Inovacione

UBT dhe Komuna e Vushtrrisë nënshkruan marrëveshje bashkëpunimi për fillimin e projektit “Smart City Kosova”

Publikuar

Rektori i UBT-së prof.dr. Edmond Hajrizi dhe kryetari i Komunës së Vushtrrisë, Xhafer Tahiri, në emër të institucioneve që drejtojnë, kanë nënshkruar marrëveshje bashkëpunimi për zbatimin e projektit për hartimin e strategjisë “Smart City Kosova” në qytetin e Vushtrrisë.

Ky projekt synon që të përgatisë dhe komunikojë strategji gjithëpërfshirëse të qyteteve të mençura, të cilat do t’u sigurojnë qyteteve të Kosovës qasje inovative ndaj problemeve të komunitetit, si dhe do të ndihmojnë në promovimin e zhvillimit të qëndrueshëm hapësinor dhe urban.

“Kjo marrëveshje është një hap shumë i rëndësishëm drejt zhvillimit të qytetit të mençur në Vushtrri, ndërsa UBT tashme ka filluar me implementimin e këtij koncepti në Kampusin Inovativ në Lipjan, ku është krijuar një qendër e cila bashkon të rinjtë në zgjidhjen e problemeve të komunitetit të tyre.”, tha rektori i UBT-së, prof. dr. Edmond Hajrizi.

Kryetari i Komunës së Vushtrrisë, Xhafer Tahiri e ka mirëpritur nënshkrimin e marrëveshjes së bashkëpunimit me rektorin e UBT-së, prof. dr. Edmond Hajrizi. Ai ka përshëndetur projektin të cilin UBT po e zhvillon në bashkëpunim me gjashtë komuna të Kosovës, produkt final i të cilit do të jetë hartimi i strategjive gjithëpërfshirës për zhvillim të mençur dhe të qëndrueshëm hapësinor, urban, socio-ekonomik dhe infrastrukturor për këto komuna.

Pjesë e projektit Strategjik “Smart City Kosova”, përveç komunës së Vushtrrisë, janë edhe komuna e Prishtinës, Prizrenit, Pejës, Gjilanit dhe Lipjanit. Ndërsa në këtë projekt të iniciuar nga UBT përmes Institutit për Studime Urbane dhe Planifikim Hapësinor, janë të përfshira  partnerë edhe universitete të njohura në botë, si Universitetin TU Wien, në Austri, ETH Zurich, në Zvicër, Universitetin HafenCity, në Gjermani, Universitetin Mimar Sinan Finë Arts, në Turqi. Zbatimi i këtij projekti zyrtarisht do të fillojë në muajin tetor.

Inovacione

Raport: Kina para Perëndimit në garën për teknologjitë kritike

Kina mund të bëhet superfuqi e teknologjisë në botë.

Publikuar

nga

Kina kryeson botën në 37 nga 44 teknologjitë kritike, dhe demokracitë perëndimore kanë mbetur prapa në garën për përparime shkencore dhe kërkimore, thuhet në një raport nga një institut australian.

Kina mund të bëhet superfuqi e teknologjisë në botë dhe dominon tashmë në mbrojtje, hapësirë, robotikë, energji, mjedis, bioteknologji, inteligjencë artificiale (AI), materiale të avancuara dhe teknologjinë kryesore kuantike, sipas raportit të Institutit australian të Politikave Strategjike (ASPI).

Zonat kryesore që dominohen nga Kina janë dronët, mësimi i makinerive, bateritë elektrike, energjia bërthamore, fotovoltaikët, sensorët kuantikë dhe nxjerrja e mineraleve kritike, sipas Critical Technology Tracker, që u publikua të enjten.

Krahasuar me Kinën, sipas raportit, Shtetet e Bashkuara të Amerikës kryesojnë vetëm në shtatë teknologjike kritike, sikurse sistemet e lëshimit në hapësirë dhe llogaritja kuantike, sipas ASPI, e cila merr fonde nga qeveritë australiane, Mbretëria e Bashkuar dhe SHBA, si dhe burime të sektorit privat sikurse industria e mbrojtjes dhe teknologjisë.

Britania e Madhe dhe India janë ndër pesë vendet e para në 29 nga 44 teknologjitë, Koreja e Jugut dhe Gjermania në pesë vendet e para në 20 dhe 17 teknologji, respektivisht, thuhet në raport./UBTNews/

Vazhdo të lexosh

Inovacione

Google do të lansojë disa telefona të mençur, një orë dhe tablet

Google vjen me shumë produkte të reja.

Publikuar

nga

Të mërkurën Google zbuloi një linjë të zgjeruar të produkteve harduerike, një dëshmi se kompania dëshiron të shkojë përtej reklamimimit dhe të garojë me kompanitë sikurse Apple.

Në një konferencë që u mbajt fizikisht pas tri viteve, Google njoftoi rreth lansimit të tre telefonave të mençur, orës së mençur si dhe rreth planeve për lansimin e një tableti vitin e ardhshëm. Google po ashtu njoftoi rreth përditësimeve në disa prej mjeteve më të njohrua sikurse Maps, Google Translate dhe në makinën e kërkimit.

Tre telefona të mençur Pixel

Google befasoi fansat të mërkurën duke zbuluar dy pajisje të reja kryesore – Pixel 7 dhe Pixel 7 Pro. Ndonëse kompania nuk ka dhënë shumë detaje, dy telefonat e mençur pritet të dalin në treg këtë vjeshtë.

