Lajmet nga UBT

UBT dhe Sam Houston State University nënshkruajnë marrëveshje bashkëpunimi, nderohet Major Gjeneral David P. Glaser

Published

on

Në një ceremoni solemne të mbajtur në UBT, u nënshkrua një marrëveshje bashkëpunimi ndërmjet UBT-së dhe Sam Houston State University, duke hapur horizonte të reja për shkëmbime akademike, projekte kërkimore dhe zhvillime inovative. Marrëveshja përfaqëson një angazhim të përbashkët për të promovuar cilësinë në arsim, lidershipin dhe ndërtimin e ekosistemeve të qëndrueshme në fushën e arsimit të lartë.

Në kuadër të kësaj ngjarjeje të rëndësishme, UBT nderoi me çmimin më të lartë institucional Major Gjeneral David P. Glaser, një figurë emblematike në lidershipin ushtarak dhe mbrojtjen e vlerave të paqes dhe sigurisë. Gjeneral Glaser ka një karrierë të jashtëzakonshme, duke shërbyer në pozita kyçe si Provost Marshal General of the Army dhe Komandant i U.S. Army Criminal Investigation Command, ku ai ka dëshmuar përkushtim dhe integritet të pashoq në misionet ndërkombëtare për paqe dhe stabilitet.

Në fjalën e tij, Rektori i UBT-së, Prof. Dr. Edmond Hajrizi, theksoi rëndësinë e bashkëpunimeve ndërkombëtare për fuqizimin e edukimit dhe ndërtimin e urave të reja mes institucioneve prestigjioze si UBT dhe Sam Houston State University. Ai vlerësoi gjithashtu kontributin e Gjeneral Glaser në promovimin e vlerave universale të drejtësisë, sigurisë dhe bashkëpunimit global.

Sot, ndërsa nderojmë me çmimin më të lartë institucional “Leadership Excellence Award”, një vlerësim që i jepet personaliteteve të shquara për arritje të jashtëzakonshme dhe kontribut të spikatur, sikurse është Gjeneral Major David P. Glaser, ne japim respekt dhe mirënjohje për rolin e tij të pashoq në shërbim të paqes, sigurisë dhe bashkëpunimit ndërkombëtar. Ky çmim simbolizon njohjen e përkushtimit të tij të palodhur dhe frymëzimit që ai ka dhënë për breza të tërë liderësh dhe profesionistësh, duke ndikuar jo vetëm në përmirësimin e standardeve të lidershipit, por edhe në avancimin e vlerave humane që forcojnë lidhjet mes kombeve dhe institucioneve globale”, u shpreh Rektori Hajrizi.

Gjeneral Glaser, i cili ka luajtur një rol të rëndësishëm në stabilizimin e Kosovës gjatë periudhave të vështira, u shpreh mirënjohës për këtë vlerësim, duke theksuar rëndësinë e edukimit dhe bashkëpunimit ndërkombëtar për ndërtimin e një bote më të sigurt dhe më të drejtë.

Major General David P. Glaser, një figurë e njohur për angazhimin e tij ndërkombëtar, pranoi me nder çmimin “Honor Degree Leadership Excellence Award” të dhënë nga UBT. Në një fjalim pas marrjes së çmimit, Glaser shprehu mirënjohjen e tij për këtë nder dhe theksoi rëndësinë e angazhimit për paqe dhe stabilitet global.

Jam shumë i nderuar për këtë njohje dhe është një kënaqësi e vërtetë të jem përsëri në Kosovë. Herën e fundit që kam qenë këtu ishte në vitin 2002, dhe është jashtëzakonisht emocionuese të shoh se si ky vend ka arritur të transformohet dhe të bëhet diçka speciale dhe unike,” u shpreh Glaser.

Ai theksoi se gjatë karrierës së tij ka pasur mundësinë të mbështesë shtete të ndryshme, duke përfshirë edhe Gjermaninë për katër vjet, si dhe të angazhohet në misione paqeje në Ballkan. “Të ndihmosh njerëzit është ajo që ka rëndësi. Ky angazhim ndryshon jetët tona dhe është thelbësor për të siguruar paqe dhe stabilitet,” shtoi ai.

