Botë

Trump nënshkruan dekretin për krijimin e Rezervës Strategjike të Bitcoin

Published

11 months ago

on

Presidenti i SHBA Donald Trump ka nënshkruar një dekret për krijimin e një rezerve strategjike Bitcoin, tha investitori David Sacks, i cili është shefi i AI dhe kriptomonedhave në Shtëpinë e Bardhë.

“Vetëm pak minuta më parë, Presidenti Trump nënshkroi një Urdhër Ekzekutiv për të krijuar një Rezervë Strategjike Bitcoin”, shkroi ai në rrjetin social X. “Rezerva do të kapitalizohet me Bitcoin në pronësi të qeverisë federale që u konfiskua si pjesë e procedurave penale ose civile të konfiskimit të aseteve. Kjo do të thotë se nuk do t’i kushtojë taksapaguesve asnjë monedhë.”

“Vlerësohet se qeveria amerikane zotëron rreth 200,000 bitcoin; megjithatë, nuk ka pasur kurrë një auditim të plotë,” shtoi ai.

Vlera e Bitcoin (BTC), Ethereum (ETH), Cardano (ADA), Solana (SOL) dhe Ripple (XRP) ra në sfondin e lajmeve.

Deri në orën 3:41 të mëngjesit me orën e Moskës, Bitcoin humbi 4.15%, duke u tregtuar me 86,354 dollarë. Deri në orën 4:04 të mëngjesit me orën e Moskës, ajo vazhdoi rënien, duke humbur 4.89% dhe duke u shitur me 85,724 dollarë.

Bitcoin është një sistem i decentralizuar i kriptomonedhës me të njëjtin emër bazuar në teknologjinë blockchain, i cili mund të minohet nga çdo përdorues – pjesëmarrës në sistem, duke krijuar blloqe të reja të sistemit.

Koncepti u botua në nëntor 2008 nga autori i tij (ndoshta një grup autorësh) me pseudonimin Satoshi Nakamoto. Bitcoin ka arritur kulmin e popullaritetit vetëm vitet e fundit. Emetimi i Bitcoin është i kufizuar nga natyra, dhe shumica e Bitcoin-ve tashmë janë minuar.

Related Topics:
Continue Reading

Botë

Forcat amerikane tërhiqen nga Iraku

Published

15 hours ago

on

January 19, 2026

By

Qeveria e Irakut ka njoftuar se forcat amerikane kishin përfunduar një “tërheqje të plotë” nga objektet ushtarake brenda territorit federal të vendit, gjë që përjashton rajonin gjysmë-autonom të Kurdistanit ku mbeten trupat amerikane.

Ministria e Mbrojtjes e Irakut tha se kontingjenti i fundit i këshilltarëve amerikanë ishte larguar nga Baza Ajrore Al-Asad në provincën Anbar në Irakun perëndimor, e cila priti trupat amerikane për më shumë se dy dekada.

Ushtria amerikane ka qenë duke u tërhequr për disa vite pasi qeveria irakiane bëri thirrje që ta bënte këtë në vitin 2023, shkruan CNN.

Koalicioni i udhëhequr nga SHBA për të luftuar kundër grupit të Shtetit Islamik, u tërhoq gjithashtu nga selia e Komandës së Operacioneve të Përbashkëta, duke i lënë instalimet nën kontrollin e plotë të forcave irakiane të sigurisë, shtoi deklarata e ministrisë.

Por, forcat amerikane ende qëndrojnë në Bazën Ajrore Harir në provincën Erbil, e cila ndodhet në Rajonin e Kurdistanit.

Prania ushtarake amerikane në Irak ka ndryshuar shumë që nga pushtimi i vitit 2003.

Në kulmin e saj, SHBA kishte 170,000 trupa në Irak. Në vitin 2011, ish-presidenti Barack Obama tërhoqi forcat amerikane nga vendi.

Rreth 5,000 trupa u vendosën në vend në vitin 2014 me kërkesë të qeverisë irakiane, e cila kërkoi ndihmën e SHBA-së në luftën kundër ISIS-it.

Që nga dhjetori i vitit 2021, kur ushtria amerikane njoftoi përfundimin e rolit të saj luftarak në vend, SHBA ka pasur afërsisht 2,500 trupa në Irak në një kapacitet këshillimi dhe ndihme.

Komanda Qendrore e Departamentit të Mbrojtjes të SHBA-së tha CNN se “deklarata e Ministrisë së Mbrojtjes së Irakut që tregonte dorëzimin ishte faktike”, pa dhënë detaje të mëtejshme.

Ndryshe, tërheqja vjen mes tensioneve rajonale midis SHBA-së dhe Iranit, ndërsa presidenti i SHBA-së, Donald Trump, shqyrton nëse do ta sulmojë Iranin mes protestave vdekjeprurëse në rrugë kundër regjimit autoritar të vendit.

