UBT mori pjesë në dy pritje të veçanta organizuara nga Ambasada e Finlandës dhe Ambasada e Austrisë në Kosovë. Këto ngjarje, që shënuan Ditën e Pavarësisë së Finlandës më 6 dhjetor, ishin një reflektim i miqësisë së fortë dhe të qëndrueshme ndërmjet Kosovës dhe këtyre dy shteteve evropiane, të cilat kanë dhënë një kontribut të veçantë në zhvillimin e vendit.

Gjatë pritjes që u organizua nga Ambasada e Finlandës, e cila përfaqëson një nga shtetet model për demokracinë, inovacionin dhe zhvillimin e qëndrueshëm në Evropë, Rektori i UBT-së, Prof. Dr. Edmond Hajrizi, shprehu falënderime të sinqerta për përkrahjen e vazhdueshme që Finlanda ka ofruar për Kosovën në fusha të ndryshme.

Rektori Hajrizi vlerësoi angazhimin e Finlandës për zhvillimin e arsimit, teknologjisë dhe demokracisë, duke theksuar se ky mbështetje ka pasur një ndikim të jashtëzakonshëm në avancimin e institucioneve dhe shoqërisë kosovare. Ai gjithashtu theksoi miqësinë e fortë dhe bashkëpunimin e suksesshëm të ndërmarrë ndërmjet popullit dhe institucioneve të Kosovës dhe Finlandës.

Në pritjen e organizuar nga Ambasada e Austrisë, Rektori Hajrizi falënderoi Ambasadorin e Austrisë për mbështetje të gjithanshme që ky shtet ka ofruar për Kosovën. Ai theksoi se Austria ka qenë një partner historik i rëndësishëm për Kosovën dhe ka kontribuar në shumë fusha, duke përfshirë arsimin e lartë dhe kulturën. Rektori vlerësoi bashkëpunimin e frytshëm që UBT ka pasur me institucione të ndryshme austriake, duke i falënderuar për angazhimin e tyre në avancimin e arsimit dhe shkëmbimin e përvojave të vlefshme.

“Finlanda dhe Austria kanë luajtur një rol të jashtëzakonshëm në zhvillimin e Kosovës, duke ofruar mbështetje të pakursyer në fushat e arsimit, teknologjisë dhe kulturës. Ne si UBT vlerësojmë thellësisht partneritetet tona me këto dy shtete, të cilat kanë ndihmuar në forcimin e institucioneve dhe promovimin e njohurive dhe vlerave të reja në shoqërinë tonë. Ky bashkëpunim është një dëshmi e miqësisë së fortë ndërmjet Kosovës dhe këtyre vendeve, dhe ne jemi të angazhuar për të vazhduar dhe thelluar këtë lidhje në të ardhmen”, u shpreh Hajrizi.

Pjesëmarrja e UBT-së në këto ngjarje ka theksuar përkushtimin e universitetit për të forcuar dhe zgjeruar partneritetet ndërkombëtare, si dhe për të promovuar shkëmbimin e njohurive dhe përvojave në fusha të ndryshme si arsimi, teknologjia dhe kultura. Aktivitetet e tilla janë një mundësi për UBT-në të ndërtojë ura bashkëpunimi dhe të kontribuojë në zhvillimin e mëtejshëm të Kosovës si një qendër të rëndësishme të arsimit dhe inovacionit në Ballkan./UBTNews/

Studentët e vitit të dytë të Fakultetit të Menaxhmentit, Biznesit dhe Ekonomisë (MBE) në UBT, në kuadër të lëndës “Mjedisi Biznesor Ndërkombëtar”, të udhëhequr nga profesori Enver Krasniqi dhe Erin Johnson, kanë vazhduar për vitin e gjashtë me radhë ligjëratat e përbashkëta online me studentët nga Universiteti i IOWA, SHBA.

Një risi e veçantë për këtë vit ishte se për herë të parë, studentët e UBT-së do të certifikohen për këtë aktivitet, duke i ofruar atyre një mundësi të vlefshme për të pasur një vlerësim të drejtpërdrejtë nga një universitet prestigjioz amerikan. Po ashtu, studentët patën mundësinë të kenë qasje në platformën online të Universitetit të IOWA, ku mund të merrnin pjesë në detyra, diskutime dhe aktivitete që përfshijnë të gjitha çështjet e rëndësishme, njësoj si studentët amerikanë.

Kjo iniciativë, e cila ka filluar para gjashtë vitesh, ka ofruar mundësi të shkëlqyera për studentët të zhvillojnë aftësi të rëndësishme si prezantimi, puna në grup dhe diskutimi ndërkulturor.

Temat e ligjëratave janë përqendruar në njohjen e jetës studentore dhe konteksteve të ndryshme edukative dhe profesionale në SHBA dhe Kosovë. Studentët janë ndarë në grupe dhe kanë përgatitur prezantime në lidhje me aspektet e jetës studentore dhe mjedisin biznesor të dy universiteteve, duke i vlerësuar ato në një mënyrë krahasuese.

