Lajmet

Turqia kërcënon me luftë!

Published

6 years ago

on

Një zgjerim i mundshëm i ujërave territoriale greke përgjatë kufirit detar me Turqinë do të ishte një arsye për luftë, tha ministri i Jashtëm turk Mevlüt Çavusoglu.

“Ne nuk do të lejojmë që Greqia të zgjerojë ujërat e saj territoriale në Detin Egje në 12 milje,” u citua Çavusoglu nga Daily Sabah.

Paralajmërimi erdhi pasi kryeministri grek Kyriakos Mitsotakis njoftoi javën e kaluar se ujërat territoriale greke në Detin Jon, drejt Italisë, do të zgjeroheshin nga gjashtë në 12 milje.

Turqia dhe Greqia kanë gjashtë milje det territorial në Detin Egje, ku një numër i madh i ishujve grekë ndodhen jo shumë larg bregdetit turk.

Greqia dhe Turqia, të dy anëtarë të NATO-s, kanë debatuar ditët e fundit rreth planeve turke për kërkime në Mesdheun lindor, i cili besohet të jetë i pasur me naftë dhe gaz.

Related Topics:
Continue Reading

Lajmet

Peja Outdoor Festival nis me aktivitete sportive dhe mjedisore

Published

8 seconds ago

on

June 11, 2026

By

Peja Outdoor Festival ka nisur sot programin e tij me aktivitete të ndryshme në hapësirat publike të qytetit, duke sjellë një ditë të dedikuar sportit, mjedisit dhe atmosferës festive.

Sipas organizatorëve, aktivitetet kanë filluar me mbjelljen e drunjve në qytet, një nismë që synon promovimin e kujdesit ndaj mjedisit dhe zgjerimin e hapësirave të gjelbra urbane.

Programi vazhdon me vrapim rekreativ përgjatë lumit Lumbardhi i Pejës, ku qytetarë dhe pjesëmarrës të shumtë pritet t’i bashkohen aktivitetit sportiv dhe komunitar.

Dita do të përmbyllet me hapjen zyrtare të festivalit, e cila nis në orën 20:30, ku pritet një program festiv dhe pjesëmarrje e gjerë e qytetarëve dhe vizitorëve.

Organizatorët kanë ftuar të gjithë qytetarët të bëhen pjesë e aktiviteteve, duke theksuar se festivali synon të promovojë jetën aktive, aventurën dhe turizmin në natyrë./A.K/

Continue Reading

Lajmet

Russell Crowe luan rolin e një shqiptaro-amerikani në filmin e ri “The Get Out”

Published

1 hour ago

on

June 11, 2026

By

Aktori i njohur Russell Crowe do të luajë rolin kryesor në filmin e ri kriminal “The Get Out”, ku interpreton Marco Kapak, një emigrant shqiptaro-amerikan.

Në film, personazhi i tij drejton një klub nate të suksesshëm në Los Angeles, por fshehurazi është i përfshirë në pastrim parash për një kartel droge. Pas një sulmi në zemër, ai vendos të largohet nga bota kriminale dhe të shesë klubin, por përfundon i përfshirë në një rrjet të rrezikshëm dhune dhe kërcënimesh.

Në kastin e filmit bëjnë pjesë edhe Luke Evans, Teresa Palmer, Aaron Paul dhe Nina Dobrev.

“The Get Out” paraqitet si një thriller i errët dhe plot tension, ku përplasja mes krimit dhe përpjekjes për shpëtim personal është në qendër të historisë./A.K/

Burimi: Collider

Continue Reading

Lajmet

Filmi “Michael” kalon 900 milionë dollarë të ardhura në kinematë botërore

Published

1 hour ago

on

June 11, 2026

By

Filmi biografik “Michael”, i bazuar në jetën e legjendës së muzikës Michael Jackson, ka shënuar sukses të madh në kinematë botërore, duke kaluar shifrën prej 900 milionë dollarësh të ardhura globale.

Që nga premiera më 24 prill, filmi ka dominuar box office-in ndërkombëtar dhe është shndërruar në projektin më fitimprurës në historinë e studios Lionsgate.

Nën regjinë e Antoine Fuqua, filmi rrëfen jetën dhe karrierën e Michael Jacksonit, nga vitet e tij me grupin The Jackson 5 deri te ngritja si “Mbreti i Popit”. Rolin kryesor e interpreton Jaafar Jackson, ndërsa në kast bëjnë pjesë edhe Colman Domingo dhe Nia Long.

“Michael” po konsiderohet një nga biografitë muzikore më të suksesshme të viteve të fundit, duke dëshmuar se trashëgimia artistike e Michael Jackson vazhdon të tërheqë miliona fansa në mbarë botën./A.K/

Burimi: CNN

Continue Reading

Lajmet

Pesë filma nga Kosova në Festivalin Ndërkombëtar të Filmit “Al Este – San Marcos” në Peru

Published

1 hour ago

on

June 11, 2026

By

Republika e Kosovës do të marrë pjesë në edicionin e 17-të të Festivalit Ndërkombëtar të Filmit “Al Este -San Marcos”, i cili do të mbahet nga 18 deri më 28 qershor në Lima dhe qytete të tjera të Perusë.

Kosova do të përfaqësohet me pesë produksione filmike që pasqyrojnë krijimtarinë dhe zërin bashkëkohor të kinematografisë kosovare.

Filmi “HANA”, me regji të Ujkan Hysajt, është përzgjedhur në programin zyrtar garues të festivalit. Po ashtu do të shfaqet edhe filmi “The Beauty of the Donkey”, me regji të Dea Gjinovcit.

Në program janë përfshirë edhe filmat e shkurtër “SOS” nga Anita Morina, “Keep Going” nga Valmira Hyseni dhe “Sytë e Bernës” nga Ermal Gerdovci.

Sipas organizatorëve, pjesëmarrja e Kosovës në këtë festival paraqet një mundësi të rëndësishme për promovimin e kulturës dhe kinematografisë kosovare në Amerikën Latine, si dhe për forcimin e bashkëpunimit me institucionet kulturore dhe publikun peruan./A.K/

Continue Reading

Të kërkuara