Në fund, Glaser falënderoi UBT për këtë nder dhe e pranoi çmimin me shumë mirënjohje, duke theksuar se ky moment përfaqëson një hap tjetër të rëndësishëm në lidhjen e tij me Kosovën dhe me përpjekjet globale për një botë më të drejtë e të sigurt.

Pas nënshkrimit të Memorandumit të Bashkëpunimit, Dekanja e Fakultetit të Sam Houston University shprehu mirënjohjen për pritjen e ngrohtë dhe vlerësimin për bashkëpunimin ndërinstitucional. Ajo tha:

Faleminderit shumë për pritjen e ngrohtë. Është një nder i madh të takoj Rektorin Edmond Hajrizi. Ai është një vizionar, më shumë vizionar sesa e kisha kuptuar thjesht duke parë faqen tuaj të internetit. Pra, faleminderit për mirëseardhjen dhe urime, David.

Dekanja gjithashtu theksoi rëndësinë e njohjes së punës së David Glazier: “Faleminderit për njohjen e gjithë punës që ka bërë David Glazier. Kontributi i tij është i jashtëzakonshëm dhe ka pasur një ndikim të rëndësishëm në përpjekjet për paqe dhe stabilitet ndërkombëtar.

Marrëveshja e nënshkruar dhe ceremonia e nderimit shënojnë një moment historik për UBT-në, duke forcuar rolin e saj si një lider në arsimin e lartë në rajon dhe përtej tij. Me këtë bashkëpunim, UBT dhe Sam Houston State University synojnë të krijojnë mundësi të reja për studentët, profesorët dhe komunitetet që përfaqësojnë, duke kontribuar në zhvillimin e qëndrueshëm dhe përparimin e shoqërisë./UBTNEWS/

Lajmet nga UBT

Nderohet në Tunizi veprimtaria artistike e profesoreshës së UBT-së, Dr. Marigona Bekteshi Ferati

Published

on

By

Arti që thyen kufijtë dhe bashkon popujt u bë realitet për regjisoren e njohur nga Kosova, Prof. Ass. Dr. Marigona Bekteshi Ferati, e cila u nderua me çmim të veçantë në edicionin e 7-të të Festivalit Ndërkombëtar të Monodramës në Qerthag të Tunizisë.
Profesoresha e UBT-së, e cila njihet për kontributin e saj të jashtëzakonshëm në fushën e artit dhe kulturës, u vlerësua me Plaketën e Nderimit, shoqëruar me fjalë mirënjohjeje dhe respekti nga organizatorët e festivalit. Në tekstin e plaketës theksohej:
Ju keni dhënë dhe vazhdoni të jepni pa kufij. Historia e afërt dhe e largët dëshmon për sukseset madhore që keni arritur, duke e gdhendur emrin tuaj me shkronja ari në historinë e artit dhe kulturës“.
Vetë Bekteshi Ferati u shpreh thellësisht e nderuar për këtë vlerësim ndërkombëtar, duke e konsideruar si një dëshmi të fuqisë së artit për të ndërtuar ura kulturore dhe për të përfaqësuar denjësisht Kosovën në skenat botërore.
Ky çmim është për mua jo vetëm shpërblim, por edhe shtysë për të vazhduar misionin tim artistik me përkushtim e dashuri. Përfaqësimi i Kosovës në këtë festival prestigjioz është dëshmi e rolit të artit si diplomaci kulturore dhe e zërit të fuqishëm që skena jonë mund të ketë në nivel ndërkombëtar”, deklaroi ajo.
UBT, si institucion i cili promovon talentet dhe përkrah zhvillimin profesional e kulturor të stafit akademik, e konsideron këtë arritje si një sukses të përbashkët dhe një shembull frymëzues për të gjithë studentët dhe artistët e rinj.
Ky nderim për Marigona Bekteshi Feratin është një tjetër dëshmi se arti kosovar po zë vendin e merituar në hartën kulturore ndërkombëtare, falë figurave të përkushtuara që nuk ndalen së kontribuuari në promovimin e vlerave të vërteta artistike.

