Ekipi i UBT-së, i përbërë nga studentët Milot Morina, Arianita Gashi dhe Gent Jusufi, ka zënë vendin e parë në Hakathonin e Smart City Solution.

Vendin e parë e arritën edhe studentët Gerta Ahma, Klea Kasapolli, Anila Mati dhe Zana Shala, në kategorinë AI For Green.

Në kategorinë Securing the Digital World, vendi i tretë i takoi ekipit të studentëve të UBT-së, Dhurim Arllati, Lis Pruthi, Abian Morina dhe Sead Duraki.

UBT gjithashtu u shpall fitues në garën Hack for Green, duke zënë vendin e dytë dhe të tretin, ndërsa në garën IoT for Green Transition, UBT zuri vendin e tretë.

Në kuadër të eventit “Digital Skills Festival” që u organizua në ITP, UBT ka organizuar Hackathon-in e quajtur Smart City Solutions.

Në këtë hackathon morën pjesë ekipet nga UBT, si dhe nga universitetet e tjera.

Ekipet që morën pjesë në Smart City Solutions nga UBT janë:

1. Milot Morina;
2. Arianita Gashi;
3. Gent Jusufi.

1. Rilind Simnica;
2. Loresa Gosha;
3. Adea Piperku;
4. Elona Hyseni;
5. Drin Avdiu.

Përveç këtyre, kombinime të studentëve të UBT dhe institucioneve të tjera morën pjesë në garën e hackathon të organizuar nga UBT:

1. Dhurim Çitaku;
2. Diar Haxhimemeti;
3. Erzen Çitaku.

1. Lirim Ymeri;
2. Altin Pajaziti;
3. Blendi Limani;
4. Denis Shala;
5. Alma Hoxha.

1. Donjeta Ramadani;
2. Olti Krasniqi;
3. Jona Mehmeti;
4. Rita Mehmeti.

1. Bleron Jashanica;
2. Ali Misolli;
3. Admir Hoxha;
4. Erza Zeka.

Studentët e UBT-së gjithashtu morën pjesë në hackathon-at e organizuara nga organizatorët e tjerë:

Hackathon-i: Securing the Digital World

• Dhurim Arllati;
• Lis Pruthi;
• Abian Morina;
• Sead Duraki.

Hackathon-i: IoT for Green Transition

• Rrezon Krasniqi;
• Dea Sejdiu;
• Anesa Haskuka;
• Enes Paçarizi.

Në pjesën e jurisë, pjesëmarrësit ishin:

1. Greta Ahma – Hack for Green;
2. Elton Boshnjaku – IoT Smart Agriculture;
3. Agim Zuzaku – Smart City Solutions;
4. Behar Haxhismajli – Datathon;
5. Elita Hajrizi – IoT for Green Transition;
6. Vehbi Sofiu – AI for Green;
7. Naim Llumnica – Young Innovators.

Për garën Smart City Soulution organizimi ishte nën mbikëqyrjen e Departamentit për Produkte dhe Zhvillime Profesionale, me drejtues Besnik Skenderi dhe Albiona Musa.

Me një atmosferë të mbushur me emocione, krenari dhe pozitivitet, në UBT u mbajt ceremonia e diplomimit të gjeneratës së parë të maturantëve të Shkollave të Mesme të UBT-së.

Në praninë e Presidentit të UBT-së, Prof. Dr. Edmond Hajrizi, Drejtoreshës së Shkollave të Mesme të UBT-së, Hajrije Devetaku, prindërve, familjarëve, miqve dhe profesorëve, maturantët e gjeneratës së parë diplomuan dhe shënuan përfundimin e një kapitulli të rëndësishëm edukativo-arsimor.

Në fjalën e tij, Rektori Hajrizi uroi maturantët për sukseset e tyre, duke theksuar rëndësinë e përkushtimit dhe punës së palodhshme që kanë treguar gjatë viteve të shkollimit. Ai gjithashtu nënvizoi rolin e rëndësishëm që UBT ka luajtur në formimin e tyre akademik dhe profesional, duke siguruar një mjedis të favorshëm për zhvillimin e aftësive dhe talenteve të tyre.

