Lajmet nga UBT
UBT promovon ndërveprimin ndërkombëtar përmes artit: Studentët dhe artistja nga Gaza sjellin skulpturën “Thatë”, një thirrje ndaj krizës së ujit
Published
6 months agoon
By
UBTnewsNë kuadër të lëndës Praktika në Studio 4, nën mentorimin e Prof. Gazmend Ejupi, në Fakultetin e Artit dhe Dizajnit në UBT, është realizuar një bashkëpunim unik mes studentit Jetgëzim Kastrati dhe artistes palestineze Amal Al Nakhala, me qëllim ngritjen e vetëdijes përmes artit mbi një nga çështjet më akute humanitare të kohës sonë – krizën e ujit në Gaza.

“Thatë” është një instalacion skulpturor i ndërtuar tërësisht nga mbeturina plastike, konkretisht nga shishe plastike të hedhura, të cilat përbëjnë një pus të zbrazët e të thatë – simbolikë e fortë për mungesën ekstreme të ujit të pijshëm në Gaza. Vepra përçon një mesazh të fuqishëm politik dhe humanitar, duke trajtuar mënyrën se si infrastruktura jetike e ujit shndërrohet në objektiv lufte, çka i privon civilët nga burimet më bazike të mbijetesës.
Ky projekt bashkon artin konceptual me aktivizmin, duke i dhënë formë vizuale një realiteti brutal që shpesh mbetet i padukshëm përmes statistikave dhe raporteve të thatë. Jetgëzim Kastrati, përmes gjuhës së skulpturës dhe materialeve të riciklueshme, sjell në vëmendje shkatërrimin ekologjik dhe njerëzor si pasojë e konflikteve të armatosura.
Në anën tjetër, pjesë e rëndësishme e projektit është kontributi emocional dhe artistik i Amal Al Nakhala, artiste nga Gaza me bazë në Egjipt, e cila përmes ilustrimeve të saj personale reflekton përjetimet e një jete të rrethuar nga dhuna, frika dhe mungesa. Perspektiva e saj intime përplotëson narrativën vizuale të veprës “Thatë”, duke i dhënë zë atyre që shpesh mbeten në heshtje.
Ky bashkëpunim u përmbyll me një bashkëbisedim virtual mes Jetgëzim Kastratit dhe Amal Al Nakhalës, ku u diskutua mbi procesin krijues, ndikimet emocionale, dhe mesazhet universale që përçon vepra. Studentët pjesëmarrës në kursin e studios patën mundësinë të mësojnë jo vetëm për teknikat artistike, por edhe për forcën që arti ka në ndërtimin e urave ndërkulturore dhe në adresimin e çështjeve globale.
“Thatë” nuk është vetëm një vepër arti – është një manifest vizual, një reaksion estetik ndaj dhimbjes njerëzore, dhe një dëshmi se edhe nga mbeturinat mund të ngrihen mesazhe që prekin ndërgjegjen globale.
lajme
UBT uron 28 Nëntorin – Ditën e Flamurit dhe Pavarësisë
Published
24 hours agoon
November 28, 2025By
Driton Iseni
Rektori i UBT-së, Prof. Dr. Edmond Hajrizi, ka uruar studentët, pedagogët dhe gjithë bashkëkombësit shqiptarë për 28 Nëntorin, Ditën e Flamurit dhe të Pavarësisë së Shqipërisë.
Në mesazhin e tij, Rektori Hajrizi thekson rëndësinë historike të kësaj dite: ngritjen e flamurit kuq e zi mbi Kështjellën e Krujës nga Skënderbeu dhe shpalljen e Pavarësisë së Shqipërisë më 28 nëntor 1912 në Vlorë, si shenjë të qëndresës, sakrificës dhe ëndrrës për liri që çdo shqiptar e mban në zemër.
Ai nënvizon se kjo ditë nuk është vetëm një kujtesë historike, por edhe një thirrje për të ndërtuar të ardhmen. “Është përgjegjësia jonë të kultivojmë dijen, të zhvillojmë talentet dhe të edukojmë brezat e rinj që ata të jenë trashëgimtarët dinjitozë të këtij kombi,” thekson Rektori Hajrizi.
UBT beson se arsimi është flaka që do të ndezë Nëntorin e Tretë të kombit tonë – një Nëntor i dijes, i punës dhe i përkushtimit të rinisë. Të rinjtë janë fuqia që do të ruajë gjuhën, identitetin dhe vlerat kombëtare, duke ndërtuar një shoqëri të drejtë dhe të suksesshme.
Gëzuar 28 Nëntorin!
Lajmet nga UBT
Profesori i UBT-së, Alfred Marleku, publikon artikullin shkencor në revistën ndërkombëtare Defense & Security Analysis
Published
2 days agoon
November 27, 2025By
UBTnews
Rajoni
Rektori Hajrizi merr pjesë në Forumin Ekonomik të Brezovicës 2025
Published
2 days agoon
November 27, 2025By
Driton Iseni
Rektori i UBT-së, Prof. Dr. Edmond Hajrizi, mori pjesë dhe prezantoi në Forumin Ekonomik të Brezovicës 2025, një ngjarje e rëndësishme e organizuar nga Oda Ekonomike e Kosovës në bashkëpunim me WB6 CIF, e cila bëri bashkë figura të rëndësishme të ekonomisë, institucioneve ndërkombëtare dhe sektorit akademik nga i gjithë rajoni.
