”, tha Biden.

Raportohet se të dy burrat diskutuan për zgjedhjet e ardhshme dhe garën e ngushtë të guvernatorit në Virginias, ku miku i vjetër i Clinton, Terry McAuliffe, po kandidon në një garë pasuese kundër republikanit të miratuar nga Trump, Glenn Youngkin.

Ish-presidenti ishte në Kaliforni për një ngjarje private dhe ishte ndjerë i lodhur. Ai u pranua në spital pas testimit, sipas zyrës së tij.

Mjekët e ish-presidentit thanë se infeksionet urologjike janë shumë të zakonshme te njerëzit e moshuar dhe ato trajtohen lehtësisht, edhe pse ato mund të përhapen shpejt në qarkullimin e gjakut. Ish-presidentit Klinton do t’i jepen antibiotikë intravenozë deri të premten, kur ka të ngjarë të kalojë në antibiotikë oralë. Sipas tyre matjet e tij vitale janë të gjitha të qëndrueshme.

Klinton ka kryer operacion të zemrës në 2004 dhe kishte futur dy unaza për të hapur një arterie në 2010. Por mjekët e tij theksuan se shtrimi në spital nuk ishte i lidhur me zemrën ose Covid-19.

Vazhdo të lexosh

Të kërkuara