Lajmet nga UBT

UBT mbajti mbledhje komemorative në nderim të jetës dhe veprës së profesorit Fetah Jagxhiu

Profesori Jagxhiu dha një kontribut të veçantë në themelimin e Fakultetit të Inxhinierisë Ndërtimore (Ndërtimtarisë) dhe Infrastrukturës në UBT.

Published

3 years ago

on

Studentë, familjarë, profesorë, kolegë e miq të shumtë u mblodhën sot në UBT, në mbledhjen komemorative të organizuar në nderim të veprës dhe kontributit të pashuar të profesorit Fetah Jagxhiu.

Profesori Jagxhiu dha një kontribut të veçantë në themelimin e Fakultetit të Inxhinierisë Ndërtimore (Ndërtimtarisë) dhe Infrastrukturës në UBT, teksa për 50 vjet me radhë u angazhua në fushën e arsimit. Ai u nderua me një çmim nga UBT për kontributin e tij në arsim.

Po ashtu, kontributi i tij ka qenë i madh në vitet e 90-ta, ku ka qenë kryetar i Senatit të Universitetit të Prishtinës. Ishte pjesëmarrës edhe i Lëvizjes Studentore të 1997.

Në emër të UBT-së foli Dekani i Fakultetit Arkitekturë dhe Planifikim Hapësinor në UBT, Prof. Dr. Binak Beqaj, ndërsa në emër të familjes Jagxhiu foli e bija e profesorit, profesoresha Besa Jagxhiu.

Biografia e Profesorit Fetah Jagxhiu:

Profesor Fetah (Selman) Jagxhiu është lindur me 25 dhjetor 1937 në Prizren. Shkollën Fillore dhe Gjimnazin e ka kryer në vendlindje me sukses shembullor.

Në vitin shkollor 1957/58 regjistrohet në Fakultetin AGG në drejtimin e Ndërtimtarisë, në Universitetin e Zagrebit. Studimet i përfundon si ndër të parët e gjeneratës së vet në prill të vitit 1963. Si inxhinier i parë i ndërtimtarisë i qytetit të Prizrenit, punësohet në ndërmarrjen shtetërore ndërtimore “Sharr”, ku punon deri në muajin tetor të po atij viti 1963, kur me kërkesën e disa kolegëve të studimeve të Zagrebit dhe me lejen e drejtorit të ndërmarrjes “Sharr”, Gani Demiri, i cili ka qenë luftëtar dhe patriot dhe largpamës, në tetor të vitit 1963 punësohet si asistent në Shkollën e Lartë Teknike në Prishtinë, të posa themeluar me tri drejtime: Ndërtimtari, Elektroteknikë dhe Makineri.

Në drejtimin e Ndërtimtarisë dhe të Makinerisë nuk ka pasur asnjë shqiptar, ndërsa në drejtimin e Elektroteknikës ishin disa inxhinier të diplomuar me përvojë dhe atëherë u kuptua pse ishte ftesa e atyre kolegëve të elektroteknikës, që edhe ky inxhinier i ri i diplomuar i Ndërtimtarisë të vjen në SHLT në Prishtinë, t’i bashkëngjitet atyre kolegëve, që atëherë ishin asistent në drejtimin e elektroteknikës.

Në tetor të vitit 1965 themelohet Fakulteti Teknik në Prishtinë si dega e Fakultetit të Ndërtimtarisë të Universitetit të Beogradit me vetëm një drejtim, atë të Ndërtimtarisë ngase në atë drejtim ishin më shumë kuadro (inxh. të dipl.) serbë, edhe vetë drejtori i ShLT ishte serb, i cili u zgjodh edhe dekan i parë i Fakultetit Teknik. Prej komisionit Amë të Fakultetit të Ndërtimtarisë u zgjodh, atëherë inxh. i dipl. Fetah Jagxhiu, asistent i parë shqiptar i Fakultetit Teknik në Prishtinë ku mbaheshin ligjëratat vetëm në gjuhën Serbokroate. Në tetor të vitit 1965 Fetah Jagxhiu regjistrohet në studime pasdiplomike posa të themeluara, në Universitetin e Zagrebit.

Në vitin 1970, ishte ndër të parit në gjeneratën e vet që diplomoi, kështu që ishte magjistri i parë i shkencave teknike ne Kosove. Po atë vit, sipas ligjit të asaj kohe u zgjodh në thirrjen universitare Docent për dy lëndë: Mekanika dhe Rezistenca e materialeve.

Në tetor të vitit 1971 u zgjodh dekan i Fakultetit Teknik (dekan i parë shqiptar i Fakultetit Teknik) me pesë drejtime (3 në Prishtinë – Ndërtimtaria, Elektroteknika dhe Makineria dhe 2 drejtime në Mitrovicë – Xehtaria dhe Metalurgjia).