Continue Reading

Botë

Tragjedi në Spanjë: 21 të vdekur nga përplasja e dy trenave

Published

15 hours ago

on

January 19, 2026

By

Të paktën 21 persona kanë vdekur në një përplasje treni në Spanjën jugore dhe kanë lënë dhjetëra të tjerë të plagosur, ndërsa autoritetet paralajmëruan se numri i të vdekurve mund të rritet në aksidentin më të keq hekurudhor të Spanjës në më shumë se një dekadë.

Vagonët e një treni që shkonte në Madrid dolën nga shinat dhe kaluan në shinat e kundërta, duke u përplasur me një tren që vinte përballë në Adamuz, pranë qytetit të Kordobës, raporton BBC.

Katërqind pasagjerë dhe staf ishin në të dy trenat, thanë rrjetet hekurudhore. Të paktën 24 persona u plagosën rëndë në përplasje, përfshirë katër fëmijë, sipas shërbimeve të emergjencës së Andaluzisë.

Ministri spanjoll i Transportit, Oscar Puente, e përshkroi incidentin si “jashtëzakonisht të çuditshëm”, ndërsa zyrtarët nisën një hetim.

Të gjithë ekspertët hekurudhorë të konsultuar nga qeveria “janë jashtëzakonisht të hutuar nga aksidenti”, u tha Puente gazetarëve në Madrid.

Operatori i rrjetit hekurudhor Adif tha se përplasja ndodhi rreth dhjetë minuta pasi treni u nis nga Malaga në orën 18:40 sipas kohës lokale (17:40 GMT) duke u drejtuar për në Madrid, pasi doli nga shinat në një pjesë të drejtë të binarit.

Forca e përplasjes i shtyu vagonët e trenit të dytë në një argjinaturë, tha Puente. Ai shtoi se shumica e të vrarëve dhe të plagosurve ishin në vagonët e përparmë të trenit të dytë, i cili po udhëtonte nga Madridi në Huelva.

Lloji i trenit të përfshirë në përplasje ishte një Freccia 1000, i cili mund të arrijë shpejtësi maksimale prej 400 km/orë (250 mph), tha një zëdhënës i kompanisë hekurudhore italiane Ferrovie dello Stato për agjencinë e lajmeve Reuters.

Ekipet e shpëtimit thanë se rrënojat e shtrembëruara të trenave e bënë të vështirë nxjerrjen e njerëzve të bllokuar brenda vagonëve.

Shefi i zjarrfikësve të Kordobës, Francisco Carmona, i tha transmetuesit publik spanjoll RTVE: “Madje na është dashur të nxjerrim një person të vdekur për të qenë në gjendje të arrijmë dikë të gjallë. Është punë e vështirë dhe e ndërlikuar.”

Continue Reading

Botë

Shtetet me më së shumti viktima në Luftën e Dytë Botërore

Published

4 days ago

on

January 16, 2026

By

Luftërat marrin gjithmonë shumë jetë njerëzish. Edhe sot. Por, disa luftëra viktimat i kanë me miliona. E tillë ishte Lufta e Dytë Botërore. Mizoritë e saj, lutemi të mos përsëriten e as të mos kalohen kurrë.

Le të shohim cilat shtete humbën më shumë njerëz dhe cili ishte numri i përafërt i viktimave:

1. Rusia: 25.285.000 viktima

2. Gjermania: 8.800.000

3. Kina: 7.850.000

4. Polonia: 5.800.000

5. India lindore: 4.000

6. Japonia: 3.100.000

7. India (nën britanikët): 2.500.000

8. Vietnami: 1.500.000

9. Jugosllavia: 1.000.000

10. Filipinet: 1.000.000

11. Rumania: 833.000

12. Greqia: 800.000

13. Hungaria: 580.000

14. Franca: 567.600

15. Koreja: 473.000

16. Italia: 457.000

17. Anglia: 450.700

18. SHBA: 418.500

19. Austria: 384.700

20. Çekosllovakia: 345.000

21. Holanda: 301.000

22. Malajzia: 100.000

23. Etiopia: 100.000

24. Finlanda: 97.000

25. Belgjika: 86.100

Continue Reading

Botë

Rastet më të rënda të vrasjeve (2015-2025)

Published

4 days ago

on

January 16, 2026

By

Jo vetëm në luftë ndodhin vrasja e krime të tjera makabre. Ndodhin edhe në rrethana të tjera, sulme terroriste, vrasës të çmendur që shtinë në këdo munden.

E raste të tilla nuk janë të pakta. Le të shohim cilat janë rastet më të rënda të kësaj natyre në periudhën midis viteve 2015-2025:

1. Las Vegas – SHBA (2017): 60 viktima

2. Zelandë e Re (2019) – 51 viktima

3. Orlando – SHBA (2016) – 49 viktima

4. Tajlandë (2020) – 30 viktima

5. Kanadë (2022) – 22 viktima

6. Shkolla Uvalde – SHBA (2022) – 21 viktima

7. Universiteti i Pragës (2023) – 14 viktima

8. Australi (2025) – 16 viktima

9. Hanau – Gjermani (2020) – 11 viktima

10. Bafallo – SHBA (2022) – 10 viktima

Continue Reading

Të kërkuara