Sport
U largua nga Barcelona me lot në sy, buzëqesh në PSG
Lionel Messi i tha CNN-it se Paris Saint-Germaini është vendi ideal për të për ta fituar Ligën e Kampionëve edhe njëherë.
Superylli argjentinas nënshkroi një marrëveshje dyvjeçare me klubin francez të martën. Messi tha se ambiciet e tij dhe të klubit francez përputhen.
“Jam i vetëdijshëm për bagazhin tim profesional dhe objektivat që i ka ky klub – të luftojmë për të fituar Ligën e Kampionëve, dhe ky klub ishte gati që ta arrinte këtë vitet e fundit”, deklaroi ai.
“Në nivelin personal, do të doja të triumfoja edhe njëherë në Ligën e Kampionëve, ashtu siç kam thënë edhe më herët, dhe mendoj se kam ardhur në vendin ideal që është gati për këtë. Ndajmë qëllimet e njëjta. Ka lojtarë të shkëlqyer, është skuadra më e mirë në botë, dhe shpresoj që do ta arrijmë këtë meqë Parisi e do këtë shumë”, deklaroi ai më tej.
Vetëm disa ditë më parë, Messi shpërtheu në lot gjatë një konference lamtumire në Barcelonë, klubi në të cilin ai kaloi në futbollin evropian dhe lulëzoi.
Gjatë kohës sa ishte me gjigantët katalanas, Messi fitoi dhjetë tituj të ligës spanjolle, si dhe gjashtë Topa të Artë.
Edhe pse e pranoi në konferencë për shtyp se largimi nga Barcelona ishte vendim “shumë i vështirë”, ai gjithashtu tha se është “shumë i lumtur” në klubin e tij të ri dhe mezi pret të ardhmen.
“E vërteta është, e kam të vështirë ta përshkruajë me fjalë çfarë përjetova këtë javë. Ishte shumë e vështirë ajo çfarë ndodhi me Barcelonën – t’i them lamtumirë klubit ku isha gjithë jetën time. Dhe pas tri ditësh – pa e harruar çfarë ka ndodhur – gjithçka ndryshoi. Kisha shumë dyshime, bëhesha nervoz, pritshmëri se kjo do të ndodhte dhe… shumë i entuziazmuar për të filluar”, deklaroi ai.
“Ishte pritje e veçantë nga njerëzit që dolën rrugëve. Jam shumë i lumtur për ta filluar këtë epokë dhe jam i gatshëm ta fillojë jetën time këtu në Paris”, shtoi ai.
Pas largimit nga Barcelona, Messi pranoi se miqtë e tij në PSG – ish-shoku i tij i Barcelonës, Neymar, argjentinasi Angel Di María dhe Leandro Paredes – i ndihmuan atij rreth vendimit për të ardhur në “Qytetin e Dritave”./UBTNews
Sport
FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi
Metabolizëm i ngadaltë, si t’i dalloni simptomat
Profesorët e UBT-së kontribuojnë në ndërtimin e paqës së qëndrueshme
Zyrtare: Ferizaj përforcohet në qendër të mbrojtjes, prezantojnë Ardit Iljazin
Mbyllet me sukses Java e Dizajnit në UBT – prezantohen koleksione me vlera artistike dhe kulturore
Aktori Christian Bale duket thuajse i panjohur rrugëve të Atlantas, teksa po xhiron filmin e ri
Jackie Chan: Mësova anglisht përmes muzikës ‘country’ pasi u zhvendos në SHBA!
Bill Gates do të dhurojë 99% të pasurisë së tij për Afrikën
FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi
Ardian Ismajli mund t’i bashkohet Rashicës te Besiktasi?
-
Lajmet nga UBT1 month agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months agoStudentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 days agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Kulturë2 months agoShkëlqeu me rolin e tij në ‘Kontesha Arduini’, intervistë me Mirsad Ferati