Lajmet nga UBT

UBT priti në takim një delegacion nga Universiteti i Shkencave të Aplikuara “FH Graubünden”

Në këtë vizitë, i pranishëm ishte edhe ambasadori i Ambasadës së Zvicrës në Kosovë, Thomas Kolly, si dhe atasheu i kësaj ambasade në Kosovë, Sophie Ratcliff.

Published

on

Rektori i UBT-së, prof. dr. Edmond Hajrizi, ka mirëpritur në Parkun Shkencor Inovativ të UBT-së, në Lipjan, një delegacion nga Universiteti i Shkencave të Aplikuara “FH Graubünden” nga Zvicra, të prirë nga rektori i këtij universiteti, prof. Jürg Kessler.

Në këtë vizitë, i pranishëm ishte edhe ambasadori i Ambasadës së Zvicrës në Kosovë, Thomas Kolly, si dhe atasheu i kësaj ambasade në Kosovë, Sophie Ratcliff, e të cilët u shprehën të lumtur me vizitën në UBT.

Rektori Hajrizi, falënderoi të pranishmit, në veçanti rektorin Kessler, si dhe ambasadorin Kolly për vizitën në UBT, duke thënë se bashkëpunimi mes Kosovës dhe Zvicrës nuk ka munguar, duke shtuar se ky bashkëpunim tani duhet të vazhdojë edhe në sferën e arsimit, shkencës, teknologjisë dhe inovacionit.

“Ne si UBT po përpiqemi të promovojmë konceptin e një ekosistemi të bazuar në inovacion dhe ndërmarrësi, por në të njëjtën kohë si një ekosistem inovativ në krijimin e vendeve të reja të punës, dhe me këtë rast me bashkëpunimin me institucionet arsimore në Zvicër, një bashkëpunim i mirë na sjell përfitime të mira”, ka thënë rektori Hajrizi.

Nga ana tjetër, rektori  i Universitetit të Shkencave të Aplikuara “FH Graubünden”, Jürg Kessler, ka prezantuar vizionin, misionin dhe vlerat e universitetit që udhëheq, duke përmendur në veçanti prioritetet dhe strategjitë që i përbashkon universitetin nga Zvicra dhe UBT-në.

“Ne mendojmë se do të duhej të mendonim globalisht, por duhet të veprojmë në nivel lokal, sepse jemi të vendosur në rajonin malor të Zvicrës, dhe ky rajon malor ka shumë lugina, bujqësi, ka turizëm dhe disa industri, por jo aq shumë industri. Prandaj, është shumë e rëndësishme dhe po punojmë në drejtimin e bashkëpunimin rajonal ndërkombëtar, kështu një bashkëpunim strategjik me UBT-në është shumë i rëndësishëm për ne”, ka thënë rektori i Universitetit të Shkencave të Aplikuara “FH Graubünden”, Jürg Kessler.

Ambasadori i Ambasadës së Zvicrës në Kosovë, Thomas Kolly, ka thënë se qasja të cilën të dy shtetet, në veçanti të dy institucionet e arsimit të lartë kanë është shumë e rëndësishme për zhvillimin e mëtutjeshëm, qasje kjo praktike dhe shumë e nevojshme për të pasur përparim në nivelin arsimor e edukativ.

“Ajo që mendoj se na bashkon të dy vendet është qasja praktike. Dhe kjo është ajo që unë shoh në të dy institucionet në Zvicër dhe në Kosovë, këtë afërsi me botën praktike që do të thotë kryesisht me sektorët sipërmarrës në të dy vendet. Kjo është fusha ku ju mund të përparoni”, ka thënë ambasadori Kolly.

UBT si qëllim kryesor ka ndërtimin e një ekosistemi arsimor inovativ, duke kontribuar në zhvillimin e bashkëpunimit dhe bashkërendimit me institucione të tjera arsimore në vende të ndryshme, për t’i dhënë të rinjve mundësi më të mira për shkollim dhe edukim.

