

Teknologji
UBT hapi në Korçë qendrën më të madhe inovative dhe teknologjike në rajon
Published
4 years agoon
By
Betim GashiKorça e mësonjëtores së parë shqipe u bë me qendrën më të madhe inovative dhe teknologjike në rajon. Bibliotekës që mban emrin e folkloristit të njohur korçar, “Thimi Mitko”, sot iu bë krah i fortë inovacioni dhe teknologjia.
“UBT – Korça Innovation & Technology Hub”, është një projekt i jashtëzakonshëm inovativ e teknologjik, i cili bën bashkë trashëgiminë e pasur kulturore dhe të ardhmen teknologjike. Kjo qendër, e para e këtij lloji në rajon, bën bashkë të kaluarën, përmes bibliotekës me fondin prej mbi 200,000 librash të ndryshëm dhe të ardhmen me mbi 90 projekte inovative e teknologjike të UBT-së.
Rektori i UBT-së, prof.dr. Edmond Hajrizi, u shpreh në ceremoninë e hapjes së “UBT -Korça Innovation & Technology Hub”, që do të jetë model për inovacionin në biznes, teknologji e sipërmarrje për të gjithë të rinjtë e Korçës, si dhe do të jetë një ambient inovativ me teknologjinë më të avancuar të kohës.
“Në Korçën e mësonjëtores së parë shqipe, ne sot po nisim një rrugëtim tjetër po kaq të rëndësishëm në fushën e dijes. Brenda ambienteve të bukura e moderne të bibliotekës së Korçës po e bëjmë të mundur që trashëgimia jonë e pasur kulturore të bashkëjetojë me teknologjinë, me arritjet e saj kulminante. Po e bëjmë bashkë, nën një çati, të kaluarën dhe të ardhmen tonë. Po e bashkojmë dijen me teknologjinë. Po i sjellim Korçës dhe Shqipërisë, përmes inaugurimit të këtij inkubatori të biznesit digjital, inovacionin si katalizator për rritjen e biznesit dhe ekonomisë. Po i sjellim hapin e fundit të teknologjisë për të qenë në trend me arritjet e fundit teknologjike, jo si spektarorë, por si pjesë e këtyre arritjeve”, u shpreh ai.
Në këtë projekt madhor, ai tha se UBT me ekspertët e angazhuar, do të ofrojë mbështetje akademike dhe do të ketë rol kyç në hartimin e trajnimeve profesionale në gjuhë të ndryshme programuese, për temat që lidhen me zhvillimin e projekteve në fushën e digjitalizimit, inovacionit, punësimit të të rinjve dhe çështje të tjera për zhvillimin e biznesit e teknologjisë.
“Përmes këtij Hub-i të madh të teknologjisë dhe inovacioni synojnë mundësinë unike për aftësimin, e mandej punësimin e të rinjve të Korçës, dhe në përgjithësi të të gjithë të rinjve me shpirt ndërmarrësi, nga Shqipëria dhe Kosova”, ka thënë rektori Hajrizi.
Rektori Hajrizi falënderoi Bashkinë e Korçës dhe kryetarin e Bashkisë së Korçës, Sotiraq Filo, për mbështetjen e pakursyer në realizimin e këtij projekti inovativ.
Nga ana e tij, kryetari Filo, tha se është i lumtur që tani Korça do të jetë qendër e inovacionit dhe zhvillimit teknologjik. Ai shtoi se kjo është një rrugë e gjatë, që kërkon vullnet dhe punë të pa ndalur në mënyrë që t’i ofrohet të rinjve të Korçës e ardhmja në teknologji, informacion dhe sipërmarrje.
“Bashkë me UBT ne e kemi sjell të ardhmen teknologjike në qytetin e Korçës por tani topi është në fushën e të rinjve e të rejave të qytetit për t’u angazhuar me shërbimet dhe mundësitë që ofron kjo qendër”, ka thënë kryetari i Bashkisë së Korçës, Sotiraq Filo.
Në hapje të saj, Korça Innovation & Technology Hub, u vizitua edhe nga kryeministri i Shqipërisë, Edi Rama, të cilit i uroi i pari mirëseardhje roboti Nao me fjalët: Mirësevjen kryeministër Rama.
Kryeminsitri Rama u njoftua nga rektori i UBT-së me gamën e gjerë të projekteve inovative të “UBT -Korça Innovation & Technology Hub”, përmes të cilave synohet gjenerimi i vendeve të reja të punës dhe edukimi i inovatorëve të rinj, sipërmarrësve, drejtuesve të ardhshëm të ndryshimeve shoqërore në Shqipëri e më gjerë.
Kryeministri Rama tha se krijimi i qendrave të tilla do të jetë prioritet në Shqipëri.
“Në bibliotekën e re ultramoderne të Korçës, po merr jetë edhe qendra e re e mësimeve të teknologjisë së lartë, për t’i futur të rinjtë në rrugën e punësimit në tregun global online, ku pa qenë aspak të detyruar të lëvizin nga vendlindja ata mund të krijojnë të ardhura të larta”, u shpreh ai.
