Lajmet nga UBT

UBT hap zyrtarisht aplikimin për pjesëmarrje në festivalin më të madh ndërkombëtar të dijes “Global UBT Fest 2022”

Rektori Hajrizi tregoi rreth ngjarjeve të cilat do të karakterizojnë edicionin e sivjetmë të këtij festivali.

Published

on

Rektori i UBT-së, prof. dr. Edmond Hajrizi, zyrtarisht ka bërë hapjen e aplikimeve për pjesëmarrje aktive në festivalin më të madh ndërkombëtar të dijes në Ballkanin Perëndimor, “Global UBT Fest 2022”, të organizuar nga UBT, duke zhvilluar aktivitete të ndryshme nga 1 deri me 30 korrik, me qëllim të angazhimit të studentëve, profesorëve dhe ekspertëve të fushave të ndryshme për të promovuar ide dhe njohuri inovative.

Përmes një konference për media, rektori Hajrizi tregoi rreth ngjarjeve të cilat do të karakterizojnë edicionin e sivjetmë të këtij festivali, duke i vënë theks të veçantë pjesëmarrjes së mbi 500 folësve nga pjesa akademike.

“Festivali “Global UBT Fest”, tashmë traditë e organizimit nga UBT, mund të themi se është festivali më i madh i dijes në Ballkanin Perëndimor, me tendencë të bëhet edhe në Evropë. Në akademitë që do të organizohen në këtë festival, do të marrin pjesë më shumë se 500 folës të pjesës akademike, duke i dhënë konfirmimin e një festivali global, i cili për qëllim ka përhapjen e dijes në fusha të ndryshme dhe kontribuimin e secilit prej nesh nëpërmjet mendimeve dhe  ideve kreative”, ka thënë rektori Hajrizi.

Rektori Hajrizi ka theksuar se festivali ndërkombëtar i dijes “Global UBT Fest 2022”, do të mbledhë profesionistë dhe ekspertë nga fusha të ndryshme në mbi 100 aktivitete, duke synuar që këtë vit të sjell në UBT mbi 10 mijë pjesëmarrës, në një prej ngjarjeve globale që ka të përfshirë edhe diasporën.

“Global UBT Fest”, është një festival i cili iu mundëson studentëve që përtej studimeve, të bëhen pjesë e disa aktiviteteve sikurse samite, ligjërata tematike, punëtori, vizita studimore, të cilat synojnë përmirësimin dhe përforcimin e njohurive të tyre rreth fushave të caktuara, duke i bërë më të profesionalizuar.

lajme

Dekania e Shkencave Politike në UBT, Hajdi Xhixha pjesë e një ngjarjeje akademike për emigracionin shqiptar të viteve ’90

Published

on

By

Dekania e Fakultetit të Shkencave Politike në UBT, Hajdi Xhixha, mori pjesë në prezantimin e librit “Zbarkimet shqiptare në Itali në fillim të viteve ’90: Histori jete” (Memoria, migrazione e libertà: Gli sbarchi albanesi in Italia nei primi anni Novanta), të autorit Mario Calivà, një ngjarje e mbajtur në Villa Ardizzone.

Gjatë diskutimit, Prof. Xhixha ndau një perspektivë personale dhe akademike mbi emigracionin shqiptar të viteve ’90, duke theksuar dimensionin njerëzor të këtyre ngjarjeve.

“Për mua, si shqiptare, kjo nuk është vetëm histori, por jetë. Pas çdo imazhi që kemi parë ndër vite qëndrojnë njerëz realë dhe histori të mbushura me sakrificë dhe shpresë”, u shpreh ajo.

Ajo theksoi gjithashtu se emigrimi i shqiptarëve drejt Italisë përfaqësonte një kërkim për liri dhe dinjitet, ndërsa Italia për shumë shqiptarë ishte një dritare drejt botës dhe një lidhje e rëndësishme kulturore.

Pjesëmarrja e saj në këtë aktivitet nënvizon angazhimin e UBT-së në diskutime akademike ndërkombëtare dhe në trajtimin e temave me rëndësi historike dhe shoqërore.

Continue Reading

lajme

Në UBT nis workshop-i ndërkombëtar në fushën e arkitekturës

Published

on

By

Në UBT ka nisur një workshop i rëndësishëm ndërkombëtar, i cili po bashkon ekspertë vendorë dhe ndërkombëtarë në fushën e arkitekturës dhe planifikimit hapësinor, në kuadër të një bashkëpunimi akademik.

Aktiviteti u hap me fjalë përshëndetëse nga Rektori i UBT-së, Edmond Hajrizi, Dekani i Studimeve në Fakultetin e Arkitekturës dhe Planifikimit Hapësinor në TU Wien, Thomas Dillinger, si dhe Dekani i Fakultetit të Arkitekturës në UBT, Binak Beqaj.

Në fjalimet e tyre u theksua rëndësia e bashkëpunimit ndërkombëtar dhe zhvillimit të arsimit të lartë në Kosovë, veçanërisht në periudhën kur vendi po ndërtonte institucionet dhe një sistem modern arsimor.

