Lajmet nga UBT

UBT dhe Ambasada e Suedisë në Kosovë nisin eventin e përbashkët për të rinjtë “Youth talks”

Pjesë e këtij eventi ishin edhe ambasadori i Suedisë në Kosovë, Jonas Westerlund dhe Rektori i Universitetit për Biznes dhe Teknologji, Prof. Dr. Edmond Hajrizi, teksa e pranishme virtualisht ishte edhe eurodeputetja suedeze, Arba Kokalari.

Published

on

Në Shtëpinë e Evropës në Prishtinë, UBT bëri hapjen e diskutimeve “Youth talks”, me temën: “Kosova, Evropa dhe Federalizmi: Çfarë mund të mësojmë nga njëra – tjetra”, një bashkëpunim i mirëfilltë me Ambasadën e Suedisë në Kosovë, për të sjellë ide dhe mendime kritike rreth problematikave dhe ngjarjeve që na rrethojnë.

Panelistë në këtë event ishin: Robin R. Mudry nga JEF Europe – Young European Federalists, Taulant Ferati si Young European Ambassador dhe Maja Otterstedt nga Ambasada e Suedisë.

Pjesë e këtij eventi ishin edhe ambasadori i Suedisë në Kosovë, Jonas Westerlund dhe Rektori i Universitetit për Biznes dhe Teknologji, Prof. Dr. Edmond Hajrizi, teksa e pranishme virtualisht ishte edhe eurodeputetja suedeze, Arba Kokalari.

Rektori Hajrizi falënderoi të pranishmit për pjesëmarrje në këtë ngjarje të rëndësishme, teksa konsideroi të nevojshme zhvillimin e diskutimeve për tema të ndryshme me të rinjtë, dhe studentët.

“E konsiderojmë si shumë të rëndësishme diskutimin me të rinjtë, studentët dhe gjeneratat e reja për tema të ndryshme, pasi që ata janë personat kyç që do të bëjnë ndryshimet e mëdha në të ardhmen. Falënderojë përzemërsisht Ambasadën e Suedisë në Kosovë dhe Shtëpinë e Evropës për bashkëpunimin drejt kësaj nisme që mendojmë se do të sjell diskutime të frytshme për temat që e preokupojnë shoqërinë tonë”, tha rektori Hajrizi.

Ambasadori i Suedisë në Kosovë, Jonas Westerlund shprehu falënderimet e tij të përzemërta për gatishmërinë për të organizuar ngjarje të tilla me rëndësi për shoqërinë në Kosovë.

“Targeti i Suedisë janë të rinjtë, me ç’rast Kosova ka një përparësi meqenëse ka mbi 50 për qind të popullsisë rini, gjë që është një e veçantë që duan ta kenë të gjithë”, potencoi ambasadori Westerlund.

Robin Mudry nga JEF Europe – Young European Federalists theksoi rëndësinë e zgjerimit të Bashkimit Evropian, ku potencoi se Kosova patjetër duhet të jetë pjesë, teksa përmendi përvojën e udhëtimit të tij nga Praga për në Kosovë.

Në kuadër të këtij eventi, panelistët diskutuan tema të ndryshme, që nga edukimi, arsimimi, shkëmbimi i kulturave të ndryshme mes të rinjve e deri te politikat publike, për të cilat u dakorduan se duhet më tepër angazhim dhe vetëdijesim për të pasur zgjidhje të problemeve që preokupojnë shoqëritë.

Aktualitet

UBT përgatit liderët e së ardhmes në energji: Edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin Inxhinieri e Energjisë, një ndër drejtimet më inovative dhe më me perspektivë për të ardhmen.

Ky program synon të përgatisë profesionistë të aftë të kombinojnë energjitë tradicionale dhe burimet e rinovueshme, të përdorin teknologjitë më të fundit dhe të menaxhojnë në mënyrë efikase resurset energjetike, duke kontribuar në ndërtimin e një të ardhmeje të gjelbër dhe të qëndrueshme.

Të gjithë të interesuarit që regjistrohen përfitojnë nga bursa 20%, një lehtësim i rëndësishëm për të rinjtë që duan të jenë pjesë e gjeneratës së re që transformon industrinë energjetike.

Falë qasjes moderne të mësimdhënies, laboratorëve të pajisur me teknologjitë më të reja dhe stafit akademik me përvojë, studentët e UBT-së jo vetëm që fitojnë njohuri teorike, por edhe aftësi praktike që i bëjnë të kërkuar në tregun vendor dhe ndërkombëtar të punës.

Regjistrimi bëhet thjeshtë dhe shpejt përmes linkut: APLIKO TANI ONLINE!

Continue Reading

Aktualitet

UBT International Smart Schools gati për të nisur një vit të ri shkollor – edhe pak ditë për regjistrime

Published

on

UBT International Smart Schools janë në prag të fillimit të një viti të ri shkollor, i cili premton të sjellë mundësi të shumta për zhvillim akademik dhe personal për nxënësit.

Stafi pedagogjik ka përfunduar me sukses planifikimet dhe organizimin e leksioneve, duke përfshirë edhe risi në programe, të cilat janë përshtatur për të plotësuar nevojat e çdo nxënësi. Ambientet shkollore janë përgatitur për të ofruar kushte moderne mësimore, me laboratorë, bibliotekë dhe hapësira të pajisura me teknologjinë më të re.

