Lajmet nga UBT

UBT ofron programin master Planifikim Urban dhe Zhvillim i Qëndrueshëm, i vetmi në Kosovë dedikuar këtyre fushave

UBT ofron programin e vetëm universitar të dedikuar ekskluzivisht Planifikimit Urban dhe Zhvillimit të Qëndrueshëm.

Published

2 years ago

on

Planifikimi urban është një instrument i vlefshëm dhe shumë i rëndësishëm për arritjen e zhvillimit të qëndrueshëm urban, socio-ekonomik, mjedisor, si dhe infrastrukturor. Ai ndihmon në shfrytëzimin racional të resurseve për zhvillim, si dhe shpenzim efikas të buxhetit dhe kapitalit për investime në infrastrukturë dhe shërbime, duke balancuar kështu kërkesat për rritje me nevojën për ruajtje të resurseve dhe mbrojtje të mjedisit.

UBT ofron programin e vetëm universitar të dedikuar ekskluzivisht Planifikimit Urban dhe Zhvillimit të Qëndrueshëm. Kjo për shkak se fushat dhe tematikat e trajtuara nga programi përbëjnë një interes të veçantë në perspektivën e zhvillimit dhe menaxhimit të qyteteve.

Ky program studimi ka një përbërje unike kurrikulare e cila është e dallueshme nga disiplinat e tjera të arsimit universitar. Ajo është krijuar për të formuar profesionistë, të cilët mund të trajtojnë probleme komplekse të projektimit përmes ofrimit të zgjidhjeve bazuar në aftësitë e nevojshme të arritura përmes kurseve plotësuese dhe ndërdisiplinore.

Studentët në këtë program studimi të nivelit master formësohen si specialistë të ardhshëm të planifikimit urban dhe hapësinor.

Programi është dizajnuar në atë mënyrë që studentët të kenë mundësi t’i kombinojnë njohuritë teorike me punë praktike në planifikim dhe zhvillim të qëndrueshëm urban dhe hapësinor. Në këtë mënyrë studentët do të aftësohen për hartimin dhe përgatitjen e planeve, strategjive dhe projekteve konkrete që do ta bëjnë qytetin dhe mjedisin urban më të mirë për të jetuar dhe do ta rrisin kualitetin e jetesës në qytete.

Në këtë mënyrë, profesionistët e ardhshëm të kësaj fushe do të mund të:

– Dizajnojnë qytete dhe mjedise të qëndrueshme urbane të bazuar në parimet e qytetit funksional, rezilient dhe miqësor me mjedisin, si dhe në estetikë urbane;

– Analizojnë dinamikat ekonomike dhe sociale të qyteteve dhe hapësirave;

– Fitojnë njohuri mbi legjislacionin vendor dhe ndërkombëtar që trajton fushën e planifikimit urban dhe hapësinor;

– Fitojnë njohuri të thelluara mbi teoritë dhe konceptet bashkëkohore të planifikimit dhe zhvillimit të qëndrueshëm urban;

– Të fokusohen në tematikat me rëndësi strategjike si: Rezilience, Ekonomia Qarkore, Energjia e Ripërtëritshme, ruajtja dhe promovimi i trashëgimisë kulturore dhe identitetit urban, qytetet e mençura, etj;

– Aftësohen për trajtimin e sektorëve me rëndësi, si: transporti dhe infrastruktura urbane, dizajnimi i hapësirave publike dhe hapësirave të gjelbëruara, shfrytëzimi i tokës (Land Use), ri-destinimi dhe ri-gjenerimi urban;

– Aftësohen për përdorimin e mjeteve dhe teknologjisë bashkëkohore (GIS, Dronë, GPS) për analiza urbane dhe planifikim urban;

– Aftësohen për gjenerimin e hartave dhe instrumenteve tjera përbërëse të Planeve Zhvillimore, Strategjive dhe Planeve Rregulluese Urbane.

Të diplomuarit nga ky program kanë mundësi të punësohen në institucione publike, si: Ministria e Planifikimit Hapësinor, Mjedisit dhe Infrastrukturës, Ministria e Zhvillimit Rajonal, Ministria e Pushtetit Lokal, si dhe në institucione të nivelit lokal/komuna përkatësisht në Drejtoritë për Urbanizëm, Mbrojtje të Mjedisit, Kadastër dhe Shërbime Publike.

Ata po ashtu kanë mundësi të punojnë në studio dhe kompani private të fokusuar në Arkitekturë dhe Planifikim Urban, hartimin e planeve hapësinore, urbane dhe planeve të hollësishme urbane, agjenci dhe kompani private të fokusuara në hulumtime dhe strategji në fushat e mjedisit, planifikimit urban, zhvillimit të qëndrueshëm, transportit dhe komunikacionit, energji të ripërtërishme, etj.