Lajmet nga UBT

UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore

Published

on

By

Me një vendim zyrtar të lëshuar nga Ministria e Arsimit, Shkencës, Teknologjisë dhe Inovacionit (MAShTI), UBT është rilicencuar për të ofruar arsimin profesional në katër programe kryesore në fushën e shëndetësisë, duke forcuar edhe më tej pozitën e tij si një nga institucionet udhëheqëse në arsim profesional në Kosovë.

UBT është rilicencuar për ofrimin e këtyre katër programeve:

  • Bashkëpunëtor Profesional i Infermierisë, Niveli III dhe IV (180 kredi AAP)
  • Asistent Dentar, Niveli III dhe IV (180 kredi AAP)
  • Teknik i Farmacisë, Niveli III dhe IV (180 kredi AAP)
  • Teknik i Laboratorit Mjekësor, Niveli III dhe IV (180 kredi AAP)

UBT, si institucion lider në arsim, ofron infrastrukturë moderne dhe kushte të standardeve ndërkombëtare, të cilat i mundësojnë studentëve një përvojë të plotë praktike dhe teorike. Laboratorët e pajisur me teknologji të avancuar, hapësirat multifunksionale për trajnim dhe praktikat e integruara në mjedise reale të punës janë vetëm disa nga asetet që garantojnë një arsimim të cilësisë së lartë.

Përmes këtyre programeve dhe kushteve të avancuara, nxënësit do të kenë mundësi të zhvillojnë aftësitë e tyre profesionale në përputhje me kërkesat e tregut të punës, duke u përgatitur për të qenë konkurrues si në tregun vendor, ashtu edhe në atë ndërkombëtar.

Continue Reading

Lajmet nga UBT

UBT – Institucioni privat me më së shumti programe të akredituara nga Agjencia e Akreditimit të Kosovës

Published

on

By

UBT vazhdon të jetë institucioni privat me më së shumti programe të akredituara në Kosovë, sipas vendimeve të fundit të Agjencisë së Kosovës për Akreditim. Me gjithsej 17 programe të akredituara, prej të cilave 9 riakreditime dhe 8 programe të reja, UBT dëshmon përkushtimin e vazhdueshëm ndaj cilësisë në arsim dhe zhvillimit akademik.

Nga programet e riakredituara, shumica kanë marrë vlerësimin maksimal për një periudhë pesëvjeçare, që tregon standardet e larta akademike dhe profesionalizmin e stafit akademik të UBT-së.

Në listën e programeve të akredituara përfshihen fusha të rëndësishme të inxhinierisë, shëndetësisë, shkencave të natyrës, teknologjisë, menaxhimit dhe dizajnit, duke u ofruar studentëve mundësi të shumta për zhvillim profesional dhe kërkim shkencor.

Programet që janë pjesë e këtij procesi janë:

  • Inxhinieri e Mekatronikës – BSc
  • Inxhinieri e Mekatronikës – MSc
  • Inxhinieri e Agrikulturës dhe Mjedisit – BSc
  • Shkencat dhe Teknologjia e Ushqimit – MSc
  • Shëndet Publik dhe Shkenca Mjekësore – BSc
  • Shkenca Paramjekësore – MSc
  • Biokimi Mjekësore – BSc
  • Kimi Aplikative – BSc
  • Stomatologji – Dr. Dent
  • Menaxhment, Biznes dhe Ekonomi – BSc, UBT Ferizaj
  • Dizajn – BP, UBT Prizren
  • Shëndeti dhe Aktiviteti Fizik – MSc
  • Shkencat e Sportit dhe Lëvizjes – BSc
  • Psikologji – MSc
  • Teknik i Radiologjisë – BSc
  • Menaxhimi i Patundshmërive dhe Infrastrukturës – BA
  • E Drejta Komerciale – LLM

Kjo arritje thekson angazhimin e UBT-së për t’u ofruar studentëve arsimin më të mirë dhe programet akademike që i përmbushin standardet më të larta ndërkombëtare. Me këtë, UBT vazhdon të jetë një nga institucionet kryesore të arsimit të lartë në Kosovë dhe rajon, duke kontribuar fuqishëm në zhvillimin e kapitalit njerëzor dhe inovacionit shkencor.