Në vitin 1977 paraqet tezën e Doktoratës në Prishtinë, UP. Në vitin 1978 qëndroi në studime shkencore në Universitetin Politeknik të Krakovit në Republikën e Polonisë. Në vitin 1982 mbron tezën e Doktoratës në Prishtinë.

Në po të njëjtin vit zgjedhet në thirrjen Prof. inordiner, ndërsa në vitin 1987 zgjedhet në thirrjen Prof. ordiner. Në vitin 1991 nga ana e organeve të dhunshme të asaj kohe së bashku me pedagogët dhe studentët shqiptar largohet nga Universiteti. Në Tetor të po atij viti kyҫet në grupin organizativ të pedagogëve të Universitetit të Prishtinës për organizimin e mësimit në shtëpia private (sistemi i arsimit paralel). Në atë kohë të sistemit paralel, zgjedhet Dekan i Fakultetit të Ndërtimtarisë dhe Arkitekturës.

Detyrën e dekanit të Fakultetit të Ndërtimtarisë dhe Arkitekturës e kryen në dy mandate deri në tetor të vitit 1994. Derisa ishte dekan i FNA në tetor të vitit 1992 në protestat e atij viti burgoset dhe maltretohet nga policia serbosllave e asaj kohe. Posa e përfundon mandatin e dekanit të FNA (tetor 1994), nga Senatit i Universitetit të Prishtinës zgjedhet Kryetar i parë i Senatit të Universitetit të Prishtinës me mandat 4 vjeçar deri në vitin 1998.

Deri sa ishte dekan i FNA organizon studimet pasdiplomike në vitin 1994/95 në degën e Ndërtimtarisë – drejtimi konstruktiv, të cilat studime edhe i udhëheq prej vitit 1995 deri në vitin 2003 (kur është pensionuar).

Paralel punës si pedagog universitar ka dhënë kontributin e madh në përpilimin e teksteve universitare.

Disa nga tekstet e botuara të tij të cilat do të shërbejnë edhe për shumë gjenerata në të ardhmen janë:

  1. “Mekanika I (Statika)”
  2. “Përmbledhje detyrash të zgjidhura nga Mekanika I”
  3. “Mekanika II (Kinematika)”
  4. “Mekanika III (Dinamika)”
  5. “Rezistenca materialeve pjesa e I”
  6. “Përmbledhje detyrash të zgjidhura nga Mekanika II (Kinematika)”
  7. “Rezistenca e materialeve – pjesa e dytë”
  8. “Teoria e elasticitetit”
  9. “Teoria e plasticitetit”
  10. “Teoria e zvarritjes”

Related Topics:
Continue Reading

lajme

30 për qind bursë për ish-studentët e UBT-së në programet më inovative Master – regjistrohu sot!

Published

12 hours ago

on

August 12, 2026

By

UBT po u ofron të gjithë të diplomuarve të tij një mundësi të veçantë për të vazhduar rrugëtimin akademik dhe profesional, duke përfituar 30% bursë për studimet Master në UBT.

Në një treg pune që po ndryshon me shpejtësi, avancimi i vazhdueshëm profesional po bëhet gjithnjë e më i rëndësishëm. Për këtë arsye, ish-studentët e UBT-së kanë mundësinë të rikthehen në universitet për të thelluar njohuritë, fituar specializime të reja dhe zhvilluar kompetenca të avancuara, tashmë me një përfitim të veçantë prej 30% bursë.

Kjo mundësi vlen për programet Master të UBT-së, të cilat përfshijnë disa nga fushat më të kërkuara dhe inovative të tregut bashkëkohor, duke u dhënë të diplomuarve mundësinë të zgjedhin një program që përputhet me profesionin, interesat dhe objektivat e tyre të karrierës.

Programet Master në UBT përfshijnë:

  • Menaxhment, Biznes dhe Ekonomi
  • FinTech dhe Menaxhimi i Inovacionit
  • Shkenca Kompjuterike dhe Inxhinieri
  • Sistemet e Informacionit dhe Menaxhment
  • Inxhinieri e Mekatronikës
  • Inxhinieri e Ndërtimit dhe Infrastrukturë
  • Inxhinieri e Trafikut dhe Transportit
  • Inxhinieri e Energjisë dhe Mjedisi
  • Arkitekturë dhe Planifikim Hapësinor
  • E Drejta Penale
  • E Drejta Civile dhe Pronës
  • E Drejta Komerciale
  • Gjuhë, Media dhe Komunikim
  • Politika Publike dhe Menaxhim
  • Shkenca Politike
  • Studime të Sigurisë
  • Psikologji
  • Shkencat dhe Teknologjia e Ushqimit
  • Shëndet Publik dhe Menaxhim
  • Biokimi
  • Shkencat Paramjekësore
  • Agrikulturë dhe Mjedis
  • Shëndet dhe Aktivitet Fizik

Përmes programeve të orientuara drejt inovacionit dhe nevojave të tregut, UBT synon që studentët Master të fitojnë jo vetëm njohuri të avancuara akademike, por edhe kompetenca profesionale të aplikueshme në praktikë.

