Lajmet nga UBT

UBT mbetet institucioni më i pavarur akademik në Kosovë

Publikuar

Në mbledhjen e fundit te Rektoratit te UBT-së, në prag të përgatitjeve të fundit për fillimin e vitit të ri akademik, bazuar në raportin e Agjencisë së Statistikave të Kosovës, u konstatua se edhe këtë vit të gjitha lëndët mësimore në UBT mund dhe do të mbulohen nga stafi i vet i rregullt akademik.

Kjo tregon se UBT mbetet ende institucioni më i pavarur akademik në Kosovë. Me mbi 1000 staf të rregullt, prej tyre rreth 400 doktorë shkence të fushave të ndryshme, UBT plotëson tërë nevojën me mësimdhënës për të gjitha fushat e veta dhe tërë vëllimin akademik.

Kjo gjendje nuk është e rastësishme, por  vjen si rezultat i strategjisë dhe punës së vazhdueshme të UBT-së që nga fillimi i ekzistimit në ngritjen dhe zhvillimin e kuadrove akademike në Kosovë konform standardeve evropiane dhe ndërkombëtare, duke bashkëpunuar në këtë drejtim me qindra universitete prestigjioze ne botë.

Kjo ka bërë që UBT të jetë lider në raportin e numrit të stafit të rregullt dhe të studentëve.

Duke u bazuar në këtë indikator por edhe në komponentët tjera të cilësisë, UBT ka marrë çmime dhe rangime të ndryshme të larta ndërkombëtare. Në mesin e tyre është radhitur edhe nga EFQM, në 9 institucionet më të vlerësuara për cilësi dhe ekselencë në botë.

UBT me stafin e tyre tanimë kanë krijuar një ekosistem inovativ me çka e ka ngritur arsimin e lartë në Kosovë në nivele të larta në botë.

Përpos zhvillimit te stafit akademik për nevojat e veta, UBT ka ndihmuar dhe zhvilluar edhe staf akademik (studime te doktoratës, trajnime, e certifikime) për shumicën e institucioneve të tjera të arsimit të lartë në Kosovë.

Lajmet

UBT – lider i arsimit privat në Kosovë dhe rajon për nga renditja në Webometrics

Publikuar

nga

UBT është renditur sërish institucioni i parë i arsimit të lartë privat në rangimin e fundit të universiteteve sipas numrit të citimeve të publikimeve të stafit, bazuar në profilet e tyre në “Google Scholar” nga platforma “Webometrics“. Ky sukses dëshmon angazhimin e vazhdueshëm të UBT-së për të promovuar cilësinë akademike dhe kërkimore në Kosovë dhe më gjerë.

Në këtë ranglistë, UBT renditet menjëherë pas Universitetit të Prishtinës (UP) për nga numri i citimeve të publikimeve të stafit akademik. Ky është një rezultat i jashtëzakonshëm që konfirmon pozitën udhëheqëse të UBT-së në sektorin privat të arsimit të lartë. Në periudhën janar – korrik 2024, UBT ka shënuar një rritje të konsiderueshme prej 1465 citimesh.

Ky rezultat është një dëshmi e përkushtimit të stafit akademik të UBT-së ndaj kërkimit shkencor dhe publikimeve cilësore. Citimet janë një tregues i rëndësishëm i ndikimit të punës kërkimore, dhe rritja e numrit të citimeve reflekton cilësinë dhe rëndësinë e punimeve të publikuara nga akademikët e UBT-së.

Platforma “Webometrics”, e cila është një projekt i Cybermetrics Lab, pjesë e Këshillit Kombëtar Kërkimor të Spanjës, ofron një vlerësim të gjerë të institucioneve të arsimit të lartë në mbarë botën, duke përdorur një sërë kriteresh, përfshirë numrin e citimeve në “Google Scholar”. Modeli i ndjekur për kategorinë e transparencës bazohet në mbledhjen e citimeve nga 310 profilet publike të autorëve më të cituar, duke përjashtuar 20 të parët. Kjo metodë siguron një përfaqësim të drejtë dhe të balancuar të ndikimit akademik të institucioneve të ndryshme.

UBT vazhdon të investojë në zhvillimin e kapaciteteve kërkimore dhe në mbështetjen e stafit akademik për të publikuar punime shkencore në revista të njohura ndërkombëtare.

