Lajmet

UBT me 18 programe të reja të akredituara, bindshëm lider në arsimin e lartë në Kosovë

Programet e reja të studimit.

Published

5 years ago

on

Gamës së gjerë të studimeve të kualitetit të lartë që ofron UBT i janë shtuar edhe tëtëmbdhjetë (18) programe të reja, deficitare e tejet të kërkuara për tregun e Kosovës.

Këshilli Shtetëror i Cilësisë, në mbledhjen e tij të fundit, ka akredituar programet e reja dhe ka riakredituar trembëdhjetë (13) programe ekzistuese duke i dhënë kështu UBT-së vendin kryesor për studime të larta e të avancuara në Kosovë.

UBT, si institucion i themeluar njëzetë vite më parë nga Profesori Edmond Hajrizi, ka sjellë për herë të parë në Kosovë përvojën dhe cilësinë perendimore për studimet e larta në Kosovë duke nxitur mënyra të reja të të menduarit e duke qenë institucion frymëzuar për studentë e profesorë nga vendi dhe mbarë bota.

Rektori i UBT-së, Prof.Dr. Edmond Hajrizi

Gjatë këtyre dy dekadave të ekzistencës së vetë, UBT nuk ka qenë thjeshtë një institucion që ofon shkollim e dije për studentët. UBT ka shkuar përtej kësaj – – duke gjeneruar njohuri të reja me të cilat ka marrë çmime ndërkombëtare në kompeticione të ndryshme përballë institucioneve prestigjioze ndërkombëtare.  

Programet e reja të studimit:

Menaxhment, Biznes dhe Ekonomi (Bachelor) Prizren

  Menaxhment, Biznes dhe Ekonomi (Bachelor) Pejë

   Juridik (LLB) Prizren

     E Drejta Penale (LLM) Prishtinë

   Shkencat e Ushqimit dhe Bioteknologji (Bachelor) Prizren

   Shkencat e Sportit dhe Lëvizjes (Bachelor) Prishtinë

Administrim Biznesi (Bachelor) Pejë

    Studime të Sigurisë (Bachelor) Prishtinë

  Teknik Dentar (Bachelor) Prishtinë

     Shkenca Politike (Master) Prishtinë

    Psikologji (Bachelor) Prishtinë

    Muzikë Moderne, Produksion Digjital dhe Menaxhment (Master) Prishtinë

    Dizajn i Integruar i Avancuar (Master) Prishtinë

a.       Dizajn i Modës;

b.      Dizajn i Produktit;

c.       Dizajn Grafik;

d.      Dizajn Interieri;

Gjuhë Angleze (Bachelor) Prishtinë

  Shëndet Publik dhe Menaxhment (Master) Prishtinë

    Zhvillim dhe Urbanizëm (Master) Prishtinë

  Menaxhimi i pronave të paluajtshme dhe infrastrukturës ESLG (Bachelor) Prishtinë-ESLG

   Menaxhment, Biznes dhe Ekonomi (Bachelor) Prishtinë

Programet e riakredituara:

1.       Sistemet e Informacionit (Bachelor) Prishtinë

2.       Shkencat e Ushqimit dhe Bioteknologji (Bachelor) Prishtinë

3.       Arkitekturë dhe Planifikim Hapësinor (Bachelor) Prishtinë

4.       Arkitekturë dhe Planifikim Hapësinor (Master) Prishtinë

5.       Arkitekturë dhe Planifikim Hapësinor (Bachelor) Ferizaj

6.       Arkitekturë dhe Planifikim Hapësinor (Bachelor) Prizren

7.       Shkenca Politike (Bachelor) Prishtinë

8.       Inxhinieri e Ndërtimit dhe Infrastrukturë (Bachelor) Prishtinë

9.       Dizajn i Integruar (Bachelor) Prishtinë

10.     Media dhe Komunikim (Bachelor) Prishtinë

11.     Media dhe Komunikim (Master) Prishtinë

12.     Inxhinieri e Ndërtimit dhe Infrastrukturë (Master) Prishtinë

13.     Sistemet e Informacionit dhe Menaxhment (Master) Prishtinë

Studimet në fushat tjera, ku UBT mban vendin e parë: 

Menaxhment, Biznes dhe Ekonomi

Shkenca Kompjuterike dhe Inxhinieri

Menaxhim i Mekatronikës

Sistemet e Informacionit

Arkitekturë dhe Planifikim Hapësinor

Inxhinieri e Ndërtimit (Ndërtimtari) dhe Infrastrukturë

Shkenca Politike

Media dhe Komunikim

Juridik

Inxhinieri e Energjisë

Dizajn i Integruar

Shkenca të Ushqimit dhe Bioteknologji

Muzika Moderne,Prodhimi Digjital dhe Menaxhimi

Agrikultura dhe Inxhinieria e Mjedisit

Art dhe Media Digjitale

Teknik i Anesteziologjisë

Teknik i Radiologjisë

Infermieri

Farmaci

Stomatologji

Zgjedh UBT-në që të jesh pjesë e së ardhmes dhe zhvillimit. Bëhu edhe ti krijues e nxitës i inovacionit, reziliencës e zhvillimit të qëndrueshmë. Bëhu pjesë e zhvillimit, duke gërmuar më thellë e duke u bërë vetë krijues i arritjeve të mëdha .

