Lajmet

Shkollat e UBT-së hapin dyert për vitin e ri shkollor 2024/25

Published

6 months ago

September 2, 2024

Betim Gashi

Shkolla Fillore dhe e Mesme e Ulët UBT dhe Shkollat e Mesme të UBT-së, kanë hapur dyert për vitin e ri shkollor 2024/25 në një ceremoni mbresëlënëse që bashkoi prindër, nxënës dhe staf. Ngjarja e mbajtur në ambientet moderne të kampusit shënoi fillimin e një periudhe të re arsimore dhe ofroi një mundësi për të gjithë të njohin infrastruktura të avancuara dhe mundësi të reja për zhvillim akademik.

Në këtë ngjarje të veçantë, prindërit patën mundësinë të shqyrtojnë hapësirat e reja dhe të takohen me mësuesit e rinj që do të udhëheqin nxënësit gjatë këtij viti. Ceremonia përfshinte fjalime inkurajuese nga drejtuesit e shkollës.

Rektori i UBT-së, Prof. Dr. Edmond Hajrizi, përshëndeti të pranishmit dhe shprehu kënaqësinë dhe përkushtimin për ofrimin e një ambienti modern dhe stimulues që do të ndihmojë nxënësit të arrijnë potencialin e tyre të plotë. Hajrizi uroi gjithashtu një vit të suksesshëm dhe produktiv për të gjithë pjesëmarrësit.

“Në fillim të këtij viti të ri shkollor 2024/25, është një kënaqësi e madhe për ne të shohim të gjitha Shkollat e UBT-së të mbushura me energji dhe entuziazëm. Ne mirëpresim me gëzim qindra nxënës të rinj që do të nisin rrugëtimin e tyre arsimor në ambientet tona të mrekullueshme. Me përkushtimin e jashtëzakonshëm të stafit tonë mësimdhënës dhe përkushtimin ndaj infrastruktures moderne, Shkolla Fillore dhe e Mesme e Ulët UBT, si dhe Shkollat e Mesme të UBT-së, janë të gatshme të ofrojnë një vit të mbushur me mundësi të reja, risi dhe përvojë të pasur arsimore. Kjo zgjedhje është një dëshmi e besimit tuaj në vizionin tonë për një edukim të cilësisë së lartë, ndërtuar mbi vlera akademike dhe njerëzore të patundura. Në këtë rrugëtim të përbashkët, ne do të punojmë për të ndërtuar një të ardhme të ndritur për çdo fëmijë këtu, duke u ofruar atyre jo vetëm dije, por edhe përgatitje për çdo hap të jetës së tyre”, u shpreh rektori Hajrizi.

Drejtoresha e shkollave të UBT-së, Hajrije Devetaku, gjithashtu shprehu entuziazmin për fillimin e këtij viti shkollor dhe theksoi rëndësinë e bashkëpunimit ndërmjet prindërve, nxënësve dhe stafit për arritjen e rezultateve të shkëlqyera. Devetaku inkurajoi të gjithë të shfrytëzojnë mundësitë që ofron kampusi dhe të angazhohen në çdo aspekt të përvojës edukative.

“Bashkëpunimi është thelbësor për suksesin e çdo komuniteti edukativ. Për të arritur qëllimet tona të përbashkëta, është e nevojshme që të krijojmë një partneritet të fortë dhe të ndërsjellë. Ne, si shkollë, angazhohemi për të ofruar një edukim cilësor dhe për të siguruar që çdo nxënës të ndjehet i mbështetur dhe i inkurajuar për të arritur potencialin e tij të plotë. Në këtë vit shkollor, le të angazhohemi të gjithë për të ndihmuar në krijimin e një mjedisi të tillë. Bashkë, mund të ndërtojmë një shkollë ku çdo individ ndjehet i sigurt, i motivuar dhe i përfshirë. Të punojmë së bashku për të arritur qëllimet tona dhe për të siguruar që çdo fëmijë të ketë mundësinë për të arritur më të mirën”, theksoi Devetaku.

Ngjarja përfundoi me një atmosferë festive dhe me pritshmëri të larta për vitin e ri shkollor. Ku kujdestarët e klasave së bashku me nxënësit filluan orën e parë të mësimit, që kishte për qëllim njohjen dhe programin që ofron shkolla.

Shkollat e UBT-së, janë të gatshme të ofrojnë një ambient të jashtëzakonshëm për të mbështetur zhvillimin akademik dhe personal të çdo nxënësi./UBTNews/

Up Next

UNRWA thotë se fëmijët në Gaza po “privohen” nga mësimi

Don't Miss

Polonia del me paralajmërim për raketat ruse mbi Ukrainë

Bota

Ish-udhëheqësi i Hezbollah do të varroset të dielën

Published

1 day ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

1 day ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

1 day ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.