UBT mbetet e përkushtuar për të avancuar më tej në renditjen ndërkombëtare dhe për të përmirësuar cilësinë e arsimit dhe kërkimit në Kosovë dhe rajon. Me angazhimin e vazhdueshëm të stafit dhe studentëve, UBT synon të vazhdojë të jetë një qendër ekselence akademike dhe kërkimore, duke kontribuar në zhvillimin e shoqërisë dhe ekonomisë së Kosovës dhe më gjerë./UBTNews/

Vazhdo të lexosh

Lajmet

Rektori Hajrizi: UBT po udhëheq rrugën me vajzat në STEM, duke arritur suksese në nivel global në inxhinieri dhe robotikë

Publikuar

nga

Konferenca për Lidership që u mbajt në Parkun Shkencor Inovativ të UBT-së në Lipjan, u zhvillua me fokusin e veçantë në lidershipin e grave dhe integrimin e minoriteteve. Një spektër i gjerë personalitetesh të shquara nga fusha akademike dhe politike, ndanë vizionin e tyre për të thyer barrierat dhe promovuar një udhëheqje të fuqishme dhe përfshirëse.

Edmond Hajrizi, rektori i UBT-së, theksoi rëndësinë e udhëheqjes së grave dhe integritetit të minoriteteve, duke shprehur: “Jam i lumtur të jem këtu sot për të ndarë disa refleksione mbi rëndësinë e udhëheqjes së grave dhe integritetit të minoriteteve në vendet tona dhe në botë.”

Ai vuri në dukje përkushtimin e UBT-së në promovimin e barazisë gjinore dhe integrimin e pjesës së pazëshme të popullsisë, duke shtuar se: “Barazia, integrimi dhe respektimi i aspekteve të ndryshme kulturore janë politika që ne zbatojmë si UBT.” Rektori u shpreh i kënaqur për arritjen e një përfaqësimi të 42% të grave në UBT, duke shtuar se kjo është “mjaft e favorshme krahasuar me përqindjen mesatare të punësueshmërisë së grave në Kosovë.”

Rektori gjithashtu theksoi: “Ky sukses nuk është vetëm për shkak të politikave; është për shkak të përkushtimit të individëve – si grave ashtu edhe burrave – të cilët kanë kompetencë dhe tregojnë profesionalizëm.”

Hajrizi gjithashtu foli për zhvillimin dhe sukseset e UBT-së, duke thënë: “Ne po hyjmë në një fazë zhvillimi ku po arrijmë sukses jo veç në Kosovë e rajon, por edhe në botë, dhe ky është një model i mirë.” Ai theksoi pjesëmarrjen e grave në menaxhim në UBT, duke shtuar se “koordinimi ynë përfshin pothuajse 56 për qind gra në zonën e UBT për shkak të kompetencës së tyre në këtë fushë.”

Në lidhje me arsimin STEM në UBT, rektori pohoi: “UBT është e fokusuar thellë në STEM, ku 75 për qind e studentëve tanë janë të regjistruar në këtë fushë, dhe mbi 52 për qind prej tyre janë vajza.” Ai shtoi: “UBT po udhëheq rrugën me vajzat në STEM, duke arritur suksese të shquara në nivel global në inxhinieri dhe robotikë.”

Edmond Hajrizi e shpalosi bindjen e tij se “diversiteti dhe përfshirja janë forca e vërtetë e zhvillimit dhe suksesit tonë në UBT.” Ai shtoi se duke “nxitur udhëheqjen dhe kontributin e grave dhe të minoriteteve në të gjitha aspektet e shoqërisë, ne po kontribuojmë në një shoqëri më të drejtë dhe më të barabartë.”/UBTNews/

Vazhdo të lexosh

Lajmet

Në UBT mbahet Konferenca për Lidership – fokusi në lidershipin e grave dhe integrimin e minoriteteve

Publikuar

nga

Në UBT mbahet Konferenca për Lidership – fokusi kryesor në lidershipin e grave dhe integrimin e minoriteteve Në Parkun Shkencor, Teknologjik dhe Inovativ të UBT-së në Lipjan u mbajt Konferenca për Lidership, me temën qendrore: “Thyerja e Barrierave: Lidershipi i Grave dhe Integrimi i Minoriteteve”. Konferenca mblodhi personalitete të njohura nga fusha akademike dhe politike për të diskutuar mbi rëndësinë e lidershipit dhe integrimin e minoriteteve.

Pjesëmarrës në këtë konferencë ishin Rektori i UBT-së, Prof. Dr. Edmond Hajrizi; ish-presidentja e Republikës së Kosovës, Atifete Jahjaga; Zëvendëskryeministrja Emilija Rexhepi; profesori nga Universiteti i Harvardit, Dr. Ronald Heifetz, profesori Faton Limani, dhe shumë të tjerë.

