5G

UBT përmes “Nokia” sjell në Kosovë rrjetin 5G

Publikuar

UBT përmes kompanisë finlandeze të telekomunikacionit “Nokia”, po sjell për herë të parë në Kosovë dhe rajon rrjetin 5G, që mundëson shtrirjen e gjeneratës së pestë të teknologjisë së rrjeteve celulare pa tela që njihet si e ardhmja e internetit.

Sipas marrëveshjes trevjeçare, “Nokia” do t’i sigurojë UBT-së lidhjen wireless 5G SA, që do të mundësojë zhvillimin e kërkimit dhe testimit të bazuar në 5G, për një numër rastesh përdorimi të drejtuara nga teknologjitë përkatëse Internet of Things (IoT) dhe AI, si pjesë e përpjekjeve për të nxitur kërkime dhe inovacione.

Në një komunikatë për media, lëshuar nga kompania prestigjioze e telekomunikacionit, “Nokia”, thuhet se rrjeti 5G do të bazohet në Nokia Digital Automation Cloud (DAC), një platformë digjitalizimi, e cila është e aftë të ofrojë besueshmëri, shpejtësi të lartë të trafikut dhe uljen e vonesave gjatë komunikimeve të ndryshme në kohë reale duke përdorur teknologji të ndryshme.

Rektori i UBT-së, prof.dr. Edmond Hajrizi, ka thënë se shtrirja e rrjetit 5G në Kosovë përbën një zhvillim të rëndësishëm për Kosovën në ekonominë digjitale të vendit.

“Shtrirja e rrjetit të parë privat 5G në Kosovë do të na mundësojë të qëndrojmë në krye të kërkimit dhe zhvillimit në nivel lokal. 5G është një shtysë e madhe, ndërsa po zhvillohen edhe aplikacione të tjera, dhe kjo do të na mundësojë të nxisim inovacionin dhe do të ketë një ndikim në ekonominë digjitale të Kosovës në përgjithësi”, ka thënë rektori Hajrizi.

Në komunikatën e lëshuar nga “Nokia”, drejtori i Shitjeve për Evropën Juglindore, Michael Siegel, ka thënë se ky investim i “Nokia” në bashkëpunim me UBT-në nënkupton një zhvillim të madh për të dy palët në rajon.

“Investimi i UBT-së në 5G, në bashkëpunim me “Nokia”, përfaqëson një përparim të madh në rajon. Në planin ndërkombëtar, ne shohim institucionet kryesore kërkimore  që u drejtohen aftësive të besueshme, të sigurta dhe me shpejtësi dhe gjerësi  të brezit me frekuencë shumë të lartë që ofron rrjeti 5G, kjo mundëson kërkimin, funksionimin e rrjetave Internet of Things, Artificial Intelligence dhe automatizimit të gjitha proceseve në industri – të cilat të gjitha kontribuojnë në avancimin e industrisë 4.0”, ka thënë Drejtori i Shitjeve për Evropën Juglindore në kompaninë “Nokia”, Michael Siegel.

Sipas zyrtarëve të kësaj kompanie, “UBT” është duke mbështetur të rinjtë dhe të rejat në ambiciet e tyre për të krijuar një shoqëri të dijes, duke punuar me ndërmarrjet publike dhe private, në mënyrë që të vendoset infrastruktura e nevojshme që mbështet kërkimin, zhvillimin dhe inovacionin.

“Nokia” është kontribuuesi kryesor i industrisë së telefonisë mobile, pasi që ka ndihmuar në zhvillimin e standardeve GSM, 3G dhe LTE, dhe aktualisht 5G, si dhe dikur ishte shitësi më i madh në mbarë botën i telefonave celularë dhe telefonave të mençur.

UBT u themelua në vitin 2001. Me shumë programe të akredituara, 10 mijë studentë, 1 mijë të punësuar, park shkencor dhe teknologjik, institucione kërkimore dhe zhvillimore, qendra, laboratorë të ndërmarrësisë dhe inovacionit, qendra të ndryshme të teknologjisë dhe media, UBT ka krijuar një ekosistem.

Për më tepër, UBT është institucioni që procesin arsimor e ka vendosur në platformën e realitetit virtual, duke ofruar zbatimin e plotë të CLASSROOM 3.0 dhe tani duke u bërë Kampusi Universitar 5G, do të ketë sukses të bëhet një nga universitetet më progresive dhe më të vlerësuara në Evropën Juglindore.

Për të lexuar komunikatën e plotë të lëshuar nga Nokia, kushtuar bashkëpunimit me UBT-në, klikoni në linkun: https://www.nokia.com/about-us/news/releases/2021/03/15/nokia-delivers-5g-private-wireless-network-at-university-for-business-and-technology-kosovo/

5G

Ndikimi i valëve 5G si në zhvillimin e teknologjisë, në transformimet digjitale ashtu edhe në jetën e njerëzve

Publikuar

nga

Interneti është ndikuesi më i madh i jetës së çdo njeriu në ditët e sotme dhe pa të jeta do të vështirësohej e pamundësohej. Megjithatë, temë diskutimi e muajve të fundit, sidomos në këtë kohë pandemie ishte lehtësimi, por edhe ndikimi i valëve 5G si në zhvillimin e teknologjisë, në transformimet digjitale ashtu edhe në jetën e njerëzve.

