Një pistoletë me pesë fishekë dhe një thikë janë gjetur dhe konfiskuar gjatë kontrollit të një automjeti në fshatin Zhur të Prizrenit.

Sipas Policisë, në automjet ndodheshin tre të dyshuar meshkuj kosovarë. Të tre janë intervistuar, ndërsa me vendim të prokurorit, dy prej tyre janë arrestuar dhe dërguar në mbajtje. I dyshuari i tretë është liruar në procedurë të rregullt./A.K/

Një burrë kosovar është dërguar në emergjencën e Spitalit Rajonal të Gjakovës, ku mjeku kujdestar ka konstatuar se ishte pa shenja jete.

Rasti është raportuar më 6 shtator në Rahovec. Në vendin e ngjarjes kanë dalë njësitë përkatëse policore, të cilat kanë gjetur dhe konfiskuar prova materiale relevante për rastin. Hetimet po vazhdojnë./A.K/

Një person është arrestuar në Klinë, pasi dyshohet se ka tentuar të kryejë vrasje ndaj një gruaje kosovare, si dhe ka sulmuar fizikisht një viktimë tjetër femër.

Rasti ka ndodhur më 6 shtator rreth orës 18:30. Të dyja viktimat janë dërguar për tretman mjekësor, ndërsa i dyshuari, me vendim të prokurorit, është dërguar në repartin e psikiatrisë nën mbikëqyrjen e Policisë./A.K/

Një këmbësor, shtetas i huaj, është lënduar pasi dyshohet se është goditur nga një automjet në rrugën “Epiri” në Prishtinë.

Sipas Policisë, aksidenti ka ndodhur më 6 shtator rreth orës 13:50, ndërsa automjeti drejtohej nga një mashkull kosovar. I lënduari ka pranuar tretman mjekësor, ndërsa rasti po hetohet./A.K/