Lajmet

Truss: Kriza e grurit në Ukrainë duhet të zgjidhet brenda muajit për të shmangur pasojat shkatërruese

Truss akuzoi edhe një herë presidentin rus, Vladimir Putin.

Publikuar

2 vjet më parë

më

23 Qershor, 2022

nga

UBT news

Sekretarja e Jashtme e Mbretërisë së Bashkuar, Liz Truss tha sot se është “urgjente” të zgjidhet kriza e grurit në Ukrainë brenda muajit të ardhshëm për të shmangur një rezultat “shkatërrues”.

Duke folur në Ankara së bashku me ministrin e Jashtëm turk, Mevlut Cavusoglu, Truss akuzoi edhe një herë presidentin rus, Vladimir Putin dhe theksoi se nëse kjo situatë e vështirë nuk zgjidhet, ka të ngjarë të çojë në “një uri të madhe në të gjithë globin”.

“Ai [Putini] bllokoi portet ukrainase dhe po ndalon 20 milionë tonë drithë që eksportohen në të gjithë globin, duke e mbajtur botën për shpërblesë”, tha ajo, e cila ndodhet në Turqi për të diskutuar planin për të nxjerrë drithin jashtë, të mbështetur nga Kombet e Bashkuara.

“Ne jemi të qartë se anijet tregtare duhet të kenë kalim të sigurt për të qenë në gjendje të largohen nga portet ukrainase dhe se portet ukrainase duhet të mbrohen nga sulmet ruse”, tha Truss, duke shtuar se “Rusia nuk mund të lejohet të vonojë dhe të pengojë”.

“Ne jemi shumë të qartë se kjo krizë e grurit është urgjente dhe ajo duhet të zgjidhet brenda muajit të ardhshëm, përndryshe mund të shohim pasoja shkatërruese” tha Truss./UBTNews/

EtiketaLiz Truss

E rradhës

Komiteti i urgjencës i OBSh-së mblidhet për linë e majmunëve

Mos e humb

Lekaj: Tërheqja e Trustit është nevojë, nuk është luks

Vazhdo të lexosh

Lajmet

Sot pritet të mbahet takimi i ri në Bruksel për çështjen e dinarit serb në Kosovë

Ky do të jetë takimi i pestë me rradhë mes mes kryenegociatorëve të dy vendeve për çështjen e dinarit serb.

Publikuar

2 minuta më parë

më

25 Prill, 2024

nga

UBTNews

Kryenegociatorët e Kosovës dhe të Serbisë do të mbajnë një takim të ri sot në dialogun për normalizimin e marrëdhenëieve, për të vazhduar përpjekjet për gjetjen e një zgjidhjeje sa i përketë valutës dinar nga Serbia në Kosovë.

Ky do të jetë takimi i pestë me rradhë mes kryenegociatorëve të dy vendeve për çështjen e dinarit serb, përdorimi i të cilit u ndalua në Kosovë në shkurt.

Me rregulloren e re të BQK-s, euroja është caktuar si valuta e vetme në Kosovë për kryerjen e pagesave me para të gatshme që nga 1 shkurti i këtij viti.

Bashkësia ndërkombëtare i ka kërkuar Kosovës ta pezullojë rregulloren, në mënyrë që t’u jepet kohë qytetarëve që të përshtaten me praktikën e re.

Nga ana tjetër Qeveria e Kosovës ka këmbëngulur, është një vendim të pavarur të BQK-së e jo për vendim politik./REL/

Vazhdo të lexosh

Lajmet

Kush fitoi e kush humbi në zgjedhjet në Maqedoninë Veriore?

Siljanovska-Davkova dhe Pendarovski shkojnë në balotazh.

Publikuar

20 minuta më parë

më

25 Prill, 2024

nga

UBTNews

Zgjedhjet Presidenciale në Maqedoninë Veriore do të vazhdojnë në raundin e dytë. Në zgjedhjet që u mbajtën të mërkurën, kandidati shqiptar nga Fronti Evropian, Bujar Osmani, doli i treti, ndërsa kandidati tjetër shqiptar nga koalicioni VLEN u rendit në vendin e katër. Balotazhi do të mbahet mes Siljanovska Davkova dhe Stevo Pendarovski.

Gordana Siljanovska Davkova e mbështetur nga VMRO-DPMNE, dhe Stevo Pendarovski i mbështetur nga LSDM, do të shkojnë në balotazh në zgjedhjet presidenciale në Maqedoninë Veriore.

Siljanovska Davkova, sipas rezultateve fillestare jozyrtare të Komisionit shtetëror zgjedhor nga votat e numëruara, ka fituar 349.746 vota – 40,23 përqind, përderisa Pendarovski 173,612 vota përkatësisht 19,97 përqind.

Në këto zgjedhjet, shqipatër garuan me dy kandidatë, Bujar Osmani nga Fronit Evropian dhe Arben Taravari nga koalicion VLEN.

