Një tërmet me magnitudë 4.0 goditi zonën Campi Flegrei pranë Napolit në Itali në orën 13:46 të së premtes, ndërsa vazhdoi një valë shqetësuese e aktivitetit sizmik në kalderën vullkanike.

Tërmeti, i cili goditi në një thellësi prej katër kilometrash, është ndjerë në disa rrethe të Napolit.

Zona Campi Flegrei aktualisht është duke u prekur nga “bradyseizmi”, ose ngritja e tokës, dhe ka pasur një sërë tërmetesh atje muajt e fundit.

Departamenti i Mbrojtjes Civile tha se nuk kishte raporte fillestare për dëme nga tërmeti i së premtes.

Ministri i Mbrojtjes Civile Nello Musumeci ka emëruar një komisioner të posaçëm për zonën e Campi Flegrei për t’u kujdesur për masat parandaluese të rrezikut.

Ministri është ankuar sesi ishte lejuar zhvillimi urban në këtë zonë.

“U autorizua zhvillimi urban i paarsyeshëm, kaotik dhe i rastësishëm dhe nuk u morën parasysh asnjëherë rreziqet e afërta në zonë. Ata që duhej të mbikëqyrnin nuk e bënë këtë”, tha ai.

Partia Demokratike e Kosovës ka dënuar ashpër aktin e mbrëmshëm të djegies së dy veturave zyrtare të komunës së Zveçanit në vendparkimin e objektit të komunës.

“PDK u bën thirrje institucioneve të sigurisë dhe drejtësisë ta hetojnë dhe ta zbardhin sa më parë këtë rast, si dhe të angazhohen në parandalimin e akteve të tilla të mundshme. Rritja e interesimit të qytetarëve serbë që jetojnë në Komunën e Zveçanit për të drejtuar dhe shprehur nevojat e tyre ndaj komunës, si duket po i pengon grupet kriminale. Kryetari i komunës, Ilir Peci dhe ekipi i tij mbeten të përkushtuar në kryerjen e detyrave dhe obligimeve të tyre në shërbim të të gjithë qytetarëve pa dallim”, thuhet në komunikatë të PDK-së.

Partia Demokratike e Kosovës kërkon nga organet e rendit t’i ofrojnë mbrojtje dhe të garantojnë sigurinë e kryetarit dhe zyrtarëve tjerë të komunës së Zveçanit.

Presidenti francez, Emmanuel Macron ka kërkuar “armëpushim të menjëhershëm” në Gaza, sipas një njoftimi për shtyp nga Pallati Elysee. Njoftimi u publikua në periudhën kur ai e priti në pallat presidentin izraelit, Isaac Herzog, vetëm pak orë para fillimit të ceremonisë së hapjes së Lojërave Olimpike Paris 2024.

Për shkak të përshkallëzimit të luftës në Gaza, pjesëmarrja e ekipit izraelit ka qenë temë diskutimi brenda komunitetit pro-palestinez.

“Përballë numrit të madh të viktimave në mesin e popullsisë civile të Gazës dhe situatës së paqëndrueshme humanitare, presidenti bën thirrje për armëpushim të menjëhershëm, i cili mundëson lirimin e të gjitha pengjeve të Hamasit, përfshirë edhe dy bashkatdhetarët tanë, si dhe shpërndarjen e ndihmave mjekësore dhe humanitare”, thuhet në njoftimin për shtyp./UBTNews/

Rritja e pagave të kryeministrit kroat, Andrej Plenkoviq, presidentit Zoran Milanoviq, ministrave dhe zyrtarëve të tjerë shtetërorë është e papranuar në masë të madhe nga publiku.

Në sondazhin e Index.hr kanë votuar mbi 29 mijë lexues, prej të cilëve 58 për qind besojnë se nuk i meritojnë as rrogat që kanë pasur deri më tani, 16 për qind besojnë se duhet të marrin rritje, por më pak se ajo e paralajmëruar, 16 për qind që meritojnë.

Sipas llogaritjeve, paga e Plenkoviq duhet të rritet në 5.534 euro neto, që është 2.274 euro më shumë se tani. Kjo është 1.7 herë më shumë se paga mesatare neto aktuale në Kroaci – kryeministri do të merr një rritje në shumën e të gjithë pagës mesatare neto plus 950 euro shtesë. Kjo do ta bëjë atë një nga kryeministrat më të paguar në vendet e BE-së me të njëjtin standard.

Duke parë shumën neto, paga e Plenkoviq ishte 2.46 herë më e lartë se paga mesatare në Kroaci për prill 2024. Tani do të jetë më shumë se katër herë më i madh (4.16 herë). Kjo do ta “shtyjë” atë në shkallë – do të jetë një nga kryeministrat më të paguar në vendet e BE-së me të njëjtin standard.

Pagën më të lartë e ka kryeministri hungarez Viktor Orban, bruto 16 mijë euro në muaj. Pasojnë kryeministri i Sllovakisë Robert Fico (11 mijë) dhe Petr Fiala i Çekisë (10.8 mijë).

Me rritjen e re të pagave, Plenkoviq do të bëhet një nga më të paguarit, pas tre të listuarve, me një pagë totale në shumën bruto 9.367 euro. Ajo kapërcen kryeministrat e Estonisë, Letonisë, Lituanisë, Italisë dhe kryeministrat e Greqisë, Polonisë, Sllovenisë dhe Rumanisë.

Me një pagë mujore bruto 4.646 euro, ai tashmë paguhet më pak se ata, por rritja e dukshme e “ngre” në vendin e katërt mes vendeve të vëzhguara të një standardi të ngjashëm.

Krahasuar me pagën mesatare mujore bruto, të gjitha shtetet ku kryeministrat kanë paga më të ulëta kanë një pagë mesatare kombëtare më të lartë. Përjashtim bëjnë Letonia dhe Greqia. Në fakt, Viktor Orban në Hungari dhe Robert Fico në Sllovaki kanë pagat më të larta, megjithëse vendet e tyre nuk janë aspak afër majës për sa i përket pagës mesatare.

Nëse pagat e kryeministrave do të përcaktoheshin sipas pagave mesatare, atëherë Giorgia Meloni në Itali, Robert Golob në Slloveni, Ingrida Shimonyta në Lituani dhe Kaja Kellas në Estoni do të ishin më të paguarat.

Kryeministri i Polonisë do të ketë 3.557 euro më pak pagë bruto se Plenkoviq. Herën e fundit që Polonia rriti pagat e kryeministrit dhe ministrave në vitin 2021, me 40 për qind.

Italia është shumë më e zhvilluar se Kroacia, megjithëse ka mbetur prapa në disa fusha. Është në 101 për qind të mesatares së BE-së për sa i përket bruto prodhimit vendor për banor, paga mesatare mujore bruto është 2.479 euro, por shkalla e rrezikut të varfërisë dhe papunësia janë disi më të larta.

Kryeministrja italiane Meloni do të ketë një pagë bruto 1.117 euro më pak se Plenkoviq.

Estonia është në krizë prej disa vitesh për shkak të inflacionit të lartë, i cili goditi veçanërisht shtetet baltike. Megjithatë, paga mujore bruto është 2.065 euro, më e lartë se në Kroaci. Kryeministrja estoneze Kaja Kallas ka pagë mujore 8.759 euro bruto.