Continue Reading

Lajmet nga UBT

Publikohet punimi shkencor i profesorit të UBT-së, Alfred Marleku dhe studentes Elona Belaj në revistën prestigjoze “Sage Journals”

Published

on

By

Alfred Marleku, profesor i Shkencave Politike në UBT dhe studentja Elona Belaj kanë publikuar së fundmi një punim shkencor të titulluar “The influence of the Ukraine war on threat perceptions and security dynamics in the Western Balkans”, i cili është publikuar në revistën prestigjoze Sage Journals.

Ky punim ka për qëllim të shqyrtojë se si lufta Rusi-Ukrainë ka ndikuar në perceptimet e kërcënimit dhe strategjitë e sigurisë në vendet e Ballkanit Perëndimor, teksa studimi është fokusuar në analiza të thelluara për gjashtë shtete (Kosovë, Serbi, Maqedoni e Veriut, Mali i Zi, Shqipëri dhe Bosnje-Hercegovinë).

Sipas studimit, vendet pro-perëndimore si Kosova, Shqipëria dhe Mali i Zi janë gjithnjë e më shumë me NATO-n dhe BE-në për të kundërshtuar agresionin e perceptuar rus, ndërsa në anën tjetër Serbia vijonë të ruaj një lidhje të fortë me Moskën. 

Ky studimi nga profesori Alfred dhe studentja Elona Belaj trajton teorinë shumëdimensionale të sigurisë të Barry Buzan dhe teorinë e balancimit të kërcënimit të Stephen Walt, duke analizuar ndërveprimin midis trashëgimive historike, dobësive ekonomike dhe dinamikës së jashtme gjeopolitike.

Prof. Alfred Marleku shprehet se ky punim paraqet një rezultat të mësimdhënies së orientuar drejt hulumtimit, një qasje që prej vitesh aplikohet në Fakultetin e Shkencave Politike në UBT.

Artikulli është rezultat i mësimdhënies së orientuar kah hulumtimi – një qasje që prej vitesh aplikohet në Fakultetin e Shkencave Politike në UBT, ku studentët përfshihen drejtpërdrejt në kërkime, duke fituar dije teorike dhe shkathtësi praktike të rëndësishme për profesionin”.

Publikimi i punimeve shkencore nga profesorët dhe studentët e UBT-së, në revista prestigjoze ndërkombëtare, krijon një imazh të mirë si brenda ashtu dhe jashtë Kosovës, duke dëshmuar angazhimin e stafit akademik për hulumtime në fusha të ndryshme.

Continue Reading

Lajmet nga UBT

UBT organizon Akademi Përkujtimore në nder të Prof. Dr. Mufail Salihaj

Published

on

By

UBT organizoi një Akademi Përkujtimore për të nderuar jetën dhe veprën e Prof. Dr. Mufail Salihaj – profesor i shquar, studiues i palodhur dhe intelektual i devotshëm, i cili për dekada me radhë dha një kontribut të jashtëzakonshëm në arsimin e lartë në Kosovë dhe në formimin e shumë brezave të studentëve.

Kjo ngjarje përkujtimore u zhvillua në nderim të një figure të botës akademike shqiptare, i cili me urtësinë, dijen dhe përkushtimin e tij, la gjurmë të pashlyeshme në mendjet dhe zemrat e të gjithëve që patën fatin ta njihnin dhe të punonin me të.

Në fjalën e tij para të pranishmëve, Rektori i UBT-së, Prof. Dr. Edmond Hajrizi, shprehu dhimbjen për ndarjen nga jeta të profesorit Salihaj, duke theksuar rolin e tij thelbësor në ngritjen e cilësisë së arsimit dhe promovimin e vlerave akademike:

Me dhimbje të thellë jemi mbledhur sot për të nderuar kujtimin dhe jetën e një njeriu të rrallë, një profesori, studiuesi dhe intelektuali të shquar – Prof. Dr. Mufail Salihaj. Lajmi për ndarjen e tij të parakohshme nga jeta ka lënë një boshllëk të madh në zemrat tona dhe një mungesë të pashlyeshme në botën akademike të vendit tonë. Ai ishte një njeri i ditur, i urtë, i përkushtuar dhe mbi të gjitha – një njeri i madh në shpirt dhe zemër. Humbja e tij është një humbje për të gjithë ne, por gjithashtu një mundësi për të reflektuar mbi vlerat që ai përfaqësonte dhe për të vazhduar rrugën e dijes që ai na la trashëgim”.