Rektori Edmond Hajrizi ndau me të pranishmit një nga momentet më domethënëse të rrugëtimit të programit të arkitekturës në UBT: “Ishte një vendim shumë i rëndësishëm për mua që të kthehesha në Kosovë, në një kohë kur vendi po ndërtonte shoqërinë, shtetin, institucionet dhe sistemin e ri arsimor. Në këtë kontekst, e pashë si thelbësore të sillja përvojën time nga Vjena dhe të nisja një program të ri, fillimisht me vetëm shtatë studentë.

Sot, UBT ka mbi 1300 studentë. Me mbështetjen e Universitetit Teknik të Vjenës, hapja e programit të parë master në arkitekturë dhe planifikim hapësinor në vitet 2007–2008 ishte një hap i guximshëm, që ka lënë gjurmë të qëndrueshme”,tregoi rektori Hajrizi Kjo javë pune dhe workshop-i synojnë të forcojnë bashkëpunimin akademik, të nxisin shkëmbimin e përvojave profesionale dhe të avancojnë programet studimore në përputhje me standardet ndërkombëtare.

Workshop-i ka mbledhur studentë, profesorë dhe ekspertë të fushës së arkitekturës dhe planifikimit hapësinor, duke krijuar një platformë bashkëpunimi për trajtimin e sfidave urbane dhe zhvillimin e ideve inovative për qytetet.

Në kuadër të aktiviteteve, pjesëmarrësit janë duke punuar në analiza konkrete të hapësirave urbane të Peja, duke propozuar zgjidhje të qëndrueshme dhe moderne në përputhje me standardet evropiane të planifikimit urban. Ky bashkëpunim ndërkombëtar synon të forcojë shkëmbimin e njohurive dhe të kontribuojë në zhvillimin e qëndrueshëm të qyteteve në Kosovë.

 

 

 

Continue Reading

Aktualitet

Profesori i UBT-së, Visar Sutaj, përfaqëson Kosovën në programin prestigjioz të Cern-it në Zvicër

Published

on

By

Profesori i shkollës së mesme të UBT-së, Visar Sutaj, do të përfaqësojë Kosovën në programin prestigjioz “International Teacher Weeks Programme” (ITW2026), që mbahet në qendrën më të madhe botërore të fizikës, CERN, në Zvicër.

Në këtë rrugëtim shkencor, profesori Sutaj do të jetë në mesin e 42 mësimdhënësve të përzgjedhur nga 32 shtete të botës, duke sjellë përvojat më të reja të fizikës moderne direkt te nxënësit tanë.

Ky sukses dëshmon përkushtimin e vazhdueshëm të kuadrove të UBT-së për rritje profesionale në nivel global.

Duke u shprehur i privilegjuar për këtë arritje, profesori Sutaj theksoi se ky trajnim do t’i shërbejë për të thelluar njohuritë e tij dhe për të sjellë përvoja të reja shkencore te nxënësit e tij.

“Është privilegj të jem pjesë e këtij programi prestigjioz në CERN-Zvicër, ku do të kem mundësinë të thelloj njohuritë e mia në fizikën e grimcave. Shpresoj që kjo përvojë të më ndihmojë të frymëzoj edhe më shumë nxënësit drejt botës së mrekullueshme të shkencës”, shprehet Sutaj.

 

Continue Reading

Lajmet

Edmond Hajrizi emërohet Zëvendëspresident i Organizatës Evropiane për Cilësi

Published

on

By

Lideri i Kosovës në edukim, inovacion dhe menaxhim të cilësisë përfaqëson vendin në nivel evropian.

Edmond Hajrizi, themelues dhe president i Quality Kosovo, si dhe vizionari pas UBT Smart City dhe rektori i UBT-së, është emëruar Zëvendëspresident i Organizatës Evropiane për Cilësi (EOQ).

Hajrizi është një figurë e njohur në Kosovë dhe në Evropë në fushën e akademisë dhe biznesit, i dalluar për lidershipin dhe inovacionin e tij. Ai është anëtar i Akademisë Evropiane të Shkencave dhe profesor universiteti. Gjithashtu, është vlerësuar me çmime të shumta, si “Lider Universitar i Vitit” dhe “Profesori Sipërmarrës i Vitit”. Po ashtu, ka fituar çmimin prestigjioz “European Quality Leader of the Year”.

Vitin e kaluar ka marrë edhe një çmim nga presidenti i Austrisë për kontributin e tij.

Në rolin e tij të ri në EOQ, Hajrizi do të kontribuojë në formësimin e strategjive evropiane për menaxhimin e cilësisë, praktikat e qëndrueshme të organizatave dhe inovacionin, duke forcuar pozitën e Kosovës në hartën profesionale evropiane.

“Jam thellësisht i nderuar që shërbej si Zëvendëspresident i Organizatës Evropiane për Cilësi. Ky rol më lejon të sjell ekspertizën e Kosovës në skenën evropiane dhe të promovoj ekselencën, inovacionin dhe cilësinë në organizata në të gjithë Evropën”, u shpreh Hajrizi.

Organizata Evropiane për Cilësi është një platformë kryesore për profesionistë dhe institucione, e dedikuar për avancimin e menaxhimit të cilësisë, inovacionit dhe përmirësimit të vazhdueshëm në të gjithë Evropën.

Continue Reading

Të kërkuara