Lajmet

UBT me fokus të veçantë për çështjet mjedisore, urbane dhe të planifikimit hapësinor

Ky tetor e gjen Kosovën me probleme dhe sfida të shumta mjedisore dhe urbane.

Published

4 years ago

on

“Tetori Urban” – muaji i aktiviteteve të shumta të cilat trajtojnë qytetet e së ardhmes dhe urbanizimin e qëndrueshëm. Ky tetor e gjen Kosovën me probleme dhe sfida të shumta mjedisore dhe urbane, mirëpo edhe me shumë mundësi dhe hapësirë për punë dhe përmirësim të pasqyrës aktuale.

Përderisa shumica e komunave të vendit kanë përfunduar apo janë në përfundim të hartimit të Planeve Zhvillimore Komunale, vetëm një numër i vogël i tyre kanë përfunduar hartimin e Hartës Zonale të Komunës. Kjo pasqyrë është tregues i vetëmjaftueshëm për gjendjen jo të mirë në sistemin e planifikimit hapësinor në vendin tonë.

UBT, duke u nisur nga parimi i marrjes së përgjegjësisë sociale edhe në këtë fushë, tashmë ka filluar disa iniciativa dhe projekte konkrete për të ndihmuar institucionet qendrore por edhe ato lokale në fushën e planifikimit hapësinor dhe urban. Në këtë kontekst, përveç themelimit të Institutit për Studime Urbane (https://cus.ubt-uni.net/), UBT këtë vit ka akredituar edhe programin master për Planifikim Hapësinor dhe Zhvillim të Qëndrueshëm (https://www.ubt-uni.net/sq/studimi/programet-master/planifikim-urban-dhe-zhvillim-i-qendrueshem/). Të dyja këto krahas programit Arkitekturë dhe Planifikim Hapësinor në të cilin trajtohen çështjet mjedisore, urbane dhe praktikat e planifikimit për zhvillim të qëndrueshëm.

Tutje, UBT është duke zhvilluar edhe projektin në shkallë kombëtare “Smart City Kosova”, në kuadër të të cilit janë duke u hartuar strategji gjithëpërfshirëse për “Rritje të Mençur dhe Zhvillim të Qëndrueshëm” për 7 komuna të Kosovës duke përfshirë edhe Prishtinën, Pejën e Gjilanin. Projekti i cili ka target më shumë se 40% të territorit dhe më shumë se 30% të popullsisë së Kosovës është duke u zhvilluar në bashkëpunim me ekspertë vendorë dhe ndërkombëtarë.

Aktualisht UBT dhe United Nations Kosovo Team janë duke e koordinuar iniciativën e themelimit të Qendrës Kombëtare për monitorimin e zbatimit të Objektivave për Zhvillim të Qëndrueshëm (Sustainable Development Goals) në nivel kombëtar e ku do të jenë të përfshira edhe Qeveria dhe Kuvendi i Republikës së Kosovës. Ndërsa paralelisht është duke punuar në konkretizimin e iniciativës “Universities for Climate Action and Resiliance” e cila synon të ndërtojë një platformë kombëtare përmes së cilës universitetet e Kosovës do të ndihmojnë institucionet qendrore dhe lokale për veprime konkrete në luftën ndaj ndryshimeve klimatike dhe përgatitjen e vendbanimeve tona për të qenë më të qëndrueshme karshi ndryshimeve aktuale dhe atyre të ardhshme.

Related Topics:
Continue Reading

Lajmet

Arrestohen tre persona në Gjilan, dyshohen për përfshirje në një rast rrëmbimi

Published

7 minutes ago

on

October 24, 2025

By

Policia e Kosovës ka njoftuar se janë arrestuar tre persona në Gjilan, të dyshuar për përfshirje në veprën penale “Rrëmbimi”.

Në raportin 24-orësh të policisë bëhet e ditur se personat e arrestuar pas intervistimit janë dërguar në mbajtje.

“Lidhur me rastin, me 23.10.2025 janë arrestuar tre të dyshuar meshkuj kosovarë dhe të njëjtit pas intervistimit me vendim të prokurorit dërgohen në mbajtje”, thuhet në raportin 24-orësh të PK-së./S.K/PK/

Continue Reading

Lajmet

Arrestohet një person në Gjakovë, i sekuestrohen pistoletë dhe mbi 100 fishekë

Published

9 minutes ago

on

October 24, 2025

By

Në fshatin Jahoc të Gjakovës është arrestuar një person, pasi që të njëjtit iu kapën armë e fishekë.

Sipas raportit të policisë, pas intervistimit me vendim të prokurorit i dyshuari është liruar.

“Është arrestuar i dyshuari mashkull kosovar pasi që gjatë kontrollit të shtëpisë së tij i është gjetur dhe sekuestruar një pistoletë me dy karikatorë, 92 fishekë dhe 10 fishekë me gaz. Me vendim të prokurorit, pas intervistimit i dyshuari është liruar dhe rasti shkon në procedurë të rregullt”, thotë policia në raportin 24-orësh të saj./S.K/PK/

Continue Reading

Lajmet

Ligjëratë informuese në UBT për parandalimin e kancerit të gjirit

Published

11 minutes ago

on

October 24, 2025

By

Në kuadër të Tetorit Rozë, në Kampusin Inovativ të UBT-së në Lipjan u mbajt një ligjëratë informuese dhe sensibilizuese me temën “Parandalimi dhe zbulimi i hershëm i kancerit të gjirit”, ngjarje kjo e cila kishte për qëllim ngritjen e ndërgjegjësimit tek audienca.

Kjo ngjarje mblodhi së bashku studentë dhe nxënës, të cilët patën mundësinë të informohen më gjerësisht për rëndësinë e kontrollit shëndetësor, zbulimin e hershëm dhe masat parandaluese.

Në mesin e ligjëruesve të ngjarjes kishte edhe ekspertë të shëndetësisë nga UBT dhe “United Hospital”. Në diskutimit u theksua domosdoshmëria e edukimit shëndetësor dhe mbështetjes së vazhdueshme për personat e prekur, duke promovuar kështu mesazhin se parandalimi është çelësi për një jetë të shëndetshme.

Si shenjë solidariteti dhe mbështetje për të gjithë të prekurit që luftojnë këtë sëmundje, të pranishmit kishin të vendosur fjongo me ngjyrë rozë në veshjet e tyre.

UBT përmes ngjarjeve të tilla vazhdon të promovojë ndërgjegjësimin shoqëror për edukimin shëndetësor të komunitetit përmes bashkëpunimit ndërinstitucional rreth fuqizimit të grave.

Eliza Hoti/UBT

/S.K/UBTNews/

Continue Reading

Lajmet

Zyrtare: Messi vazhdon edhe për tri vjet me Inter Miamin

Published

54 minutes ago

on

October 24, 2025

By

Argjentinasi Lionel Messi e ka vazhduar kontratën me Inter Miamin edhe për tri vite të tjera.

Tetë herë fituesi i Topit të Artë ka nënshkruar një kontratë të re me ekipin nga MLS, që zgjat deri në dhjetor të vitit 2028.

Messi është dukshëm futbollisti më i mirë në këtë ligë me statistika të jashtëzakonshme dhe tashmë është e konfirmuar zyrtarisht që të paktën tri vite të tjera do ta shohim Messin në fushat e blerta./S.K/EO/

Continue Reading

Të kërkuara