Në këtë akademi morën pjesë anëtarë të stafit akademik, studentë, miq, familjarë dhe bashkëpunëtorë të profesorit, të cilët ndanë kujtime dhe vlerësime për figurën e tij si njeri, pedagog dhe studiues.

I pranishëm në këtë ngjarje ishte edhe Kryetari i Komunës së Shtimes, Dr. Qemajl Aliu, i cili ndau me të pranishmit vlerësimin dhe mirënjohjen e tij për figurën dhe veprën e Prof. Dr. Mufail Salihaj:

Profesori Mufaili jetoi me modestinë e njeriut të ditur dhe veproi me bindjen e palëkundur se shoqëria përparon kur ne, të gjithë bashkë, japim më të mirën prej vetes. Ai mbolli dijen me dashuri dhe nga dora e tij kanë dalë breza të tërë studentësh, të cilët sot mbajnë përgjegjësi të rëndësishme në fusha të ndryshme të jetës sonë intelektuale dhe kombëtare. Edhe përtej figurës publike, Prof. Mufaili ishte njeri i jashtëzakonshëm, para së gjithash në rrafshin njerëzor: i dashur, i dhembshur, gjithmonë i gatshëm të dëgjonte, të kuptonte, të ndihmonte secilin, i papërtuar dhe i vendosur”.

Prof. Dr. Mufail Salihaj do të kujtohet si një njeri i dijes, urtësisë dhe përkushtimit të pashembullt, që i dha shumë Kosovës në rrugëtimin e saj arsimor dhe intelektual.

Continue Reading

Lajmet nga UBT

Inteligjenca Artificiale në fokus: UBT sjell ekspertizën në Qendrën DIG-4K

Published

on

By

Rektori i UBT-së, Prof. Dr. Edmond Hajrizi, së bashku me Prof. Vehbi Sofiun, Drejtor i Kampusit të UBT-së në Prizren, dhe Prof. Besnik Skenderin, Drejtor i Departamentit për Edukim dhe Zhvillim Profesional në UBT, morën pjesë në ceremoninë zyrtare të lansimit të Qendrës për Ekselencë në Inovacion Digjital “Digital Innovation Gateway for Kosovo – DIG-4K”.

Kjo qendër, e para e këtij lloji në Kosovë, u lansua në kuadër të programit Evropa Digjitale, të cilin Kosova e nënshkroi me Bashkimin Evropian në vitin 2023. DIG-4K tashmë është bërë pjesë e Rrjetit të Qendrave Evropiane të Inovacionit Digjital (EDIH) dhe synon të nxisë zhvillimin digjital në sektorë kyç të ekonomisë dhe shoqërisë.

DIG-4K do të ofrojë mbështetje të specializuar për ndërmarrjet e vogla dhe të mesme (NVM-të), si dhe për organizatat publike, përmes qasjes në teknologji të avancuara si cloud computing, siguri kibernetike, inteligjencë artificiale, dhe mjete të tjera digjitale të nivelit të lartë. Ajo gjithashtu do të mbulojë fusha strategjike si e-commerce, fintech, shëndetësia, arsimi, dhe bujqësia.

UBT, si partner në këtë qendër të rëndësishme, do të japë kontribut të drejtpërdrejtë përmes ekspertizës së saj në inteligjencën artificiale, duke ofruar trajnime të avancuara, mentorim profesional dhe ndihmë në zhvillimin e zgjidhjeve digjitale për bizneset dhe institucionet publike që aplikojnë për mbështetje në kuadër të DIG-4K.

Kjo pjesëmarrje e UBT-së konfirmon edhe njëherë rolin e saj udhëheqës në avancimin teknologjik dhe edukimin e gjeneratave të reja me njohuritë më të fundit në fushat më kërkuese të kohës.

Continue Reading

Të kërkuara