Lajmet

UBT në Konferencën Ndërkombëtare të Muzikës mbështet hulumtimet dhe inovacionet në zhvillimin e muzikës artistike në Kosovë

Published

1 year ago

on

UBT organizoi Konferencën Ndërkombëtare në Muzikë Moderne, Produksion digjital dhe Menaxhment, në kampusin inovativ të UBT-së në Lipjan. Ky event përfshiu një mori studiuesish, profesorësh dhe studentësh nga e gjithë bota, duke ofruar një platformë për diskutimin e inovacioneve dhe zhvillimeve të fundit në fushën e muzikës moderne dhe prodhimit audio.

 

Ndërsa sesioni i hapjes u drejtua nga Prof. Asist. Liburn Jupolli dhe folësi kryesor Dr. Prof. Simo Lazarov, ata theksuan rëndësinë e muzikës në kulturën moderne dhe trajtimin e aspekteve historike dhe pedagogjike të muzikës. Konferenca shërbeu për ndarjen e përvojave dhe ideve që mbështesin zhvillimin e muzikës artistike në nivel kombëtar dhe ndërkombëtar.

Në sesionet pasuese, u diskutuan tema si modernizmi në interpretimin muzikor dhe ndikimi i artit në edukim. Aktivitetet përfunduan me një ceremoni që theksoi edhe njëherë rëndësinë e bashkëpunimit të UBT-së me institucione ndërkombëtare në fushën e muzikës dhe edukatës artistike.

Sesioni i parë

MA.Luan Durmishi – Teatri LALISH-”Zëri që shihet”

MSc.Sadije Topojani – The novelties of the new Law on copyright and related rights in thenRepublic of Kosovo

PhD.Cand.Liburn Jupolli – Rikonceptimi i Folklorit Kosovar me metoda post-moderne: Riaranzhimi Këngëve Tradicionale përmes mjjeteve bashkëkohore të orkestrimit dhe kompozimit

MA.Adelina Thaçi – “Zëri si energji vibracionale”

Ph.D.Kristina Perkola – “Fifty years since the founding of the first Festival in Kosovo – Skena Muzikore e Prishtinës(1974- 2024)

MA.Leutrina Pireva – “Literatura dhe metodat e punës në zhvillimin e veshit muzikor në Kosovë”

Sesioni i dytë:

Msc.Aida Gjikolli – “Femrat Kosovare dhe kontributi i tyre në zhvillimin e muzikës artistike në Kosovë në periudhën – 1972-1990”

MA.Behar Arllati – “Gjeografia dhe llojet e regjistrimeve të vjetra shqipe në diskografinë “Odeon”

Dr.Indira Çipa – Alla Marcia e Z.Ballatës-modernizmi në një mardh pianistic

MA.Ulpiana Aliaj-Arti në Edukim. Ndikmi dhe domethënia e tij në zhvillimin e individëve

Phd.Cand.Violeta Krasniqi – “Sfidat e realizimit të lëndës edukatë muzikore në shkollat fillore dhe të mesme të ulta të arsimit të përgjithshëm në Kosovë

Ma.Fatlume Bunjaku – CHILDREN’S THEATER

Ma.Vali Gjinali – TRADITIONAL AND DIGITAL SPECIAL EFFECTS MAKEUP IN HORROR CINEMA

Kjo ngjarje nënvizoi përkushtimin e UBT-së për të përkrahur hulumtimet dhe bashkëpunimet që ndikojnë drejtpërdrejt në zhvillimin e mëtejshëm të muzikës si një disiplinë akademike në Kosovë.  Gjatë konferencës, u vunë re disa nisma të rëndësishme që synojnë të forcojnë lidhjet midis institucioneve akademike dhe profesionistëve të muzikës. Pjesëmarrësit patën mundësinë të ndajnë eksperiencat e tyre dhe të diskutojnë mbi projektet e ndryshme hulumtuese që janë duke u zhvilluar, duke nxitur kështu një dialog të hapur për sfidat dhe mundësitë që paraqiten në këtë fushë.

Në përfundim, UBT dëshmoi se angazhimi i saj për avancimin e muzikës si disiplinë akademike është i palëkundur, dhe kjo konferencë shërbeu si një hap i rëndësishëm drejt forcimit të kapaciteteve hulumtuese dhe krijimit të një ekosistemi më të gjallë për muzikën në Kosovë./UBTNews/

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

1 hour ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

2 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

3 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

4 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara