Lajmet nga UBT

UBT mbajti mbledhje komemorative në nderim të jetës dhe veprës së profesorit Dr. Belul Beqaj

Dr. Belul Beqaj nuk e ndali asnjëherë aktivitetin e tij prej mësimdhënësi, analisti e studiuesi.

Published

3 years ago

on

Studentë, familjarë, profesorë, kolegë e miq të shumtë u mblodhën sot në UBT, në mbledhjen komemorative të organizuar në nderim të veprës dhe kontributit të pashuar të profesorit dhe politologut, Dr. Belul Beqaj.

Rektori i UBT-së, Prof. Dr. Edmond Hajrizi u ka shprehur ngushëllime familjarëve, miqve dhe kolegëve të profesorit Dr. Belul Beqaj, në emrin e stafit të UBT-së dhe në emrin e të gjithë studentëve, që patën rastin ta njohin profesorin e ndjerë, të mësojnë dhe të këshillohen nga mendimet e tij.

“Profesori Belul Beqaj, ishte ndër të parët në UBT. Ai me korrektësinë, pedanterinë dhe afërsinë me studentët, bëri që puna e tij të jetë shumë profesionale, e drejtë dhe e veçantë. Studentët dhe mësimdhënësit e UBT-së do ta mbajnë mend gjatë këtë intelektual të angazhuar, sepse ai edukoi breza e breza, të cilët në të ardhmen do t’i shërbejnë vendit në bazë të mësimeve të tij”, u shpreh rektori Hajrizi.

Një jetëshkrim për profesorin Beqaj, e bëri kolegu i tij, dekani i Fakultetit Media dhe Komunikim në UBT, profesori Ferid Selimi, i cili njëherit shprehu ngushëllimet më të përzemërta familjarëve, kolegëve dhe studentëve.

Emocionues ishte edhe fjalimi i studentes Elona Belaj nga Fakulteti Shkenca Politike në UBT, në të cilin profesori Beqaj ishte mësimdhënës dhe për një kohë shërbeu në cilësinë e dekanit.

Në fjalën e saj në mbledhjen komemorative kushtuar profesorit Beqaj, studentja Belaj vlerësoi shumë afërsinë e tij me studentët, si dhe profesionalizmin dhe përkushtimin e madh ndaj avancimit dhe aftësimit profesional të studentëve.

Dr. Belul Beqaj lindi në Prizren më 1957, ku i kreu shkollën fillore dhe gjimnazin. Ka diplomuar dhe magjistruar në Fakultetin e Shkencave Politike në Universitetin e Beogradit, përkatësisht në Fakultetin Juridik të Universitetit të Prishtinës, ndërsa ka doktoruar në Fakultetin e Shkencave Politike të Universitetit Publik të Maqedonisë. Është autor i dhjetëra punimeve publicistike – shkencore, si dhe pjesëmarrës në konferenca të shumta brenda dhe jashtë Kosovës.

Profesori dhe politologu Dr. Belul Beqaj nuk e ndali asnjëherë aktivitetin e tij prej mësimdhënësi, analisti e studiuesi. Ai botoi një mori shkrimesh e analizash, punime shkencore, si dhe librat: “Lidershipi”, “Kur do të pajtohen serbët dhe shqiptarët”, “Politika në Fokus”, si dhe “Autoritarizmi dhe poltronizmi si rrënues të demokracisë”, vepra të cilat do të mbetën në kujtesën dhe në arkivin e secilit që e njohën dhe e deshën.

Related Topics:
Continue Reading

Lajmet nga UBT

UBT International Smart Schools tani edhe në Prizren: Promovohen drejtimet për mjekësi në ditën e Testit të Arritshmërisë

Published

3 days ago

on

June 27, 2025

By

Në një nga ditët më të rëndësishme për semimaturantët në mbarë vendin, ditën e  Testit të Arritshmërisë, stafi i UBT International Smart Schools ka qenë i pranishëm në qytetin e Prizrenit së bashku me nxënësit për të promovuar ofertën arsimore.
UBT ka ndarë materiale informuese, duke ofruar detaje mbi mundësitë që ofron kjo shkollë për të gjithë të rinjtë që dëshirojnë të ndjekin një karrierë në fushën e mjekësisë.
Me një infrastrukturë moderne dhe metodologji të avancuar të mësimdhënies, UBT International Smart Schools ofron dy drejtime në Shkollën e Mesme të Mjekësisë:
Bashkëpunëtor Profesional i Infermierisë
Teknik i Laboratorit Mjekësor
Këto drejtime janë të dizajnuara për të përgatitur të rinjtë për një karrierë të sigurtë në shëndetësi, me fokus për praktikë të drejtpërdrejtë në institucionet shëndetësore dhe zhvillimin profesional  të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.
Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

Continue Reading

Lajmet nga UBT

UBT International Smart Schools tani edhe në Gjilan me dy programe në mjekësi

Published

4 days ago

on

June 26, 2025

By

UBT International Smart Schools sjellë në Gjilan dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor. Kjo është mundësia ideale për nxënësit që duan të ndjekin një profesion të sigurt në fushën e shëndetësisë.

Me pajisje moderne dhe mësim me metoda bashkëkohore, shkolla ofron përgatitje të plotë praktike dhe teorike për profesionistët e ardhshëm të mjekësisë.

Programe të ofruara:
Bashkëpunëtor Profesional i Infermierisë
Teknik i Laboratorit Mjekësor

Nxënësit do të kenë mundësi të praktikojnë në institucione shëndetësore dhe të mësojnë nga profesionistë me përvojë, duke u përgatitur për sfidat e tregut të punës në sektorin e shëndetësisë.

Mos e humb shansin të bëhesh pjesë e kësaj rrugë të sigurt profesionale. Regjistrohu tani — vendet janë të kufizuara!

REGJISTROHU ONLINE

Continue Reading

Lajmet nga UBT

Tani edhe në Prizren: UBT International Smart Schools me dy drejtime të mjekësisë

Published

4 days ago

on

June 26, 2025

By

UBT International Smart Schools zgjeron ofertën arsimore dhe edukative me dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor, duke i ofruar nxënësve të Prizrenit mundësinë për të ndjekur një karrierë të sigurtë në fushën e mjekësisë.

Me një infrastrukturë moderne dhe metodologji të avancuar të mësimdhënies, shkolla sjell mundësi të shumta për të rinjtë që duan të specializohen në profesionet mjekësore.

Nxënësit tani mund të zgjedhin mes dy programeve kryesore:Bashkëpunëtor Profesional i Infermierisë
Teknik i Laboratorit Mjekësor

Këto drejtime janë të fokusuar në inovacion, praktikë të drejtpërdrejtë në institucione shëndetësore dhe zhvillimin profesional të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.

Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

REGJISTROHU ONLINE

Continue Reading

Lajmet nga UBT

UBT forcon bashkëpunimin ndërkombëtar me një nga universitetet më prestigjioze në Greqi – University of Thessaly

Published

5 days ago

on

June 25, 2025

By

Në kuadër të angazhimeve të vazhdueshme për të ndërtuar ura bashkëpunimi me institucione të rëndësishme akademike në Evropë, UBT ka nënshkruar një marrëveshje me University of Thessaly në Greqi, një universitet me reputacion të lartë ndërkombëtar në fushën e kërkimit dhe inovacionit.

Kjo marrëveshje vendos bazat për një partneritet të thellë akademik dhe shkencor, duke përfshirë: shkëmbimin e studentëve, mobilitetin e stafit akademik, zhvillimin e përbashkët të projekteve kërkimore, mentorimin e përbashkët të disertacioneve doktorale, si dhe organizimin e praktikave profesionale dhe trajnimeve për studentët afër përfundimit të studimeve.

Një nga pikat më të rëndësishme të këtij bashkëpunimi është mundësia për zhvillimin e programeve të përbashkëta ndërkombëtare të studimit, duke i ofruar studentëve një avantazh të qartë në skenën globale të arsimit dhe punësimit.

Me këtë marrëveshje, UBT thellon angazhimin e tij për ndërkombëtarizimin e arsimit të lartë dhe afirmon pozicionin e tij si një aktor aktiv në rrjetet evropiane të bashkëpunimit akademik dhe shkencor.

Continue Reading

Të kërkuara