

Lajmet
UBT dhe Sakarya University hapin Zyrën e Teknoparkut në Prizren
Published
11 months agoon
By
EAd SulNë një ditë të veçantë për teknologjinë dhe inovacionin në Kosovë, u hap zyrtarisht Zyra e Sakarya Teknokent në qytetin e bukur të Prizrenit. Ky hap është një arritje e madhe për UBT-në, e cila ka krijuar një mundësi të re për studentët dhe profesionistët për të kontribuar në fushën e teknologjisë dhe sipërmarrjes.
Ceremonia e hapjes u mbajt në Prizren nën koordinimin e Prof. Ass.Dr. Cengiz Çesko, drejtor i Institutit të Forenzikës, me të pranishëm nga institucionet shtetërore, akademike dhe përfaqësues të komunitetit të biznesit. Të pranishëm ishin gjithashtu Drejtori i Sakarya Teknopark, Yakup Köseoğlu, Ministri i Zhvillimit Rajonal, Fikrim Damka, dhe Konsulli i Përgjithshëm i Republikës së Turqisë, Celal Doğan.
Rektori i UBT-së, Prof. Dr. Edmond Hajrizi, theksoi rëndësinë e këtij bashkëpunimi me Sakarya Teknokent dhe shprehu besimin se kjo zyrë do të hapë horizonte të reja për të rinjtë.
“Kjo zyrë është një derë e re për ata që kanë pasion për inovacionin dhe teknologjinë. Ne jemi këtu për të ndihmuar ata që ëndërrojnë të bëhen liderë në këtë fushë,” deklaroi Hajrizi, duke theksuar angazhimin e UBT-së për të mbështetur zhvillimin e kapaciteteve të rinjve.
Përfaqësuesit e Sakarya Teknokent nga Turqia, gjatë fjalës së tyre, nënvizuan marrëdhëniet e forta mes Kosovës dhe Turqisë. Ata theksuan se ky bashkëpunim është një hap i rëndësishëm drejt forcimit të lidhjeve mes dy vendeve dhe një kontribut i vyer në zhvillimin e qëndrueshëm të rajonit.
Yakup Köseoğlu, Drejtori i Sakarya Teknopark, shprehu entuziazmin e tij për hapjen e zyrës në Prizren, duke theksuar rëndësinë e këtij projekti në forcimin e lidhjeve mes Kosovës dhe Turqisë. Ai theksoi se kjo zyrë do të shërbejë si një qendër inovative, duke ofruar mbështetje për të rinjtë dhe profesionistët shqiptarë në zhvillimin e projekteve të tyre.
“Jemi të gëzuar që po hapim këtë zyrë në Prizren, e cila do të shërbejë si një qendër inovative. Ky është një hap i rëndësishëm për forcimin e marrëdhënieve tona dhe për ndihmën që do t’i japim të rinjve dhe profesionistëve shqiptarë në zhvillimin e projekteve të tyre,” tha Köseoğlu.
Fikrim Damka, Ministri i Zhvillimit Rajonal, u shpreh i nderuar që mori pjesë në këtë ngjarje të rëndësishme. Ai theksoi rëndësinë e hapjes së Zyrës së Sakarya Teknokent në Prizren si një hap të rëndësishëm për zhvillimin e inovacionit dhe teknologjisë në Kosovë.
“Ky bashkëpunim mes UBT-së dhe Sakarya Teknokent është një shembull i shkëlqyer i partneritetit strategjik që ndihmon në ndërtimin e një të ardhmeje më të ndritshme për të rinjtë tanë. Ne jemi këtu për të mbështetur çdo iniciativë që promovon teknologjinë dhe sipërmarrjen,” tha Damka.
Ai gjithashtu theksoi se investimet në arsim dhe teknologji janë thelbësore për zhvillimin e qëndrueshëm të vendit. “Kjo zyrë do të ofrojë mundësi të reja për studentët dhe profesionistët tanë, duke i ndihmuar ata të zhvillojnë ide dhe projekte që do të kontribuojnë në avancimin e ekonomisë sonë,” përfundoi Damka.
Ky bashkëpunim pritet të sjellë përfitime të mëdha për të dy vendet, duke kontribuar në rritjen e qëndrueshme të rajonit dhe zhvillimin e një kulture inovative. Me hapjen e kësaj zyre, UBT dhe Sakarya Teknokent shprehin përkushtimin e tyre për të investuar në të ardhmen e teknologjisë dhe sipërmarrjes në Kosovë./UBTNews/D.E.
Aktualitet
Masteri që hap dyert e liderëve të menaxhmentit, biznesit dhe ekonomisë – Studio në UBT
Published
41 minutes agoon
September 1, 2025By
Driton Iseni
Për të gjithë ata që kërkojnë një program të avancuar studimi, që kombinon menaxhimin, biznesin dhe ekonominë, UBT ofron programin Master në Menaxhment, Biznes dhe Ekonomi (MBE) – një prej programeve më gjithëpërfshirëse dhe inovative në Kosovë dhe rajon.
Ky program është krijuar për të përgatitur gjenerata të reja profesionistësh të aftë të drejtojnë organizata, të ndërmarrin iniciativa të reja biznesi dhe të kontribuojnë në zhvillimin ekonomik vendor dhe ndërkombëtar.