Ky është edhe synimi i UBT -Korça Innovation & Technology Hub.
You may like
-
UBT forcon bashkëpunimin ndërkombëtar me një nga universitetet më prestigjioze në Greqi – University of Thessaly
-
UBT zgjeron rrjetin ndërkombëtar: Partneritet i ri me Fakultetin e Arteve Grafike të Universitetit të Zagrebit
-
Rektori Hajrizi për Albanian Post: Metaversi është përgjigjja e njerëzimit për të rritur produktivitetin dhe zhvillimin
Teknologji
Samsung vendos rekord në prodhimin e telefonave, prodhimi global bie
Published
2 days agoon
June 27, 2025By
UBT News
Një total prej 289 milionë telefonash inteligjentë u prodhuan në të gjithë botën në tre muajt e parë të 2025, një rënie prej tre përqind krahasuar me të njëjtën periudhë të vitit të kaluar.
Megjithatë, një prodhues u dallua në këtë stanjacion të përgjithshëm, dhe ai është Samsung, transmeton Telegrafi.
Sipas raportit nga kompania analitike TrendForce, gjiganti i teknologjisë së Koresë së Jugut prodhoi deri 64 milionë pajisje gjatë tremujorit të parë të këtij viti. Kjo jo vetëm që zuri vendin e parë në tregun global, por arriti një rritje prej 21 përqind krahasuar me të njëjtën periudhë në vitin 2024.
Pjesa e Samsung në tregun global tani është 22 përqind, që është konfirmim i strategjisë së suksesshme të kompanisë. Samsung ka rritur dërgesat për të siguruar furnizime të mjaftueshme për tregun amerikan, në të njëjtën kohë po përgatitet intensivisht për lansimin e modeleve të reja të nivelit të lartë.
Apple doli e dyta me një pjesë treg 17 përqind. Një rënie prodhimi deri 40 përqind u regjistrua, për shkak të ndërprerjes së prodhimit të disa modeleve më të vjetra, por edhe për shkak të një pranie të reduktuar në tregun kinez ku mungonte mbështetja e mëparshme shtetërore në formën e subvencioneve.
Xiaomi, që përfshin Redmi e Poco, zuri vendin 3 me 14% të tregut. Edhe pse kjo kompani kineze regjistroi rënie të lehtë të prodhimit 7 përqind, arriti të ruajë pozicion të qëndrueshëm falë mbështetjes së fortë për tregun vendas e integrimit të mirë të telefonave inteligjentë me pajisje tjera brenda ekosistemit të saj.
Tremujori i parë i 2025 sjell rezultate të përziera, prodhimi global po bie pak, Samsung është rikthyer në ballë të industrisë, ndërsa Apple dhe shumica e markave kineze po përpiqen të gjejnë një ritëm të ri në kushtet e ndryshueshme të tregut.
Teknologji
Keni shumë mesazhe të palexuara? WhatsApp tani ka një zgjidhje
Published
2 days agoon
June 26, 2025By
UBT News
Kur jeni të zënë me punë ose angazhime të tjera, është e lehtë të humbisni një numër të madh mesazhesh në WhatsApp, veçanërisht në bisedat në grup.
Të kthehesh pas dhe të lexosh të gjitha ato mesazhe mund të duket si një aktivitet i lodhshëm, por Meta tani ka një zgjidhje, transmeton Telegrafi.
Është prezantuar një veçori e re e bazuar në inteligjencën artificiale – Përmbledhjet e Mesazheve, e cila përdor Meta AI për ta bërë më të lehtë për përdoruesit të lundrojnë nëpër mesazhet e palexuara.
Kur hapni një bisedë me mesazhe të palexuara, do të shihni opsionin “Përmbledh Privatisht” të shfaqet në krye.
Kur zgjidhni këtë opsion, Meta AI do të analizojë të gjitha mesazhet e palexuara dhe shfaqë një përmbledhje të shkurtër të informacionit më të rëndësishëm. Do ta tregojë atë ekskluzivisht për ju, dhe pa ndryshuar përmbajtjen e vetë bisedës.
Meta thekson se kjo veçori mbështetet në të ashtuquajturin “përpunim privat”, që do të thotë se as Meta dhe as Meta AI nuk kanë qasje në mesazhet tuaja ose në përmbledhjen e gjeneruar.
Përdoruesit zgjedhin se cilat biseda duan të përfshijnë në këtë përpunim përmes cilësimeve të Privatësisë së Avancuar të Bisedës. Message Summaries është i disponueshëm vetëm për përdoruesit në Shtetet e Bashkuara dhe në anglisht.
Kompania njoftoi shpërndarje më të gjerë më vonë, që përdoruesit në gjithë botën të mund ta provojnë para fundit të vitit.