Për ish-studentët e UBT-së, kjo është mundësia për ta vazhduar aty ku e nisën – duke e kthyer përvojën universitare në një nivel të ri profesional.

Regjistrohu sot dhe përfito 30% bursë!

Continue Reading

Lajmet

Pesë specializime në programin e Muzikës Moderne në UBT, studio në nivelin Bachelor në programin e parë të këtij lloji në Kosovë

Published

2 days ago

on

August 11, 2026

By

Interesimi i të rinjve për të ndërtuar karrierë në industrinë moderne të muzikës po rritet çdo ditë, deri sa gjithnjë e më shumë prej tyre po kërkojnë mundësi akademike që talentin dhe pasionin për muzikën ta shndërrojnë në profesion. Në këtë drejtim, programi Muzikë Moderne, Produksion Digjital dhe Menaxhment në UBT po tërheq interesim të madh, duke ofruar një qasje ku muzika është në linjë me teknologjinë, krijimtarinë dhe menaxhimin.

Programi është i pari i këtij lloji në Kosovë dhe është i ideuar në përshtatje me zhvillimet e industrisë moderne të muzikës, e cila sot përfshin jo vetëm performancën artistike, por edhe produksionin digjital, teknologjinë e zërit, platformat online, menaxhimin e artistëve, organizimin e ngjarjeve, festivalet, televizionin, radion, filmin dhe teatrin.

Një nga veçoritë kryesore të programit është mundësia që studentët të orientohen në fusha specifike të industrisë përmes pesë specializimeve kryesore: Audio Produksion, Performancë Instrumentale, Performancë Vokale, Kompozim dhe Menaxhim në Muzikë.

Këto specializime u mundësojnë studentëve të ndërtojnë profilin e tyre profesional në përputhje me talentin, interesat dhe objektivat e tyre të karrierës. Në këtë mënyrë, një student mund të fokusohet në krijimin dhe produksionin muzikor, një tjetër në performancën vokale ose instrumentale, ndërsa të tjerë mund të zhvillohen në kompozim apo në menaxhimin e artistëve dhe projekteve muzikore.

Programi fokusohet në zhvillimin e aftësive praktike dhe krijuese, duke i përgatitur studentët jo vetëm për të kuptuar muzikën, por edhe për ta krijuar, prodhuar, interpretuar dhe menaxhuar atë në mënyrë profesionale. Përmes kombinimit të njohurive teorike, praktikës aplikative, projekteve reale, punëtorive dhe bashkëpunimit me industrinë, studentët krijojnë përvojën e duhur për të hyrë lehtësisht në tregun global të muzikës sot.

Në veçanti, Audio Produksioni i orienton studentët drejt botës së produksionit muzikor dhe teknologjisë së zërit, ndërsa Performanca Instrumentale dhe Performanca Vokale synojnë zhvillimin e interpretuesve të aftë për skena dhe formate të ndryshme profesionale.

Në fushën e Kompozimit, studentët zhvillojnë krijimtarinë muzikore dhe aftësinë për të krijuar vepra që mund të gjejnë aplikim në produksionin muzikor, film, teatër, animacion dhe projekte të tjera artistike. Ndërkaq, Menaxhimi në Muzikë fokusohet në dimensionin profesional dhe organizativ të industrisë, duke përfshirë menaxhimin e artistëve, projekteve dhe ngjarjeve muzikore.

Një element i rëndësishëm i programit është lidhja e drejtpërdrejtë ndërmjet studimeve dhe praktikës profesionale. Studentët kanë mundësi të zhvillojnë përvojë në studio, festivale dhe institucione muzikore, si dhe të bashkëpunojnë me partnerë ndërkombëtarë dhe aktorë të industrisë.

Përmes kësaj qasjeje, UBT synon të përgatisë profesionistë që mund të angazhohen në një gamë të gjerë rolesh, nga producentë dhe inxhinierë të tingullit, kompozitorë, këngëtarë dhe instrumentistë, deri te menaxherë artistësh, agjentë të marrëdhënieve me publikun dhe profesionistë të organizimit të projekteve dhe ngjarjeve muzikore.

Programi i përgjigjet gjithashtu transformimit të industrisë muzikore, ku zhvillimi i teknologjisë dhe platformave digjitale ka ndryshuar mënyrën se si muzika krijohet, prodhohet, shpërndahet dhe menaxhohet. Për këtë arsye, studentët pajisen me njohuri dhe shkathtësi që u mundësojnë të jenë pjesë aktive e këtij transformimi.