Një program gjithëpërfshirës dhe praktik
MBE ofron njohuri të thelluara në fusha si:
- ekonomia dhe financat,
- menaxhimi strategjik dhe operativ,
- marketingu dhe shitjet,
- prokurimi publik dhe logjistika,
- ndërmarrësia dhe inovacioni,
- promovimi i investimeve dhe zhvillimi ekonomik.
Duke u bazuar në kombinimin e teorisë me praktikën, programi u mundëson studentëve të zhvillojnë aftësi analitike, kritike dhe krijuese për të zgjidhur probleme reale të tregut dhe të organizatave.
Misioni dhe vizioni i programit
Misioni i MBE-së është në harmoni të plotë me vizionin e UBT-së: të ofrojë një edukim cilësor, bashkëkohor dhe gjithëpërfshirës, që vë studentin në qendër. Ky program synon të formojë udhëheqës të rinj, të përgatitur për të marrë përgjegjësi në biznes, industri, sektorin publik dhe akademi.
Studentët do të mësojnë në një ambient modern me laboratorë të pajisur me teknologjinë më të fundit, duke kombinuar ligjëratat teorike me punën praktike, kërkimin shkencor dhe projektet reale të biznesit.
Orientimet e programit
Në semestrin e tretë, studentët kanë mundësinë të zgjedhin orientimin e tyre profesional:
- Financa, Banka dhe Kontabilitet – fokus në raportim financiar, analiza, auditim dhe tregje ndërkombëtare.
- Marketing dhe Shitje – nga marketingu digjital deri te strategjitë e avancuara të shitjes dhe sjellja e konsumatorit.
- Menaxhment, Ndërmarrësi dhe Inovacion – krijimi i bizneseve të reja, menaxhimi i inovacionit dhe zhvillimi ndërkombëtar.
- Logjistika dhe Menaxhimi i Prokurimit – zinxhiri i furnizimit, prokurimi elektronik dhe praktikat moderne të logjistikës.
Këto orientime e bëjnë programin fleksibil dhe të përshtatur për tregun e punës, duke u dhënë studentëve mundësinë të specializohen sipas interesave dhe objektivave të tyre të karrierës.
Përputhje me standardet ndërkombëtare
Programi është hartuar duke respektuar Kornizën Kombëtare dhe Evropiane të Kualifikimeve, gjë që siguron se diplomat e studentëve njihen dhe vlerësohen edhe në nivel ndërkombëtar.
Pas diplomimit, studentët e MBE-së do të jenë të përgatitur jo vetëm për tregun vendor të punës, por edhe për të vazhduar studimet në nivel doktorature ose për të ndjekur karrierë akademike dhe kërkimore.
Objektivat kryesore të programit
Formimi i kompetencave të avancuara në fushën e menaxhimit, biznesit dhe ekonomisë.
Aftësi analitike për mbledhjen dhe interpretimin e të dhënave.
Qasje kritike dhe profesionale për zgjidhjen e problemeve komplekse.
Përdorimi i teknologjisë moderne në menaxhimin organizativ.
Aftësia për të zhvilluar strategji të suksesshme biznesi dhe lidership inovativ.
Aktualitet
Arrestohen dy persona tё dyshuar për vjedhje në Pejë
Published
56 minutes agoon
September 1, 2025By
UBTnews
Policia në Pejë, të shtunën ka pranuar informacion se nё rrugën “Emrush Miftari” nё Pejё, ёshtё vjedhur njё biçikletё nё vlerё prej pesё mijё (5000) euro.
Sipas njoftimit, pas njё pune intensive hetuesit e këtij stacioni kanё arritur ta arrestojnë njё person tё dyshuar, ku pas intervistimit, i dyshuari, me urdhёr tё prokurorit tё Shtetit, ёshtё dёrguar nё mbajtje pёr 48 orё.
Po ashtu dje, policia ka pranuar njё informacion se nё rrugën ‘Ramё Lajqi’ nё Pejё, ёshtё vjedhur njё motoçikletё nё vlerё prej katёr mijё (4000) euro.
“Pas njё pune intensive hetuesit e këtij stacioni kanё arritur ta arrestojnë njё person tё dyshuar (i mitur), ku pas intervistimit nga hetuesit, nё prezencёn e avokatit mbrojtёs dhe punëtorit të Qёndrёs pёr Punё Sociale, i dyshuari me urdhёr tё prokurorit tё Shtetit, ёshtё liruar nё procedurё tё rregullt. Biçikleta dhe motoçikleta u janë kthyer pronarëve legjitimë”, thuhet në komunikatë.
Aktualitet
Shkollat më inovative në Kosovë, UBT International Smart Schools nisin vitin e ri shkollor 2025/26
Published
1 hour agoon
September 1, 2025By
Driton Iseni