Automobilizëm elektrikë
Franca tërheq 2.5 milionë vetura për shkak të një defekti
Published
3 days agoon
June 26, 2025By
UBT News
Franca ka urdhëruar tërheqjen e 2.5 milionë veturave të pajisura me “airbag” me defekt që mund të shpërthejnë në rast përplasjeje dhe kanë shkaktuar një sërë vdekjesh.
Vjen pas një aksidenti fatal në fillim të muajit në Reims ku një 37-vjeçare që po voziste një Citroen C3 u godit në kohë nga copëza metali që fluturuan pas një përplasjeje të vogël.
Është drama e fundit në skandalin 20-vjeçar të prodhuesit japonez Takata, pajisjet e së cilit ishin instaluar në pothuaj të gjithë prodhuesit kryesorë të automjeteve.
Ministria e Transportit lëshoi urdhër që të largohen nga përdorimi veturat që kanë “airbag” Takata, deri në ndërrimin e pajisjeve.
Mendohet se 35 persona kanë vdekur në botë si pasojë e “airbag”-ut Takata dhe rreth 100 milionë automjete janë tërhequr në disa shtete.
Teknologji
CEO i OpenAI thotë se nuk duhet t’i besojmë ChatGPT sepse shpik!
Published
3 days agoon
June 26, 2025By
UBT News
Sam Altman, drejtori ekzekutiv i OpenAI, foli në episodin e parë të podcast-it të ri të kompanisë për nivelin e besimit që njerëzit kanë te ChatGPT.
“Njerëzit kanë një shkallë shumë të lartë besimi te ChatGPT, gjë që është interesante, sepse inteligjenca artificiale shpik. Në fakt, duhet të ishte një teknologji që nuk i besohet aq shumë,” tha Altman.
Kjo deklaratë vjen në një kohë kur kapacitetet e AI janë ende në fazat e para të zhvillimit. Miliarda njerëz në mbarë botën po përdorin inteligjencën artificiale, por siç thotë edhe vetë Altman, ajo “nuk është fort e besueshme”.
ChatGPT dhe modele tjera janë të njohura për aftësinë për të “shpikur”, duke gjeneruar informacion që tingëllon i besueshëm, por është i pasaktë ose i trilluar. Miliona përdorues i besojnë këtyre mjeteve për kërkime, punë, këshilla personale apo edhe për prindërim.
Altman rrëfeu se e ka përdorur ChatGPT për pyetje rreth prindërimit në muajt e parë të jetës së djalit, duke e cilësuar si mjet të dobishëm, por edhe me rreziqe, pasi mund të japë me siguri të plotë përgjigje të gabuara.
Vërejtjet e Altman nënvizojnë një paradoks thelbësor në epokën e inteligjencës artificiale: edhe pse njerëzit janë gjithnjë e më të vetëdijshëm se AI mund të gabojë, komoditeti, shpejtësia dhe rrjedhshmëria në komunikim e kanë kthyer ChatGPT në burim që trajtohet si një mik i besuar ose ekspert profesionist.
Kjo ndjesi besimi forcohet edhe më shumë nga aftësitë e AI-së për të mbajtur mend kontekstin, për të personalizuar përgjigjet dhe për të ndihmuar në një gamë të gjerë temash, veçori që Altman dhe ekipi i tij besojnë se do të përmirësohen edhe më tej me zhvillimin e teknologjisë.
Altman paralajmëron se ky besim nuk është i justifikuar. Rreziku i përdorimit të përmbajtjes që gjeneron AI është i madh në fusha të si shëndetësia, drejtësia apo arsimi. Ndërsa e vlerësoi dobinë e ChatGPT, ai theksoi rëndësinë e vetëdijes së përdoruesve dhe mendimit kritik, duke kujtuar: “AI shpik dhe nuk duhet t’i besohet verbërisht.” Ai theksoi se ruajtja e “sekreteve” të përdoruesve është thelbësore, përmes transparencës dhe mbrojtjes së të dhënave.

KQZ hap periudhën për ndërrimin e Qendrës së Votimit për zgjedhjet lokale

Serbët festojnë Vidovdanin mes masave të shtuara të Policisë së Kosovës

Kievi: Rusia ka grumbulluar 110,000 trupa pranë qytetit strategjik ukrainas

40 zjarre shpërthejnë në Greqi

PDK me kërkesë të qartë, zhbllokimi i Kuvendit sipas Kushtetueses
Trump flet sërish për Kosovën e Serbinë: Ishin gati për luftë të madhe, unë e ndala
Kriza politike, sot takimi i liderëve

Irani konfirmon vrasjen e një shkencëtari tjetër bërthamor në sulmet ajrore izraelite

Gjykata refuzon të shtyjë gjykimin kundër Netanyahut
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT organizon debat rreth zgjerimit të BE-së dhe ruajtjes së vlerave evropiane