Shkencëtarët kanë krijuar hartën më të plotë dhe me rezolucion të lartë të gazit të ftohtë në qendër te Rruga e Qumështit, e cila përmban materialin bazë nga i cili formohen yjet dhe planetët. Informacioni nga kjo hartë mund të ndihmojë astronomët të kuptojnë origjinën e sistemit tonë diellor.

Imazhi është rezultat i një përpjekjeje ndërkombëtare katërvjeçare, duke përdorur një nga teleskopët më të fuqishëm në tokë, Atacama Large Millimeter/submillimeter Array (ALMA), një koleksion mbi 50 antenash radio të vendosura në një plato të lartë në Malet Andeane të Kilit.

“Ne kurrë nuk kemi pasur më parë një imazh të asaj që po ndodh në vetë qendrën e galaktikës sonë,” tha Steven Longmore, profesor i astrofizikës në Liverpool John Moores University, i cili udhëhoqi projektin ACES(Atacama Large Millimeter Array Central Molecular Zone Exploration Survey). “Kemi pasur shumë studime të detajuara për zona të vogla, por kjo është hera e parë që kemi një hartë të tërë të gazit të ftohtë në qendrën e galaktikës sonë.”

Observimet e mëparshme të Rrugës së Qumështit ishin si fotografi të bëra në pika të ndryshme të të njëjtës qytet, shpjegoi Longmore. Ky imazh, megjithatë, është si një pamje nga lart e tërë qytetit. “Nuk merrni historinë e plotë të një qyteti pa një hartë totale të tij,” shtoi ai.

Burimi: CNN

1. Filipine – Mango
2. Shtetet e Bashkuara – Boronicë
3. Tajlandë – Durian
4. Kinë – Kivi
5. Pakistan – Mango
6. Meksikë – Avokado
7. Japoni – Hurmë
8. Egjipt – Fiq
9. Koreja e Jugut – Hurmë
10. Iran – Shegë
11. Itali – Fiq
12. Francë – Mollë
13. Australi – Mollë
14. Indonezi – Durian
15. Brazil – Ananas
16. Greqi – Ullinj
17. Sri Lanka – Fruti i xhekut
18. Mbretëria e Bashkuar – Mollë

Aktorja irlandeze Jessie Buckley, e cila është në garë për çmimin Oscar për Aktoren më të Mirë, ka thënë se aktrimi është “si uji për mua”, duke treguar se pasioni për profesionin e saj e ndihmoi të përballojë një çrregullim të të ngrënit dhe depresionin gjatë adoleshencës.

Aktorja 36-vjeçare ka fituar një sërë çmimesh për interpretimin e saj si Agnes Hathaway, bashkëshortja e William Shakespeare, në filmin Hamnet, dhe tani është në mesin e pretendenteve për çmimin prestigjioz të Akademisë.

Buckley, e lindur në Killarney të County Kerry në Irlandë dhe që aktualisht jeton në Norfolk, tha për emisionin e BBC Radio 4, Desert Island Discs, se aktrimi ka qenë “thelbësor” për jetën e saj dhe se e ka ndihmuar shumë edhe në shëndetin mendor.

Përveç zgjedhjes së këngëve të saj të preferuara në emision, ajo foli edhe për pjesëmarrjen në spektaklin e talenteve të BBC-së I’d Do Anything, si dhe vlerësoi nënën e saj, të cilën e quajti “të jashtëzakonshme”.

Buckley, e cila është gjithashtu një këngëtare e nominuar për çmimin Mercury Music Prize, tha se nuk pendohet për vështirësitë që ka kaluar në të kaluarën.

“Nuk dija si të jetoja jetën në mënyrën që doja dhe ishte e vështirë,” tha ajo. “Por nuk pendohem aspak. Mendoj se kam arritur ta transformoj atë përvojë dhe të kuptoj më mirë dobësitë tona si njerëz.”

Ajo shtoi se askush nuk mund të kalojë nëpër jetë pa u prekur nga vështirësitë, por ato mund të shndërrohen në diçka që të bën më njerëzor dhe më të gjallë.

Buckley tregoi se edhe kur u shpërngul në Londër, ende nuk e kishte kaluar plotësisht atë periudhë të vështirë.

“Kishte momente kur mendoja: nëse nuk përmirësohem këtu, përmes muzikës dhe teatrit, nuk do të mund ta bëj më këtë punë dhe ndoshta nuk do të mbijetoj,” tha ajo.

“Por pikërisht kjo më bëri të ndryshoj mënyrën e të menduarit. Mendova: nuk dua ta sakrifikoj këtë, është diçka më e madhe se kaq – dhe arrita ta kapërcej.”

Aktorja tashmë ka fituar një Golden Globe dhe një BAFTA, ndër çmime të tjera, për rolin e saj në Hamnet, i cili bazohet në romanin me të njëjtin titull të autores Maggie O’Farrell.

Ajo tregoi gjithashtu se hera e parë kur doli në skenë ishte një moment vendimtar për të.

“Ishte si të pije ujë,” tha ajo. “Sa më shumë që e bëja, aq më shumë e kuptoja se kjo është diçka thelbësore për mua.”

Burimi: BBC

Gjykimi i rrjetit të spiunazhit në Portland filloi më 13 mars 1961 dhe u bë një nga rastet më të njohura të spiunazhit gjatë Luftës së Ftohtë.Në qendër të këtij skandali ishte një grup prej pesë personash që spiunonin për Bashkimin Sovjetik. Mes tyre ishin edhe Helen dhe Peter Kroger, të cilët u dënuan me burg në vitin 1961 për dërgimin e informacioneve sekrete britanike në Moskë.Ata u liruan nga burgu në vitin 1969, në këmbim të një ligjëruesi britanik që mbahej në Bashkimin Sovjetik. Gazetari i BBC-së, Tom Mangold, raportoi se çifti udhëtoi drejt Polonisë dhe dukej shumë i lumtur pas lirimit.

Spiunët ishin përqendruar te një qendër kërkimore detare në Portland, në jug të Anglisë, ku zhvilloheshin projekte sekrete të Marinës Mbretërore Britanike, sidomos për sistemet kundër nëndetëseve.Dy nga spiunët punonin brenda kësaj qendre. Njëri prej tyre ishte Harry Houghton, ish-oficer i marinës britanike. Ai ishte rekrutuar nga inteligjenca komuniste gjatë kohës kur punonte në Ambasadën Britanike në Poloni.

Pas kthimit në Britani në vitin 1953, ai vazhdoi spiunazhin dhe filloi edhe një lidhje me kolegen e tij Ethel Gee, e cila kishte qasje në dokumente sekrete. Të dy udhëtonin shpesh në Londër për t’i dorëzuar materialet një agjenti të KGB-së.

Sipas dokumenteve të publikuara nga MI5 në vitin 2019, rrjeti mund të ishte zbuluar shumë më herët. Gruaja e Houghton kishte dyshuar për aktivitetet e tij dhe kishte gjetur dokumente të shënuara “top secret” si dhe një kamerë të vogël të fshehur në shtëpi. Megjithatë, dyshimet e saj nuk u morën seriozisht.

Spiunët përdornin kamera shumë të vogla për të fotografuar dokumentet sekrete. Informacioni zvogëlohej në një pikë shumë të vogël filmi dhe mund të fshihej në kartolina ose libra që dërgoheshin në Moskë.

Burimi: BBC