Google njoftoi gjithashtu edhe rreth planeve për lansimin e telefonit inteligjent Pixel 6a, një version më i përballueshëm i linjës së tij Pixel 6 të lëshuar në fillim të këtij viti. Pixel 6a mundësohet nga çipi i brendshëm Tensor i Google dhe do të dalë në treg në tri ngjyra – jeshile, e bardhë dhe e zezë. Telefoni do të kushtojë 449 dollarë dhe do të jetë i disponueshëm nga 21 korriku.

Pixel Watch

Në treg nuk mungojnë orët inteligjente Android, por Google po planifikon të prodhojë për herë të parë një orë inteligjente. Kompania ndau detaje rreth orës së mençur Pixel Watch, që do të përdorë sistemin operativ të Google, WearOS dhe do të jetë në pajtueshmëri me shërbime të tilla sikurse Google Assistant, Google Maps dhe Google Wallet. Ora do të dalë në treg në vjeshtë. Google po ashtu njoftoi rreth planeve për lansimin e Pixel Tablet, që sipas kompanisë do të lansohet në vitin 2023./UBTNews/

Vazhdo të lexosh

Futurizëm

Kosova edhe këtë vit merr pjesë në garën më të madhe ndërkombëtare të robotikës, FIRST Global Challenge

Publikuar

nga

Sikurse edhe viteve të kaluara, UBT ka nderin që edhe sivjet të përfaqësojë Kosovën në garën më të madhe ndërkombëtare në fushën e robotikës, FIRST Global Challenge, që për shkak të situatës aktuale me COVID-19 po mbahet në formën online.

Kosovën do ta përfaqësojnë, Elta Bajrami, Vlera Saraçi, Riona Krosa, Alba Ratkoceri dhe Mërgita Alija, të cilët nën mentorimin e Elita Hajrizit, janë duke u përgatitur dhe punuar në laboratorët e UBT-së.

Ekipi përfaqësues i shtetit të Kosovës do ta sfidojë vetën në mesin e të rinjve nga rreth 170 shtete të ndryshme të botës. të cilët këtë vit, ndryshe nga garat e organizuara më herët po përdorin njohuritë kreative the teknologjinë për zgjidhjen e problemeve të ndryshme në komunitetin ku jetojnë ata.

Të rinjtë nga Kosova në fazën e parë të kësaj gare kanë ideuar dhe dizajnuar projektin për qasjen e barnave në mënyrën online, projekt ky shumë interesant dhe i nevojshëm për gjithë shoqërinë.

Projekti ‘E-Pharm” është barnatore digjitale, që përbën lehtësim në blerjen dhe dërgesën e barnave online për të gjithë personat e specifikisht për të moshuarit dhe personat në viset rurale.

Sipas ekipit përfaqësues nga Kosova, “E-Pharm” përbëhet nga të gjitha llojet e barnave, vitaminave, suplimenteve, të cilat lehtësisht mund të gjenden në barnatoren digjitale përmes faqes kryesore (home) të “E-Pharm”.

E veçanta e “E-pharm” është se dërgesa e çdo barne bëhet përmes postës apo droneve (për viset jo të përshtatshme për qasje), përderisa secila dërgesë është e shoqëruar me një përshkrim, ku përpos komponentëve të tyre gjenden dhe këshilla pasuese.

UBT e përfaqëson Kosovën në këtë garë tash e disa vite, ku përmes ekipit të përbërë nga studentë të UBT-së, bëhet përgatitja në mënyrë profesionale në laboratorët inovativ të mekatronikës.

Kujtojmë se nga kjo garë UBT është vlerësuar nga organizatorët dhe ka marrë medalje të artë për kontributin dhe mbështetjen që po jep institucioni për FIRST Global dhe për zhvillimin e STEM në botë (Science, Technology, Engineering and Mathematics).

Vazhdo të lexosh

Inovacione

Jeff Bezos financon një kompani që synon ta ndalojë plakjen

Publikuar

nga

Një kompani që synon ta ndalojë plakjen pritet ta hap një laborator në Britani të Madhe – me financim nga Jeff Bezos. “Altos Labs” është një kompani e bazuar në kërkime e themeluar në fillim të këtij viti e cila po punëson shkencëtarë me oferta prej 1 milion dollarësh paga vjetore, sipas MIT Tech Review.

Altos Labs ka të paktën 270 milionë dollarë për të zhvilluar teknologjinë biologjike të riprogramimit, e cila funksionon duke shtuar proteina në një qelizë e cila në thelb e udhëzon atë të kthehet në një gjendje të ngjashme me qelizat burimore.

Sipas MIT Technology Review, kompania që u inkorporua në Shtetet e Bashkuara të Amerikës dhe Britani të Madhe, ka investitorë miliarderët Jeff Bezos dhe Yuri Milner.

Shinya Yamanaka, shkencëtar që mori çmim Nobel në vitin 2012 për zbulimin e riprogramimit, do të kryesojë bordin këshillues shkencor të kompanisë.

Mediat e huaja raportojnë se Altos do t’i paguajë studiuesve rroga miliona dollarëshe pa pritshmëri të lartë për produktet apo të ardhurat./UBTNews

Vazhdo të lexosh

Të kërkuara