Studentët nga Fakulteti i Media dhe Komunikimit në UBT zhvilluan së fundmi një vizitë në Klan Kosova.

Gjatë kësaj vizite, ata u mirëpritën nga Drejtori i Informacionit, Gazmend Syla dhe nga redaktori përgjegjës, Blerim Xhemajli.

Studentët, të shoqëruar nga mentorja Albina Zeneli, patën mundësinë të njihen nga afër me procesin e prodhimit televiziv, transmetimet live, redaktimin e lajmeve dhe funksionimin e departamenteve të ndryshme.

Ata gjithashtu parashtruan pyetje të ndryshme e patën mundësinë të diskutojnë me profesionistë të medias, të marrin këshilla praktike dhe të mësojnë rreth sfidave dhe mundësive në industrinë e televizionit dhe komunikimit masiv.

Vizita synonte t’u ofronte studentëve  perspektivë të drejtpërdrejtë mbi punën e mediave dhe të fuqizonte njohuritë profesionale, ato janë të rëndësishme për disa arsye që lidhen me mësimin praktik, zhvillimin personal dhe profesional të studentëve: E para dhe më e rëndësishmja është lidhja e teorisë me praktikën, ku studentët mund të shohin nga afër si funksionojnë institucionet, kompanitë ose organizatat që lidhen me fushën e tyre studimore, duke kuptuar më mirë teorinë që mësojnë në bankën e shkollës.

Ata marrin mundësinë të shohin proceset reale të punës, teknologjitë dhe metodat që përdoren në profesion, gjë që nuk mund të përjetohet vetëm në klasë, vizitat ndihmojnë studentët të përmirësojnë aftësi si komunikimi, bashkëpunimi, vëzhgimi kritik dhe zgjidhja e problemeve.

Studentët mund të takojnë profesionistë dhe ekspertë të fushës, duke krijuar lidhje që janë të dobishme për karrierën e ardhshme, madje të shohësh nga afër se si punojnë profesionistët dhe sfidat që përballojnë i frymëzon studentët të motivohen për të mësuar më shumë.

Madje, të njëjtit fitojnë ide të qartë çfarë kërkon tregu i punës dhe si mund të integrohen në të pas përfundimit të studimeve. /UBT News/

UBT ka organizuar një ligjëratë të veçantë për studentët e programit Studime të Sigurisë, ku ekspertja ndërkombëtare Delfina Ertanowska ka prezantuar temën “Russian Influence, PSYOP, and ‘Interests’: Propaganda, AI, Social Media, and Terrorist States”. Kjo ngjarje shënon një tjetër moment të rëndësishëm në angazhimin e UBT-së për të sjellë ekspertizë globale për studentët.

Ligjërata e mbajtur nga Ertanowska, e cila ka përvojë të gjerë në analizën e operacioneve psikologjike (PSYOP) dhe ndikimit të aktorëve shtetërorë në hapësirat digjitale, u përqendrua në mënyrat se si Rusia dhe shtete të tjera përdorin propagandën, inteligjencën artificiale dhe rrjetet sociale për të ndikuar në opinionin publik dhe për të destabilizuar rajone të caktuara.

Studentët patën mundësinë të eksplorojnë raste konkrete të manipulimit mediatik dhe të kuptojnë rolin e teknologjisë në strategjitë moderne të ndikimit.

Ky aktivitet u zhvillua në bashkëpunim me prodekanin e programin Studime të Sigurisë, Arian Kadriu.

Përmes këtyre ligjëratave, UBT po e pozicionon veten si një institucion që jo vetëm ndjek zhvillimet globale në fushën e sigurisë, por edhe kontribuon në formimin e profesionistëve të rinj me perspektivë ndërkombëtare.

Rektori i UBT-së, Prof. Dr. Edmond Hajrizi, ka uruar studentët, pedagogët dhe gjithë bashkëkombësit shqiptarë për 28 Nëntorin, Ditën e Flamurit dhe të Pavarësisë së Shqipërisë.

Në mesazhin e tij, Rektori Hajrizi thekson rëndësinë historike të kësaj dite: ngritjen e flamurit kuq e zi mbi Kështjellën e Krujës nga Skënderbeu dhe shpalljen e Pavarësisë së Shqipërisë më 28 nëntor 1912 në Vlorë, si shenjë të qëndresës, sakrificës dhe ëndrrës për liri që çdo shqiptar e mban në zemër.

Ai nënvizon se kjo ditë nuk është vetëm një kujtesë historike, por edhe një thirrje për të ndërtuar të ardhmen. “Është përgjegjësia jonë të kultivojmë dijen, të zhvillojmë talentet dhe të edukojmë brezat e rinj që ata të jenë trashëgimtarët dinjitozë të këtij kombi,” thekson Rektori Hajrizi.

UBT beson se arsimi është flaka që do të ndezë Nëntorin e Tretë të kombit tonë – një Nëntor i dijes, i punës dhe i përkushtimit të rinisë. Të rinjtë janë fuqia që do të ruajë gjuhën, identitetin dhe vlerat kombëtare, duke ndërtuar një shoqëri të drejtë dhe të suksesshme.

Gëzuar 28 Nëntorin!