Lajmet nga UBT

UBT dhe Ambasada e Suedisë në Kosovë nisin eventin e përbashkët për të rinjtë “Youth talks”

Pjesë e këtij eventi ishin edhe ambasadori i Suedisë në Kosovë, Jonas Westerlund dhe Rektori i Universitetit për Biznes dhe Teknologji, Prof. Dr. Edmond Hajrizi, teksa e pranishme virtualisht ishte edhe eurodeputetja suedeze, Arba Kokalari.

Published

on

Në Shtëpinë e Evropës në Prishtinë, UBT bëri hapjen e diskutimeve “Youth talks”, me temën: “Kosova, Evropa dhe Federalizmi: Çfarë mund të mësojmë nga njëra – tjetra”, një bashkëpunim i mirëfilltë me Ambasadën e Suedisë në Kosovë, për të sjellë ide dhe mendime kritike rreth problematikave dhe ngjarjeve që na rrethojnë.

Panelistë në këtë event ishin: Robin R. Mudry nga JEF Europe – Young European Federalists, Taulant Ferati si Young European Ambassador dhe Maja Otterstedt nga Ambasada e Suedisë.

Pjesë e këtij eventi ishin edhe ambasadori i Suedisë në Kosovë, Jonas Westerlund dhe Rektori i Universitetit për Biznes dhe Teknologji, Prof. Dr. Edmond Hajrizi, teksa e pranishme virtualisht ishte edhe eurodeputetja suedeze, Arba Kokalari.

Rektori Hajrizi falënderoi të pranishmit për pjesëmarrje në këtë ngjarje të rëndësishme, teksa konsideroi të nevojshme zhvillimin e diskutimeve për tema të ndryshme me të rinjtë, dhe studentët.

“E konsiderojmë si shumë të rëndësishme diskutimin me të rinjtë, studentët dhe gjeneratat e reja për tema të ndryshme, pasi që ata janë personat kyç që do të bëjnë ndryshimet e mëdha në të ardhmen. Falënderojë përzemërsisht Ambasadën e Suedisë në Kosovë dhe Shtëpinë e Evropës për bashkëpunimin drejt kësaj nisme që mendojmë se do të sjell diskutime të frytshme për temat që e preokupojnë shoqërinë tonë”, tha rektori Hajrizi.

Ambasadori i Suedisë në Kosovë, Jonas Westerlund shprehu falënderimet e tij të përzemërta për gatishmërinë për të organizuar ngjarje të tilla me rëndësi për shoqërinë në Kosovë.

“Targeti i Suedisë janë të rinjtë, me ç’rast Kosova ka një përparësi meqenëse ka mbi 50 për qind të popullsisë rini, gjë që është një e veçantë që duan ta kenë të gjithë”, potencoi ambasadori Westerlund.

Robin Mudry nga JEF Europe – Young European Federalists theksoi rëndësinë e zgjerimit të Bashkimit Evropian, ku potencoi se Kosova patjetër duhet të jetë pjesë, teksa përmendi përvojën e udhëtimit të tij nga Praga për në Kosovë.

Në kuadër të këtij eventi, panelistët diskutuan tema të ndryshme, që nga edukimi, arsimimi, shkëmbimi i kulturave të ndryshme mes të rinjve e deri te politikat publike, për të cilat u dakorduan se duhet më tepër angazhim dhe vetëdijesim për të pasur zgjidhje të problemeve që preokupojnë shoqëritë.

lajme

Rektori Hajrizi po merr pjesë në panairin më të madh të teknologjisë mjekësore dhe do të flasë në konferencën e mjekësisë sportive në Dyseldorf

Published

on

Rektori i UBT-së, Prof. Dr. Edmond Hajrizi, po merr pjesë në panairin më të madh botëror të teknologjisë mjekësore – MEDICA – si dhe është ftuar të flasë në MEDICA Medicine + Sports Conference 2025, që po zhvillohet në Dyseldorf të Gjermanisë.

Ky event mbledh mijëra prodhues, shkencëtarë dhe ekspertë nga mbarë bota për të prezantuar risitë më të fundit në teknologjinë mjekësore dhe mjekësinë sportive.

Në këtë konferencë, Rektori Hajrizi së bashku me Prof. Norbert Bachl do të flasin për temën: “Precise preventation in a university campus ecosystem”.

Gjatë vizitës dyditore, Rektori Hajrizi po zhvillon takime me kompani prodhuese dhe partnerë ndërkombëtarë, ndërsa po prezanton zhvillimet e fundit të UBT-së në fushat e mjekësisë sportive, teknologjisë së avancuar dhe integrimit të inteligjencës artificiale në shëndetësi.

Panairi dhe konferenca përfshin tema bashkëkohore si jetëgjatësia, parandalimi përmes aktivitetit fizik, biohacking, inovacionet digjitale dhe terapitë moderne në sport, duke e kthyer MEDICA-n në një platformën globale.