Related Topics:
Continue Reading

Lajmet

Dy të mitur arratisen nga Qendra Edukuese Korrektuese në Lipjan

Published

2 hours ago

on

October 29, 2026

By

Në raportin 24-orësh të Policisë së Kosovës është bërë e ditur se dy persona janë arratisur nga Qendra Edukuese Korrektuese (QEK) për të mitur në fshatin Grackë e Vjetër të Lipjanit.

Rasti është raportuar nga mbikëqyrësi i kësaj qendre, sipas të cilit të miturit, të cilët ishin duke vuajtur dënimin apo masën edukative, kanë arritur të largohen nga institucioni në drejtim të panjohur.

Policia e Kosovës ka nisur hetimet për rastin e cilësuar si “arratisje e personit të privuar nga liria” dhe po punon për lokalizimin e kapjen e tyre. /E.A/

Continue Reading

Lajmet

Ndalet një kombi me tri lopë në Leposaviq, dyshohet se u futën nga Serbia përmes rrugëve ilegale

Published

2 hours ago

on

October 29, 2026

By

Policia e Kosovës ka ndaluar një automjet transportues në Gnjezhdanë të Leposaviqit, pasi gjatë kontrollit janë gjetur tri lopë, të cilat dyshohet se janë futur nga Serbia në Kosovë përmes rrugëve ilegale.

Rasti ka ndodhur më 28 tetor, rreth orës 14:35. Sipas Policisë, automjeti drejtohej nga një burrë kosovar, i cili dyshohet se kishte hyrë në territorin e Kosovës duke shfrytëzuar rrugë ilegale.

I dyshuari është shoqëruar në stacion policor dhe, pas intervistimit dhe konsultimit me prokurorin, është liruar në procedurë të rregullt.

Ndërkaq, automjeti dhe tri kafshët janë dërguar në terminalin doganor për procedura të mëtejshme.

/A.K/

Continue Reading

Lajmet

Ekspertja ndërkombëtare Tímea Laboda ligjëron në UBT për inteligjencën artificiale në media

Published

2 hours ago

on

October 29, 2026

By

Fakulteti Media dhe Komunikim në UBT ka organizuar një ligjëratë tematike me eksperten ndërkombëtare nga Budapesti, Tímea Laboda, Senior Lecturer në Institutin e Marketingut dhe Komunikimit dhe udhëheqëse e Media Workshop në Budapest Metropolitan University (METU), e cila bashkë me studentët trajtoi mundësitë e përdorimit të inteligjencës artificiale në krijimin e përmbajtjes mediale.

Ligjërata me temën “Creative Media with AI: Tools and Ethics for Emerging Storytellers” u përqendrua në përdorimin e mjeteve të inteligjencës artificiale në prodhimin e përmbajtjes kreative, storytelling-un vizual dhe rëndësinë e etikës në një mjedis medial që po transformohet me shpejtësi nga teknologjitë e reja.

Gjatë ligjëratës, studentët patën mundësinë të njihen më nga afër me potencialin e AI-së në proceset kreative dhe në zhvillimin e formave të reja të komunikimit, duke diskutuar njëkohësisht edhe përgjegjësitë profesionale që shoqërojnë përdorimin e këtyre teknologjive. Vëmendje e veçantë iu kushtua raportit ndërmjet kreativitetit njerëzor, inovacionit teknologjik dhe parimeve etike në krijimin dhe shpërndarjen e përmbajtjeve mediale.

Aktivitete të tilla janë pjesë e angazhimit të Fakultetit Media dhe Komunikim në UBT për të ndërlidhur mësimdhënien me zhvillimet bashkëkohore në industrinë e medias dhe komunikimit, duke u ofruar studentëve mundësi për të zgjeruar njohuritë e tyre përtej ligjëratave të rregullta dhe për t’u përgatitur për sfidat e tregut modern të punës.

Përmes bashkëpunimeve ndërkombëtare dhe shkëmbimit akademik, UBT synon të krijojë një mjedis mësimor të hapur ndaj inovacionit, ku studentët përfitojnë nga përvojat dhe perspektivat e ekspertëve ndërkombëtarë, si dhe nga njohja me praktikat e reja profesionale.

 

Continue Reading

Lajmet

Arrestohet një person në Prishtinë pasi sulmoi dy zyrtarë policorë

Published

2 hours ago

on

October 29, 2026

By

Një person është arrestuar në Prishtinë, pasi dyshohet se ka sulmuar fizikisht dy zyrtarë policorë në rrugën “Lidhja e Pejës”.

Sipas Policisë së Kosovës, rasti ka ndodhur më 28 tetor, rreth orës 14:00, kur i dyshuari, duke drejtuar një veturë me targa vendore, ka hyrë në mes të kolonës së automjeteve që po shoqërohej nga policia.

Gjatë verifikimit nga zyrtarët policorë, i dyshuari i ka sulmuar dy prej tyre, ndërsa njëri ka pranuar trajtim mjekësor.

Me vendim të prokurorit, i dyshuari është dërguar në mbajtje për 48 orë.

/A.K/

Continue Reading

Të kërkuara