“Është nder dhe privilegj që të qëndroj para jush, një gjeneratë e cila me përkushtim të madh ka arritur që sot të ketë një momentum të veçantë. Këtë vit Kosovës i shtohet një gjeneratë me kompetenca dhe aftësi. Gjatë kësaj periudhe ka pasur edhe procese e individ që na kanë mbështetur për të realizuar këtë momentum, prandaj dëshirojmë që t’i falënderojmë të gjithë ata që kanë kontribuuar në mënyrë direkte apo indirekte në suksesin tuaj. Diplomimi nuk është vetëm një moment reflektimi për të kaluarën, por edhe një moment pritjeje për të ardhmen”, potencoi Rektori Hajrizi.

Drejtoresha Devetaku shprehu mirënjohjen e saj ndaj prindërve dhe profesorëve për mbështetjen dhe përkushtimin e tyre të vazhdueshëm, që kanë kontribuar në arritjen e këtij momenti të rëndësishëm. Ajo inkurajoi maturantët të vazhdojnë të ndjekin ëndrrat e tyre dhe të mos ndalen kurrë së kërkuari njohuri dhe përvoja të reja.

“Në përmbyllje të këtij cikli të shkollimit tuaj, përkatësisht përfundimit të maturës, është koha për të menduar për fillimin e një cikli të radhës, për t’i ndjekur ëndrrat e juaja të cilat janë vërtet reale dhe të arritshme. Krejt çka duhet të bëni është që t’i bashkoni ambiciet, këmbënguljen dhe pritshmëritë e juaja në interes të vizionit se ku do të jeni pas 10 viteve, si do të arrini atje dhe çfarë do të bëni”, u shpreh ajo.

Ceremonia vazhdoi me ndarjen e certifikatave dhe shpërblimeve për maturantët e dalluar, të cilët u vlerësuan për arritjet e tyre të jashtëzakonshme në fusha të ndryshme. Prindërit dhe familjarët përjetuan momente emocionuese teksa shikonin fëmijët e tyre duke marrë diplomat, një dëshmi e punës dhe përkushtimit të tyre ndër vite.

Kjo ngjarje shënoi një pikë të rëndësishme në historinë e Shkollave të Mesme të UBT-së, duke dëshmuar përkushtimin e institucionit për ofrimin e arsimit cilësor dhe përgatitjen e gjeneratave të ardhshme për sfidat e jetës dhe karrierës.

Në hapje të Kongresit të Tretë Kosovë-Turqi, sot u bë përurimi i Laboratorit të Forenzikës në UBT, hap ky i rëndësishëm drejt zhvillimit të kapaciteteve të kërkimit shkencor në Kosovë.

Presidenti i UBT-së, Prof. Dr. Edmond Hajrizi, ishte i pranishëm për të shënuar këtë moment historik, krah personaliteteve të shquara si Prof. Dr. Irfan Karadede nga Universiteti Izmir Katip Çelebi, Prof. Dr. Sevinç Polat nga Universiteti Yozgat Bozok, si dhe Prof. Dr. Ilirjan Mandro, Rektor i Akademisë së Sigurisë së Shqipërisë.

Në mesin e të pranishmëve ishin edhe personalite eminente nga fusha e drejtësisë dhe politikës, si Ushtruesi i detyrës së Kryeprokurorit të Shtetit, Besim Kelmendi, Zëvendësministri në Ministrinë e Zhvillimit Rajonal, Ali Tafarishku, dhe Ambasadori i Turqisë në Kosovë, Sabri Tunç Angili.

Në përurim të laboratorit, udhëheqësi i bordit shkencor të Institutit të Forenzikës në UBT, Arsim Gërxhaliu tha ky hap duhet të shërbejë si pikënisje për zhvillimin edhe të disiplinave të tjera forenzike.

“Andaj pikërisht sot, në këtë datë të Kongresit të Tretë Kosovë-Turqi, bëjmë edhe hapjen zyrtare të laboratorit, si një pikënisje për fillimin dhe zhvillimin e disiplinave të tjera forenzike”, deklaroi ai.

Instituti i Forenzikës në UBT është një qendër e rëndësishme e dijes dhe shërbimeve në Kosovë dhe mbulon një gamë të gjerë temash në aspektin akademik, shkencor dhe profesional, duke përfshirë mjekësinë, kriminologjinë, teknologjinë, ushqimin, ekonominë, sigurinë, inxhinierinë, teknologjinë, artin, dhe shumë fusha të tjera./UBTNews/