Profesionistët e ardhshëm do të kenë mundësi po ashtu të punojnë për organizata ndërkombëtare aktive në Kosovë, si: UN HABITAT, UNDP, SIDA, USAID, GIZ, SDC, TIKA.

Koncepti dhe struktura e programit është dizajnuar duke u bazuar në konceptet e programeve të ngjashme në MIT (Massachusetts Institute of Technology), Hafencity Universitat në Hamburg, TU Wien, Mimar Sinan Fine Arts University nga Stambolli, ndërsa si i tillë synon të përgatisë gjeneratën e re të profesionistëve të gatshëm t’u përgjigjen nevojave lokale, por edhe të punojnë në tregun global të punës.

Related Topics:
Continue Reading

Lajmet nga UBT

Profesorët e UBT-së kontribuojnë në ndërtimin e paqës së qëndrueshme

Published

1 day ago

on

June 5, 2025

By

Me organizimin e Qendrës Kosovare për Diplomaci, u zhvillua një tryezë diskutimi me fokus në promovimin e juridiksionit universal për krimet e luftës të kryera në hapësirat e ish-Jugosllavisë.

Ky aktivitet është realizuar në kuadër të projektit ndërkombëtar NO-OBLIVION, i cili ka për synim adresimin e drejtësisë tranzicionale dhe përkujdesjen ndaj viktimave të krimeve të luftës.

Ky projekt udhëhiqet nga European Association of Social Innovation (Rumani), në bashkëpunim me një numër partnerësh ndërkombëtare, përfshirë, IPS Innovative Prison Systems (Portugali), Victim Support Europe (Belgjikë), Camino (Gjermani), Documenta (Kroaci), Komitetin e Helsinkit për të Drejtat e Njeriut në Serbi, Qendrën për Studime të Sigurisë (Bosnje dhe Hercegovinë), si dhe Qendrën Kosovare për Diplomaci (Kosovë).

Profesorët e UBT-së, Prof. Avni H. Alidemaj dhe Prof. Alban Maliqi nga Departamenti i Shkencave Politike dhe Studimeve të Sigurisë, theksuan rëndësinë e drejtësisë tranzicionale dhe rëndësinë e qasjes integruese dhe gjithëpërfshirëse në trajtimin e çështjeve që ndërlidhen me drejtësinë tranzicionale dhe ndërtimin e paqës së qëndrueshme. Rrjedhimisht, duke trajtuar drejtësinë tranzicionale po formësohet e ardhmja e rajonit.

Pjesëmarrës në tryezë ishin edhe profesorë universitar, përfaqësues të shoqërisë civile dhe të institucioneve qeveritare në Kosovë.

Kontributi akademik i UBT-së do të vazhdojë të jetë i pranishëm në aktivitetet e ardhshme që kanë për qëllim ndërtimin e paqes dhe shoqërisë demokratike

Continue Reading

Lajmet nga UBT

Mbyllet me sukses Java e Dizajnit në UBT – prezantohen koleksione me vlera artistike dhe kulturore

Published

1 day ago

on

June 5, 2025

By

UBT ka përmbyllur me sukses aktivitetet e Javës së Dizajnit, një ngjarje që bashkoi dizajnerë, artistë dhe akademikë nga vende të ndryshme për të ndarë përvoja, njohuri dhe punime kreative me vlera të larta kulturore dhe artistike.

Në ceremoninë përmbyllëse, Dekania e Fakultetit të Artit dhe Dizajnit në UBT, znj. Ariana Gjoni, i uroi mirëseardhje të pranishmëve, duke theksuar rëndësinë që UBT i kushton zhvillimit të shprehjes kreative dhe promovimit të dizajnit si fushë ndërdisiplinore.

Profesoresha Afërdita Statovci, kuratore e ekspozitës, e cila prezantoi disa koleksione të veçanta të dizajnit tekstil dhe të modës, duke theksuar se çdo punim është i lidhur me kujtesën kulturore dhe bart një mesazh të veçantë.

“Veshja shqiptare gjithmonë ka një identitet të fortë kulturor, kuptim dhe etnicitet. Një shembull tipik është xhupleta, si një simbol i trashëgimisë tonë kombëtare,” theksoi Statovci.

Në kuadër të aktivitetit, pjesëmarrësit patën mundësinë të ndjekin një lidhje direkte me dizajneren nga Stambolli, Ayse Katilmis, e cila ndau rrugëtimin e saj profesional ndërkombëtar, duke përfshirë përvojat nga Barcelona e deri në Shtetet e Bashkuara të Amerikës.

“Kam realizuar disa punime me mozaik që u mirëpritën nga publiku. Vetëm përmes udhëtimit dhe eksplorimit në vende të ndryshme arrita të fitoj dije të mjaftueshme dhe frymëzim për krijime autentike,” u shpreh Katilmis.

