Sport

Tuchelit i buzëqesh fati, kampionët luajnë kundër Lille

Chelsea dhe Lille kanë luajtur dy ndeshje të mëparshme kundër njëri-tjetrit, të dyja në fazën e grupeve të sezonit 2019/20.

Published

5 years ago

December 13, 2021

Betim Gashi

Blutë e Tuchel arritën të shmangin ankthin Bayernin dhe Realin në fazën e 1/8-ve duke bërë që shorti të tregohet bujar dhe duke i vënë përballë francezët e Lille, një nga katër skuadrat më të lehta në letër për këtë fazë me të cilën kishin të drejtë të përballeshin duke njohur rregullat e kompeticionit.

Chelsea dhe Lille kanë luajtur dy ndeshje të mëparshme kundër njëri-tjetrit, të dyja në fazën e grupeve të sezonit 2019/20.

Blutë i fituan të dyja ndeshjet 2-1, me Tammy Abraham dhe Willian që shënuan në ndeshjen në Francë dhe Abraham hapi sërish rezultatin në shtëpi. Cesar Azpilicueta ishte gjithashtu në listëne golashënuesve në “Stamford Bridge”.

Përfshirë edhe këto dy ndeshje, Chelsea ka fituar të katër takimet e fundit me skuadrat franceze në të gjitha garat evropiane.

Vendi

Akil Gjakova mbyll garën pa medalje në Abu Dhabi

Published

20 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

21 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

23 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/