Continue Reading

Lajmet nga UBT

Profesoresha e UBT-së, Jeta Kiseri Kubati merr pjesë në Kongresin Evropian të Ortodoncisë me dy prezantime shkencore ndërkombëtare

Published

on

By

Prof. Jeta Kiseri Kubati, nga Fakulteti i Stomatologjisë në UBT, ka përfaqësuar me dinjitet institucionin në njërin nga ngjarjet më prestigjioze në fushën e ortodoncisë – Kongresin Evropian të Ortodoncisë (EOS), që po mbahet këtë javë në qytetin historik të Krakowit, Poloni.

Në këtë kongres, i cili mbledh çdo vit profesionistët, akademikët dhe studiuesit më të njohur të fushës nga e gjithë Evropa dhe më gjerë, Prof. Kiseri Kubati prezantoi dy punime shkencore të rëndësishme që kanë në fokus trajtimet ortodontike dhe praktikën klinike bashkëkohore.

Punimi i parë, me titull:

“Cost-minimisation analysis of vacuum-formed retainers versus bonded lingual braided rectangular and multistranded round wire retainers in the mandible over a two-year period”, është rezultat i një bashkëpunimi ndërkombëtar, dhe sjell një analizë të thelluar ekonomike dhe klinike të metodave të ndryshme për ruajtjen e rezultateve ortodontike pas trajtimit.

Punimi i dytë, i realizuar në bashkëpunim me Fakultetin e Stomatologjisë të Maqedonisë së Veriut, ka për titull:

“Comparison of retention practice of orthodontists in two neighboring countries on Balkans – Kosova and North Macedonia”. Ky studim krahason praktikën e ruajtjes ortodontike në dy vende fqinje të Ballkanit, duke identifikuar ngjashmëritë dhe dallimet në qasjet profesionale, si dhe potencialin për harmonizim të mëtejshëm të standardeve klinike në rajon.

Pjesëmarrja e Prof. Kiseri Kubati në këtë kongres prestigjioz përfaqëson një sukses të madh jo vetëm për UBT-në, por edhe për avancimin e shkencës stomatologjike në Kosovë, duke dëshmuar angazhimin e palëkundur të institucionit për kërkimin shkencor, bashkëpunimin ndërkombëtar dhe edukimin e bazuar në praktikat më të mira globale.

Continue Reading

Lajmet nga UBT

Dr. Elmi Berisha ligjëron në UBT për rolin e lobit shqiptaro-amerikan dhe aleancën strategjike Kosovë–ShBA

Published

on

By

Në kuadër të bashkëpunimeve akademike dhe angazhimit për ofrimin e njohurive me rëndësi globale, në UBT u mbajt një ligjëratë tematike me Dr. Elmi Berishën, President i Federatës Panshqiptare VATRA në ShBA dhe një figurë e njohur në fushën e politikës dhe sigurisë ndërkombëtare.

Ligjërata ishte e dedikuar për studentët e programit Studime të Sigurisë në UBT dhe u fokusua në sfidat aktuale të sigurisë globale, me theks të veçantë në rolin e politikës amerikane në adresimin e tyre. Dr. Berisha ndau një analizë të thelluar mbi zhvillimet në skenën ndërkombëtare, përfshirë rivalitetin mes fuqive të mëdha, kërcënimet bërthamore, sigurinë kibernetike dhe transformimin e arkitekturës globale të sigurisë.

Pjesë e rëndësishme e diskutimit ishte ndikimi i lobit shqiptaro-amerikan në avancimin e kauzës shqiptare, si dhe rëndësia e aleancës së palëkundur mes Kosovës dhe Shteteve të Bashkuara të Amerikës. Studentët patën mundësi të shtrojnë pyetje dhe të zhvillojnë një dialog të drejtpërdrejtë me Dr. Berishën, duke marrë përgjigje të argumentuara dhe perspektiva të vlefshme mbi çështje kyçe të sigurisë dhe politikës ndërkombëtare.

Continue Reading

Të kërkuara