UBT, përmes Javës së Dizajnit, dëshmoi edhe një herë përkushtimin për të krijuar hapësira ku studentët dhe profesionistët e fushës mund të shfaqin talentin, të mësojnë nga njëri-tjetri dhe të ndërtojnë ura bashkëpunimi ndërkombëtar.

Continue Reading

Lajmet nga UBT

UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore

Published

2 days ago

on

June 4, 2025

By

Me një vendim zyrtar të lëshuar nga Ministria e Arsimit, Shkencës, Teknologjisë dhe Inovacionit (MAShTI), UBT është rilicencuar për të ofruar arsimin profesional në katër programe kryesore në fushën e shëndetësisë, duke forcuar edhe më tej pozitën e tij si një nga institucionet udhëheqëse në arsim profesional në Kosovë.

UBT është rilicencuar për ofrimin e këtyre katër programeve:

  • Bashkëpunëtor Profesional i Infermierisë, Niveli III dhe IV (180 kredi AAP)
  • Asistent Dentar, Niveli III dhe IV (180 kredi AAP)
  • Teknik i Farmacisë, Niveli III dhe IV (180 kredi AAP)
  • Teknik i Laboratorit Mjekësor, Niveli III dhe IV (180 kredi AAP)

UBT, si institucion lider në arsim, ofron infrastrukturë moderne dhe kushte të standardeve ndërkombëtare, të cilat i mundësojnë studentëve një përvojë të plotë praktike dhe teorike. Laboratorët e pajisur me teknologji të avancuar, hapësirat multifunksionale për trajnim dhe praktikat e integruara në mjedise reale të punës janë vetëm disa nga asetet që garantojnë një arsimim të cilësisë së lartë.

Përmes këtyre programeve dhe kushteve të avancuara, nxënësit do të kenë mundësi të zhvillojnë aftësitë e tyre profesionale në përputhje me kërkesat e tregut të punës, duke u përgatitur për të qenë konkurrues si në tregun vendor, ashtu edhe në atë ndërkombëtar.

Continue Reading

Lajmet nga UBT

UBT – Institucioni privat me më së shumti programe të akredituara nga Agjencia e Akreditimit të Kosovës

Published

2 days ago

on

June 4, 2025

By

UBT vazhdon të jetë institucioni privat me më së shumti programe të akredituara në Kosovë, sipas vendimeve të fundit të Agjencisë së Kosovës për Akreditim. Me gjithsej 17 programe të akredituara, prej të cilave 9 riakreditime dhe 8 programe të reja, UBT dëshmon përkushtimin e vazhdueshëm ndaj cilësisë në arsim dhe zhvillimit akademik.

Nga programet e riakredituara, shumica kanë marrë vlerësimin maksimal për një periudhë pesëvjeçare, që tregon standardet e larta akademike dhe profesionalizmin e stafit akademik të UBT-së.

Në listën e programeve të akredituara përfshihen fusha të rëndësishme të inxhinierisë, shëndetësisë, shkencave të natyrës, teknologjisë, menaxhimit dhe dizajnit, duke u ofruar studentëve mundësi të shumta për zhvillim profesional dhe kërkim shkencor.

Programet që janë pjesë e këtij procesi janë:

  • Inxhinieri e Mekatronikës – BSc
  • Inxhinieri e Mekatronikës – MSc
  • Inxhinieri e Agrikulturës dhe Mjedisit – BSc
  • Shkencat dhe Teknologjia e Ushqimit – MSc
  • Shëndet Publik dhe Shkenca Mjekësore – BSc
  • Shkenca Paramjekësore – MSc
  • Biokimi Mjekësore – BSc
  • Kimi Aplikative – BSc
  • Stomatologji – Dr. Dent
  • Menaxhment, Biznes dhe Ekonomi – BSc, UBT Ferizaj
  • Dizajn – BP, UBT Prizren
  • Shëndeti dhe Aktiviteti Fizik – MSc
  • Shkencat e Sportit dhe Lëvizjes – BSc
  • Psikologji – MSc
  • Teknik i Radiologjisë – BSc
  • Menaxhimi i Patundshmërive dhe Infrastrukturës – BA
  • E Drejta Komerciale – LLM

Kjo arritje thekson angazhimin e UBT-së për t’u ofruar studentëve arsimin më të mirë dhe programet akademike që i përmbushin standardet më të larta ndërkombëtare. Me këtë, UBT vazhdon të jetë një nga institucionet kryesore të arsimit të lartë në Kosovë dhe rajon, duke kontribuar fuqishëm në zhvillimin e kapitalit njerëzor dhe inovacionit shkencor.

Continue Reading

Të kërkuara