Në fund të sesioneve, secili grup ka zhvilluar dhe prezantuar një infografik në lidhje me një produkt ose shërbim që nuk është i pranishëm në një nga dy vendet, por që mund të ketë sukses në vendin tjetër. Këto projekte ishin pjesë e një përpjekje për të krijuar lidhje dhe mundësi biznesi ndërmjet dy kulturave të ndryshme.

Profesorët e MBE-së, theksuan se ishte një vlerësim i përbashkët se prezantimet e 8 grupeve ishin jashtëzakonisht të suksesshme, duke përmbushur të gjitha objektivat e këtyre sesioneve të përbashkëta. Duke shtuar tutje se, studentët e UBT-së, së bashku me ata të Universitetit të IOWA, e treguan një performancë të shkëlqyer, duke arritur të përcjellin mesazhe të qarta dhe të zhvilluar një nivel të lartë bashkëpunimi ndërkombëtar. Ky aktivitet ka qenë një mundësi e shkëlqyer për studentët për të zhvilluar aftësi të rëndësishme që do t’i shërbejnë atyre gjatë karrierës profesionale./UBTNews/

Studentët e Fakultetit të Shkencave të Ushqimit të UBT-së, në nivelin Bachelor dhe Master, realizuan një vizitë studimore në katër kompani të njohura në Gjilan. Kompanitë e vizituara ishin Floil, RC Cola, Fleksograf, dhe Jaffa Shampion, si pjesë e aktiviteteve mësimore për të lidhur njohuritë teorike me praktikat industriale.

Vizita, e udhëhequr nga profesorët e fakultetit, Violeta Lajqi, Luljeta Ajdini, Sami Makolli, Vlora Rama, Sami Gashi dhe Aulona Sfishta u zhvillua në kuadër të lëndëve që mbulojnë proceset e prodhimit të ushqimeve, menaxhimin e cilësisë dhe trajtimin e mbetjeve.

Për studentët e Shkencave të Ushqimit, kjo vizitë kishte një rëndësi të veçantë, pasi ata mund të shihnin nga afër proceset që përfshijnë prodhimin e vajit, pijeve energjetike, lëngjeve frutash, të gazuara, si dhe prodhimin e paketimeve fleksibile, duke mësuar më shumë rreth menaxhimit të cilësisë dhe kushteve të prodhimit. Ata gjithashtu mësuan se si realizohen analizat dhe si trajtohen mbetjet gjatë prodhimit industrial.

“Floil”,  kompania prodhuese e vajit ofroi një mundësi unike për studentët, të cilët ndoqën nga afër të gjithë procesin e prodhimit të vajit, duke filluar nga lënda e parë dhe duke përfunduar me menaxhimin e mbetjeve. Falënderim i veçantë iu dha drejtorit të kompanisë, Berat Mustafa, për mikpritjen dhe mundësinë e ofruar për studentët.

Mbushja dhe paketimi i vajit ‘Floil’

“RC Cola”, teknologu Enis Buca prezantoi me detaje proceset e prodhimit të pijeve energjetike, ujit të vitaminuar dhe çajit të ftohtë, si dhe paketimin e këtyre produkteve. Kjo ishte një mundësi e shkëlqyer për studentët që të kuptonin se si zhvillohen dhe paketohen produktet që konsumohen gjerësisht nga publiku.

“Jaffa Shampion”, teknologia në këtë kompani, Leonita Salihu, i udhëhoqi studentët përmes procesit të trajtimit të lëndës së parë, pasterizimit dhe paketimit aseptik të lëngjeve të frutave. Ky proces është një nga më të rëndësishmit në industrinë e ushqimeve, pasi garanton ruajtjen e cilësisë dhe sigurinë e produkteve.

“Fleksograf” , studentët u njohën me prodhimin e paketimeve fleksibile dhe etiketave për produktet ushqimore, një proces kyç që siguron identifikimin dhe ruajtjen e cilësisë së produkteve ushqimore deri në dorëzimin e tyre te konsumatori.

Kjo vizitë ka qenë një mundësi e shkëlqyer për studentët për të kuptuar më mirë se si zhvillohen dhe menaxhohen proceset e prodhimit të ushqimeve në nivele të ndryshme. Përveç kësaj, ata janë njohur me rëndësinë e menaxhimit të cilësisë, proceset e analizave dhe pastrimit të mbetjeve në industrinë ushqimore.

Në fund, studentët vlerësuan këtë aktivitet si një mundësi të çmuar për t’i afruar ata më shumë me praktikën industriale, duke ndihmuar në zgjerimin e horizontit të tyre profesional. Kjo vizitë ka kontribuar në një më të kuptuar të fushës dhe u ofroi studentëve një përvojë të rëndësishme që do t’i ndihmojë ata në zhvillimin e karrierës së tyre në fushën e Shkencave të Ushqimit./UBTNews/