Lajmet nga UBT
UBT e bën Kosovën me qendrën e parë inovative në rajon për zhvillimin e ideve kreative “UBT Accelerator”
Në këtë punëtori u diskutua për një sërë çështjesh që kanë të bëjnë me zhvillimin e inovacionit dhe ndërmarrësisë.
Në Parkun Shkencor Inovativ të UBT-së është bërë hapja e qendrës së parë inovative në rajon “UBT Accelerator”, e cila do të jetë në shërbim të studentëve për zhvillimin e ideve kreative, inovative dhe krijimin e përparësive teknologjike.
Në hapje të kësaj qendre, u organizua një punëtori me studentët e UBT-së, ku morën pjesë rektori i UBT-së, prof. dr. Edmond Hajrizi, eksperti ndërkombëtar i marketingut dhe ndërmarrësisë nga Izraeli, Tal Catran si dhe ministrja e Ministrisë së Industrisë, Ndërmarrësisë dhe Tregtisë (MINT), Rozeta Hajdari.
Në këtë punëtori u diskutua për një sërë çështjesh që kanë të bëjnë me zhvillimin e inovacionit dhe ndërmarrësisë, mirëpo u vu theksi tek nevoja e studentëve për të qenë sa më kreativ dhe për të zhvilluar dhe shtyrë përpara idetë që ata kanë.
Rektori i UBT-së, prof. dr. Edmond Hajrizi, potencoi faktin se qendrat e tilla inovative nxisin bashkëpunimin dhe sigurojnë më tepër suksese të studentëve, ndaj edhe UBT është gjithnjë nxitëse në krijimin e qendrave si kjo.
“Ne shohim përditë talentë të rinj, të cilët kanë dëshirë të rriten, por iu nevojitet mbështetje prej mentorëve, gjë që UBT ua siguron atë, me qëllim të rritjes dhe fitimit të sukseseve të reja. Mbi 60% e studentëve tanë kanë krijuar biznese të reja në fusha të ndryshme, dhe këtij fakti ne i gëzohemi shumë dhe jemi këtu për t’i përkrahur ata kudo që kanë nevojë”, ka thënë rektori Hajrizi.
Eksperti ndërkombëtar nga Izraeli, Tal Catran, i cili ka një përvojë të gjerë në marketing, në mbledhjen e fondeve dhe menaxhimin ekzekutiv, theksoi nevojën që studentët të mbështeten drejtë qëllimeve dhe arritjeve të reja.
“Kosova është ndoshta më e vogël se Kina, mirëpo është vend që ka njerëz të fuqishëm dhe kjo e bënë të madhe. Besoj që UBT është duke u angazhuar çdo ditë për t’i shtyrë studentët drejtë arritjeve dhe sukseseve të reja”, ka thënë ai.
Në diskutim e sipër, ministrja e MINT-it, Rozeta Hajdari, garantoi mbështetjen e Qeverisë ndaj nismave për të sjellur risi dhe perspektivë në inovacion dhe ndërmarrësi, duke e konsideruar UBT-në si storie suksesi që ka ofruar edukim të mirë.
“Vendi jonë është drejtë arritjeve dhe sukseseve të reja dhe kjo jo përshkak të Qeverisë, por shkaku i ndryshimeve që po rrjedhin nga COVID-19. Industri të ndryshme po kërkojnë të afrohen për bashkëpunim, përshkak që kanë nevojë të ndryshojnë agjendat e shitjeve dhe për kreativitetin e njerëzve. Ata po shohin potencialin kreativ të të rinjve këtu në Kosovë dhe është sinjali që po na garanton investime. Por, nevojitet edhe edukim i mirë, gjë që e kemi parë tek UBT dhe është shumë e nevojshme për ta promovuar”, potencoi Hajdari.
“UBT Accelerator” do të jetë qendra e parë inovative në rajon, e cila do të krijojë hapësirën e nevojshme që studentët e UBT-së dhe jo vetëm, të zhvillojnë kreativitetin e tyre dhe të arrijnë suksese të reja në fusha të ndryshme që i vënë theks të veçantë inovacionit dhe ndërmarrësisë.
Aktualitet
UBT sjell modelin e suksesshëm austriak të arsimit në turizëm: Dy diploma për studentët e Kosovës dhe rajonit
Turizmi është një sektor kyç për zhvillimin ekonomik dhe të qëndrueshëm të Kosovës, që kërkon profesionistë të përgatitur sipas praktikave më të mira ndërkombëtare. Për ta bërë këtë të mundur, UBT ka nënshkruar një marrëveshje për Diplomë të Dyfishtë (Double Degree) me IMC Krems – University of Applied Sciences në Austri, një nga modelet më të suksesshme evropiane në arsimin për turizëm.
Në bazë të kësaj marrëveshjeje, studentët e Turizmit në UBT do të studiojnë dy vite në Kosovë dhe vitin e fundit në Austri, duke u pajisur me dy diploma universitare – një nga UBT dhe një nga IMC Krems.
Marrëveshja u nënshkrua nga Presidenti i UBT-së, Prof. Dr. Edmond Hajrizi, në Austri, ku ai u prit nga themeluesi dhe kryetari i bordit mbikëqyrës të IMC Krems, Heinz Boyer, drejtori ekzekutiv Udo Brändle, si dhe nga Iris Waringer, drejtuese e Marrëdhënieve Ndërkombëtare, dhe Chen Yang, përgjegjës për projektet ndërkombëtare.
“Ky bashkëpunim është dëshmi e orientimit ndërkombëtar të UBT-së dhe përkushtimit tonë për t’u ofruar studentëve mundësi unike që e rrisin cilësinë e studimeve dhe hapin dyert e karrierës ndërkombëtare”, tha Rektori Hajrizi.
Ky program Double Degree do të shndërrohet në një nga shtyllat kryesore të zhvillimit të turizmit në Kosovë, duke përgatitur gjenerata të reja profesionistësh që do të kontribuojnë në promovimin e vendit si destinacion turistik dhe në rritjen e standardeve të industrisë së mikpritjes.
Austria konsiderohet si një ndër modelet më të suksesshme në fushën e arsimit profesional për turizëm dhe hotelieri, duke ofruar një sistem shkollimi të avancuar dhe të orientuar drejt praktikës.
Aktualitet
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
E papritur! Charlie Sheen zbulon sekrete nga jeta private
Zbulim i ri për hipertensionin: Ilaçi inovativ që mund të mposhtë ‘vrasësin e padukshëm’
Këto veprime nuk duhet t’i bëni në avion
Turqi: Kufizohet qasja në rrjete sociale
Kur kamera mashtron: Reagimi i Frankie Grande bëhet viral në MTV VMA
Kushtetuesja për akuzat e VV-së: Deklarime të pamatura, të dëmshme për zhvillimin demokratik
Votëbesimi në Francë trondit obligacionet, aksionet mbeten të pandryshuara
Më 12 shtator, seanca e parë e Kuvendi të ri në Shqipëri, Begaj mesazh deputetëve
Kreu i të drejtave të njeriut të OKB-së paralajmëron situatën “katastrofale” në Sudan
-
Aktualitet2 weeks agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT2 months agoUBT shpall konkurs për pranimin e studentëve të rinj për vitin akademik 2025/26