 

 

Continue Reading

Lajmet

Me akreditim nga Cambridge, UBT International Smart Schools sjell modelin modern të arsimit fillor dhe të mesëm të ulët

Published

3 days ago

on

August 10, 2026

By

UBT International Smart Schools po vazhdon të udhëheqë në transformimin e arsimit parauniversitar, duke ofruar për nxënësit e klasave 1-9 një model arsimor të fokusuar në teknologji, inovacion dhe zhvillimin e kompetencave për të ardhmen.

Përmes konceptit Classroom 4.0, përdorimit të teknologjisë së avancuar dhe integrimit të inteligjencës artificiale (AI) në procesin e të nxënit, Shkolla Fillore dhe e Mesme e Ulët u krijon fëmijëve mjedisin ideal për zhvillim akademik dhe praktik në laboratorë modernë.

Cilësia e lartë dhe përputhshmëria me standardet më të larta globale mbështetet edhe nga akreditimi i plotë nga Cambridge International Education.

Përmes këtij ekosistemi inovativ, nxënësit e niveleve primare zhvillojnë që në hapat e parë njohuri akademike, mendim kritik dhe kompetenca digjitale të nevojshme për të përballuar me sukses sfidat e profesioneve të së ardhmes.

Aplikimet për vitin shkollor 2026/2027 për Shkollën Fillore dhe të Mesme të Ulët (klasat 1-9) janë ende të hapura.

Siguroni vendin e fëmijës suaj duke plotësuar formularin zyrtar në Udhëzuesin e Aplikimit në UBT.

Continue Reading

Lajmet

Interesim i jashtëzakonshëm për studime Master në UBT, këto janë programet që po zgjedhin të rinjtë

Published

3 days ago

on

August 10, 2026

By

Të rinjtë nga Kosova dhe rajoni po tregojnë interesim të madh për studimet Master në UBT, duke zgjedhur programe të orientuara drejt specializimeve, zhvillimit profesional dhe ndërtimit të një karriere të qëndrueshme, duke përfituar njëkohësisht nga fleksibiliteti i studimeve dhe përshtatja e tyre me angazhimet profesionale.

Me një ofertë të gjerë akademike, UBT u mundëson studentëve të zgjedhin ndërmjet fushave të ndryshme, nga biznesi dhe teknologjia, deri te inxhinieria, drejtësia, arkitektura, shkencat politike, psikologjia, shëndetësia, ushqimi, bujqësia dhe fushat e tjera profesionale.

Programet në nivelin Master në UBT: 

  • Menaxhment, Biznes dhe Ekonomi
  • FinTech dhe Menaxhimi i Inovacionit
  • Inxhinieri e Ndërtimit dhe Infrastrukturë
  • Shkenca Kompjuterike dhe Inxhinieri
  • Inxhinieria e Trafikut dhe Transportit
  • Sistemet e Informacionit dhe Menaxhment
  • Inxhinieri e Mekatronikës
  • Arkitekturë dhe Planifikim Hapësinor
  • Inxhinieri e Energjisë dhe Mjedisi
  • E Drejta Penale
  • E Drejta Civile dhe Pronës
  • E Drejta Komerciale
  • Gjuhë, Media dhe Komunikim
  • Politika Publike dhe Menaxhim
  • Shkenca Politike
  • Studime të Sigurisë
  • Psikologji
  • Shkencat dhe Teknologjia e Ushqimit
  • Shëndet Publik dhe Menaxhim
  • Biokimi
  • Shkencat Paramjekësore
  • Agrikulturë dhe Mjedis
  • Shëndet dhe Aktivitet Fizik

Veçantia e ofertës akademike të UBT-së qëndron edhe në ndërthurjen e njohurive teorike me përgatitjen praktike, duke synuar që studentët të jenë të gatshëm për sfidat e tregut bashkëkohor të punës. Programet janë të konceptuara për t’u mundësuar studentëve avancimin në profesionin e tyre, ndryshimin e fushës së karrierës apo përgatitjen për studime të mëtejshme akademike.

Përmes qasjes në teknologji moderne, infrastrukturës bashkëkohore, stafit akademik vendor dhe ndërkombëtar dhe mundësive për bashkëpunime me industri dhe kompani prestigjioze botërore, studentët kanë mundësi të zgjerojnë njohuritë dhe të zhvillojnë aftësitë e nevojshme për profesionet e së ardhmes.

Programet Master në UBT ofrojnë diplomë të njohur ndërkombëtarisht, ndërsa gama e gjerë e specializimeve u jep mundësi studentëve që të zgjedhin programin në përputhje me interesat, profesionin dhe objektivat e tyre të karrierës.

APLIKO TANI ONLINE!

 

 

 

 

 

 

Continue Reading

Të kërkuara