Rektori Hajrizi ishte pjesë e diskutimeve rreth “EU integration opportunities”, paneli i cili trajtoi temat kyçe të integrimit ekonomik rajonal dhe afrimit me tregun e përbashkët evropian, me fokus të veçantë në mundësitë për bizneset dhe institucionet që të bëhen pjesë e zinxhirëve të vlerës së BE-së.
Gjatë prezantimit të tij, Rektori Hajrizi theksoi rëndësinë e arsimit të lartë, inovacionit dhe kërkimit shkencor si shtylla kryesore për zhvillimin ekonomik të qëndrueshëm në Ballkanin Perëndimor. Ai prezantoi rolin e UBT-së në krijimin e ekosistemeve të inovacionit, zhvillimin e kompetencave të avancuara digjitale dhe nxitjen e ndërmarrësisë, duke theksuar se institucionet e arsimit të lartë janë ndër akterët kryesorë që mund të përshpejtojnë integrimin e rajonit në tregun evropian.
Rektori Hajrizi gjithashtu nënvizoi se transformimi digjital, zhvillimi i kapitalit njerëzor dhe bashkëpunimi ndër-sektorial janë elemente kyçe që do t’i mundësojnë rajonit të jetë konkurrues në ekonominë moderne dhe të shfrytëzojë maksimalisht programet dhe iniciativat e BE-së për Ballkanin Perëndimor.
Lajmet
Dy çmime për studentët e UBT-së në Konventën e Industrisë së Drurit
Published
3 days agoon
November 26, 2025By
Driton Iseni
Studentët e UBT-së kanë shënuar një sukses të jashtëzakonshëm në garën studentore të dizajnit, të zhvilluar në kuadër të Konventës së 8-të të Industrisë së Drurit, një prej ngjarjeve më të rëndësishme për sektorin e përpunimit të drurit në Kosovë. Konventa, e organizuar nga Shoqata e Përpunuesve të Drurit të Kosovës, mblodhi profesionistë, ekspertë dhe studentë nga e gjithë vendi, duke krijuar një platformë të rëndësishme për prezantimin e ideve dhe inovacioneve në industrinë e drurit.
Në këtë aktivitet, të dy çmimet kryesore u fituan nga studentët e UBT-së: vendi i dytë u fitua nga Berna Salihu dhe vendi i tretë nga Diona Ukaj. Të dy projektet u vlerësuan për kreativitetin, funksionalitetin dhe elegancën e dizajnit, duke reflektuar përgatitjen profesionale dhe qasjen moderne të studentëve në këtë fushë.
Në këtë konferencë mori pjesë edhe Dekania e Fakultetit të Artit dhe Dizajnit në UBT, Ariana Gjoni, e cila përfaqësoi institucionin në emër të Rektorit të UBT-së. Ajo theksoi rëndësinë e bashkëpunimit ndërmjet industrisë dhe institucioneve akademike, si dy shtylla kyçe për zhvillimin e sektorit të drurit dhe të dizajnit në Kosovë.
UBT ka ndërtuar ndër vite një model unik bashkëpunimi me industrinë e drurit, prodhimit dhe dizajnit. Institucioni beson se universiteti duhet të jetë i lidhur ngushtë me ekonominë reale, të prodhojë dije praktike dhe të kontribuojë në modernizimin e industrisë. Si rezultat, çdo vit më shumë se 90% e studentëve të UBT-së punësohen në këtë sektor, shpesh para diplomimit.
Suksesi i Bernës dhe Diona Ukajt përbën një dëshmi të talentit, përkushtimit dhe nivelit të lartë të përgatitjes së studentëve të UBT-së. Institucioni shpreh krenarinë për këtë arritje dhe riafirmon angazhimin për t’i mbështetur studentët në rrugëtimin e tyre akademik dhe profesional.
Rektori Hajrizi po qëndron në vizitë zyrtare në Texas
28 Nëntori pa kufij – Nga Shqipëria në Kosovë
UBT uron 28 Nëntorin – Ditën e Flamurit dhe Pavarësisë
Mjekra e dyfishtë, zgjidhje praktike për fytyrë më të bukur
Sipërfaqet dhe objektet që nuk duhet t’i pastroni kurrë me uthull
Profesori i UBT-së, Alfred Marleku, publikon artikullin shkencor në revistën ndërkombëtare Defense & Security Analysis
Makina e vitit 2026 në Gjermani, ja kush po e dominon kategorinë
Volejbollistja Julia Azevedo shpëton mrekullisht pas një sulmi me armë në Rio de Janeiro
Ndërron jetë aktori dhe këngëtari Michael DeLano
Të kërkuara
-
Aktualitet1 month agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi3 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Lajmet3 months agoProfesori i UBT-së fiton grant prestigjioz kërkimor në Universitetin Çarls të Pragës