Continue Reading

lajme

Ramadan Nishori ndan rrëfimin e tij para studentëve të UBT-së në një takim të mbështetur nga Ambasada e Mbretërisë së Bashkuar

Published

on

Në Parkun Shkencor, Inovativ dhe Teknologjik të UBT-së, Qendra Kosovare për Rehabilitimin e Mbijetuarve të Torturës (QKRMT) në bashkëpunim me UBT, organizoi një takim të veçantë me studentë, i cili u fokusua në prezantimin e librit me rëndësi të madhe dokumentuese “Zëra të Padegjura – rrëfimet e burrave mbi tejkalimin e dhunës seksuale në luftë”.

Gjatë këtij aktiviteti, studentët u njohën nga afër me rrëfimin e Ramadan Nishorit, i cili njihet si i mbijetuari i parë burrë që ka folur publikisht për përvojën e tij dhe që ka ndarë historinë personale në librin “Përtej Dhimbjes, Drejt Guximit”. Ai tregoi rrugëtimin e tij nga plagët e së kaluarës drejt forcës, shërimit dhe shpresës, duke sjellë një perspektivë të rëndësishme mbi stigmat që shpesh e shoqërojnë këtë temë.

Diskutimi u përqendrua në rëndësinë e dokumentimit të përvojave të të mbijetuarve, si një mënyrë e domosdoshme për të ruajtur kujtesën historike, për të ndriçuar të vërtetën dhe për t’i dhënë zë atyre që për dekada janë mbajtur në heshtje. Studentët patën mundësinë të kuptojnë më thellë dimensionet emocionale, sociale dhe njerëzore të këtyre rrëfimeve.

Aktiviteti u mbështet nga Ambasada e Mbretërisë së Bashkuar, duke dëshmuar rëndësinë ndërkombëtare të përpjekjeve për adresimin e traumave të luftës dhe mbështetjen e të mbijetuarve.

Continue Reading

Lajmet

Art, media dhe kujtesa historike: Vizita e studentëve të UBT-së në Reporting House

Published

on

Studentët e programit Art dhe Media Digjitale të UBT-së u mirëpritën në Reporting House, të shoqëruar nga profesori dhe njëkohësisht kuratori i kësaj ekspozite, Gazmend Ejupi. Ky aktivitet pati për qëllim t’u ofrojë studentëve një përvojë të thellë praktike dhe njohuri të drejtpërdrejta mbi mënyrën se si artit bashkëkohor mund t’i shërbejë gazetarisë dhe dokumentimit historik.

Gjatë vizitës, studentët patën mundësinë të eksploronin ekspozitat dhe të njiheshin me rrëfimin e historisë së Kosovës gjatë viteve 1989–1999, i paraqitur nëpërmjet instalacioneve artistike, videove dokumentare dhe formateve vizuale kreative.

Pika kryesore e diskutimit ishte roli i artit si mjet për reflektim shoqëror dhe dokumentim historik, duke u fokusuar në mënyrën se si ekspozitat dhe instalacionet bashkëkohore mund të bëjnë historinë më të prekshme dhe të kuptueshme për publikun e sotëm.

Studentët shprehën interes dhe kuriozitet të veçantë për procesin krijues pas secilit projekt dhe diskutuan për sfidat që paraqet përcjellja e historive të ndërlikuara përmes artit dhe mediave digjitale.

Vizita theksoi gjithashtu rëndësinë e bashkëpunimit ndërmjet artistëve dhe gazetarëve, dhe mënyrën se si kjo bashkëpunim mund të sjellë perspektiva të reja për edukimin dhe ndërgjegjësimin publik.

Continue Reading

Lajmet nga UBT

Nga klasa në praktikë! Studentët e drejtimit Media dhe Komunikim vizitojnë shtypshkronjën e UBT-së

Published

on

Studentët e vitit të parë të drejtimit Media dhe Komunikim, pasi kanë përjetuar atmosferën në “Radio Kampus”, në “Media Grupin”, ku punohet me shumë entuziazëm e përkushtim të pashoq, sepse aty përjetohet lajmi, kronika, dhe gjithçka që duhet të dijnë e kuptojnë studentët për format e komunikimit, të mërkurën kanë realizuar edhe një vizitë tjetër.

Ata zhvilluan një vizitë në shtypshkronjën e UBT-së, ku mes tjerash bashkë me mentoren, Albina Zeneli patën mundësinë të njihen nga afër me proceset e printimit dhe prodhimit të materialeve të ndryshme mediale.

Vizita u fokusua në teknologjitë moderne të shtypshkronjës, mënyrat e përgatitjes së përmbajtjeve për botim dhe menaxhimin e procesit të prodhimit të materialeve të shtypura.

 

Aty i priti stafi i mrekullueshëm i UBT-së, që nuk hezituan të ju shpjegonin më në detaje punën që zhvillohet, në këtë vend kaq me rëndësi.

Një detaj i rëndësishëm ishte edhe mundësia për t’u njohur me mënyrën e punës dhe teknologjitë që përdoren në shtypshkronjën e UBT-së.

Studentët patën mundësinë të njihen me procedurat e botimit të materialeve të ndryshme, nga gazeta dhe revista, deri te botimet akademike, siç janë librat e profesorëve të UBT-së.

Ndryshe, ky aktivitet ju ofroi studentëve një përvojë praktike, duke lidhur teorinë e mësuar në klasë me realitetin profesional. /UBT News/

 

Continue Reading

Të kërkuara