Në këtë kuadër, Rektori i UBT-së, Prof. Dr. Edmond Hajrizi, theksoi rëndësinë që ka fillimi i vitit shkollor për institucionin:

“UBT ka ndërtuar një sistem arsimor të integruar, që nga shkollat fillore e deri në nivelin universitar, për t’i ofruar gjeneratave të reja një edukim cilësor, bashkëkohor dhe të krahasueshëm me standardet më të larta ndërkombëtare. Ky vit shkollor do të jetë një mundësi e re për nxënësit tanë që të zhvillojnë njohuri, shkathtësi dhe aftësi që i përgatisin për të ardhmen”.

Në nivelet që nisin vitin e ri shkollor përfshihen:

Niveli i mesëm i ulët: Shkolla Fillore dhe e Mesme e Ulët UBT

Niveli i mesëm i lartë: Gjimnazi Natyror, Gjimnazi Gjuhësor, Shkolla e Mesme e Teknologjisë Informative dhe Elektroteknike, Asistent Dentar, Teknik të Optikës, Bashkëpunëtor Profesional i Infermierisë, Teknik i Farmacisë dhe Teknik i Laboratorit Mjekësor.

Drejtoresha e UBT International Smart Schools, Hajrije Devetaku – Gojani, nënvizoi përkushtimin e stafit për të krijuar një mjedis gjithëpërfshirës për nxënësit:

“Ne synojmë që çdo nxënës të ndihet i mbështetur dhe i motivuar. Përveç mësimit cilësor, ofrojmë aktivitete të shumta ekstrakurrikulare – nga sporti, arti e deri te klubet e veçanta – në mënyrë që të zhvillojmë talentet dhe aftësitë e tyre në mënyrë të plotë”.

Me përgatitjet e përfunduara dhe vetëm pak ditë deri në mbylljen e regjistrimeve, UBT International Smart Schools i fton të gjithë prindërit dhe nxënësit të bëhen pjesë e këtij rrugëtimi të ri akademik.

Continue Reading

Aktualitet

Studentët e Muzikës në UBT dhe profesori Blerim Emerllahu marrin pjesë në edicionin e 9-të të Festivalit të Klarinetës në Poloni

Published

on

Tre studentë të Fakultetit Muzika Moderne, Prodhimi Digjital dhe Menaxhmenti në UBT, Leona Ferati, Rinor Hasimi dhe Sunaj Qerimi, se bashku me profesorin Blerim Emërllahu, patën mundësinë të përfaqësojnë Kosovën në edicionin e 9-të të Festivalit Ndërkombëtar të Klarinetës, në Rubnej të Polonisë, një nga aktivitetet më të rëndësishme në skenën evropiane të muzikës klasike.

Gjatë festivalit, studentët ndoqën ligjërata të nivelit të lartë nga profesorë dhe artistë të njohur ndërkombëtarisht, bashkëpunuan me solistë të famshëm dhe interpretuan në koncertet kryesore së bashku me studentë nga e gjithë Evropa. Kjo përvojë u ofroi mundësinë të thellojnë njohuritë teknike, të rrisin aftësitë interpretative dhe të krijojnë kontakte profesionale me artistë ndërkombëtarë.

Në këtë edicion mori pjesë edhe Prof. Blerim Emerllahu si solist dhe ligjërues, duke ofruar mbështetje dhe mentorim për studentët gjatë aktiviteteve të festivalit.

Ky përfaqësim i studentëve tregon qartë se UBT vazhdon të promovojë talentin dhe ekselencën artistike në arenën ndërkombëtare, duke kontribuar në zhvillimin profesional të studentëve dhe rritjen e prezencës së universitetit në evente prestigjioze kulturore.

Continue Reading

Aktualitet

UBT – Pionier i Mekatronikës në rajon: Masteri që siguron aftësi dhe punësim

Published

on

UBT është pionier në fushën e mekatronikës në rajon, duke sjellë një program master që përveç diplomës që njihet ndërkombëtarisht, të ofron edhe mbështetje dhe punësim të garantuar.

Ky program ndërthur në mënyrë unike mekanikën, elektronikën, automatizimin dhe programimin, duke i dhënë studentëve aftësitë për të projektuar, ndërtuar dhe optimizuar sistemet më të avancuara teknologjike.

Në laboratorët modernë të UBT-së, studentët punojnë drejtpërdrejt me:

  • Robotë industrialë që përdoren nga kompanitë më të mëdha në botë
  • Sisteme të automatizuara që rrisin efikasitetin në prodhim
  • Teknologji të prodhimit inteligjent që përputhen me standardet e Industrisë 4.0

Ky master përgatit inxhinierë që janë në gjendje të:

  • Projektojnë dhe mirëmbajnë makineri të avancuara
  • Zhvillojnë robotë autonomë për industri të ndryshme
  • Integrojnë sisteme të kontrollit që optimizojnë prodhimin dhe shërbimet
  • Aplikojnë inteligjencën artificiale në automatizim

Me kërkesën globale për profesionistë të kësaj fushe që rritet çdo vit, studentët e diplomuar në Mekatronikë nga UBT janë të gatshëm të punojnë kudo – nga kompanitë vendore inovative te korporatat ndërkombëtare.

APLIKO TANI ONLINE!

Continue Reading

Të kërkuara