Faton Limani, profesor në Harvard theksoi faktin se, “ndërsa navigojmë në peizazhin që ndryshon vazhdimisht, është thelbësore të njohim kontributin e pazëvendësueshëm të udhëheqësve të grave dhe rëndësinë e minoriteteve në arritjen e progresit dhe prosperitetit. Kjo konferencë shërben si një platformë për të angazhuar dialog të vlefshëm, shkëmbim idesh inovative dhe eksplorim strategjish efektive për të shfuqizuar pengesat për udhëheqjen e grave dhe fuqizimin e minoriteteve”.

Në hapje të konferencës, Prof. Dr. Edmond Hajrizi theksoi rëndësinë e fuqizimit të pozitës së gruas nëpërmjet edukimit cilësor dhe fuqizimit ekonomik. Hajrizi theksoi se UBT ka arritur një përfaqësim të lartë të grave, duke treguar se përkushtimi dhe profesionalizmi i tyre japin rezultate të dukshme në të gjitha fushat.

“UBT është munduar të instalojë politikën e forcimit të pozitës së gruas përmes ofrimit të edukimit cilësor dhe fuqizimit ekonomik të tyre. Si UBT gjithmonë i kemi kushtuar rëndësi të madhe angazhimit të gruas dhe si rezultat i këtij përkushtimi, ne sot fatmirësisht rezultojmë të jemi institucioni i parë me numrin më të madh të grave të punësuara në rajon, dhe atë, të gjitha në pozita udhëheqëse”, theksoi Hajrizi.

Ish-presidentja Atifete Jahjaga tha se, “Është kënaqësi të ndaj këtë përvojë shumëvjeçare me njerëz të vendit tim si dhe me rininë e mrekullueshme të Kosovës. E ardhmja le të jetë e përbashkët, e të gjithëve.”

Prof. Dr. Ronald Heifetz nga Universiteti i Harvardit gjithashtu shtoi vlerësime për rëndësinë e lidershipit inkluziv. Konferenca u nda në dy panele diskutimi.

Paneli i parë, moderuar nga Merita Limani, përfshiu diskutimin e Zëvendëskryeministres Emilija Rexhepi mbi rëndësinë e përfaqësimit institucional të grave dhe minoriteteve. Paneli i dytë, i moderuar nga Dr. Adelina Emini, trajtoi temën “Inclusive Leadership – Challenges and Opportunities” me folëse kryesore Sakibe Jashari dhe Dr. Valentina Dedi. Gjithashtu, sesioni interaktiv për zhvillimin e lidershipit për gratë dhe grupet minoritare u drejtua nga Faton Limani dhe Shqipe Vela, duke u fokusuar në zhvillimin e aftësive dhe trajnimin për diversitet./UBTNews/

 

 

Vazhdo të lexosh

Lajmet nga UBT

Presidenti i UBT-së, Edmond Hajrizi, fitues i çmimit European Quality Leader First Finalist

Publikuar

nga

Themeluesi i UBT-së, Rektori, Prof. Dr. Edmond Hajrizi është nderuar me çmimin prestigjioz European Quality Leader First Finalist nga Organizata Evropiane për Cilësi (EOQ), duke vlerësuar kontributin e tij të pashoq në përparimin dhe promovimin e cilësisë në nivel global.

Organizata Evropiane për Cilësi (EOQ) përfshin më shumë se 70,000 anëtarë dhe 500,000 kompani brenda organizatave anëtare dhe partnere të saj në Evropë dhe në mbarë botën.

Çmimi European Quality Leader jepet çdo vit nga EOQ për personalitete të njohura që kanë arritur të udhëheqin organizatat e tyre drejt suksesit, si dhe për ata që kushtojnë kohën, energjinë dhe njohuritë e tyre duke ndarë bindjet për të mirën e shoqërisë evropiane.

Rektori Hajrizi është personaliteti i parë në mbarë trojet shqiptare, dhe ndër personalitetet e pakta në Evropë, që është nderuar me çmim të tillë, falë përkushtimit të tij të jashtëzakonshëm në menaxhimin dhe avancimin e cilësisë.

Edicioni i 65-të i Kongresit të EOQ do të mbahet në nëntor të këtij viti, në Francë, me ç’rast do të bëhet edhe pranimi i çmimit European Quality Leader First Finalist nga Rektori Hajrizi.

Vazhdo të lexosh

Të kërkuara