Eksperti në fushën e teknologjisë, njëherësh edhe ligjërues në UBT, Xhafer Krasniqi potencoi se situata pandemie e ka shqetësuar zhvillimin e rrjetave 5G si rezultat i nevojës për teknologji më të shpejtë, më të mençur dhe më të avancuar.

“Pa Inteligjencën Artificiale dhe Internet of Thing, 5G nuk do të ishte e kompletuar për ofrimin e shërbimeve digjitale dhe kërkesat e tregut. Këto të trija funksionojnë së bashku pasi që Intelegjenca Artificiale mund të na mësojë shumë gjëra shpejt vetëm nëse ka një rrjet transportues pra në këtë rast 5G, e cila mundëson përcjellën e këtyre informacioneve ose të dhënave në Internet of Thing apo pajisjet teknologjike”, tha Krasniqi.

Ndërkaq, profesori Krasniqi theksoi se zhvillimi i standardeve për  5G ka filluar para 4 viteve, mirëpo sipas tij zhvillimi i standardeve për një funksion madhor kërkon më shumë kohë, diku 10 vite. Kështu që ai bëri të ditur se momentalisht jemi në fazën e dytë të zhvillimeve të standardeve për 5G, teksa impelementimi i saj pritet të filloj në fund të vitit 2020 ose në fillim të vitit 2021.

Profesori Zhilbert Tafa, për 5G tha se si teknologji tenton të unifikojë në formë të një kornize të gjitha teknologjitë ekzistuese, kjo për arsye se do të ketë shpejtësi më të madhe dhe vonesa shumë të vogla.

“Me teknologjinë 5G do të arrihet shpejtësinë në kohën reale, vonesa shume të vogla si dhe intensitetin e madhe të lidhjeve të pajisjeve me afro 1 milion pajisje në kilometër katror”, bëri të ditur Tafa.

Duke folur për rolin dhe funksionin e Inteligjencës Artificiale, profesori Bertan Karahoda, tha se Inteligjenca Artificiale përveç se na mundëson përdorimin e saj në fushën e mësimdhënies, trajnimeve apo përfitimin e njohurive të ndryshme ajo e bën të mundur edhe konceptimin me pajisje tjera teknologjike përmes 5G të cilat ndihmojnë në grumbullimin e të dhënave, përmirësimin e sistemeve dhe algoritmeve.

Tutje, profesori Besnik Qehaja, konsistoi që komunikimi dhe kualiteti i shërbimeve në 5G, interferon në kualitetin e shërbimeve në rrjetat e brendshme të secilit shtet.

“Në Kosovë dhe në secilin shtet që pretendon ta vë në funksion 5G, duhet të ketë rrjeta fiber optike. Kosova pas luftës ka një potencial mjaft të mirë pasi që ka investuar shumë për një infrastrukturë moderne me këto rrjeta falë shumë ISP-ve, të cilët kanë hapur rrugë për implementimin e 5G edhe në shtetin tonë”, potencoi Qehaja.

Ndërkaq, profesori Qehaja bëri të ditur se së bashku me studentët e Fakultetit të Skencave Kompjuterike dhe Inxhinieri, në ditët në vijim do ta prezantojnë  projektin e fundit të krijuar, Smart City, të cilin e kanë stimuluar përmes Internet of Things.

Konferenca online është mbështetur nga Media Group i UBT-së, teksa është transmetuar drejtpërdrejtë në Televizionin “UBT”, “Radio Campus 100.7 FM”, si dhe në faqet zyrtare në platformat Facebook, Instagram dhe Youtube.

Vazhdo të lexosh

5G

Kosova do të ndalojë përdorimin e pajisjeve 5G, që sigurohen nga shitës të pabesueshëm

Publikuar

nga

Kryeministri i Kosovës, Avdullah Hoti ka pritur sot në takim përfaqësuesit e Autoritetit Rregullativ të Komunikimeve Elektronike dhe Postare (ARKEP), si organi më kompetent në fushën e komunikimeve elektronike.

Në këtë takim, Kryeministri Hoti potencoi rëndësinë e sigurisë kombëtare, ruajtjes së rendit publik, ruajtjes së kufirit shtetëror për funksionim të qëndrueshëm e të besueshëm përmes institucioneve përkatëse shtetërore dhe bashkërendimit të veprimeve ndër-institucionale.

“Kosova do të ndalojë përdorimin e pajisjeve 5G, të siguruara nga shitës të pabesueshëm, në rrjetet e tyre të komunikimit. Aty ku mund të ketë pajisje të tilla, institucionet përkatëse të vendit do të angazhohen për heqjen e tyre”, theksoi Kryeministri Hoti./UBTNews

Vazhdo të lexosh

Të kërkuara