Osmani nga BDI mori 116.319 vota (13,38), më pas Arben Taravari me 81.671 (13,38).

Ndërsa, Maksim Dimitrievski nga ZNAM me 76.894 (8,85), Biljana Vankovska me 39.660 (4,56) e mbështetur nga E Majta, dhe me më së paku vota është Stevço Jakimovski nga GROM me 7.898 vota.

Çka thanë Osmani e Taravari?

Bujar Osmani pak orë pasi dolën rezultate e para, shpalli fitoren e Frontit Evropian.

Osmani tha se që kanë shënuar fitore pothuajse në çdo komunë, teksa e pati një porosi për kundërshtarin të tij Arben Taravarit nga VLEN.

“Arben pavarësisht goditjeve të ulëta patëm një fushatë të ndershme dhe fer që me dinjitet sot të pranohet humbja dhe poashtu dhe fitorja. Vullneti i popullit është ai që përcakton karierat tona. Duhet të pranojmë këtë vullnet por edhe mesazhin që e dërguan sot shqiptarët dhe gjitha komunitetet tjera.” – ka thënë Osmani.

Nga ana tjetër, Arben Taravari, kandidat i koalicionit VLEN, ka thënë se ‘ata janë fitues të votës shqiptare’.

Kështu tha Taravari në një deklaratë për gazetarë:

“Jemi fitues të votës shqiptare. VLEN është përfaqësues i vetëm në qeverinë e ardhshme. BDI e ka humbur legjitimitetin te shqiptarët prandaj në zgjedhjet e 8 majit ne do të fitojmë. Do ta përmbysim rezultatin që sot BDI e mori me metoda kriminale. Ne treguam që jemi opsion demokratik që respektojmë vlerat evropiane. Me angazhimin e madh për ndryshim do ta kthejmë situatën. BDI arriti ta shkatërrojë mundësinë që presidenti të zgjidhej me zgjedhje të drejtpëdrejta. BDI do të shkruhet me shkronja të zeza në historinë e re politike, si një parti që punon për interesa të saj.” – ka thënë ai.

Këto zgjedhje patën vëmendje të madhe edhe në Kosovë, për shkak se Qeveria e Kosovës bashkë me kryeministrin, Albin Kurti, dolën hapur në përkrahje të kandidatit, Arben Taravari.

Ndaj Kurtit pati shumë kritika për përçarjen e shqiptarëve atje dhe humbjen e një mundësi që presidenti të jetë shqiptar.

Vazhdo të lexosh

Lajmet

Kurti fton mërgatën për pjesëmarrje në regjistrimin e popullsisë

Kurti mori pjesë në panairin “Hannover Messe 2024”.

Publikuar

25 minuta më parë

më

25 Prill, 2024

nga

UBTNews

Gjatë qëndrimit në Hanover të Gjermanisë, kryeministri i Kosovës, Albin Kurti mori pjesë në panairin “Hannover Messe 2024”.

Kurti së bashku me ambasadorin e Kosovës në Gjermani, Faruk Ajeti, ka takuar edhe pjesëtarë të mërgatës atje, me të cilët bisedoi për përfshirjen e tyre në shoqërinë e Kosovës, pjesëmarrjen në regjistrimin e popullsisë, zgjedhjet evropiane në qershor të këtij viti dhe tema tjera me interes.

“Kryeministri Kurti i njoftoi ata për zhvillimet e fundit në vend, dhe me rezultatet e qeverisjes tash më shumë se tri vjet, dhe me politikat sociale dhe zhvillimore të qeverisë, përfshirë ato të punësimit të të rinjve dhe ndërlidhjes së arsimit me tregun e punës frymëzuar nga modelet e arsimit dual që i gjejmë pikërisht në Gjermani, Zvicër e Austri”, thuhet në njoftim të lëshuar nga zyra e kryeministrit.

Kryeministri ftoi edhe inkurajoi mërgatën që të investojnë në Kosovë.

“Atyre që kanë biznese në Gjermani u bëri thirrje që të hapin degë në Kosovë, ku ju ofrohen kushte të favorshme për investime. Në kohën kur po zhvillohet procesi i regjistrimit të popullsisë, ekonomive familjare dhe banesave, kryeministri përfitoi nga rasti për t’ua rikujtuar dhe për t’i ftuar mërgatën që të regjistrohen nëpërmjet platformës online ediaspora.rks-gov.net deri më 17 maj. Ai theksoi se ky proces na mundëson që të dimë se sa e kemi diasporën dhe është përcaktues për politikat zhvillimore të dekadës së ardhshme”, thuhet tutje.

Ndërkaq sa i përket zgjedhjeve evropiane të 9 qershorit, kryeministri porositi të gjithë ata që janë qytetarët të shteteve të Bashkimit Evropian të ushtrojnë të drejtën e tyre për votë dhe të jenë pjesëmarrës në proceset demokratike të vendeve tyre dhe të kontinentit evropian.

Vazhdo të lexosh