Me emocione, buzëqeshje dhe energji pozitive, UBT International Smart Schools kanë nisur sot vitin e ri shkollor 2025/26. Në Parkun Shkencor, Inovativ dhe Teknologjik të UBT-së, qindra nxënës të rinj dhe aktual u mirëpritën nga mësuesit, prindërit dhe drejtuesit e shkollës, duke shënuar fillimin e një kapitulli të ri të mbushur me dije, risi dhe përvoja të paharrueshme arsimore.
Në këtë ceremoni të mbajtur në ambientet moderne të kampusit, nxënësit, prindërit dhe stafi patën mundësinë të njihen më afër me hapësirat inovative dhe programet e ofruara në drejtimet:
- Gjimnazi TIK
- Gjimnazi Natyror
- Gjimnazi Gjuhësor
- Asistent Dentar
- Bashkëpunëtor Profesional i Infermierisë
- Teknik i Farmacisë
- Teknik i Laboratorit Mjekësor
- Teknik i Optikës – Opticient
Themeluesi dhe Presidenti i UBT-së, Prof. Dr. Edmond Hajrizi, përshëndeti nxënësit dhe prindërit duke theksuar përkushtimin e institucionit për të ofruar një arsim të standardeve ndërkombëtare.
“Është kënaqësi e veçantë të shohim energjinë dhe entuziazmin e qindra nxënësve që sot nisin rrugëtimin e tyre në Shkollat e UBT-së. Ne ofrojmë jo vetëm një ambient modern, por edhe një përvojë arsimore që i përgatit ata për jetën, për sfidat profesionale dhe për të ardhmen. Ky vit i ri është një mundësi për të mësuar më shumë, për të krijuar më shumë dhe për të ndërtuar një të ardhme të ndritur”, u shpreh Rektori Hajrizi.
Drejtoresha e UBT International Smart Schools, Hajrije Devetaku – Gojani, theksoi rëndësinë e bashkëpunimit të vazhdueshëm mes prindërve, nxënësve dhe stafit mësimor.
“Synimi ynë është të krijojmë një mjedis ku çdo nxënës ndihet i mbështetur dhe i motivuar. Në këtë vit të ri, ne do të punojmë së bashku për të zhvilluar aftësi, dije dhe vlera që do të shoqërojnë nxënësit gjatë gjithë jetës së tyre”, tha Devetaku – Gojani.
Ceremonia u shoqërua me një atmosferë festive dhe me pritshmëri të larta për një vit të suksesshëm, teksa nxënësit u drejtuan në klasat e tyre për orën e parë të mësimit.
UBT International Smart Schools edhe këtë vit riafirmojnë vizionin e tyre si institucionet më inovative në Kosovë, duke ofruar një arsim të cilësisë së lartë dhe duke përgatitur gjeneratat e reja për sfidat e së ardhmes.
Lajmet
Osmani: Ekipi ligjor i Presidencës po bën analizë lidhur me procesin e konstituimit të Kuvendit
Published
1 hour agoon
September 1, 2025By
UBTnews
Presidentja e Kosovës, Vjosa Osmani, ka pritur sot në takim, në cilësinë e tij, të kryetarit të sapozgjedhur të Kuvendit të Kosovës, Dimal Basha.
Në këtë takim, Kryetari Basha e ka prezantuar qëndrimin e tij lidhur me konstituimin e Kuvendit të Republikës së Kosovës. Sipas një komunikatës së Zyrës së Presidencës, Vjosa Osmani e ka informuar kryetarin Basha se ekipi ligjor i Presidencës është duke bërë analizën lidhur me procesin e konstituimit të Kuvendit të Kosovës.
“Presidentja ka potencuar se, sikurse gjithmonë, do të veprojë në përputhje të plotë me Kushtetutën dhe ligjet në fuqi, duke garantuar stabilitetin institucional dhe respektimin e vullnetit të qytetarëve të Kosovës”, shkruan Osmani.
Të shtunën, Kuvendi i Kosovës ka dështuar të zgjedhë nënkryetarin nga komuniteti serb. Asnjëri nga deputetë e komuniteti serb nuk mori shumicën e nevojshme për t’u zgjedhur nënkryetar i Kuvendit, megjithatë kryetari Dimal Basha ka mbyllur seancën konstituive.
Ndërsa, partitë opiztare, kanë konsideruar se nuk është konstituar Kuvendi.

“Më falni, më duhet të shërohem”, Jessie J shtyn turneun botëror pas operacionit të dytë për kancerin e gjirit

Senne Lammens portieri më i ri i Manchester United

Masteri që hap dyert e liderëve të menaxhmentit, biznesit dhe ekonomisë – Studio në UBT

Pse shtatori është muaji i përsosur për pushime?

Arrestohen dy persona tё dyshuar për vjedhje në Pejë

Shkollat më inovative në Kosovë, UBT International Smart Schools nisin vitin e ri shkollor 2025/26

Osmani: Ekipi ligjor i Presidencës po bën analizë lidhur me procesin e konstituimit të Kuvendit

Gërvalla në Slloveni, merr pjesë në Forumin Strategjik të Bledit 2025

Çfarë ndodh në trupin tuaj kur konsumoni shumë ushqime të kriposura?
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA